Chapter 44

[English text for this chapter is available]

jaiminiruvāca |
atra vaḥ kathayiṣyāmi vrataṃ sāṃvatsaraṃ param |
saṃvatsarasyādidine paurṇamāsyāṃ tu phālgune || 1 ||
[Analyze grammar]

anādidevasya harermūrttayo dvādaśaiva yāḥ |
viṣṇvādināmaprathitāḥ pratimāsaṃ prapūjayet || 2 ||
[Analyze grammar]

ekaikāṃ mūrtimetāsāṃ māseṣu dvādaśasvapi |
pratyahaṃ pūjayetpuṣpaiḥ phalairdvādaśabhistathā || 3 ||
[Analyze grammar]

aśoko mallikā caiva pāṭalaṃ ca kadaṃbakam |
karavīraṃ jātipuṣpaṃ mālatīśatapatrakam || 4 ||
[Analyze grammar]

utpalaṃ caiva vāsaṃtī kuṃdaṃ punnāgakaṃ tathā |
etāni kramaśo dadyātkusumāni harermudā || 5 ||
[Analyze grammar]

dāḍimaṃ nārikelaṃ ca āmraṃ ca panasaṃ tathā |
kharjūraṃ tṛṇarājaṃ ca prācīnāmalakaṃ tathā || 6 ||
[Analyze grammar]

śrīphalaṃ nāgaraṃgaṃ ca kramukaṃ karamaṅgakam |
jātīphalaṃ ca kramaśaḥ phalānyetāni vai dadet || 7 ||
[Analyze grammar]

bhakṣyabhojyāni coṣyāṇi lehyāni madhurāṇi ca |
āsanādyupacārāṃśca dattvā stutvā jagadgurum || 8 ||
[Analyze grammar]

sarvavyāpiñjagannātha bhūtabhavyabhavatprabho |
trāhi māṃ puṃḍarīkākṣa viṣṇo saṃsārasāgarāt || 9 ||
[Analyze grammar]

ekārṇavajale raudre nirālaṃbe purā madhum || |
avadhīrviśvarakṣārtha madhusūdana rakṣa mām || 10 ||
[Analyze grammar]

trīnvikramānkramitvā yo hatvā daityabalaṃ mahat |
trailokyaṃ pālayāmāsa trivikrama namostu te || 11 ||
[Analyze grammar]

kṛtvā vāmanakaṃ rūpamṛgyajuḥsāmagarbhakam |
mohayitvādbhutaṃ rūpaṃ tasmai māyāvine namaḥ || 12 ||
[Analyze grammar]

yaḥ śriyaṃ dhārayennityaṃ hṛdi bhaktebhya eva ca |
dadātyapi śriyaṃ tasmai śrīdharāya namo'stu te || 13 ||
[Analyze grammar]

iṃdriyāṇāmadhiṣṭhātā yaḥ sarveṣāṃ sadā prabhuḥ |
sukhaikaheturbhaktānāṃ hṛṣīkeśa namo'stu te || 14 ||
[Analyze grammar]

yannābhipadmasaṃbhūtaṃ jagadetaccarācaram |
vidhāturāsanaṃ nityaṃ padmanābha namo'stu te || 15 ||
[Analyze grammar]

yasyaitattriguṇairbaddhaṃ jagadetaccarācaram |
dāmnā baddhaḥ sa gopyā tu dāmodara namo'stu te || 16 ||
[Analyze grammar]

trailokyaviplavakaraṃ hatavānkeśidānavam |
īśitā sarvasaukhyānāṃ trāhi keśava māṃ prabho || 17 ||
[Analyze grammar]

sraṣṭā sasarja bhūtāni jagatāmādikāraṇam |
aciṃtyamahimanviṣṇo nārāyaṇa namo'stu te || 18 ||
[Analyze grammar]

māyayā yasya viśvaṃ vai mohitaṃ yadanādyayā |
sarvadharmasvarūpāya mādhavāya namo namaḥ || 19 ||
[Analyze grammar]

jñānināṃ jñānagamyastvamagatīnāṃ gatipradaḥ |
saṃpūrṇamastu goviṃda tvatprasādādvrataṃ mama || 20 ||
[Analyze grammar]

pratimāsaṃ pūjanāṃte maṃtrairetaiḥ kṛtāṃjaliḥ |
prārthayetparayā bhaktyā bhajanāṃtaṃ janārdanam || 21 ||
[Analyze grammar]

evaṃ saṃvatsaraṃ nītvā vrataṃ vai mūrtipaṃjaram |
saṃpūrṇaphalasiddhyarthaṃ pratiṣṭhāvidhimācaret || 22 ||
[Analyze grammar]

suvarṇanirmitā viṣṇormūrtayo dvādaśaiva tu |
yathāśakti kṛtāḥ sthāpyāḥ kuṃbheṣu dvādaśasvapi || 23 ||
[Analyze grammar]

āmrapātrācchāditeṣu sākṣātteṣu pṛthakpṛthak |
śvetavastrāvanaddheṣu gaṃdhapallavavāriṣu || 24 ||
[Analyze grammar]

aṣṭadikṣu caturdikṣu sarvatobhadramaṃḍale |
sthāpanīyāśca te kuṃbhāsteṣu pūjyāśca mūrtayaḥ || 25 ||
[Analyze grammar]

dvādaśākṣaramaṃtreṇa upacāraiḥ pṛthakpṛthak |
paṃcāmṛtaiśca snapanaṃ sarveṣāmādito dvijāḥ || 26 ||
[Analyze grammar]

gītavāditranṛtyādyaistathā brāhmaṇapūjanaiḥ |
vastrayugmairdvādaśabhiśchatropānadyugaistathā || 27 ||
[Analyze grammar]

vyajanairudakuṃbhaiśca śayanīyaiḥ sapīṭhakaiḥ |
gaṃdhairmālyaiḥ sutāṃbūlairmudrikākuṃḍalaistathā || 28 ||
[Analyze grammar]

pradīpāḥ sarpiṣā jvālyā dvādaśadvādaśa kramāt |
nītvā triyāmāmitthaṃ vai prabhāte vahnikarma ca || 29 ||
[Analyze grammar]

samidājyacarūṇāṃ vai pratidevaṃ śatatrayam |
aṣṭottarasahasraṃ tu tilairvyāhṛtibhistataḥ || 30 ||
[Analyze grammar]

homāṃte prāśanaṃ kṛtvā dadyādācāryadakṣiṇām |
kapilā dhenavo deyāḥ sālaṃkārāśca dvādaśa || 31 ||
[Analyze grammar]

śataṃ catuścatvāriṃśadbrāhmaṇānbhojayettataḥ |
taddevavṛṃdaṃ saghaṭaṃ savitānaṃ sacāmaram || 32 ||
[Analyze grammar]

sarvopacārasahitamācāryāya nivedayet |
vratarājamimaṃ kṛtvā sarvānkāmānavāpnuyāt || 33 ||
[Analyze grammar]

guṃḍicādyāstu yā yātrā viṣṇordvādaśa kīrtitāḥ |
tāsāṃ darśanajaṃ puṇyaṃ vratenānena labhyate || 34 ||
[Analyze grammar]

aiṃdraṃ padaṃ sārvabhaumaṃ cakravartitvameva ca |
aṣṭaiśvaryamavāpnoti devadevaprasādataḥ || 35 ||
[Analyze grammar]

etanmahāpuṇyatamaṃ nāradaḥ kṛtavānvratam |
kṛtvā dvādaśa varṣāṇi jīvanmukto'bhavanmuniḥ || 36 ||
[Analyze grammar]

anye ca vaiṣṇavā ye vai cakruste bahuśaḥ purā || vrataṃ nātaḥ parataraṃ bhagavatprītikārakam || 37 ||
[Analyze grammar]

dharmyaṃ yaśasyamāyuṣyaṃ brāhmaṇyaṃ vaṃśavarddhanam |
bhavaṃto'pi yatātmānaḥ kurvaṃti vratamuttamam || 38 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye jyeṣṭhapaṃcakavratavarṇanaṃnāma catuścatvāriṃśo'dhyāyaḥ || 44 ||
[Analyze grammar]