Chapter 37

[English text for this chapter is available]

jaiminiruvāca |
ataḥ paraṃ pravakṣyāmi dakṣiṇāyanamuttamam |
saṃkrāṃteḥ pūrvakāle yāḥ kalā vai viṃśatirmatāḥ || 1 ||
[Analyze grammar]

ayanaṃ puṇyakālo'yaṃ puṇyakarmasu karmiṇām |
paṃcāmṛtaistatra devaṃ snāpayetsvāpavaddvijāḥ || 2 ||
[Analyze grammar]

sarvāṃgaṃ lepayedasyāgurukarpūracaṃdanaiḥ |
sugandha mālyālaṃkāraiścāruvastraiśca dīpakaiḥ || 3 ||
[Analyze grammar]

nānābhakṣyopahāraiśca pūjayetparameśvaram |
karpūrālatikāmuccairmukhābhyāśe harerdadet || 4 ||
[Analyze grammar]

dūrvāṃkurākṣatairnīrājanenātha pravandayet |
māṃgalyagītanṛttādyairnārī huluhulāṃ vadet || 5 ||
[Analyze grammar]

pūjitaṃ pūjyamānaṃ ca yaḥ paśyetpuruṣottamam |
pūjāśataguṇaṃ puṇyaṃ tasmai dadyājjanārdanaḥ || 6 ||
[Analyze grammar]

ayane dakṣiṇe tasminnarcyamānaṃ śriyaḥ patim |
vihāya sarvapāpāni viṣṇulokaṃ vrajaṃti te || 7 ||
[Analyze grammar]

svalpā vā mahatī yātrā sarvā muktipradā hareḥ |
tasmiṃstasmindine dṛṣṭo bhagavānmuktido dhruvam || 8 ||
[Analyze grammar]

viśvāsahetormūrkhāṇāṃ yātrā hyetāḥ kṛpāvatā |
viṣṇunā kathitā viprāḥ pāpināṃ kilbiṣāpahāḥ || 9 ||
[Analyze grammar]

āyāsajanitaṃ puṇyaṃ manyante ye narādhamāḥ |
lakṣmīpaterbhojanāya saṃskāryo'tra mahānasaḥ || 10 ||
[Analyze grammar]

vaiṣṇavāgniṃ samādhāya nirupya carumuttamam |
vaiśvadevaṃ prakurvīta bhagavatpākasādhanam || 11 ||
[Analyze grammar]

brahmaṇe vāstupataye prajānāṃ pataye tathā |
viṣṇave viśvakartre ca śucyagnau juhuyācchuciḥ || 12 ||
[Analyze grammar]

rājñā niyukta ācāryaḥ śrautasmārtakriyāparaḥ |
dvārapālapracaṃḍābhyāmaiśānyāṃ kṣetrapāline || 13 ||
[Analyze grammar]

dakṣiṇe ca virūpāya khagānāṃ pataye tathā |
durgāsarasvatībhyāṃ ca nairṛtyāṃ vinivedayet || 14 ||
[Analyze grammar]

mahālakṣmīmaheṃdrābhyāṃ prācyāṃ diśi baliḥ smṛtaḥ |
viṣṇu pāriṣadebhyo'tha paśūnāṃ pataye tathā || 15 ||
[Analyze grammar]

udīcyāṃ balidānaṃ tu nāradāyātha paścime |
āgneyyāmagnaye dadyādvāyavyāṃ viśvasākṣiṇe || 16 ||
[Analyze grammar]

pañcaśvasanarūpebhyo viśvakartre'tha madhyataḥ |
ādyaṃtayorjalaṃ dadyātpratyekaṃ balikarmaṇi || 37 ||
[Analyze grammar]

dattvā valiṃ tadagnau tu kārayetpākamuttamam |
saṃdhyātraye bhagavataḥ pūjāyai carukāraṇāt || 18 ||
[Analyze grammar]

carusaṃskārakāṃgāni bhakṣyabhojyādikāni vai |
na dīptānyojayettatra loke traivarṇiko nṛpaḥ || 19 ||
[Analyze grammar]

āryānpavitrāñchūdrānvā varṇāṃśca parisevakān |
laukikavyavahāro'yaṃ pacati śrīḥ svayaṃ dhruvam || 20 ||
[Analyze grammar]

bhuṃkte nārāyaṇo nityaṃ tayā pakvaṃ śarīravān |
amṛtaṃ taddhi naivedyaṃ pāpaghnaṃ mūrdhni dhāraṇāt || 21 ||
[Analyze grammar]

bhakṣaṇānmadyapānādimahāduritanāśanam |
āghrāṇānmānasaṃ pāpaṃ darśanāddṛṣṭijaṃ tathā || 22 ||
[Analyze grammar]

āsvādāttu kṛtaṃ pāpaṃ śrāvaṇaṃ ca vyapohati |
sparśanāttvakkṛtaṃ pāpaṃ mithyābhāṣaṇajaṃ tathā || 23 ||
[Analyze grammar]

gātralepāddahetpāpaṃ śārīraṃ vai na saṃśayaḥ || 24 ||
[Analyze grammar]

mahāpavitraṃ hi harerniveditaṃ niyojayedyaḥ pitṛdevakarmasu |
tṛpyaṃti tasmai pitaraḥ surāstathā prayāṃti lokaṃ madhusūdanasya te || 25 ||
[Analyze grammar]

nātḥ pavitraṃ vastvasti havyakavyeṣu bho dvijāḥ |
narāṇāṃ rūpamāsthāya tadaśnaṃti divaukasaḥ || 26 ||
[Analyze grammar]

abhimāno mahāṃstatra devadevasya cakriṇaḥ |
śveto nāma mahārājaḥ purā tretāyuge'bhavat || 27 ||
[Analyze grammar]

vratastho'pi mahābhaktiṃ cakāra puruṣottame |
indradyumnena racitabhogamātrānusārataḥ || 28 ||
[Analyze grammar]

bhogānprakalpayāmāsa pratyahaṃ śrīpatermudā |
bhakṣyabhojyānyanekāni ṣaḍrasāṃśca susaṃskṛtān || 29 ||
[Analyze grammar]

mālyāni ca vicitrāṇi sugaṃdhamanulepanam |
gītavāditranṛtyāni divyāni subahūni ca || 30 ||
[Analyze grammar]

rājopacārā bahuśo'vasare'vasare hareḥ |
bahuvittavyayāyāsa bhaktibhāvanirūpakāḥ || 31 ||
[Analyze grammar]

tattadvaiṣṇavaśāstroktacitrabhogāḥ pṛthagvidhāḥ |
kalpitāstena bhūpena vidvatpaṃkajabhānunā || 32 ||
[Analyze grammar]

prātaḥ pūjanavelāyāṃ hariṃ draṣṭuṃ jagāma saḥ |
kasmiṃściddivase rājā pūjyamānaṃ dadarśa tam || 33 ||
[Analyze grammar]

praṇamya devadevaṃ tu baddhāṃjalipuṭo mudā |
prāsādadvāranikaṭe tasthivānṛpasattamaḥ || 34 ||
[Analyze grammar]

dṛṣṭvā svayaṃ viracitānupacārānanuttamān |
upāyanasahasraṃ ca hareragre prakalpitam || 35 ||
[Analyze grammar]

ciṃtayāmāsa manasā kiṃciddhyānāvalaṃbitaḥ |
manuṣyakalpitaṃbhogaṃ grahīṣyati hariḥ kimu || 36 ||
[Analyze grammar]

devairdivyopacārairyo śakyate nārcanāvidhau |
mānasairupahārairyaṃ pūjayaṃti yatavratāḥ || 37 ||
[Analyze grammar]

bhāvaduṣṭo bahiryāgo na mude tasya niścitam |
itthaṃ saṃcitayanrājā divyāsanagataṃ vibhum || 38 ||
[Analyze grammar]

bhuṃjānamannapānāḍhyaṃ śriyā supariveṣitam |
divyasrajālaṃkṛtayā divyagaṃdhadukūlayā || 39 ||
[Analyze grammar]

anarghyaratnamaṃjīrasiṃjitena surālayam |
pūrayaṃtyā svarṇadarvyā dadatyā sādaraṃ rasān || 40 ||
[Analyze grammar]

bhagavatpratirūpaiśca bhuṃjānaiḥ pariveṣṭitam |
dṛṣṭvā kṛtārthamātmānaṃ manyamānastadadbhutam || 41 ||
[Analyze grammar]

pronmīlitākṣaḥ sa punaḥ prāgdṛṣṭaṃ samavaikṣata |
ataḥ prabhṛti rājāsau parāṃ nirvṛtimāptavān || 42 ||
[Analyze grammar]

niveditāśīrvratavāṃścacāra sumahattapaḥ |
akālamṛtyunāśāya svarājye mṛtamuktaye || 43 ||
[Analyze grammar]

maṃtrarājaṃ japannityaṃ śritānāṃ kalpapādapam |
dadarśa śatavarṣāṃte nṛhariṃ duritāpaham || 44 ||
[Analyze grammar]

yogāsanābjanilayaṃ vāmāṃgāvasthitaśriyam |
divyālaṃkṛtasarvāṃgaṃ sphaṭikāmalavigraham || 45 ||
[Analyze grammar]

tridaśaiḥ siddhamuktaiśca stūyamānaṃ smitānanam |
bhrāṃto vismayabhītibhyāṃ harṣagadgadayā girā |
prasīda nātheti lapanpapāta dharaṇītale || 46 ||
[Analyze grammar]

tapaḥkṛśaṃ taṃ praṇataṃ dṛṣṭvā manujakesarī |
akalmaṣaṃ kṣitipatiṃ vivakṣurbhaktavatsalaḥ || 47 ||
[Analyze grammar]

śrībhagavānuvāca |
uttiṣṭha vatsa bhaktyā te prasannaṃ viddhi māṃ prabhum |
mayi prasanne nālabhyaṃ varaṃ tatprārthyatāṃ bhavān || 48 ||
[Analyze grammar]

śrutvetthaṃ bhagavadvākyaṃ samuttasthau tato nṛpaḥ |
baddhāṃjalipuṭo namro bhaktyovāca janārdanam || 49 ||
[Analyze grammar]

śveta uvāca |
svāminyadi prasādaste mayi jātaḥ sudurlabhaḥ |
sārūpyamatha saṃprāpya sthāsyāmi tava sannidhau || 50 ||
[Analyze grammar]

sthāsye yāvannṛpatve'haṃ madrājye no janaḥ kvacit |
akāle mriyatāṃ jaṃtuḥ kāle cenmuktimāpnuyāt || 51 ||
[Analyze grammar]

tacchrutvā bhagavānprāha śvetarājānamuttamam || 52 ||
[Analyze grammar]

śveta te vāṃchitaṃ bhūyāttiṣṭha tvaṃ mama dakṣiṇe |
bhuktvā varṣasahasraṃ tu svarājyaṃ susamṛddhimat || 53 ||
[Analyze grammar]

mama nirmālyabhogena kṣīṇaśeṣāghasaṃcayaḥ |
sunirmalāṃtaḥkaraṇo matsāyujyamavāpsyasi || 54 ||
[Analyze grammar]

vaṭasāgarayormadhye muktisthāne sudurlabhe |
madīyā'dyāvatārasya viṣṇormatsyasvarūpiṇaḥ || 55 ||
[Analyze grammar]

saṃmukhīno vasa tvaṃ hi sphaṭikāmalavigrahaḥ |
khyātiṃ yāsyasi bhūrloke śvetamādhavasaṃjñayā || 56 ||
[Analyze grammar]

yuvayoraṃtarāle ye prāṇāṃstyakṣyaṃti mānavāḥ |
tiryaṃco'pi ca kīṭā vā dhruvaṃ te muktimāpnuyuḥ || 57 ||
[Analyze grammar]

amarā yatra maraṇamicchaṃti kimu mānavāḥ |
tavottarasyāṃ diśi yatsaraḥ pāpanibarhaṇam || 58 ||
[Analyze grammar]

tatra snātvā upaspṛśya tadīye dakṣiṇe taṭe |
ubhayordṛṣṭipūtaḥsaṃtyaktvā prāṇānvimucyate || 59 ||
[Analyze grammar]

āsamaṃtādidaṃ kṣetraṃ yatratatrāpi muktidam |
mūḍhātmanāṃ viśvasituṃ pradhānaṃ sthānamīritam || 60 ||
[Analyze grammar]

tava rājye tu ye lokā mama nirmālyabhojinaḥ |
mṛtirākālikī teṣāṃ na kadācidbhaviṣyati || 61 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye saptatriṃśo'dhyāyaḥ || 37 ||
[Analyze grammar]