Chapter 36

[English text for this chapter is available]

jaiminiruvāca |
ataḥ paraṃ pravakṣyāmi śayanotsavamuttamam |
āṣāḍhīmavadhiṃ kṛtvā hareḥ svāpastu karkaṭe || 1 ||
[Analyze grammar]

vārṣikāṃścaturo māsānyāvatsyātkārttikī dvijāḥ |
ayaṃ puṇyatamaḥ kālo harerārādhanaṃ prati || 2 ||
[Analyze grammar]

kāśyāṃ bahuyugaṃ vāsānniyamavratasaṃsthiteḥ |
phalaṃ yaduktaṃ tadvidyātkṣetre śrīpuruṣottame || 3 ||
[Analyze grammar]

cāturmāsyadinaikena vasataḥ sannidhau hareḥ |
vārṣikāṇāṃ caturṇāṃ tu yānyahāni vasannayet || 4 ||
[Analyze grammar]

puṇyakṣetre jagannāthasannidhau nirmalāṃtare |
pratyakṣaṃ vājimedhasya sahasrasya labhetphalam || 5 ||
[Analyze grammar]

snātvā siṃdhujale puṇye dṛṣṭvā śrīpuruṣottamam |
cāturmāsyavrate tiṣṭhanna śocati kutaścana || 6 ||
[Analyze grammar]

cāturmāsye nivasati kṣetre śrīpuruṣottame |
sākṣāddṛṣṭirbhagavatastaddvayaṃ muktisādhanam || 7 ||
[Analyze grammar]

tasmātsarvāṇi saṃtyajya śrautasmārttāni mānavaḥ |
prayatnānnivasetpuṇye kṣetre śrīpuruṣottame || 8 ||
[Analyze grammar]

bhogibhogāsane suptaścāturmāsyeṣu vai prabhuḥ |
sarva kṣetreṣu sānnidhyaṃ na karoti jagadguruḥ || 9 ||
[Analyze grammar]

atra sākṣānnivasati yathā vaikuṇṭhaveśmani |
dvādaśasvapi māseṣu bhagavānatra mūrtimān |
muktidaścakṣuṣā dṛṣṭaścāturmāsye viśeṣataḥ || 10 ||
[Analyze grammar]

aṣṭamāsanivāsena dṛṣṭvā viṣṇuṃ dine dine |
yadāpnoti phalaṃ taddhi cāturmāsyadinaikataḥ || 11 ||
[Analyze grammar]

cāturmāsyanivāsena kṣetre śrīpuruṣottame |
dinaṃ dinaṃ mahāpuṇyaṃ sarvakṣatranivāsajam |
phalaṃ dadāti bhagavānkṣetre varṣanivāsataḥ || 12 ||
[Analyze grammar]

sarvapāpaprasakto'pi sarvācāracyuto'pi ca |
sarvadharmabahirbhūto nivasetpuruṣottame || 13 ||
[Analyze grammar]

cāturmāsyamathekaṃ yaḥ kuryādvai pāpakṛnnaraḥ |
vihāya sarvapāpāni bahiraṃtaśca nirmalaḥ || 14 ||
[Analyze grammar]

narasiṃhaprasādena vaikuṇṭhabhavanaṃ vrajet || 15 ||
[Analyze grammar]

tasmānnaraḥ sarvabhāvairviṣṇoḥ śayanabhāvitān |
vārṣikāṃścaturo māsānnivasetpuruṣottame || 16 ||
[Analyze grammar]

kuryādanyanna vā kuryājjanmasāphalyamṛcchati || 17 ||
[Analyze grammar]

āṣāḍhaśuklaikādaśyāṃ kuryātsvāpamahotsavam |
maṇḍapaṃ racayettatra śayanāgāramuttamam || 18 ||
[Analyze grammar]

devasya purataḥ śayyāṃ ratnapalyaṃkikopari |
svāstīrya sopadhānāṃ tu mṛducīnottaracchadām || 19 ||
[Analyze grammar]

karpūradhūlivikṣiptāṃ sādhucaṃdrātapāṃ śubhām |
sarvato veṣṭitāṃ chidrarahitāṃ cadanokṣitām || 20 ||
[Analyze grammar]

sādhudvārāṃ samāṃ snigdhāṃ nānācitropaśobhitām |
ekaṃ svāpagṛhaṃ kṛtvā niśīthe pratimātrayam || 21 ||
[Analyze grammar]

sauvarṇaṃ rājataṃ vāpi rītijaṃ dārṣadaṃ tathā |
yathāśraddhaṃ prakurvīta praśastaṃ cottarottaram || 22 ||
[Analyze grammar]

tattrayāṇāṃ surāṇāṃ vai pādamūle yathātatham |
nidhāya pūjūyeddevāṃstaccheṣaṃ teṣu nikṣipet || 23 ||
[Analyze grammar]

pūjāṃte bhāvayedaikya teṣāṃ kṛṣṇādibhiḥ saha |
ehyehi bhagavandeva sarvalokaikajīvana || 24 ||
[Analyze grammar]

svāpārthaṃ caturo māsānsarvakalyāṇavṛddhaye |
iti saṃprārthya deveśāṃstadaṃgāttatsrajāṃ trayam || 25 ||
[Analyze grammar]

pratyarcāsu vinikṣipya māṃgalyastutigītibhiḥ |
nayecchayyāgṛhaddvāraṃ vāsayeddhaṭikātraye || 26 ||
[Analyze grammar]

paṃcāmṛtaiḥ snāpayettānpṛthakpalaśatādhikaiḥ |
sugandhacaṃdanairliptānvastrālaṃkaraṇādibhiḥ || 27 ||
[Analyze grammar]

pūjayitvā yathānyāyaṃ prāṃjalirmaṃtramuccaret |
jagadvandya jagannātha jagattrāṇaparāyaṇa || 28 ||
[Analyze grammar]

hitāya jagatāmīśa cāturmāsyānghanāgamān |
suptvā praśamayāriṣṭāñchakreṇa saha pūjitaḥ || 29 ||
[Analyze grammar]

ehyehi śayanāgāraṃ sukhamatra svapa prabho |
iti saṃprārthya deveśaṃ svāpayetpuruṣottamam || 30 ||
[Analyze grammar]

sudṛḍhaṃ bandhayeddvāraṃ viṣṇoḥ śayanaveśmanaḥ |
svāpayitvā jagannāthaṃ labhate sukhamuttamam || 31 ||
[Analyze grammar]

vārṣikāṃścaturo māsānprasupte vai janārdane |
vratairanekairniyamairmāsānvai caturaḥ kṣipet || 32 ||
[Analyze grammar]

kalpasthāyī viṣṇuloke naro bhakto bhaveddhruvam |
niyamavratāni gadataḥ śṛṇudhvaṃ munayo mama || 33 ||
[Analyze grammar]

maṃcakhaṭvādiśayanaṃ varjayedbhaktimānnaraḥ |
anṛtau na vrajedbhāryāṃ māsaṃ madhu paraudanam || 34 ||
[Analyze grammar]

paṭolaṃ mūlakaṃ caiva vārtākaṃ ca na bhakṣayet |
abhakṣyaṃ varjayeddūrānmasūraṃ sitasarṣapam || 35 ||
[Analyze grammar]

rājamāṣānkulatthāṃśca āśudhānyaṃ ca saṃtyajet |
śākaṃ dadhi payo māṣācchrāvaṇādau kramādimān || 36 ||
[Analyze grammar]

rājagopayatīṃstyaktvā nāroheccarmapāduke |
vārṣikāṃścaturo māsānavratena nayedyadi |
tasya pāpasya śāṃtyarthaṃ kārtike vā vratī bhavet || 37 ||
[Analyze grammar]

namaḥ kṛṣṇāya haraye keśavāya namonamaḥ |
namo'stu nārasiṃhāya viṣṇave pāpajiṣṇave || 38 ||
[Analyze grammar]

sāyaṃ prātardivāmadhye karmāṃteṣu ca yojayet || 39 ||
[Analyze grammar]

tasya pāpāni ghorāṇi citāni bahujanmasu |
nirdahatyeva sarvāṇi tūlarāśimivānalaḥ || 40 ||
[Analyze grammar]

ekāhāro yatāhāro viṣṇunirmālyabhojanaḥ |
āṣāḍhīmavadhiṃ kṛtvā kārtikyavadhi yo bhavet |
naktabhojī bhavedvāpi svargastasyālpakaṃ phalam || 41 ||
[Analyze grammar]

tailābhyaṃgaṃ divāsvāpaṃ mṛṣāvādaṃ ca varjayet |
āṣāḍhaśuklaikādaśyāṃ saṃkrāṃtau karkaṭasya vā || 42 ||
[Analyze grammar]

āṣāḍhyāṃ vā naro bhaktyā gṛhṇīyānniyamaṃ vratī |
sarvapāpaharaṃ devaṃ prapūjya madhusūdanam || 43 ||
[Analyze grammar]

tadagre pratisaṃkalpya vratārcanajapādikam |
prārthayetparamānandaṃ kṛtāṃjalipuṭo vratī || 44 ||
[Analyze grammar]

cāturmāsyavrataṃ deva gṛhītaṃ tvatprasādataḥ |
tava prasādānnirvighnaṃ siddhimāyātu keśava || 45 ||
[Analyze grammar]

vratesminyadyasaṃpūrṇe paralokagatirbhavet |
tanme bhavatusaṃpūrṇaṃ tvatprasādādadhokṣaja || 46 ||
[Analyze grammar]

iti saṃprārthya deveśaṃ pūrvoktaniyame sthitaḥ |
yāpayeccaturo māsānviṣṇvarpita matirvratī || 47 ||
[Analyze grammar]

pāraṇaṃ pratimāsāṃte prītyai kṛṣṇasya kārayet || 48 ||
[Analyze grammar]

miṣṭānnairbhojayedviprānpūjayitvā jagatpatim |
asamarthastu kārtikyāṃ pārayedvratamuttamam || 49 ||
[Analyze grammar]

tasyāṃ pūjya jagannāthaṃ vahnisthaṃ tarpayettataḥ |
dvijāgryānpāyasairmiṣṭairviṣṇubhaktyā prapūjayet || 50 ||
[Analyze grammar]

yathāśaktyā pradadyādvai kanakaṃ vastrameva ca |
aśaktaḥ kārtike māsi vrataṃ kuryātpuroditam || 51 ||
[Analyze grammar]

vrataṃ ca vividhaṃ viṣṇoḥ kṛcchracāṃdrāyaṇaṃ tathā || 52 ||
[Analyze grammar]

payaḥ pītvā nayedyastu śākāhāreṇa vā punaḥ |
bhuktvātra vipulānbhogānparaṃ nirvāṇamṛcchati || 53 ||
[Analyze grammar]

tatrāpi cedaśaktaḥ syādbhīṣmapaṃcakamuttamam |
prītaye devadevasya vanyavṛttirbhavedvratī || 54 ||
[Analyze grammar]

etadvrataṃ samākhyātaṃ bhagavatprītikārakam |
sarvapāpapraśamanaṃ viṣṇulokagatipradam |
dhanyaṃ yaśasyamāyuṣyaṃ sarvakāmaprasādhanam || 55 ||
[Analyze grammar]

munayaḥ proktametadvo rahasyaṃ śṛṇutāparam |
etadvratāni cānyāni vratāni sabahūni ca || 56 ||
[Analyze grammar]

bhagavadbhaktihīnānāṃ jānīdhvaṃ viphalāni vai |
phalaṃ mahākratūnāṃ yattīrthānāṃ phalamuttamam || 57 ||
[Analyze grammar]

dānānāṃ tapasāṃ caiva sāttvikānāṃ ca yatphalam |
ekayā viṣṇubhaktyā tatsamagraṃ phalamaśnute || 58 ||
[Analyze grammar]

ye paśyaṃti mahātmānaḥ śayanopsavamuttamam |
māturgarbhe na svapaṃti kārayaṃti ca ye maham || 59 ||
[Analyze grammar]

utsavāṃte vrataṃ cedaṃ pratijñāya tadagrataḥ |
paryāptaṃ pārayitvā tu brahmaloke mahīyate || 60 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye ṣaṭtriṃśo'dhyāyaḥ || 36 ||
[Analyze grammar]