Chapter 25

[English text for this chapter is available]

jaiminiruvāca |
ityukte nāradaḥ so'tha yathāśāstraṃ vicārya vai |
ālekhya kramaśaḥ patre rājñe tasmai nyavedayat || 1 ||
[Analyze grammar]

rājāpi patraṃ tacchutvā so'vadhārya punaḥpunaḥ |
pradadau padmanidhaye likhitānyatra yāni vai || 2 ||
[Analyze grammar]

saṃpādaya padmanidhe śālāṃ svarṇamayīṃ kuru |
brahmaṇaḥ sadanaṃ divyaṃ brahmarṣīṇāṃ ca nirmalam || 3 ||
[Analyze grammar]

iṃdrādīnāṃ surāṇāṃ ca siddhānāṃ martyavāsinām |
munīṃdrāṇāṃ nivāsāya rājñāṃ pātālavāsinām || 4 ||
[Analyze grammar]

tathā ca nāgarājānāṃ nidhe trailokyavāsinām |
yathāyogyāsanairyuktaṃ gṛhaṃ gṛhamataṃdritaḥ || 5 ||
[Analyze grammar]

kārayāśu nidhe dravyasaṃbhāraṃ yāvadeva tu |
viśvakarmāpi ca tava sāhāyyaṃ racayiṣyati || 6 ||
[Analyze grammar]

ityādiśaṃtaṃ sa muniriṃdradyumnamuvāca vai |
saṃbhārānpṛthagetaddhi karttavyaṃ vyavadhānataḥ || 7 ||
[Analyze grammar]

svarṇaiḥ sughaṭitaṃ sādhurathatrayamalaṃkṛtam |
dukūlaratnamālādyairbahumūlyairdṛḍhaṃ mahat || 8 ||
[Analyze grammar]

śrīvāsudevasya ratho garuḍadhvajacihnitaḥ |
padmadhvajaḥ subhadrāyā rathamūrddhani dhāryatām || 9 ||
[Analyze grammar]

rathaḥ ṣoḍaśacakrastu viṣṇoḥ kāryaḥ prayatnataḥ |
caturdaśa balasyaiva subhadrāyāstu dvādaśa || 10 ||
[Analyze grammar]

hastaṣoḍaśavistāro rathaścakradharasya tu |
caturdaśa balasyaiva subhadrāyāstu dvādaśa || 11 ||
[Analyze grammar]

āsanaṃ jagatāṃ bhūyaḥ svayaṃ svāsanavigrahaḥ |
tadyāne jagatāṃ nāśastato yānaṃ na vidyate || 12 ||
[Analyze grammar]

paśyeccarācaraṃ viśvaṃ jñānādaśa sunirmale |
sthito hastatale nityaṃ nirmalastasya darpaṇaḥ || 13 ||
[Analyze grammar]

talasthatvādasau tālaḥ sadā tenāṃkitaḥ prabhuḥ |
tataḥ sa eva śeṣasya balabhadrāvatāriṇaḥ || 14 ||
[Analyze grammar]

athavā sīriṇaḥ kāryaṃ sīrameva dhvajottamam |
dhvajaḥ sunirmalaḥ kāryastasmāttāladhvajo mataḥ || 15 ||
[Analyze grammar]

na vāsitavyo devo'sāvapratiṣṭhe rathe nṛpa |
prāsāde maṃḍape vāpi pure tanniṣphalaṃ bhavet || 16 ||
[Analyze grammar]

tasmātpratiṣṭhā prathamaṃ hareḥ kāryā rathasya vai |
saṃbhāraḥ kriyatāṃ tasya hyanuṣṭheyā mayā tu sā || 17 ||
[Analyze grammar]

ityājñāṃ matpiturlabdhvā śīghramāyāmyahaṃ nṛpa |
tasya tadvacanaṃ śrutvā ghaṭitaṃ syaṃdanatrayam || 18 ||
[Analyze grammar]

nidhisaṃpāditairdravyairekāhnādviśvakarmaṇā |
svakṣaṃ sucakraṃ sustaṃbhaṃ suvistīrṇaṃ sutoraṇam || 19 ||
[Analyze grammar]

sudhvajaṃ supatākaṃ ca nānācitramanoharam |
vicitrabaṃdhamithunaputtalīvalayānvitam || 20 ||
[Analyze grammar]

arddhahāṭakanirvyūḍhaṃ sākṣādravirathopamam |
meghagaṃbhīranirghoṣaṃ dṛṣṭvā karṣaguṇairyutam |
vātaraṃhohayairyuktaṃ śatasaṃkhyaiḥ sitaprabhaiḥ || 21 ||
[Analyze grammar]

yathāśāstravidhānena nāradena pratiṣṭhitam |
sulagne sumuhūrte ca sutithau jyotiṣodite || 22 ||
[Analyze grammar]

munaya ūcuḥ |
bhagavañjaimine brūhi sarvajñosi mato hi naḥ || 23 ||
[Analyze grammar]

vidhinā kena hi rathaḥ pratiṣṭhāpyo harerayam |
yathāvadvada no yena jānīmo vidhivistaram || 24 ||
[Analyze grammar]

jaiminiruvāca |
yathā pratiṣṭhitaṃ tena nāradena mahātmanā |
tadvo vadiṣyāmi vidhiṃ yathā dṛṣṭaṃ purā mayā || 25 ||
[Analyze grammar]

rathasyeśānadigbhāge śālāṃ kṛtvā suśobhanām |
tanmadhye maṇḍapaṃ kṛtvā vediṃ tatra sunirmalām || 26 ||
[Analyze grammar]

caturasrā caturhastamitāṃ hastocchritāṃ dvijāḥ |
pratiṣṭhāpūrvadivase rātrāvuttarataḥ śubhe || 27 ||
[Analyze grammar]

muhūrte svasti vācyātha kārayedaṃkurārpaṇam |
dvātriṃśaddevatābhyaśca baliṃ dattvā yathāvidhi || 28 ||
[Analyze grammar]

prātastato vedikāyāṃ madhye maṇḍalamālikhet |
padmaṃ vā svastikaṃ vāpi kumbhaṃ tatra nidhāpayet || 29 ||
[Analyze grammar]

pañcadrumakaṣāyaṃ ca tanmadhye pūrayetsudhīḥ |
gaṃgādipuṇyatoyāni pallavānsa samṛttikāḥ || 30 ||
[Analyze grammar]

sarvagaṃdhānpañcaratnasarvauṣadhigaṇaṃ tathā |
pūrayitvā vidhānena ācāryaḥ prāṅmukhaḥ śuciḥ || 31 ||
[Analyze grammar]

viṣṇuṃ smaranpaṃcagavyaṃ paścādapi prapūrayet |
dukūlaveṣṭitaṃ kaṇṭhe mālyairgaṃdhaiḥ suśobhanaiḥ || 32 ||
[Analyze grammar]

phalapallavasaṃyuktaṃ kṛtakautukamaṃgalam |
pūrayettatra deveśaṃ narasiṃhamanāmayam || 33 ||
[Analyze grammar]

maṃtrarājenavidhivadupacāraistathāṃtaraiḥ |
prārthayitvā prasādāya tasminnāvāhya taṃ harim || 34 ||
[Analyze grammar]

bāhyopacārairvividhaiḥ pūjayedvidhivaddvijāḥ |
vāyavyāṃ tasya kumbhasya samidājyacaruṃ tathā || 35 ||
[Analyze grammar]

aṣṭottarasahasraṃ ca juhuyādvidhivadguruḥ |
saṃpātānprāpayettatra kumbhamadhye tadantataḥ || 36 ||
[Analyze grammar]

rathaṃ suśobhanaṃ kṛtvā patākāgaṃdhamālyakaiḥ |
sarvāṃgaṃ secayettasya gaṃdhacandanavāribhiḥ || 37 ||
[Analyze grammar]

dhūpayetkālāguruṇā śaṃkhakāhālanisvanaiḥ |
dhvaje tasya nṛsiṃhasya pratiṣṭhāpya samīraṇam || 38 ||
[Analyze grammar]

pūjayitvā vidhānena raktasraggaṃdhamālyakaiḥ |
imaṃ maṃtraṃ samuccārya suparṇaṃ prārthayettataḥ || 39 ||
[Analyze grammar]

yo viśvaprāṇahetustanurapi ca hareryānaketusvarūpoyaṃ saṃcityaiva sadyaḥ svayamuragavadhūvargagarbhāḥ pataṃti |
caṃcaccaṇḍorutuṃḍatruṭita phaṇivasāraktapaṃkāṃkitāsyaṃ vande chandomayaṃ taṃ khagapatimamalaṃ svarṇavarṇaṃ suparṇam || 40 ||
[Analyze grammar]

brahmaghoṣaiḥ śaṃkhanādairnānāvādyasuvistaraiḥ |
rathamūrdhni sthāpayettaṃ cārusūktaṃ samuccaran || 41 ||
[Analyze grammar]

tasyopariṣṭāttaṃ kumbhaṃ samaṃtātplāvayanratham |
triruccaranmaṃtrarājaṃ secayedbrahmaṇā saha || 42 ||
[Analyze grammar]

tataḥ pūrṇāhutiṃ dattvā brahmaṇe dakṣiṇāṃ dadet |
ācāryaṃ dakṣiṇāṃ dadyādyena tuṣyati tadguruḥ || 43 ||
[Analyze grammar]

brāhmaṇānbhojayedante pāyasairmadhusarpiṣā |
dvādaśākṣaramaṃtreṇa balabhadrasya kārayet || 44 ||
[Analyze grammar]

lāṃgalaṃ ca paviravanmaṃtraḥ syāllāṃgaladhvaje |
athavā dviṣaḍvarṇopi mūlamantraḥ prakīrtitaḥ || 45 ||
[Analyze grammar]

lakṣmīsūktena bhadrāyāḥ pratiṣṭhāpyo rathastathā |
nābhihradānmurārestvaṃ brahmāṃḍāvalirūpadhṛk || 46 ||
[Analyze grammar]

āsanaṃ caturāsyasya śriyo vāsa sthiro bhava |
ima mantraṃ samuccārya dhvajapadmaṃ samucchrayet || 47 ||
[Analyze grammar]

iyānviśeṣo haviṣā trayāṇāṃ ca pṛthakpṛthak |
paṃcapaṃcabhirhotavyamekaikaṃ tu vibhāgaśaḥ || 48 ||
[Analyze grammar]

itthaṃ rathānpratiṣṭhāpya suvarṇaṃ gāṃ ca vastrakam |
dhānyaṃ ca dakṣiṇāṃ dadyātsamyagdevasya bhaktitaḥ || 49 ||
[Analyze grammar]

evaṃ pratiṣṭhite tatra syaṃdane'tha subhūṣite |
āropya devaṃ vidhivadbrahmaghoṣapuraḥsaram || 50 ||
[Analyze grammar]

jayamaṃgalaśabdaiśca nānāvādyapuraḥsaraiḥ |
cāmarāṃdolanairdhūpaiḥ puṣpavṛṣṭibhireva ca || 51 ||
[Analyze grammar]

brāhmaṇaiḥ kṣatriyairvaiśyairnīyate sma rathaṃ prati |
hayaiḥ sulakṣaṇairdāṃtairbalīvardairathāpi vā || 52 ||
[Analyze grammar]

puruṣairviṣṇubhaktairvā netavyā hyapramādataḥ |
prīṇayitvā janaṃ sarvaṃ bhakṣyabhojyādilepanaiḥ || 53 ||
[Analyze grammar]

rathasyopari devebhyo balimantreṇa bho dvijāḥ |
baliṃ gṛhṇantu bho devā ādityā vasavastathā || 54 ||
[Analyze grammar]

marutaścāśvinau rudrāḥ suparṇāḥ pannagā grahāḥ |
asurā yātudhānāśca rathasthāścaiva devatāḥ || 55 ||
[Analyze grammar]

dikpālā lokapālāśca ye ca vighnavināyakāḥ |
jagataḥ svasti kurvaṃtu divyā maharṣayastathā || 56 ||
[Analyze grammar]

avighnamācaraṃtvete mā saṃtu paripaṃthinaḥ |
saumyā bhavaṃtu tṛptāśca daityā bhūtagaṇāstathā || 57 ||
[Analyze grammar]

tatastu nīyate devaḥ samabhūmau samuccaran |
maṃtraṃ vaiṣṇavagāyatrīṃ viṣṇoḥ sūktaṃ pavitrakam || 58 ||
[Analyze grammar]

vāmadevyaiḥ pavitraiśca mānastokyai rathaṃtaraiḥ |
tataḥ puṇyāhaghoṣeṇa kṛtavāditraniḥsvanam || 59 ||
[Analyze grammar]

śanaiḥ śanairatho neyo rathaḥ snehāttu cakriṇaḥ |
tatrotpātānpravakṣyāmi rathetra dvijasattamāḥ || 60 ||
[Analyze grammar]

īṣābhaṃge dvijabhayaṃ bhagne'kṣe kṣatriyakṣayaḥ |
tulābhaṃge vaiśyanāśaḥ śamyā śūdrabhayaṃ bhavet || 61 ||
[Analyze grammar]

dhurābhaṃge tvanāvṛṣṭiḥ pīṭhabhaṃge prajābhayam |
paracakrāgamaṃ vidyāccakrabhaṃge rathasya tu || 62 ||
[Analyze grammar]

dhvajasya patane viprā nṛpo'nyo jāyate dhuvam |
pratimābhaṃgatāyāṃ tu rājño maraṇamādiśet || 63 ||
[Analyze grammar]

paryaste tu rathe viprāḥ sarvajānapadakṣayaḥ |
utpanneṣvevamādyeṣu utpāteṣvaśubheṣu ca || 64 ||
[Analyze grammar]

balikarma punaḥ kuryācchāṃtihomaṃ tathaiva ca |
brāhmaṇānbhojayedbhūyo dadyādvānnāni caiva hi || 65 ||
[Analyze grammar]

pūrvottare ca digbhāge rathasyāgniṃ prakalpayeta |
samidbhirghṛtamadhvājyamūlāgrābhiśca homayet || 66 ||
[Analyze grammar]

pālāśābhirdvijaśreṣṭhā maṃtrarājena dīkṣitaḥ |
somāyāgnaye prajābhyaḥ prajānāṃ pataye tathā || 67 ||
[Analyze grammar]

grahebhyaśca brahmaṇe ca dikpālebhyastadaṃtataḥ |
yatra yatra rathe doṣāstatra tatra ca dīkṣitaḥ || 68 ||
[Analyze grammar]

juhuyātpratiṣṭhāmaṃtreṇa viśeṣaḥ sarvato bhavet |
brāhmaṇaiḥ sahitaḥ kuryāddhomāṃte śāṃtivācanam || 69 ||
[Analyze grammar]

svasti bhavatu viprebhyaḥ svastirājñe'stu nityaśaḥ |
gobhyaḥ svasti prajābhyastu jagataḥ śāṃtirastu vai || 70 ||
[Analyze grammar]

svastyastu dvipade nityaṃ śāṃtirastu catuṣpade |
śaṃ prajābhyastathaivāstu śaṃ tathātmani cāstu naḥ || 71 ||
[Analyze grammar]

śāṃtirastu ca devasya bhūrbhuvaḥ svaḥ śivaṃ tathā |
śāṃtirastu śivaṃ cāstu sarvataḥ svastirastu naḥ || 72 ||
[Analyze grammar]

tvaṃ deva jagataḥ sraṣṭā poṣṭā caiva tvameva hi |
prajāḥ pālaya deveśa śāṃtiṃ kuru jagatpate || 73 ||
[Analyze grammar]

yātrākāraṇabhūtasya puruṣasya ca bhūpate |
duṣṭāngrahāṃstu vijñāya grahaśāṃtiṃ samācaret || 74 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye pañcaviṃśo'dhyāyaḥ || 25 ||
[Analyze grammar]