Chapter 7

[English text for this chapter is available]

atha dharaṇīdevyai bakulamālikāniveditaśrīnivāsodantaḥ |
dharaṇyuvāca |
kaiṣā bata varā kanyā yuṣmābhiḥ saṃgatā kutaḥ |
kimarthamāgatā ceha pūjyaiṣā pratibhāti me || 1 ||
[Analyze grammar]

kanyakā ūcuḥ |
eṣā divyāṅganā devī tvayi kāryārthamāgatā |
devālaye saṅgateyamasmābhiḥ śivasannidhau || 2 ||
[Analyze grammar]

pṛṣṭāvadacca bhavatīṃ draṣṭumevāgateti vai |
śakyā draṣṭuṃ rājagṛhe mayā rājñī sukhena vā || 3 ||
[Analyze grammar]

evaṃ pṛṣṭāstato brūmaḥ sahāsmābhiśca gamyatām |
vayaṃ tu dharaṇīdāsyo gamiṣyāmo nṛpālayam || 4 ||
[Analyze grammar]

ityuktāsmābhirāyātā tvatsamīpaṃ vasundhare |
bhavatyā pṛcchayatāmeṣā kimityāgamanaṃ tava || 5 ||
[Analyze grammar]

śrīvarāha uvāca |
iti tāsāṃ vacaḥ śrutvā tāmapṛcchadvasundharā || 6 ||
[Analyze grammar]

dharaṇyuvāca |
kutastvamāgatā devi kiṃ vā kāryaṃ mayā tava |
brūhi satyaṃ kariṣyāmi tvadāgamanakāraṇam || 7 ||
[Analyze grammar]

bakulamālikovāca |
veṅkaṭādreḥ samāyātā nāmnā bakulamālikā || 8 ||
[Analyze grammar]

svāmī nārāyaṇo'smākamāste śrīveṃkaṭācale |
kadāciddhayamāruhya haṃsaśuklaṃ manojavam || 9 ||
[Analyze grammar]

mṛgayārthaṃ gato rājño veṃkaṭādreḥ samīpataḥ |
vanāni vicarankāle śobhane kusumākare || 10 ||
[Analyze grammar]

paśyanmṛgāngajānsiṃhāngavayāñcharabhānrurūn |
śukānpārāvatānhaṃsānpatriṇo'nyānvanāntare || 11 ||
[Analyze grammar]

gajarājaṃ tatra kañcidyūthapaṃ madavarṣiṇam |
kareṇusahitaṃ tuṃgamanvagacchatsurottamaḥ || 12 ||
[Analyze grammar]

atha śrīnivāsoktyā śaṃkhanṛpasya svāmitīrthe tapaḥkaraṇam |
vanādvanāntaraṃ gatvā nṛpaṃ śaṃkhamupāgamat |
tapasyantaṃ bṛhacchaile pratiṣṭhāpya janārdanam || 13 ||
[Analyze grammar]

śrībhūmisahitaṃ nityamarcayantaṃ ca bhaktitaḥ |
śaṃkhanāgabilaṃnāma saraḥ pāvanamuttamam || 14 ||
[Analyze grammar]

tatsarastīramāsādya turaṃgādavaruhya ca |
rājaveṣaṃ samāsādya tamapṛcchannṛpottamam || 15 ||
[Analyze grammar]

kriyate kiṃ nṛpaśreṣṭha pāde'smiccheṣabhūbhṛtaḥ || 16 ||
[Analyze grammar]

śaṃkha uvāca |
ahaṃ haihayadeśīyaḥ putraḥ śvetasya bhūbhṛtaḥ |
mahāviṣṇoḥ prītaye'tra kṛtavānakhilānkratūn || 17 ||
[Analyze grammar]

adarśanānmahāviṣṇornirviṇṇohaṃ nṛpātmaja |
tadānīmavadaddivyā vāṇī sarvārttināśinī || 18 ||
[Analyze grammar]

rājannātra bhaviṣyāmi pratyakṣaste vacaḥ śṛṇu |
gaccha nārāyaṇādriṃ tvaṃ tapaḥ kurviti māṃ sphuṭam || 19 ||
[Analyze grammar]

tato deśamahaṃ tyaktvā tapasā'rādhayāmyaham |
atra devaṃ nṛpāciṃtyaṃ pratiṣṭhāpya śriyaḥ patim || 20 ||
[Analyze grammar]

agastyānugrahānnityamarcayāmi vidhānataḥ |
iti tasya vacaḥ śrutvā sotprāsaṃ prāha taṃ vibhuḥ || 21 ||
[Analyze grammar]

gaccha nārāyaṇādriṃ tvamasya pāde kimāsyate |
āruhyānena mārgeṇa paścime śikhare sthitam || 22 ||
[Analyze grammar]

praṇamya viṣvaksenaṃ tvaṃ bālaṃ nyagrodhamūlataḥ |
svāmipuṣkariṇīṃ gatvā snātvā tīre'tha paścime || 23 ||
[Analyze grammar]

aśvatthaṃ tatra valmīkaṃ drakṣyase nṛpanandana |
tayormadhyaṃ samāsādya tapaḥ kurvityacodayat || 24 ||
[Analyze grammar]

kaścicchveto varāho'sminvalmīke carati dhuvam |
sa tu puṇyavatāmeva darśanaṃ yāti bhūpate || 25 ||
[Analyze grammar]

śrīvarāha uvāca |
ityādiśya hayārūḍho jagāma mṛgayāṃ vibhuḥ |
caranvanādvanaṃ subhrūḥ samāsādyāraṇīṃ nadīm || 26 ||
[Analyze grammar]

avaruhya hayāttatra vicacāra taṭe śubhe |
vanāntādāgato vāyuḥ padmakahlāraśītalaḥ |
śramāpanayano mandaṃ siṣeve puruṣottamam || 27 ||
[Analyze grammar]

taravaḥ puṣpavarṣāṇi vikirantaḥ siṣevire |
evaṃ sa vicarandevaḥ puṣpabhārānatāṃstarūn || 28 ||
[Analyze grammar]

vicinvangajarājaṃ taṃ puṣpalāvīrdadarśa ha |
kanyāḥ suveṣā rucirā megheṣviva śatahradāḥ || 29 ||
[Analyze grammar]

tāsāṃ madhyagatāṃ tanvīṃ dadarśātimanoharām |
lakṣmīsamāṃ hemavarṇāṃ tasyāṃ saktamanā abhūt || 30 ||
[Analyze grammar]

tāṃ gṛdhnurāha tāḥ kanyāḥ keyamityeva pūruṣaḥ |
uktastābhiriyaṃ kanyā viyadrājño mahābala || 31 ||
[Analyze grammar]

idaṃ śrutvā vacastāsāṃ hayamāruhya vegavān |
ājagāmāśu bhagavānsvālayaṃ ruciraṃ girim || 32 ||
[Analyze grammar]

tatra svālayamāsādya svāmipuṣkariṇītaṭe |
māmāhūyāvadaddevo halā bakulamālike || 33 ||
[Analyze grammar]

viyadrājapuraṃ gatvā praviśyāntaḥpuraṃ sakhi |
tatpatnīṃ dharaṇīṃ prāpya pṛṣṭvā kuśalameva ca || 34 ||
[Analyze grammar]

yācasva tanayāṃ tasyā rucirāṃ kamalālayām |
rājñobhimatamājñāya śīghramāgaccha bhāmini || 35 ||
[Analyze grammar]

itthaṃ daivena cājñaptā devi tvadgṛhamāgatā |
yathocitaṃ kuruṣveha rājñā maṃtriyutena ca || 36 ||
[Analyze grammar]

atha bakulamālikoktyā dharaṇyādikṛtavivāhaniścayaḥ |
kanyayā ca vicāryaiva procyatāmuttaraṃ vacaḥ || 37 ||
[Analyze grammar]

śrīvarāha uvāca |
atha tasyā vacaḥ śrutvā prītā rājñī babhūva ha |
āhūyākāśarājaṃ tamupetya kamalālayām || 38 ||
[Analyze grammar]

maṃtrimadhye'vadaddevī vacanaṃ bakulasrajaḥ || śru |
tvā prīto'vadadrājā maṃtriṇaḥ sapurohitān || 39 ||
[Analyze grammar]

ākāśarāja uvāca |
kanyā tvayonijā divyā subhagā kamalālayā |
arthitā devadevena veṃkaṭādrinivāsinā || 40 ||
[Analyze grammar]

pūrṇo manoratho me'dya brūta kiṃ saṃmataṃ tu vaḥ |
śrutvā maṃtrigaṇāḥ sarve rājño vacanamuttamam || 41 ||
[Analyze grammar]

procuḥ suprītamanaso viyadrājaṃ mahīpatim |
vayaṃ kṛtārthā rājendra kulaṃ sarvonnataṃ bhavet || 42 ||
[Analyze grammar]

bhavatkanyeyamatulā śriyā saha ramiṣyati |
dīyatāṃ devadevāya śārṅgiṇe paramātmane || 43 ||
[Analyze grammar]

ayaṃ vasantaḥ śrīmāṃśca śubhaṃ śīghraṃ vidhīyatām || 44 ||
[Analyze grammar]

atha bṛhaspatyuktyā vivāhalagnasthirīkaraṇam |
āhūya dhiṣaṇaṃ lagnaṃ vivāhārthaṃ vidhīyatām || 45 ||
[Analyze grammar]

tathāstvityāhvayāmāsa suralokādbṛhaspatim |
papraccha kanyāvarayorvivāhārthaṃ nareśvaraḥ || 46 ||
[Analyze grammar]

rājovāca |
kanyāyā janmanakṣatraṃ mṛgaśīrṣamiti smṛtam |
devasya śravaṇarkṣantu tayoryogo vicāryatām || 47 ||
[Analyze grammar]

śrutvā'bravītsa dhiṣaṇastayoruttaraphalgunī |
saṃmatā sukhavṛddhyarthaṃ procyate daivaciṃtakaiḥ || 48 ||
[Analyze grammar]

tayoruttaraphalgunyāṃ vivāhaḥ kriyatāmiti |
vaiśākhamāse vidhivatkriyatāmiti so'bravīt || 49 ||
[Analyze grammar]

śrīvarāha uvāca |
rājā tu dhiṣaṇaṃ tatra saṃpūjyātha visṛjya ca |
devasya dūtikāmāha gaccha devālayaṃ śubhe || 50 ||
[Analyze grammar]

vaiśākhe devadevāya kalyāṇaṃ vada suvrate |
vaivāhikavidhānaṃ tu kṛtvā cāgamyatāmiti || 51 ||
[Analyze grammar]

tato devyāḥ priyakaraṃ śukaṃ dūtaṃ tayā saha |
visṛjya vāyuṃ svasutamindrādyānayane'sṛjat || 52 ||
[Analyze grammar]

atha viśvakarmādikṛtapurālaṃkārādikramaḥ |
āhūya viśvakarmāṇaṃ purālaṃkārakarmaṇi |
niyojayāmāsa so'pi nirmame nimiṣāṃtarāt || 53 ||
[Analyze grammar]

indro'sṛjatpuṣpavṛṣṭiṃ nanṛtuścāpsarogaṇāḥ |
dhanado dhanadhānyādyaiḥ pūrayāmāsa veśma tat || 54 ||
[Analyze grammar]

yamastu rogarahitāṃścakāra manujānbhuvi |
varuṇo ratnajālāni mauktikādīnyapūrayat || 55 ||
[Analyze grammar]

evaṃ saṃpādya sarvāṇi yayurdevā vṛṣācalam || 56 ||
[Analyze grammar]

atha śukena saha bakulāyāḥ śrīnivāsasamīpe gamanam |
śrīvarāha uvāca |
tataḥ sā hayamāruhya śukena sahitā yayau |
śrīveṃkaṭādrimāsādya devālayasamīpataḥ || 57 ||
[Analyze grammar]

avaruhya turaṃgātsā saśukā'bhyantaraṃ yayau |
dṛṣṭvā devaṃ ratnapīṭhe śriyā saha sulocanam || 58 ||
[Analyze grammar]

praṇamya hyavadatprītā kṛtyaṃ tatra kṛtaṃ vibho |
māṃgalyavārtāṃ vaktuṃ vai śuka eṣa samāgataḥ || 59 ||
[Analyze grammar]

atha śrīnivāsāya śukāvedita padmāvatīpariṇayavṛttāntaḥ |
vadeti devenājñaptaḥ śuko natvā tamabravīt |
śuka uvāca |
tvāṃ pratyāha sutā bhūmermāmaṃgīkuru mādhava || 60 ||
[Analyze grammar]

vadāmi tava nāmāni smarāmi tvadvapussadā |
dhriyante tava cihnāni bhujādyaṃgai ramāpate || 61 ||
[Analyze grammar]

tvadbhaktānarcayāmīha paṃcasaṃskārasaṃyutān |
tvatprītaye hi karmāṇi karomi madhusūdana || 62 ||
[Analyze grammar]

evaṃ sadaivācaraṃtyāḥ pitroranumate mama |
kuru prasādaṃ deveśa māmaṃgīkuru mādhava || 63 ||
[Analyze grammar]

iti vijñāpayāmāsa kamalasthā dharāsutā |
śukasya vacanaṃ śrutvā supriyaṃ tvātmano hariḥ || 64 ||
[Analyze grammar]

atha padmāvatyāḥ śukadattaśrīnivāsamālādhāraṇam |
śrībhagavānuvāca |
kartuṃ kalyāṇamudvāhamāgamiṣyāmi cā'maraiḥ |
śuka gaccha vadaivaṃ tāmitthaṃ devo'bravīditi || 65 ||
[Analyze grammar]

śukaḥ śrutvā devavākyamādāya vanamālikām |
devadattāṃ yayau śīghraṃ viyadrājasutāṃ prati || 66 ||
[Analyze grammar]

tulasīmālikāṃ dattvā mṛganābhisugaṃdhinīm |
praṇamya devīmavadacchuko devavacaḥ śubham || 67 ||
[Analyze grammar]

śrutvā tanmālikāṃ gṛhya bhūmijā śirasā dadhau |
cakre'laṃkāramucitaṃ devāgamanakāṃkṣiṇī || 68 ||
[Analyze grammar]

viyadrājo'pi sānandamindumāhūya sādaram |
annaṃ vidhīyatāṃ rājanvividhaṃ rasasaṃyutam || 69 ||
[Analyze grammar]

viṣṇornaivedyayogyaṃ yatparamānnaṃ vidhīyatām |
devānāṃ ca ṛṣīṇāṃ ca narāṇāmapi saṃmatam || 70 ||
[Analyze grammar]

caturvidhaṃ sugandhāḍhyamamṛtāṃśaiḥ sudhākara |
evaṃ kṛtvā saṃvidhānaṃ pratīkṣyāgamanaṃ vibhoḥ || 71 ||
[Analyze grammar]

sabhāyāṃ maṃtrisahitaḥ samāsta prītamānasaḥ |
putrīmalaṃkṛtāṃ kṛtvā dharaṇīsahito nṛpaḥ || 72 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye dharaṇīvarāhasaṃvāde dharaṇīdevyai bakulamālikānivedita śrīnivāsodantakamalālayākalyāṇavidhyādivṛttāṃtavarṇanaṃnāma saptamo'dhyāyaḥ || 7 ||
[Analyze grammar]