Chapter 29

[English text for this chapter is available]

śrīkṛṣṇa uvāca |
bhagavaṃstvanmukhādeva śrutaṃ śrutisamaṃ mayā |
svāśritānāṃ śivaproktaṃ nityanaimittikaṃ tathā || 1 ||
[Analyze grammar]

idānīṃ śrotumicchāmi śivadharmādhikāriṇām |
kāmyamapyasti cetkarma vaktumarhasi sāmpratam || 2 ||
[Analyze grammar]

upamanyuruvāca |
astyaihikaphalaṃ kiñcidāmuṣmikaphalaṃ tathā |
aihikāmuṣmikañcāpi tacca pañcavidhaṃ punaḥ || 3 ||
[Analyze grammar]

kiṃcitkriyāmayaṃ karma kiṃcitkarma tapo mayam |
japadhyānamayaṃ kiṃcitkiṃcitsarvamayaṃ tathā || 4 ||
[Analyze grammar]

kriyāmayaṃ tathā bhinnaṃ homadānārcanakramāt |
sarvaśaktimatāmeva nānyeṣāṃ saphalaṃ bhavet || 5 ||
[Analyze grammar]

śaktiścājñā madeśasya śivasya paramātmanaḥ |
tasmātkāmyāni karmāṇi kuryādājñādharodvijaḥ || 6 ||
[Analyze grammar]

atha vakṣyāmi kāmyaṃ hi cehāmutra phalapradam |
śaivairmāheśvaraiścaiva kāryamaṃtarbahiḥ kramāt || 7 ||
[Analyze grammar]

śivo maheśvaraśceti nātyaṃtamiha bhidyate |
yathā tathā na bhidyaṃte śaivā māheśvarā api || 8 ||
[Analyze grammar]

śivāśritā hi te śaivā jñānayajñaratā narāḥ |
māheśvarāssamākhyātā karmayajñaratā bhuvi || 9 ||
[Analyze grammar]

tasmādābhyantare kuryuḥ śaivā māheśvarā vahiḥ |
na tu prayogo bhidyeta vakṣyamāṇasya karmaṇaḥ || 10 ||
[Analyze grammar]

parīkṣya bhūmiṃ vidhivadgaṃdhavarṇarasādibhiḥ |
manobhilaṣite tatra vitānavitatāṃbare || 11 ||
[Analyze grammar]

supralipte mahīpṛṣṭhe darpaṇodarasaṃnibhe |
prācīmutpādayetpūrvaṃ śāstradṛṣṭena vartmanā || 12 ||
[Analyze grammar]

ekahastaṃ dvihastaṃ vā maṇḍalaṃ parikalpayet |
ālikhedvimalaṃ padmamaṣṭapatraṃ sakarṇikam || 13 ||
[Analyze grammar]

ratnahemādibhiścūrṇairyathāsaṃbhavasaṃbhṛtaiḥ |
pañcāvaraṇasaṃyuktaṃ bahuśobhāsamanvitam || 14 ||
[Analyze grammar]

daleṣu siddhayaḥ kalpyāḥ kesareṣu saśaktikāḥ |
rudrā vāmādayastvaṣṭau pūrvādidalataḥ kramāt || 15 ||
[Analyze grammar]

karṇikāyāṃ ca vairāgyaṃ bījeṣu nava śaktayaḥ |
skande śivātmako dharmo nāle jñānaṃ śivāśrayam || 16 ||
[Analyze grammar]

karṇikopari cāgneyaṃ maṃḍalaṃ sauramaindavam |
śivavidyātmatattvākhyaṃ tattvatrayamataḥ param || 17 ||
[Analyze grammar]

sarvāsanopari sukhaṃ vicitrakusumānvitam |
pañcāvaraṇasaṃyuktaṃ pūjayedaṃbayā saha || 18 ||
[Analyze grammar]

śuddhasphaṭikasaṃkāśaṃ prasannaṃ śītaladyutim |
vidyudvalayasaṃkāśajaṭāmukuṭabhūṣitam || 19 ||
[Analyze grammar]

śārdūlacarmavasanaṃ kiñcitsmitamukhāṃbujam |
raktapadmadalaprakhyapādapāṇitalādharam || 20 ||
[Analyze grammar]

sarvalakṣaṇasaṃpannaṃ sarvābharaṇabhūṣitam |
divyāyudhavarairyuktaṃ divyagaṃdhānulepanam || 21 ||
[Analyze grammar]

pañcavaktraṃ daśabhujaṃ candrakhaṇḍaśikhāmaṇim |
asya pūrvamukhaṃ saumyaṃ bālārkasadṛśaprabham || 22 ||
[Analyze grammar]

trilocanāraviṃdāḍhyaṃ kṛtabāleṃduśekharam |
dakṣiṇaṃ nīlajīmūtasamānaruciraprabham || 23 ||
[Analyze grammar]

bhrukuṭīkuṭilaṃ ghoraṃ raktavṛttekṣaṇatrayam |
daṃṣṭrākarālaṃ durdharṣaṃ sphuritādharapallavam || 24 ||
[Analyze grammar]

uttaraṃ vidrumaprakhyaṃ nīlālakavibhūṣitam |
savilāsaṃ trinayanaṃ candrābharaṇaśekharam || 25 ||
[Analyze grammar]

paścimaṃ pūrṇacandrābhaṃ locanatritayojjvalam |
candrarekhādharaṃ saumyaṃ maṃdasmitamanoharam || 26 ||
[Analyze grammar]

pañcamaṃ sphaṭikaprakhyamiṃdurekhāsamujjvalam |
atīva saumyamutphullalocanatritayojjvalam || 27 ||
[Analyze grammar]

dakṣiṇe śūlaparaśuvajrakhaḍgānalojjvalam |
savye ca nāganārācaghaṇṭāpāśāṃkuśojjvalam || 28 ||
[Analyze grammar]

nivṛttyājānusaṃbaddhamānābheśca pratiṣṭhayā |
ākaṃṭhaṃ vidyayā tadvadālalāṭaṃ tu śāṃtayā || 29 ||
[Analyze grammar]

tadūrdhvaṃ śāṃtyatītākhyakalayā parayā tathā |
pañcādhvavyāpinaṃ sākṣātkalāpañcakavigraham || 30 ||
[Analyze grammar]

īśānamukuṭaṃ devaṃ puruṣākhyaṃ purātanam |
aghorahṛdayaṃ tadvadvāmaguhyaṃ maheśvaram || 31 ||
[Analyze grammar]

sadyapādaṃ ca tanmūrtimaṣṭatriṃśatkalāmayam |
mātṛkāmayamīśānaṃ pañcabrahmamayaṃ tathā || 32 ||
[Analyze grammar]

oṃkārākhyamayaṃ caiva haṃsaśaktyā samanvitam |
tathecchātmikayā śaktyā samārūḍhāṃkamaṃḍalam || 33 ||
[Analyze grammar]

jñānākhyayā dakṣiṇato vāmataśca kriyākhyayā |
tattvatrayamayaṃ sākṣādvidyāmūrtiṃ sadāśivam || 34 ||
[Analyze grammar]

mūrtimūlena saṃkalpya sakalīkṛtya ca kramāt |
saṃpūjya ca yathānyāyamarghāntaṃ mūlavidyayā || 35 ||
[Analyze grammar]

mūrtimantaṃ śivaṃ sākṣācchaktyā paramayā saha |
tatrāvāhya mahādevaṃ sadasadvyaktivarjitam || 36 ||
[Analyze grammar]

pañcopakaraṇaṃ kṛtvā pūjayetparameśvaram |
brahmabhiśca ṣaḍaṅgaiśca tato mātṛkayā saha || 37 ||
[Analyze grammar]

praṇavena śivenaiva śaktiyuktena ca kramāt |
śāṃtena vā tathānyaiśca vedamantraiśca kṛtsnaśaḥ || 38 ||
[Analyze grammar]

pūjayetparamaṃ devaṃ kevalena śivena vā |
pādyādimukhavāsāṃtaṃ kṛtvā prasthāpanaṃ vinā || 39 ||
[Analyze grammar]

pañcāvaraṇapūjāṃ tu hyārabheta yathākramam || 40 ||
[Analyze grammar]