Chapter 18

[English text for this chapter is available]

ṛṣaya ūcuḥ |
devī dakṣasya tanayā tyaktvā dākṣāyaṇī tanum |
kathaṃ himavataḥ putrī menāyāmabhavatpurā || 1 ||
[Analyze grammar]

kathaṃ ca nindito rudro dakṣeṇa ca mahātmanā |
nimittamapi kiṃ tatra yena syānniṃdito bhavaḥ || 2 ||
[Analyze grammar]

utpannaśca kathaṃ dakṣo abhiśāpādbhavasya tu |
cākṣuṣasyāṃtare pūrvaṃ manoḥ prabrūhi māruta || 3 ||
[Analyze grammar]

vāyuruvāva |
śṛṇvaṃtu kathayiṣyāmi dakṣasya laghucetasaḥ |
vṛttaṃ pāpātpramādācca viśvāmaravidūṣaṇam || 4 ||
[Analyze grammar]

purā surāsurāḥ sarve siddhāśca paramarṣayaḥ |
kadāciddraṣṭumīśānaṃ himavacchikharaṃ yayuḥ || 5 ||
[Analyze grammar]

tadā devaśca devī ca divyāsanagatāvubhau |
darśanaṃ dadatusteṣāṃ devādīnāṃ dvijottamāḥ || 6 ||
[Analyze grammar]

tadānīmeva dakṣo 'pi gatastatra sahāmaraiḥ |
jāmātaraṃ haraṃ draṣṭuṃ draṣṭuṃ cātmasutāṃ satīm || 7 ||
[Analyze grammar]

tadātmagauravāddevo devyā dakṣe samāgate |
devādibhyo viśeṣeṇa na kadācidabhūtsmṛtiḥ || 8 ||
[Analyze grammar]

tasya tasyāḥ paraṃ bhāvamajñātuścāpi kevalam |
putrītyevaṃ vimūḍhasya tasyāṃ vairamajāyata || 9 ||
[Analyze grammar]

tatastenaiva vaireṇa vidhinā ca pracoditaḥ |
nājuvāha bhavaṃ dakṣo dīkṣitastāmapi dviṣan || 10 ||
[Analyze grammar]

anyāñ1 āmātarassarvānāhūya sa yathākramam |
śataśaḥ puṣkalāmarcāñcakāra ca pṛthakpṛthak || 11 ||
[Analyze grammar]

tathā tānsaṃgatāñchrutvā nāradasya mukhāttadā |
yayau rudrāya rudrāṇī vijñāpya bhavanaṃ pituḥ || 12 ||
[Analyze grammar]

atha saṃnihitaṃ divyaṃ vimānaṃ viśvatomukham |
lakṣaṇāḍhyaṃ sukhārohamatimātramanoharam || 13 ||
[Analyze grammar]

taptajāṃbūnadaprakhyaṃ citraratnapariṣkṛtam |
muktāmayavitānāgnyaṃ sragdāmasamalaṃkṛtam || 14 ||
[Analyze grammar]

taptakaṃcananirvyūhaṃ ratnastaṃbhaśatāvṛtam |
vajrakalpitasopānaṃ vidrumastaṃbhatoraṇam || 15 ||
[Analyze grammar]

puṣpapaṭṭaparistīrṇaṃ citraratnamahāsanam |
vajrajālakiracchidramacchidramaṇikuṭṭimam || 16 ||
[Analyze grammar]

maṇidaṃḍamanojñena mahāvṛṣabhalakṣmaṇā |
alaṃkṛtapurobhāgamabbhraśubbhreṇa ketunā || 17 ||
[Analyze grammar]

ratnakaṃcukaguptāṃgaiścitravetrakapāṇibhiḥ |
adhiṣṭhitamahādvāramapradhṛṣyairguṇeśvaraiḥ || 18 ||
[Analyze grammar]

mṛdaṃgatālagītādiveṇuvīṇāviśāradaiḥ |
vidagdhaveṣabhāṣaiśca bahubhiḥ strījanairvṛtam || 19 ||
[Analyze grammar]

āruroha mahādevī saha priyasakhījanaiḥ |
cāmāravyañjanaṃ tasyā vajradaṃḍamanohare || 20 ||
[Analyze grammar]

gṛhītvā rudrakanye dve vivījaturubhe śubhe |
tadācāmarayormadhye devyā vadanamābabhau || 21 ||
[Analyze grammar]

anyonyaṃ yudhyatormadhye haṃsayoriva paṃkajam |
chatraṃ śaśinibhaṃ tasyāścūḍopari sumālinī || 22 ||
[Analyze grammar]

dhṛtamuktāparikṣiptaṃ babhāra premanirbharā |
tacchatramujjvalaṃ devyā ruruce vadanopari || 23 ||
[Analyze grammar]

uparyamṛtabhāṃḍasya maṃḍalaṃ śaśino yathā |
atha cāgre samāsīnā susmitāsyā śubhāvatī || 24 ||
[Analyze grammar]

akṣadyūtavinodena ramayāmāsa vai satīm |
suyaśāḥ pāduke devyāśśubhe ratnapariṣkṛte || 25 ||
[Analyze grammar]

stanayoraṃtare kṛtvā tadā devīmasevataḥ |
anyā kāṃcanacārvaṃgī dīptaṃ jagrāha darpaṇam || 26 ||
[Analyze grammar]

aparā tālavṛntaṃ ca parā tāṃbūlapeṭikām |
kācitkrīḍāśukaṃ cāru kare 'kuruta bhāminī || 27 ||
[Analyze grammar]

kācittu sumanojñāni puṣpāṇi surabhīṇi ca |
kācidābharaṇādhāraṃ babhāra kamalekṣaṇā || 28 ||
[Analyze grammar]

kācicca punarālepaṃ suprasūtaṃ śubhāṃjanam |
anyāśca sadṛśāstāstā yathāsvamucitakriyāḥ || 29 ||
[Analyze grammar]

āvṛttyā tāṃ mahādevīmasevaṃta samaṃtataḥ |
atīva śuśubhe tāsāmaṃtare parameśvarī || 30 ||
[Analyze grammar]

tārāpariṣado madhye caṃdralekheva śāradī |
tataḥ śaṃkhasamutthasya nādasya samanaṃtaram || 31 ||
[Analyze grammar]

prāsthāniko mahānādaḥ paṭahaḥ samatāḍyata |
tato madhuravādyāni saha tālodyataissvanaiḥ || 32 ||
[Analyze grammar]

anāhatāni sanneduḥ kāhalānāṃ śatāni ca |
sāyudhānāṃ gaṇeśānāṃ maheśasamatejasām || 33 ||
[Analyze grammar]

sahasrāṇi śatānyaṣṭau tadānīṃ purato yayuḥ |
teṣāṃ madhye vṛṣārūḍho gajārūḍho yathā guruḥ || 34 ||
[Analyze grammar]

jagāma gaṇapaḥ śrīmān somanaṃdīśvarārcitaḥ |
devaduṃdubhayo nedurdivi divyasukhā ghanāḥ || 35 ||
[Analyze grammar]

nanṛturmunayassarve mumuduḥ siddhayoginaḥ |
sasṛjuḥ puṣpavṛṣṭiṃ ca vitānopari vāridāḥ || 36 ||
[Analyze grammar]

tadā devagaṇaiścānyaiḥ pathi sarvatra saṃgatā |
kṣaṇādiva piturgehaṃ praviveśa maheśvarī || 37 ||
[Analyze grammar]

tāṃ dṛṣṭvā kupito dakṣaścātmanaḥ kṣayakāraṇāt |
tasyā yavīyasībhyo 'pi cakre pūjāma satkṛtām || 38 ||
[Analyze grammar]

tadā śaśimukhī devī pitaraṃ sadasi sthitam |
aṃbikā yuktamavyagramuvācākṛpaṇaṃ vacaḥ || 39 ||
[Analyze grammar]

devyuvāca |
brahmādayaḥ piśācāṃtā yasyājñāvaśavartinaḥ |
sa devassāṃprataṃ tāta vidhinā nārcitaḥ kila || 40 ||
[Analyze grammar]

tadāstāṃ mama jyāyasyāḥ putryāḥ pūjāṃ kimīdṛśīm |
asatkṛtāmavajñāya kṛtavānasi garhitam || 41 ||
[Analyze grammar]

evamukto 'bravīdenāṃ dakṣaḥ krodhādamarṣitaḥ |
tvattaḥ śreṣṭhā viśiṣṭāśca pūjyā bālāḥ sutā mama || 42 ||
[Analyze grammar]

tāsāṃ tu ye ca bhartāraste me bahumatā mudā |
gunaiścāpyadhikāssarvairbhartuste tryaṃbakādapi || 43 ||
[Analyze grammar]

stabdhātmā tāmasaśśarvastvamimaṃ samupāśritā |
tena tvāmavamanye 'haṃ pratikūlo hi me bhavaḥ || 44 ||
[Analyze grammar]

tathoktā pitaraṃ dakṣaṃ kruddhā devī tamabravīt |
śṛṇvatāmeva sarveṣāṃ ye yajñasadasi sthitāḥ || 45 ||
[Analyze grammar]

akasmānmama bhartāramajātāśeṣadūṣaṇam |
vācā dūṣayase dakṣa sākṣāllokamaheśvaram || 46 ||
[Analyze grammar]

vidyācauro gurudrohī vedeśvaravidūṣakaḥ |
ta ete bahupāpmānassarve daṃḍyā iti śrutiḥ || 47 ||
[Analyze grammar]

tasmādatyutkaṭasyāsya pāpasya sadṛśo bhṛśam |
sahasā dāruṇo daṃḍastava daivādbhaviṣyati || 48 ||
[Analyze grammar]

tvayā na pūjito yasmāddevadevastriyaṃbakaḥ |
tasmāttava kulaṃ duṣṭaṃ naṣṭamityavadhāraya || 49 ||
[Analyze grammar]

ityuktvā pitaraṃ ruṣṭā satī saṃtyaktasādhvasā |
tadīyāṃ ca tanuṃ tyaktvā himavaṃtaṃ yayau girim || 50 ||
[Analyze grammar]

sa parvataparaḥ śrīmāṃllabdhapuṇyaphalodayaḥ |
tadarthameva kṛtavān suciraṃ duścaraṃ tapaḥ || 51 ||
[Analyze grammar]

tasmāttamanugṛhṇāti bhūdhareśvaramīśvarī |
svecchayā pitaraṃ cakre svātmano yogamāyayā || 52 ||
[Analyze grammar]

yadā gatā satī dakṣaṃ viniṃdya bhayavihvalā |
tadā tirohitā maṃtrā vihataśca tato 'dhvaraḥ || 53 ||
[Analyze grammar]

tadupaśrutya gamanaṃ devyāstripurumardanaḥ |
dakṣāya ca ṛṣibhyaśca cukopa ca śaśāpa tān || 54 ||
[Analyze grammar]

yasmādavamatā dakṣamatkṛte 'nāgasā satī |
pūjitāścetarāḥ sarvāḥ svasutā bhartṛbhiḥ saha || 55 ||
[Analyze grammar]

vaivasvate 'ṃtare tasmāttava jāmātarastvamī |
utpatsyaṃte samaṃ sarve brahmayajñeṣvayonijāḥ || 56 ||
[Analyze grammar]

bhavitā mānuṣo rājā cākṣuṣasya tvamanvaye |
prācīnabarhiṣaḥ pautraḥ putraścāpi pracetasaḥ || 57 ||
[Analyze grammar]

ahaṃ tatrāpi te vighnamācariṣyāmi durmate |
dharmārthakāmayukteṣu karmasvapi punaḥ punaḥ || 58 ||
[Analyze grammar]

tenaivaṃ vyāhṛto dakṣo rudreṇāmitatejasā |
svāyaṃbhuvīṃ tanuṃ tyaktvā papāta bhuvi duḥkhitaḥ || 59 ||
[Analyze grammar]

tataḥ prācetaso dakṣo jajñe vai cākṣuṣe 'ntare |
prācīnabarhiṣaḥ pautraḥ putraścaiva pracetasām || 60 ||
[Analyze grammar]

bhṛgvādayo 'pi jātā vai manorvaivasvatasya tu |
aṃtare brahmaṇo yajñe vāruṇīṃ bibhratastanum || 61 ||
[Analyze grammar]

tadā dakṣasya dharmārthaṃ yajñe tasya durātmanaḥ |
maheśaḥ kṛtavānvighnaṃ manā vavasvate sati || 62 ||
[Analyze grammar]