Chapter 10

[English text for this chapter is available]

vāyuruvāca |
puruṣādhiṣṭhitātpūrvamavyaktādīśvarājñayā |
buddhyādayo viśeṣāṃtā vikārāścābhavan kramāt || 1 ||
[Analyze grammar]

tatastebhyo vikārebhyo rudro viṣṇuḥ pitāmahaḥ |
kāraṇatvena sarveṣāṃ trayo devāḥ prajajñire || 2 ||
[Analyze grammar]

sarvato bhuvanavyāptiśaktimavyāhatāṃ kvacit |
jñānamapratimaṃ śaśvadaiśvaryaṃ cāṇimādikam || 3 ||
[Analyze grammar]

sṛṣṭisthitilayākhyeṣu karmasu triṣu hetutām |
prabhutvena sahaiteṣāṃ prasīdati maheśvaraḥ || 4 ||
[Analyze grammar]

kalpāntare punasteṣāmaspardhā buddhimohinām |
sargarakṣālayācāraṃ pratyekaṃ pradadau ca saḥ || 5 ||
[Analyze grammar]

ete parasparotpannā dhārayanti parasparam |
paraspareṇa vardhaṃte parasparamanuvratāḥ || 6 ||
[Analyze grammar]

kvacidbrahmā kvacidviṣṇuḥ kvacidrudraḥ praśasyate |
nānena teṣāmādhikyamaiśvaryaṃ cātiricyate || 7 ||
[Analyze grammar]

mūrkhā niṃdaṃti tānvāgbhiḥ saṃraṃbhābhiniveśinaḥ |
yātudhānā bhavaṃtyeva piśācāśca na saṃśayaḥ || 8 ||
[Analyze grammar]

devo guṇatrayātītaścaturvyūho maheśvaraḥ |
sakalassakalādhāraśakterutpattikāraṇam || 9 ||
[Analyze grammar]

soyamātmā trayasyāsya prakṛteḥ puruṣasya ca |
līlākṛtajagatsṛṣṭirīśvaratve vyavasthitaḥ || 10 ||
[Analyze grammar]

yassarvasmātparo nityo niṣkalaḥ parameśvaraḥ |
sa eva ca tadādhārastadātmā tadadhiṣṭhitaḥ || 11 ||
[Analyze grammar]

tasmānmaheśvaraścaiva prakṛtiḥ puruṣastathā |
sadāśivabhavo viṣṇurbrahmā sarvaśivātmakam || 12 ||
[Analyze grammar]

pradhānātprathamaṃ jajñe vṛddhiḥ khyātirmatirmahān |
mahattattvasya saṃkṣobhādahaṃkārastridhā 'bhavat || 13 ||
[Analyze grammar]

ahaṃkāraśca bhūtāni tanmātrānīṃdriyāṇi ca |
vaikārikādahaṃkārātsattvodriktāttu sāttvikaḥ || 14 ||
[Analyze grammar]

vaikārikaḥ sa sargastu yugapatsaṃpravartate |
buddhīndriyāṇi pañcaiva pañcakarmeṃdriyāṇi ca || 15 ||
[Analyze grammar]

ekādaśaṃ manastatra svaguṇenobhayātmakam |
tamoyuktādahaṃkārādbhūtatanmātrasaṃbhavaḥ || 16 ||
[Analyze grammar]

bhūtānāmādibhūtatvādbhūtādiḥ kathyate tu saḥ |
bhūtādeśśabdamātraṃ syāttatra cākāśasaṃbhavaḥ || 17 ||
[Analyze grammar]

ākāśātsparśa utpannaḥ sparśādvāyusamudbhavaḥ |
vāyo rūpaṃ tatastejastejaso rasasaṃbhavaḥ || 18 ||
[Analyze grammar]

rasādāpassamutpannāstebhyo gandhasamudbhavaḥ |
gandhācca pṛthivī jātā bhūtebhyonyaccarācaram || 19 ||
[Analyze grammar]

puruṣādhiṣṭhitatvācca avyaktānugraheṇa ca |
mahadādiviśeṣāntā hyaṇḍamutpādayanti te || 20 ||
[Analyze grammar]

tatra kāryaṃ ca karaṇaṃ saṃsiddhaṃ brahmaṇo yadā |
tadaṃḍe supravṛddho 'bhūtkṣetrajño brahmasaṃjñitaḥ || 21 ||
[Analyze grammar]

sa vai śarīrī prathamaḥ sa vai puruṣa ucyate |
ādikartā sa bhūtānāṃ brahmāgre samavartata || 22 ||
[Analyze grammar]

tasyeśvarasya pratimā jñānavairāgyalakṣaṇā |
dharmaiśvaryakarī buddhirbrāhmī yajñe 'bhimāninaḥ || 23 ||
[Analyze grammar]

avyaktājjāyate tasya manasā yadyadīpsitam |
vaśī vikṛtvāttraiguṇyātsāpekṣatvātsvabhāvataḥ || 24 ||
[Analyze grammar]

tridhā vibhajya cātmānaṃ trailokye saṃpravartate |
sṛjate grasate caiva vīkṣate ca tribhissvayam || 25 ||
[Analyze grammar]

caturmukhastu brahmatve kālatve cāṃtakassmṛtaḥ |
sahasramūrdhā puruṣastisrovasthāssvayaṃbhuvaḥ || 26 ||
[Analyze grammar]

sattvaṃ rajaśca brahmā ca kālatve ca tamo rajaḥ |
viṣṇutve kevalaṃ sattvaṃ guṇavṛddhistridhā vibhau || 27 ||
[Analyze grammar]

brahmatve sṛjate lokān kālatve saṃkṣipatyapi |
puruṣatve 'tyudāsīnaḥ karma ca trividhaṃ vibhoḥ || 28 ||
[Analyze grammar]

evaṃ tridhā vibhinnatvādbrahmā triguṇa ucyate |
caturdhā pravibhaktatvāccāturvyūhaḥ prakīrtitaḥ || 29 ||
[Analyze grammar]

āditvādādidevo 'sāvajātatvādajaḥ smṛtaḥ |
pāti yasmātprajāḥ sarvāḥ prajāpatiriti smṛtaḥ || 30 ||
[Analyze grammar]

hiraṇmayastu yo merustasyolbaṃ sumahātmanaḥ |
garbhodakaṃ samudrāśca jarāyuścā'pi parvatāḥ || 31 ||
[Analyze grammar]

tasminnaṃḍe tvime lokā aṃtarviśvamidaṃ jagat |
caṃdrādityau sanakṣatrau sagrahau saha vāyunā || 32 ||
[Analyze grammar]

adbhirdaśaguṇābhistu bāhyatoṇḍaṃ samāvṛtam |
āpo daśaguṇenaiva tejasā bahirāvṛtāḥ || 33 ||
[Analyze grammar]

tejo daśaguṇenaiva vāyunā bahirāvṛtam |
ākāśenāvṛto vāyuḥ khaṃ ca bhūtādināvṛtam || 34 ||
[Analyze grammar]

bhūtādirmahatā tadvadavyaktenāvṛto mahān |
etairāvaraṇairaṇḍaṃ saptabhirbahirāvṛtam || 35 ||
[Analyze grammar]

etadāvṛttya cānyonyamaṣṭau prakṛtayaḥ sthitāḥ |
sṛṣṭipālanavidhvaṃsakarmakartryo dvijottamāḥ || 36 ||
[Analyze grammar]

evaṃ parasparotpannā dhārayaṃti parasparam |
ādhārādheyabhāvena vikārāstu vikāriṣu || 37 ||
[Analyze grammar]

kūrmoṃgāni yathā pūrvaṃ prasārya viniyacchati |
vikārāṃśca tathā 'vyaktaṃ sṛṣṭvā bhūyo niyacchati || 38 ||
[Analyze grammar]

avyaktaprabhavaṃ sarvamānulomyena jāyate |
prāpte pralayakāle tu pratilomyenulīyate || 39 ||
[Analyze grammar]

guṇāḥ kālavaśādeva bhavaṃti viṣamāḥ samāḥ |
guṇasāmye layo jñeyo vaiṣamye sṛṣṭirucyate || 40 ||
[Analyze grammar]

tadidaṃ brahmaṇo yoniretadaṃḍaṃ ghanaṃ mahat |
brahmaṇaḥ kṣetramuddiṣṭaṃ brahmā kṣetrajña ucyate || 41 ||
[Analyze grammar]

itīdṛśānāmaṇḍānāṃ koṭyo jñeyāḥ sahasraśaḥ |
sarvagatvātpradhānasya tiryagūrdhvamadhaḥ sthitāḥ || 42 ||
[Analyze grammar]

tatra tatra caturvaktrā brahmāṇo harayo bhavāḥ |
sṛṣṭā pradhānena tathā labdhvā śaṃbhostu sannidhim || 43 ||
[Analyze grammar]

maheśvaraḥ parovyaktādaṃḍamavyaktasaṃbhavam |
aṇḍājjajñe vibhurbrahmā lokāstena kṛtāstvime || 44 ||
[Analyze grammar]

abuddhipūrvaḥ kathito mayaiṣa pradhānasargaḥ prathamaḥ pravṛtaḥ |
ātyaṃtikaśca pralayontakāle līlākṛtaḥ kevalamīśvarasya || 45 ||
[Analyze grammar]

yattatsmṛtaṃ kāraṇamaprameyaṃ brahmā pradhānaṃ prakṛteḥ prasūtiḥ |
anādimadhyāntamanantavīryaṃ śuklaṃ suraktaṃ puruṣeṇa yuktam || 46 ||
[Analyze grammar]

utpādakatvādrajasotirekāllokasya saṃtānavivṛddhihetūn |
aṣṭau vikārānapi cādikāle sṛṣṭvā samaśnāti tathāṃtakāle || 47 ||
[Analyze grammar]

prakṛtyavasthāpitakāraṇānāṃ yā ca sthitiryā ca punaḥ pravṛttiḥ |
tatsarvamaprākṛtavaibhavasya saṃkalpamātreṇa maheśvarasya || 48 ||
[Analyze grammar]