Chapter 33

[English text for this chapter is available]

sūta uvāca |
eṣa manvantare tāta sargassvārociṣe smṛtaḥ |
vaivasvate tu mahati vāruṇe vitate kratau || 1 ||
[Analyze grammar]

juhvānasya brahmaṇo vai prajāsarga ihocyate |
pūrvaṃ yānatha brahmarṣīnutpannānsapta mānasān || 2 ||
[Analyze grammar]

putrānvai kalpayāmāsa svayameva pitāmahaḥ |
teṣāṃ virodho devānāṃ dānavānāṃ mahānṛṣe || 3 ||
[Analyze grammar]

diti vinaṣṭaputrā tu kaśyapaṃ samupasthitā |
sa kaśyapaḥ prasannātmā samgayagārādhitastayā || 4 ||
[Analyze grammar]

vareṇacchaṃdayāmāsa sā ca vavre varaṃ tadā |
putramindravadhārthāya samarthamamitaujasam || 5 ||
[Analyze grammar]

sa tasyai ca varaṃ prādātprārthitaṃ sumahātapāḥ |
brahmacaryyādiniyamaṃ prāha caiva śataṃ samāḥ || 6 ||
[Analyze grammar]

dhārayāmāsa garbhaṃ tu śucissā varavarṇinī |
brahmacaryyādiniyamaṃ ditirdadhre tathaiva vai || 7 ||
[Analyze grammar]

tatastvādhāya so'dityāṃ garbhaṃ taṃ śaṃsitavrataḥ |
jagāma kaśyapastaptuṃ tapassaṃhṛṣṭamānasaḥ || 8 ||
[Analyze grammar]

tasyāścaivāṃtaraṃ prepsusso'bhavatpākaśāsanaḥ |
ūnavarṣe śate cāsyā dadarśāntarameva saḥ || 9 ||
[Analyze grammar]

akṛtvā pādayoḥ śaucaṃ ditirarvākśirāstadā |
nidrāmāhārayāmāsa bhāvino'rthasya gauravāt || 10 ||
[Analyze grammar]

etasminnantare śakrastasyāḥ kukṣiṃ praviśya saḥ |
vajrapāṇistu taṃ garbhaṃ saptadhā hi nyakṛntata || 11 ||
[Analyze grammar]

sa pāṭyamāno garbho'tha vajreṇa praruroda ha |
rudantaṃ saptadhaikaikaṃ mārodīriti tānpunaḥ |
cakarta vajrapāṇistānneva mamrustathāpi te || 12 ||
[Analyze grammar]

te tamūcuḥ pātyamānāssarve prāṃjalayo mune |
no jighāṃsasi kiṃ śakra bhrātaro marutastava || 13 ||
[Analyze grammar]

iṃdreṇa svīkṛtāste hi bhrātṛtve sarva eva ca |
tatyajurddaityabhāvaṃ te viprarṣe śaṃkarecchayā || 14 ||
[Analyze grammar]

maruto nāma te devā babhūvustu mahābalāḥ |
khagā ekonapaṃcāśatsahāyā vajrapāṇinaḥ || 15 ||
[Analyze grammar]

teṣāmeva pravṛddhānāṃ hariḥ prādātprajāpatiḥ |
kramaśastāni rājyāni pṛthupūrvaṃ śṛṇuṣva tat || 16 ||
[Analyze grammar]

ariṣṭapuruṣo vīraḥ kṛṣṇo jiṣṇuḥ prajāpatiḥ |
parjanyastu dhanādhyakṣastasya sarvamidaṃ jagat || 17 ||
[Analyze grammar]

bhūtasargamimaṃ samyagavocaṃ te mahāmune |
vibhāgaṃ śṛṇu rājyānāṃ kramaśastaṃ bruve'dhunā || 18 ||
[Analyze grammar]

abhiṣicyādhirājye tu pṛthuṃ vainyaṃ pitāmahaḥ |
tataḥ krameṇa rājyāni vyādeṣṭumupacakrame || 19 ||
[Analyze grammar]

dvijānāṃ vīrudhāṃ caiva nakṣatragrahayostathā |
yajñānāṃ tapasāṃ caiva somaṃ rājye'bhyaṣecayat || 20 ||
[Analyze grammar]

apāṃ tu varuṇaṃ rājye rājñāṃ vaiśravaṇaṃ prabhum |
ādityānāṃ tathā viṣṇuṃ vasūnāmatha pāvakam || 21 ||
[Analyze grammar]

prajāpatīnāṃ dakṣaṃ tu marutāmatha vāsavam |
daityānāṃ dānavānāṃ ca prahlādamamitaujasam || 22 ||
[Analyze grammar]

vaivasvataṃ pitṝṇāṃ ca yamaṃ rājye'bhyaṣecayat |
mātṝṇāṃ ca vratānāṃ ca mantrāṇāṃ ca tathā gavām || 23 ||
[Analyze grammar]

yakṣāṇāṃ rākṣasānāṃ ca pārthivānāṃ tathaiva ca |
sarvabhūtapiśācānāṃ giriśaṃ śūlapāṇinam || 24 ||
[Analyze grammar]

śailānāṃ himavantaṃ ca nadīnāmatha sāgaram |
mṛgāṇāmatha śārdūlaṃ govṛṣaṃ tu gavāmapi || 25 ||
[Analyze grammar]

vanaspatīnāṃ vṛkṣāṇāṃ vaṭaṃ rājye'bhyaṣecayat |
iti dattaṃ prajeśena rājyaṃ sarvatra vai kramāt || 26 ||
[Analyze grammar]

pūrvasyāṃ diśi putraṃ tu vairājasya prajāpateḥ |
sthāpayāmāsa sarvātmā rājye viśvapatirvibhuḥ || 27 ||
[Analyze grammar]

tathaiva muniśārdūla kardamasya prajāpateḥ |
dakṣiṇasyāṃ tathā putraṃ sudhanvānamacīklṛpat || 28 ||
[Analyze grammar]

paścimāyāṃ diśi tathā rajasaḥ putramacyutam |
ketumantaṃ mahātmānaṃ rājānaṃ vyādiśatprabhuḥ || 29 ||
[Analyze grammar]

tathā hiraṇyaromāṇaṃ parjanyasya prajāpateḥ |
udīcyāṃ diśi rājānaṃ durdharṣaṃ so'bhyaṣecayat || 30 ||
[Analyze grammar]

tasya vistāramākhyātaṃ pṛthorvenyasya śaunaka |
mahardhye tadadhiṣṭhānaṃ purāṇe parikīrtitam || 31 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ sargavarṇanaṃ nāma trayastriṃśattamodhyāyaḥ || 33 ||
[Analyze grammar]