Chapter 34

[English text for this chapter is available]

|| śaunaka uvāca |
manvaṃtarāṇi sarvāṇi vistareṇānukīrtaya |
yāvaṃto manavaścaiva śrotumicchāmi tānaham || 1 ||
[Analyze grammar]

sūta uvāca |
svāyaṃbhuvo manuścaiva tatasstvārociṣastathā |
uttamastāmasaścaiva raivataścākṣuṣastathā || 2 ||
[Analyze grammar]

ete ca manavaḥ ṣaṭ te saṃproktā munipuṃgava |
vaivasvato muniśreṣṭha sāṃprataṃ manurucyate || 3 ||
[Analyze grammar]

sāvarṇiśca manuścaiva tato raucyastathā paraḥ |
tathaiva brahmasāvarṇiścatvāro manavastathā || 4 ||
[Analyze grammar]

tathaiva dharmasāvarṇī rudrasāvarṇireva ca |
devasāvarṇirākhyātaṃ iṃdrasāvarṇireva ca || 5 ||
[Analyze grammar]

atītā vartamānāśca tathaivānāgatāśca ye |
kīrtitā manavaścāpi mayaivaite yathā śrutāḥ || 6 ||
[Analyze grammar]

mune caturdaśaitāni trikālānugatāni te |
proktāni nirmitaḥ kalpo yugasāhasraparyyayaḥ || 7 ||
[Analyze grammar]

ṛṣīṃsteṣāṃ pravakṣyāmi puttrāndevagaṇāṃstathā |
śṛṇu śaunaka suprītyā kramaśastānyaśasvinaḥ || 8 ||
[Analyze grammar]

marīciratrirbhagavānaṅgirāḥ pulahaḥ kratuḥ |
pulastyaśca vasiṣṭhaśca saptaite brahmaṇassutāḥ || 9 ||
[Analyze grammar]

uttarasyāṃ diśi tathā mune saptarṣa yastathā |
yāmā nāma tathā devā āsansvāyaṃbhuveṃtare || 10 ||
[Analyze grammar]

āgnīdhraścāgnibāhuśca medhā medhātithirvasuḥ |
jyotiṣmāndhṛtimānhavyaḥ savanaśśubhra eva ca || 11 ||
[Analyze grammar]

svāyaṃbhuvasya putrāste manordaśa mahātmanaḥ |
kīrtitā muniśārdūla tatrendro yajña ucyate || 12 ||
[Analyze grammar]

prathamaṃ kathitaṃ tāta divyaṃ manvataraṃ tathā |
dvitīyaṃ te pravakṣyāmi tannibodha yathātatham || 13 ||
[Analyze grammar]

ūrjastaṃbhaḥ parastaṃbha ṛṣabho vasumāṃ stathā |
jyotiṣmāndyutimāṃścaiva rociṣmānsaptamastathā || 14 ||
[Analyze grammar]

ete maharṣayo jñeyāstatrendro rocanastathā |
devāśca tuṣitā nāma smṛtāḥ svārociṣeṃ'tare || 15 ||
[Analyze grammar]

harighnassukṛtirjyotirayomūrtirayasmayaḥ |
prathitaśca manasyuśca nabhassūryastathaiva ca || 16 ||
[Analyze grammar]

svārociṣasya putrāste manordaśamahātmanaḥ |
kīrtitā muniśārdūla mahāvīryaparākramāḥ || 17 ||
[Analyze grammar]

dvitīyametatkathitaṃ mune manvantaraṃ mayā |
tṛtīyaṃ tava vakṣyāmi tannibodha yathātatham || 18 ||
[Analyze grammar]

vasiṣṭhaputrāḥ saptāsanvāsiṣṭhā iti viśrutāḥ |
hiraṇyagarbhasya sutā ūrjā nāma mahaujasaḥ || 19 ||
[Analyze grammar]

ṛṣayo'tra samākhyātāḥ kīrtyamānānnibodha me |
auttameyā ṛṣiśreṣṭha daśaputrā manoḥ smṛtāḥ || 20 ||
[Analyze grammar]

iṣa ūrjita ūrjaśca madhurmādhava eva ca |
śuciśśukravahaścaiva nabhaso nabha eva ca || 21 ||
[Analyze grammar]

ṛṣabhastatra devāśca satyaveda śrutādayaḥ |
tatrendrassatyajinnāma trailokyādhipatirmune || 22 ||
[Analyze grammar]

tṛtīyametatparamaṃ manvataramudāhṛtam |
manvataraṃ caturthaṃ te kathayāmi mune śṛṇu || 23 ||
[Analyze grammar]

gārgyaḥ pṛthustathā vāgmī jayo dhātā kapīnakaḥ |
kapīvānsaptaṛṣayaḥ satyā devagaṇāstathā || 24 ||
[Analyze grammar]

tatreṃdrastriśikho jñeyo manuputrānmune śṛṇu |
dyūtipotassautapasyastamaśśūlaśca tāpanaḥ || 25 ||
[Analyze grammar]

taporatirakalmāṣo dhanvī khaḍgī mahānṛṣiḥ |
tāmasasya smṛtā ete daśa putrā mahāvratāḥ || 26 ||
[Analyze grammar]

tāmasasyāṃtaraṃ caiva mano me kathitaṃ tava |
caturthaṃ pañcamaṃ tāta śṛṇu manvaṃtaraṃ param || 27 ||
[Analyze grammar]

devabāhurjayaścaiva munirvedaśirāstathā |
hiraṇyaromā parjanya ūrdhvabāhuśca somapāḥ || 28 ||
[Analyze grammar]

satyanetraratāścānye ete saptarṣayo'pare |
devāśca bhūtarajasastapaḥprakṛtayastathā || 29 ||
[Analyze grammar]

tatreṃdro vibhunāmā ca trailokyādhipatistathā |
raivatākhyo manustatra jñeyastāmasasodaraḥ || 30 ||
[Analyze grammar]

arjunaḥ paṃktiviṃdhyo vā dayāyāsta nayā mune |
mahatā tapasā yuktā merupṛṣṭhe vasaṃti hi || 31 ||
[Analyze grammar]

ruceḥ prajāpatiḥ putro raucyo nāma manuḥ smṛtaḥ |
bhūtyā cotpādito devyāṃ bhautyo nāmābhavatsutaḥ || 32 ||
[Analyze grammar]

anāgatāśca saptaite kalpe'sminmanavassmṛtāḥ |
anāgatāśca saptaiva smṛtā divi maharṣayaḥ || 33 ||
[Analyze grammar]

rāmo vyāsastathātreyo dīptimānsu bahuśrutaḥ |
bharadvājastathā drauṇiraśvatthāmā mahādyutiḥ || 34 ||
[Analyze grammar]

gautamasyātmajaścaiva śaradvān gautamaḥ kṛpaḥ |
kauśiko gālavaścaiva ruruḥ kaśyapa eva ca || 35 ||
[Analyze grammar]

ete sapta mahātmāno bhaviṣyā munisattamāḥ |
devāścānāgatāstatra trayaḥ proktāssvayaṃbhuvā || 36 ||
[Analyze grammar]

marīceścaiva putrāste kaśyapasya mahātmanaḥ |
teṣāṃ virocanasuto baliriṃdro bhaviṣyati || 37 ||
[Analyze grammar]

viṣāṃṅgaścāvanīvāṃśca sumaṃto dhṛtimānvasuḥ |
sūriḥ surākhyo viṣṇuśca rājā sumatireva ca || 38 ||
[Analyze grammar]

sāvarṇeśca manoḥ putrā bhaviṣyā daśa śaunaka |
ihāṣṭamaṃ hi kathitaṃ navamaṃ cāntaraṃ śṛṇu || 39 ||
[Analyze grammar]

prathamaṃ dakṣasāvarṇi pravakṣyāmi manuṃ śṛṇu |
medhātithiśca paulastyo vasuḥ kaśyapa eva ca || 40 ||
[Analyze grammar]

jyotiṣmānbhārgavaścaiva dhṛtimānaṃgirāstathā |
savanaścaiva vāsiṣṭha ātreyo havya eva ca || 41 ||
[Analyze grammar]

pulahassapta ityete ṛṣayo rauhiteṃtare |
devatānāṃ gaṇāstatra traya eva mahāmune || 42 ||
[Analyze grammar]

dīkṣāputrasya putrāste rohitasya prajāpateḥ |
dhṛṣṭaketurdīptaketuḥ paṃcahasto nirākṛtiḥ || 43 ||
[Analyze grammar]

pṛthuśravā bhūridyumno ṛcīko bṛhato gayaḥ |
prathamasya tu sāvarṇernava putrā mahaujasa || 44 ||
[Analyze grammar]

daśame tvatha paryāye dvitīyasyāṃtare manoḥ |
haviṣmānpulahaścaiva prakṛtiścaiva bhārgavaḥ || 45 ||
[Analyze grammar]

āyo muktistathātreyo vasiṣṭhaścāvyayassmṛtaḥ |
paulastyaḥ prayatiścaiva bhāmāraścaiva kaśyapaḥ || 46 ||
[Analyze grammar]

aṅgirānenasassatyaḥ saptaite paramarṣayaḥ |
devatānāṃ gaṇāścāpi dviṣimaṃtaśca te smṛtāḥ || 47 ||
[Analyze grammar]

teṣāmindrassmṛtaḥ śambhustvayameva maheśvaraḥ |
akṣatvānuttamaujāśca bhūriṣeṇaśca vīryavān || 48 ||
[Analyze grammar]

śatānīko nirāmitro vṛṣaseno jayadrathaḥ |
bhūridyumnaḥ suvarcārcirdaśa tvete manossutāḥ || 49 ||
[Analyze grammar]

ekādaśe tu paryāye tṛtīyasyāṃtare manoḥ |
tasyāpi sapta ṛṣayaḥ kīrtyamānānnibodha me || 50 ||
[Analyze grammar]

haviṣmānkaśyapaścāpi vapuṣmāṃścaiva vāruṇaḥ |
atreyo'tha vasiṣṭhaśca hyanayastvaṃgirāstathā || 51 ||
[Analyze grammar]

cārudhṛṣyaśca paulastyo niḥsvaro'gnistu taijasaḥ |
saptaite ṛṣayaḥ proktāstrayo devagaṇāssmṛtāḥ || 52 ||
[Analyze grammar]

brahmaṇastu sutāste hi ta ime vaidhṛtāḥ smṛtāḥ |
sarvagaśca suśarmmā ca devānīkastu kṣemakaḥ || 53 ||
[Analyze grammar]

dṛḍheṣuḥ khaṃḍako darśaḥ kuhurbāhurmanoḥ smṛtāḥ |
sāvarṇasya tu pautrā vai tṛtīyasya nava smṛtāḥ || 54 ||
[Analyze grammar]

caturthasya tu sāvarṇerṛṣīnsapta nibodha me |
dyutirvasiṣṭhaputraśca ātreyassutapāstathā || 55 ||
[Analyze grammar]

aṃgirāstapaso mūrtistapasvī kaśyapastathā |
tapodhanaśca paulastyaḥ pulahaśca taporatiḥ || 56 ||
[Analyze grammar]

bhārgavassaptamasteṣāṃ vijñeya tapaso nidhiḥ |
paṃca devagaṇāḥ proktā mānasā brahmaṇassutāḥ || 57 ||
[Analyze grammar]

ṛtadhāmā tadindro hi trilokī rājyakṛtsukhī |
dvādaśe caiva paryāye bhāvye raucyāṃtare mune || 58 ||
[Analyze grammar]

aṃgirāścaiva dhṛtimānpaulastyo havyavāṃstu yaḥ |
paulahastattvadarśī ca bhārgavaśca nirutsavaḥ || 59 ||
[Analyze grammar]

niṣprapaṃcastathātreyo nirdehaḥ kaśyapastathā |
sutapāścaiva vāsiṣṭhassaptaivaite maharṣayaḥ || 60 ||
[Analyze grammar]

traya eva gaṇāḥ proktā devatānāṃ svayaṃbhuvā |
divaspatistamindro vai vicitraścitra eva ca || 61 ||
[Analyze grammar]

nayo dharmo dhṛtoṃdhraśca sunetraḥ kṣatravṛddhakaḥ |
nirbhayassutapā droṇo mano raucyasya te sutāḥ || 62 ||
[Analyze grammar]

caturddaśe tu paryāye satyasyaivāṃtare manoḥ |
āgnīdhraḥ kāśyapaścaiva paulastyo māgadhaśca yaḥ || 63 ||
[Analyze grammar]

bhārgavo'pyativāhyaśca śucirāṃgirasastathā |
yuktaścaiva tathātreyaḥ pautro vāśiṣṭha eva ca || 64 ||
[Analyze grammar]

ajitaḥ pulahaścaiva hyaṃtyāssaptarṣayaśca te |
pavitrāścākṣuṣā devāḥ śucirindro bhaviṣyati || 65 ||
[Analyze grammar]

eteṣāṃ kalya utthāya kīrtanātsukhamedhate |
atītānāgatānāṃ vai maharṣīṇāṃ naraissadā || 66 ||
[Analyze grammar]

devatānāṃ gaṇāḥ proktāśśṛṇu paṃca mahāmune |
turaṃgabhīrurbudhnaśca tanugro'nūgra eva ca || 67 ||
[Analyze grammar]

atimānī pravīṇaśca viṣṇussaṃkraṃdanastathā |
tejasvī sabalaścaiva satyastvete manossutā || 68 ||
[Analyze grammar]

bhaumasyaivādhikāre vai pūrvakalpastu pūryate |
ityete'nāgatā'tītā manavaḥ kīrtitā mayā || 69 ||
[Analyze grammar]

uktāssanatkumāreṇa vyāsāyāmitatejasā |
pūrṇe yugasahasrāṃte paripālyaḥ svadharmataḥ || 70 ||
[Analyze grammar]

prajābhistapasā yuktā brahmalokaṃ vrajaṃti te |
yugāni sapratistvekaṃ sāgrāṇyaṃtaramucyate || 71 ||
[Analyze grammar]

caturdaśaite manavaḥ kīrtitā kīrtivardhanāḥ |
manvaṃtareṣu sarveṣu saṃhārāṃte punarbhavaḥ || 72 ||
[Analyze grammar]

na śakyamantaraṃ teṣāṃ vaktuṃ varṣaśatairapi |
pūrṇe śatasahasre tu kalpo niḥśeṣa ucyate || 73 ||
[Analyze grammar]

tatra sarvāṇi bhūtāni dagdhānyādityaraśmibhiḥ |
brahmāṇamagrataḥ kṛtvā sadādityagaṇairmune || 75 ||
[Analyze grammar]

praviśaṃti suraśreṣṭha hariṃ nārāyaṇaṃ param |
sraṣṭāraṃ sarva bhūtānāṃ kalpāṃteṣu punaḥpunaḥ || 76 ||
[Analyze grammar]

bhūyopi bhagavān rudrassaṃhartā kāla eva hi |
kalpāṃte tatpravakṣyāmi manorvaivasvatasya vai || 77 ||
[Analyze grammar]

iti te kathitaṃ sarvaṃ manvaṃtarasamudbhavam |
visargaṃ puṇyamākhyānaṃ dhanyaṃ kulavivarddhanam || 78 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ sarvamanvatarānurkārtanaṃ nāma catustriṃśo'dhyāyaḥ || 34 ||
[Analyze grammar]