Chapter 42

[English text for this chapter is available]

nandīśvara uvāca |
avatārāñchṛṇu vibhordvādaśapramitānparān |
jyotirliṅgasvarūpānvai nānoti kārakānmune || 1 ||
[Analyze grammar]

saurāṣṭre somanāthaśca śrīśaile mallikārjunaḥ |
ujjayinyāṃ mahākāla oṃkāre cāmareśvaraḥ || 2 ||
[Analyze grammar]

kedāro himava tpṛṣṭe ḍākinyāmbhīmaśaṃkaraḥ |
vārāṇasyāṃ ca viśveśastryambako gautamītaṭe || 3 ||
[Analyze grammar]

vaidyanāthaścitābhūmau nāgeśo dārukāvane |
setubandhe ca rāmeśo ghuśmeśaśca śivālaye || 4 ||
[Analyze grammar]

avatāradvādaśakametacchambhoḥ parātmanaḥ |
sarvānandakaraṃ puṃsāndarśanātsparśanānmune || 5 ||
[Analyze grammar]

tatrādyassomanātho hi candraduḥkhakṣayaṃkaraḥ |
kṣayakuṣṭhādirogāṇāṃ nāśakaḥ pūjanānmune || 6 ||
[Analyze grammar]

śivāvatārassomeśo liṃgarūpeṇa saṃsthitaḥ |
saurāṣṭre śubhadeśe ca śaśinā pūjitaḥ purā || 7 ||
[Analyze grammar]

caṃdrakuṇḍaṃ ca tatraiva sarvapāpavināśakam |
tatra snātvā naro dhīmānsarvarogaiḥ pramucyate || 8 ||
[Analyze grammar]

someśvaraṃ mahāliṃgaṃ śivasya paramātmakam |
dṛṣṭvā pramucyate pāpādbhuktiṃ muktiṃ ca vindati || 9 ||
[Analyze grammar]

mallikārjunasaṃjñaścāvatāraśśaṃkarasya vai |
dvitīyaḥ śrīgirau tāta bhaktābhīṣṭaphalapradaḥ || 10 ||
[Analyze grammar]

saṃstuto liṃgarūpeṇa sutadarśanahetutaḥ |
gatastatra mahāprītyā sa śivaḥ svagirermune || 11 ||
[Analyze grammar]

jyotirliṃgaṃ dvitīyantaddarśanātpūjanānmune |
mahāsukhakaraṃ cānte muktidannātra saṃśayaḥ || 12 ||
[Analyze grammar]

mahākālābhidhastātāvatāraśśaṃkarasya vai |
ujjayinyāṃ nagaryyāṃ ca babhūva svajanāvanaḥ || 13 ||
[Analyze grammar]

dūṣaṇākhyāsuraṃ yastu vedadharmapramardakam || |
ujjayinyāṃ gataṃ vipradveṣiṇaṃ sarvanāśanam || 14 ||
[Analyze grammar]

vedaviprasutadhyāto huṅkāreṇaiva sa drutam |
bhasmasātkṛtavāṃstaṃ ca ratnamāla nivāsinam || 15 ||
[Analyze grammar]

taṃ hatvā sa mahākālo jyotirliṃgasvarūpataḥ |
devaissa prārthito'tiṣṭhatsvabhaktaparipālakaḥ || 16 ||
[Analyze grammar]

mahākālāhvayaṃ liṃgaṃ dṛṣṭvābhyarcya prayatnataḥ |
sarvānkāmānavāpnoti labhate parato gatim || 17 ||
[Analyze grammar]

oṅkāraḥ parameśāno dhṛtaḥ śambho parātmanaḥ |
avatāraścaturtho hi bhaktābhīṣṭaphalapradaḥ || 18 ||
[Analyze grammar]

vidhinā sthāpito bhaktyā svaliṃgātpārthivānmune |
prādurbhūto mahādevo vindhyakāmaprapūrakaḥ || 19 ||
[Analyze grammar]

devaissaṃprārthitastatra dvidhārūpeṇa saṃsthitaḥ |
bhuktimuktiprado liṃgarūpo vai śaktavatsala || 20 ||
[Analyze grammar]

praṇave caiva coṃkāranāmāsīlliṃgamuttamam |
parameśvaranāmāsītpārthivaśca munīśvara || 21 ||
[Analyze grammar]

bhaktābhīṣṭaprado jñeyo yopi dṛṣṭorcito mune |
jyotirliṃge mahādivye varṇite te mahāmune || 22 ||
[Analyze grammar]

kedāreśovatārastu paṃcamaḥ paramaśśivaḥ |
jyotirliṃgasvarūpeṇa kedāre saṃsthitasya ca || 23 ||
[Analyze grammar]

naranārāyaṇākhyau yāvavatārau harermune |
tatprārthitaśśivastatsthaiḥ kedāre himabhūdhare || 24 ||
[Analyze grammar]

tābhyāṃ ca pūjito nityaṃ kedāreśvarasaṃjñakaḥ |
bhaktābhīṣṭapradaḥ śambhurdarśanādarcanādapi || 25 ||
[Analyze grammar]

asya khaṇḍasya sa svāmī sarveśopi viśeṣataḥ |
sarvakāmapradastāta sovatāraśśivasya vai || 26 ||
[Analyze grammar]

bhīmaśaṃkarasaṃjñastu ṣaṣṭhaḥ śambhormahāprabhoḥ |
avatāro mahālīlo bhīmāsuravināśanaḥ || 27 ||
[Analyze grammar]

sudakṣiṇābhidhambhaktaṅkāmarūpeśvarannṛpam |
yo rarakṣādbhutaṃ hatvāsurantaṃ bhaktaduḥkhadam || 28 ||
[Analyze grammar]

bhīmaśaṅkaranāmā sa ḍākinyāṃ saṃsthitassvayam |
jyotirliṃgasvarūpeṇa prārthitastena śaṃkaraḥ || 29 ||
[Analyze grammar]

viśveśvarāvatārastu kāśyāṃ jāto hi saptamaḥ |
sarvabrahmāṇḍarūpaśca bhuktimuktiprado mune || 30 ||
[Analyze grammar]

pūjitassarvadevaiśca bhaktyā viṣṇvādibhissadā |
kailāsapatinā cāpi bhairaveṇāpi nityaśaḥ || 31 ||
[Analyze grammar]

jyotirliṃgasvarūpeṇa saṃsthitastatra muktidaḥ |
svayaṃ siddhasvarūpo hi tathā svapuri sa prabhuḥ || 32 ||
[Analyze grammar]

kāśīviśveśayorbhaktyā tannāmajapakārakāḥ |
nirliptāḥ karmabhirnnityaṃ kevalyapadabhāginaḥ || 33 ||
[Analyze grammar]

tryaṃbakākhyo'vatāro yaḥ soṣṭamo gautamītaṭe |
prārthito gautamenāvirbabhūva śaśimaulinaḥ || 34 ||
[Analyze grammar]

gautamasya prārthanayā jyotirliṃga svarūpataḥ |
sthitastatrācalaḥ prītyā tanmuneḥ prītikāmyayā || 35 ||
[Analyze grammar]

tasya sandarśanātsparśāddarśanācca maheśituḥ |
sarve kāmāḥ prasidhyanti tato muktirbhavedaho || 36 ||
[Analyze grammar]

śivānugrahatastatra gaṃgā nāmnā tu gautamī |
saṃsthitā gautamaprītyā pāvanī śaṃkarapriyā || 37 ||
[Analyze grammar]

vaidyanāthāvatāro hi navamastatra kīrtitaḥ |
āvirbhūto rāvaṇārthaṃ bahulīlākaraḥ prabhuḥ || 38 ||
[Analyze grammar]

tadānayanarūpaṃ hi vyājaṃ kṛtvā maheśvaraḥ |
jyotirliṃgasvarūpeṇa citābhūmau pratiṣṭhitaḥ || 39 ||
[Analyze grammar]

vaidyanātheśvaro nāmnā prasiddhobhūjjagattraye |
darśanātpūjanādbhaktyā bhuktimuktipradaḥ sa hi || 40 ||
[Analyze grammar]

vaidyanātheśvaraśivamāhātmyamanuśāsanam |
paṭhatāṃ śṛṇvatāṃ cāpi bhuktimuktipradaṃ mune || 41 ||
[Analyze grammar]

nāgeśvarāvatārastu daśamaḥ parikīrtitaḥ |
āvirbhūtaḥ svabhaktārthaṃ duṣṭānāṃ daṇḍadassadā || 42 ||
[Analyze grammar]

hatvā dārukanāmānaṃ rākṣasandharmaghātakam |
svabhaktaṃ vaiśyanāthaṃ ca prārakṣatsupriyābhidham || 43 ||
[Analyze grammar]

lokānāmupakārārthaṃ jyotirliṃgasvarūpadhṛk |
santasthau sāṃbikaśśambhurbahulīlākaraḥ paraḥ || 44 ||
[Analyze grammar]

taddṛṣṭvā śivaliṃgantu mune nāgeśvarābhidham |
vinaśyanti drutaṃ cārcya mahāpātakarāśayaḥ || 45 ||
[Analyze grammar]

rāmeśvarāvatārastu śivasyaikādaśaḥ smṛtaḥ |
rāmacandrapriyakaro rāmasaṃsthāpito mune || 46 ||
[Analyze grammar]

dadau jayavaraṃ prītyā yo rāmāya sutoṣitaḥ |
āvirbhūtasya liṃgastu śaṃkaro bhaktavatsalaḥ || 47 ||
[Analyze grammar]

rāmeṇa prārthito'tyarthaṃ jyotirliṃgasvarūpataḥ |
santasthau setubandhe ca rāmasaṃsevito mune || 48 ||
[Analyze grammar]

rāmeśvarasya mahimādbhuto'bhūdbhuvi cātulaḥ |
bhuktimuktipradaścaiva sarvadā bhaktakāmadaḥ || 49 ||
[Analyze grammar]

taṃ ca gaṃgājalenaiva snāpayiṣyati yo naraḥ |
rāmeśvaraṃ ca sadbhaktyā sa jīvanmukta eva hi || 50 ||
[Analyze grammar]

iha bhuktvākhilānbhogāndevatādurllabhānapi |
ataḥ prāpya paraṃ jñānaṃ kaivalyaṃ mokṣamāpnuyāt || 51 ||
[Analyze grammar]

ghuśmeśvarāvatārastu dvādaśaśśaṃkarasya hi |
nānālīlākaro ghuśmānandado bhaktavatsalaḥ || 52 ||
[Analyze grammar]

dakṣiṇasyāndiśi mune devaśailasamīpataḥ |
āvirbabhūva sarasi ghuśmāpriyakaraḥ prabhuḥ || 53 ||
[Analyze grammar]

sudehyamāritaṃ ghuśmāputraṃ sākalyato mune |
tuṣṭastadbhaktitaśśambhuryorakṣadbhaktavatsalaḥ || 54 ||
[Analyze grammar]

tatprārthitassa vai śambhustaḍāge tatra kāmadāḥ |
jyotirliṃga svarūpeṇa tasthau ghuśmeśvarābhidhaḥ || 55 ||
[Analyze grammar]

tandṛṣṭvā śivaliṃgantu samabhyarcya ca bhaktitaḥ |
iha sarvasukhambhuktvā tato muktiṃ ca vindati || 56 ||
[Analyze grammar]

iti te hi samākhyātā jyotirliṃgāvalī mayā |
dvādaśapramitā divyā bhuktimuktipradāyinī || 57 ||
[Analyze grammar]

etāṃ jyotirliṃgakathāṃ yaḥ paṭhecchṛṇuyādapi |
mucyate sarvapāpebhyo bhuktiṃ muktiṃ ca vindati || 58 ||
[Analyze grammar]

śatarudrābhidā ceyamvarṇitā saṃhitā mayā |
śatāvatārasatkīrtissarvakāmaphalapradā || 59 ||
[Analyze grammar]

imāṃ yaḥ paṭhate nityaṃ śṛṇuyādvā samāhitaḥ |
sarvānkāmānavāpnoti tato muktiṃ labheddhruvam || 60 ||
[Analyze grammar]

iti śrīśivamahāpurāṇe tṛtīyāyāṃ śatarudrasaṃhitāyāṃ sanatkumāra nandīśvarasaṃvāde dvādaśajyotirliṃgāvatāravarṇanaṃ nāma dvicatvāriṃśodhyāyaḥ || 42 ||
[Analyze grammar]