Chapter 41

[English text for this chapter is available]

tamāgatantato dṛṣṭvā dhyānaṃ kṛtvā śivasya saḥ |
gatvā tatrārjunastena yuddhaṃ cakre sudāruṇam || 1 ||
[Analyze grammar]

gaṇaiśca vividhaistīkṣṇairāyudhaistaṃ nyapīḍayat |
taistadā pīḍitaḥ pārthaḥ sasmāra svāminaṃ śivam || 2 ||
[Analyze grammar]

arjunaśca tadā teṣāṃ bāṇāvalimathācchinat |
yadāyuddhaṃ ca taiḥ kṣiptaṃ tataḥ śarvaṃ parāmṛśat || 3 ||
[Analyze grammar]

pīḍitāste gaṇāstena yayuścaiva diśo daśa |
gaṇeśā vāritāste ca nājagmussvāminamprati || 4 ||
[Analyze grammar]

śivaścaivārjunaścaiva yuyudhāte parasparam |
nānāvidhaiścāyudhairhi mahābalaparākramau || 5 ||
[Analyze grammar]

śivo'pi manasā nūnaṃ dayāṃ kṛtvārjunaṃ hyagāt |
arjunaśca dṛḍhaṃ tatra prahāraṃ kṛtavāṃstadā || 6 ||
[Analyze grammar]

āyudhāni śivasso vai hyarjunasyācchinattadā |
kavacāni ca sarvāṇi śarīraṃ kevalaṃ sthitam || 7 ||
[Analyze grammar]

tadārjunaḥ śivaṃ smṛtvā mallayuddhaṃ cakāra saḥ |
vāhinīpatinā tena bhayātkliṣṭopi dhairyavān || 8 ||
[Analyze grammar]

tadyuddhena mahī sarvā cakaṃpe sasamudrakā |
devā duḥkhaṃ samāpannaḥ kiṃ bhaviṣyati vā punaḥ || 9 ||
[Analyze grammar]

etasmitraṃtare devaḥ śivo gaganamāsthitaḥ |
yuddhaṃ cakāra tatrasthassorjunaśca tathā'karot || 10 ||
[Analyze grammar]

uḍḍīyoḍḍīya tau yuddhaṃ cakraturdevapārthivau |
devāśca vismayaṃ prāpū raṇaṃ dṛṣṭvā tadādbhutam || 11 ||
[Analyze grammar]

athārjunottare jñātvā smṛtvā śivapadāṃbujam |
dadhāra pādayostaṃ vai taddhyānādāptasadbalaḥ || 12 ||
[Analyze grammar]

dhṛtvā pādau tadā tasya bhrāmayāmāsa sorjunaḥ |
vijahāsa mahādevo bhaktavatsala ūtikṛt || 13 ||
[Analyze grammar]

dātuṃ svadāsatāṃ tasmai bhaktavaśyatayā mune |
śivenaiva kṛtaṃ hyetaccaritannānyathā bhavet || 14 ||
[Analyze grammar]

paścādvihasya tatraiva śaṃkaro rūpama dbhutam |
darśayāmāsa sahasā bhaktavaśyatayā śubham || 15 ||
[Analyze grammar]

yathoktaṃ vedaśāstreṣu purāṇe puruṣottamam |
vyāsopadiṣṭaṃ dhyānāya tasya yatsarvasiddhidam || 16 ||
[Analyze grammar]

taddṛṣṭvā suṃdaraṃ rūpaṃ dhyānaprāptaṃ śivasya tu |
babhūva vismitotīva hyarjuno lajjitaḥ svayam || 17 ||
[Analyze grammar]

aho śivaśśivassoya yo me prabhutayā vṛtaḥ |
trilokeśaḥ svayaṃ sākṣāddhā kṛtaṃ kiṃ mayā'dhunā || 18 ||
[Analyze grammar]

prabhorbalavatī māyā māyināmapi mohinī |
kiṃ kṛtaṃ rūpamācchādya prabhuṇā chalito hyaham || 19 ||
[Analyze grammar]

dhiyeti saṃvicāryyaiva sāñjalirnatamastakaḥ |
praṇanāma prabhuṃ prītyā tadovāca sa khinnadhīḥ || 20 ||
[Analyze grammar]

arjuna uvāca || devadeva mahādeva karuṇākara śaṃkara |
mamāparādhaḥ sarveśa kṣantavyaśca tvayā punaḥ || 21 ||
[Analyze grammar]

kiṃ kṛtaṃ rūpamācchādya cchalito'smi tvayādhunā |
dhiṅ māṃ samarakartāraṃ svāminā bhavatā prabho || 22 ||
[Analyze grammar]

nandīśvara uvāca |
ityevaṃ pāṇḍavassotha paścāttāpamavāpa saḥ |
pādayornipapātāśu śaṃkarasya mahāprabhoḥ || 23 ||
[Analyze grammar]

atheśvaraḥ prasannātmā pratyuvācārjunaṃ ca tam |
samāśvāsyeti bahuśo maheśo bhaktavatsalaḥ || 24 ||
[Analyze grammar]

śaṃkara uvāca |
na khidya pārtha bhaktosi mama tvaṃ hi viśeṣataḥ |
parīkṣārthaṃ mayā te'dya kṛtamevaṃ śucañjahi || 25 ||
[Analyze grammar]

naṃdīśvara uvāca |
ityuktvā taṃ svahastābhyāmutthāpya prabhurarjunam |
vilajjaṃ kārayāmāsa gaṇaiśca svāmino gaṇaiḥ || 26 ||
[Analyze grammar]

punaśśivo'rjunamprāha pāṇḍavaṃ vīrasammatam |
harṣayan sarvathā prītyā śaṃkaro bhaktavatsalaḥ || 27 ||
[Analyze grammar]

śiva uvāca |
he pārtha pāṇḍavaśreṣṭha prasannosmi varaṃ vṛṇu |
prahāraistāḍanaiste'dya pūjanammānitammayā || 28 ||
[Analyze grammar]

icchayā ca kṛtaṃ me'dya nāparādhastavādhunā |
nādeyaṃ vidyate tubhyaṃ yadicchasi vṛṇīṣva tat || 29 ||
[Analyze grammar]

te śatruṣu yaśorājyasthāpanāya śubhaṃ kṛtam |
etadduḥkhaṃ na kartavyaṃ vaiklavyaṃ ca tyajākhilam || 30 ||
[Analyze grammar]

nandīśvara uvāca |
ityuktastvarjunastena prabhuṇā śaṃkareṇa saḥ |
uvāca śaṃkaraṃ bhaktyā sāvadhānatayā sthitaḥ || 31 ||
[Analyze grammar]

arjuna uvāca |
bhaktapriyasya śambhoste suprabho kiṃ samīhitam |
varṇanīyaṃ mayā deva kṛpālustvaṃ sadāśiva || 32 ||
[Analyze grammar]

ityuktvā saṃstutiṃ tasya śaṃkarasya mahāprabhoḥ |
cakāra pāṇḍavassotha sadbhaktiṃ vedasaṃmatām || 33 ||
[Analyze grammar]

arjuna uvāca |
namaste devadevāya namaḥ kailāsavāsine |
sadāśiva namastubhyaṃ pañcavaktrāya te namaḥ || 34 ||
[Analyze grammar]

kapardine namastubhyantrinetrāya namo'stu te |
manaḥ prasannarūpāya sahasravadanāya ca || 35 ||
[Analyze grammar]

nīlakaṃṭha namastestu sadyojātāya vai namaḥ |
vṛṣadhvaja namastestu vāmāṃgagirijāya ca || 36 ||
[Analyze grammar]

daśadoṣa namastubhyannamaste paramātmane |
ḍamarukapālahastāya namaste muṇḍamāline || 37 ||
[Analyze grammar]

śuddhasphaṭikasaṃkāśaśuddhakarpūravarṣmaṇe |
pinākapāṇaye tubhyantriśūlavaradhāriṇe || 38 ||
[Analyze grammar]

vyāghracarmottarīyāya gajāmbaravidhāriṇe |
nāgāṃgāya namastubhyaṃ gaṃgādhara namostu te || 39 ||
[Analyze grammar]

supādāya namaste'stu āraktacaraṇāya ca |
nandyādigaṇasevyāya gaṇeśāya ca te namaḥ || 40 ||
[Analyze grammar]

namo gaṇeśarūpāya kārtikeyānugāya ca |
bhaktidāya ca bhaktānāṃ muktidāya namonamaḥ || 41 ||
[Analyze grammar]

aguṇāya namastestu saguṇāya namonamaḥ |
arūpāya sarūpāya sakalāyākalāya ca || 42 ||
[Analyze grammar]

namaḥ kirātarūpāya madanugrahakāriṇe |
yuddhapriyāya vīrāṇāṃ nānālīlānukāriṇe || 43 ||
[Analyze grammar]

yatkiṃciddṛśyate rūpantattejastāvakaṃ smṛtam |
cidrūpastvaṃ trilokeṣu ramasenvayabhedataḥ || 44 ||
[Analyze grammar]

guṇānānte na saṃkhyāsti yathā bhūrajasāmiha |
ākāśe tārakāṇāṃ hi kaṇānāṃ vṛṣṭyapāmapi || 45 ||
[Analyze grammar]

na te guṇāstu saṃkhyātuṃ vedā vai sambhavanti hi |
mandabuddhirahaṃ nātha varṇayāmi kathampunaḥ || 46 ||
[Analyze grammar]

sosi yosi namaste'stu kṛpāṃ kartumihārhasi |
dāsohaṃ te maheśāna svāmī tvaṃ me maheśvara || 47 ||
[Analyze grammar]

nandīśvara uvāca |
iti śrutvā vacastasya punaḥ provāca śaṃkara |
suprasannataro bhūtvā vihasanprabhurarjunam || 48 ||
[Analyze grammar]

śaṃkara uvāca |
vacasā kimbahūktena śṛṇuṣva vacanammama |
śīghraṃ vṛṇu varamputra sarvantacca dadāmi te || 49 ||
[Analyze grammar]

nandīśvara uvāca |
ityuktaścārjunastena praṇipatya sadāśivam |
sāñjalirnatakaḥ premṇā provāca gadgadākṣaram || 50 ||
[Analyze grammar]

arjuna uvāca |
kiṃ brūyāṃ tvaṃ ca sarveṣāmantaryāmitayā sthitaḥ |
tathāpi varṇitaṃ me'dya śrūyatāṃ ca tvayā vibho || 51 ||
[Analyze grammar]

śatrūṇāṃ saṃkaṭaṃ yacca tadgatandarśanāttava |
aihikīṃ ca parāṃ siddhimprāpnuyāṃ vai tathā kuru || 52 ||
[Analyze grammar]

nandīśvara uvāca |
ityuktvā taṃ namaskṛtya śaṃkarambhaktavatsalam |
nataskandho'rjunastatra baddhāñjalirupasthitaḥ || 53 ||
[Analyze grammar]

śivopi ca tathābhūtañjñātvā pāṇḍavamarjunam |
nijabhaktavaraṃ svāmī mahātuṣṭo babhūva ha || 54 ||
[Analyze grammar]

astrampāśupataṃ svīyandurjayaṃ sarvadākhilaiḥ |
dadau tasmai maheśāno vacanaścedamabravīt || 55 ||
[Analyze grammar]

śiva uvāca |
svaṃ mahāstrammayā dattandurjayastvambhaviṣyati |
anena sarvaśatrūṇāṃ jayakṛtyamavāpnuhi || 56 ||
[Analyze grammar]

kṛṣṇaṃ ca kathayiṣyāmi sāhāyyante kariṣyati |
sa vai mamātmabhūtaśca madbhaktaḥ kāryyakārakaḥ || 57 ||
[Analyze grammar]

matprabhāvānbhārata tvaṃ rājyannikaṇṭakaṃ kuru |
dharmyānnānāvidhānbhrātrā kāraya tvaṃ ca sarvadā || 58 ||
[Analyze grammar]

nandīśvara uvāca |
ityuktvā nijahastaṃ ca dhṛtvā śirasi tasya saḥ |
pūjito hyarjunenāśu śaṃkarontaradhīyata || 59 ||
[Analyze grammar]

athārjunaḥ prasannātmā prāpyāstraṃ ca varaṃ prabhoḥ |
jagāma svāśrame mukhyaṃ smaranbhaktyā guruṃ śivam || 60 ||
[Analyze grammar]

sarvve te bhrātaraḥ prītāstanvaḥ prāṇamivāgatam |
militvā taṃ sukhaṃ prāpurdraupadī cāti suvratā || 61 ||
[Analyze grammar]

śivaṃ paraṃ ca santuṣṭampāṇḍavāḥ sarva eva hi |
nātṛpyansarvavṛttāntaṃ śrutvā harṣamupāgatāḥ || 62 ||
[Analyze grammar]

āśrame puṣpavṛṣṭiśca candanena samanvitā |
papāta sukarārthaṃ ca teṣāñcaiva mahātmanām || 63 ||
[Analyze grammar]

dhanyaṃ ca śaṃkaraṃ caiva namaskṛtya śivammudā |
avadhiṃ cāgataṃ jñātvā jayaścaiva bhaviṣyati || 64 ||
[Analyze grammar]

etasminnantare kṛṣṇaśśrutvārjunamathāgatam |
melanāya samāyātaśśrutvā sukhamupāgataḥ || 65 ||
[Analyze grammar]

ataścaiva mayākhyātaḥ śaṃkaraḥ sarvaduḥkhahā |
sa sevyate mayā nityaṃ bhavadbhirapi sevyatām || 66 ||
[Analyze grammar]

ityuktaste kirātāhvovatāraśśaṃkasya vai |
taṃ śrutvā śrāvayanvāpi sarvānkāmānavāpnuyāt || 67 ||
[Analyze grammar]

ityaṣṭāśītyavatārāḥ |
iti śrīśivamahāpurāṇe tṛtīyāyāṃ śatarudrasaṃhitāyāṃ kirāteśvarāvatāravarṇanaṃ nāmaikacatvāriṃśo'dhyāyaḥ || 41 ||
[Analyze grammar]