Chapter 20

[English text for this chapter is available]

nandīśvara uvāca |
ataḥ paraṃ śruṇu prītyā hanumaccaritammune |
yathā cakārāśu haro līlāstadrūpato varāḥ || 1 ||
[Analyze grammar]

cakāra suhitaṃ prītyā rāmasya parameśvarāḥ |
tatsarvaṃ caritaṃ vipra śṛṇu sarvasukhāvaham || 2 ||
[Analyze grammar]

ekasminsamaye śambhuradbhutotikaraḥ prabhuḥ |
dadarśa mohinīrūpaṃ viṣṇossa hi vasadguṇaḥ || 3 ||
[Analyze grammar]

cakre svaṃ kṣubhitaṃ śambhuḥ kāmabāṇahato yathā |
svamvīryampātayāmāsa rāmakāryārthamīśvaraḥ || 4 ||
[Analyze grammar]

tadvīryaṃ sthāpayāmāsuḥ patre saptarṣayaśca te |
preritā manasā tena rāmakāryārtha mādarāta || 5 ||
[Analyze grammar]

tairgautamasutāyāṃ tadvīryaṃ śambhormaharṣibhiḥ |
karṇadvārā tathāṃjanyāṃ rāmakāryārthamāhitam || 6 ||
[Analyze grammar]

tataśca samaye tasmāddhanūmā niti nāmabhāk |
śambhurjajñe kapitanurmahābalaparākramaḥ || 7 ||
[Analyze grammar]

hanūmānsa kapīśānaḥ śiśureva mahābalaḥ |
ravibimbaṃ babhakṣāśu jñātvā laghuphalamprage || 8 ||
[Analyze grammar]

devaprārthanayā taṃ so'tyajajjñātvā mahābalam |
śivāvatāraṃ ca prāpa varāndattānsurarṣibhiḥ || 9 ||
[Analyze grammar]

svajananyantikamprāgādatha sotipraharṣitaḥ |
hanūmānsarvamācakhyau tasyai tadvṛttamādarāt || 10 ||
[Analyze grammar]

tadājñayā tato dhīrassarvavidyāmayatnataḥ |
sūryātpapāṭha sa kapirgatvā nityaṃ tadāntikam || 11 ||
[Analyze grammar]

sūryājñayā tadaṃśatya sugrīvasyāntikaṃ yayau |
māturājñāmanuprāpya rudrāṃśaḥ kapisattamaḥ || 12 ||
[Analyze grammar]

jyeṣṭhabhrātrā vālinā hi svastrībhoktrā tiraskṛtaḥ |
ṛṣyamṛkagirau tena nyavasatsa hanūmatā || 13 ||
[Analyze grammar]

tato'bhūtsa sukaṇṭhasya mantrī kapivarassudhīḥ |
sarvathā suhitaṃ cakre sugrīvasya harāṃśajaḥ || 14 ||
[Analyze grammar]

tatrāgatena sabhrātrā hṛtabhāryeṇa duḥkhinā |
kārayāmāsa rāmeṇa tasya sakhyaṃ sukhāvaham || 15 ||
[Analyze grammar]

ghātayāmāsa rāmaśca vālinaṃ kapikuñjaram |
bhrātṛpatnyāśca bhoktāraṃ pāpinamvīramāninam || 16 ||
[Analyze grammar]

tato rāmā''jñayā tāta hanūmānvānareśvaraḥ |
sa sītānveṣaṇañcakre bahubhirvānaraissudhīḥ || 17 ||
[Analyze grammar]

jñātvā laṅkāgatāṃ sītāṃ gatastatra kapīśvaraḥ |
drutamullaṃghya siṃdhuntamanistīryyaṃ paraissa vai || 18 ||
[Analyze grammar]

cakre'dbhutacaritraṃ sa tatra vikramasaṃyutam |
abhijñānandadau prītyā sītāyai svaprabhorvaram || 19 ||
[Analyze grammar]

sītāśokaṃ jahārāśu sa vīraḥ kapināyakaḥ |
śrāvayitvā rāmavṛttaṃ tatprāṇāvanakārakam || 20 ||
[Analyze grammar]

tadabhijñānamādāya nivṛtto rāmasannidhim |
rāvaṇā''rāmamāhatya jaghāna bahurākṣasān || 21 ||
[Analyze grammar]

tadeva rāvaṇasutaṃ hatvā sabahurākṣasam |
sa mahopadravaṃ cakre mahotistatra nirbhayaḥ || 22 ||
[Analyze grammar]

yadā dagdho rāvaṇenāvaguṃṭhya vasanāni ca |
tailābhyaktāni sudṛḍhaṃ mahābalavatā mune || 23 ||
[Analyze grammar]

utplutyotplutya ca tadā mahādevāṃśajaḥ kapiḥ |
dadāha laṃkāṃ nikhilāṃ kṛtvā vyājantameva hi || 24 ||
[Analyze grammar]

dagdhvā laṃkāṃ vaṃcayitvā vibhīṣaṇagṛhaṃ tataḥ |
apatadvāridhau vīrastatassa kapikuñjaraḥ || 25 ||
[Analyze grammar]

svapuccha tatra nirvāpya prāpa tasya parantaṭam |
akhinnassa yayau rāmasannidhiṃ giriśāṃśajaḥ || 26 ||
[Analyze grammar]

avilaṃbena sujavo hanūmān kapisattamaḥ |
rāmopakaṇṭhamāgatya dadau sītāśiromaṇim || 27 ||
[Analyze grammar]

tatastadājñayā vīrassindhau setumabandhayat |
vānarassa samānīya bahūngirivarānbalī || 28 ||
[Analyze grammar]

gatvā tatra tato rāmastartukāmo yathā tataḥ |
śivaliṃgaṃ samānarca pratiṣṭhāpya jayepsayā || 29 ||
[Analyze grammar]

tadvarātsa jayaṃ prāpya varaṃ tīrtvodadhiṃ tataḥ |
laṃkāmāvṛtya kapibhī raṇaṃ cakre sa rākṣasaiḥ || 30 ||
[Analyze grammar]

jaghānāthāsurānvīro rāmasainyaṃ rarakṣa saḥ |
śakti kṣataṃ lakṣmaṇaṃ ca saṃjīvinyā hyajīvayat || 31 ||
[Analyze grammar]

sarvathā sukhinaṃ cakre sarāmaṃ lakṣmaṇaṃ hi saḥ |
sarvasainyaṃ rarakṣāsau mahādevātmajaḥ prabhuḥ || 32 ||
[Analyze grammar]

rāvaṇaṃ parivārāḍhyaṃ nāśayāmāsa viśramaḥ |
sukhīcakāra devānsa mahābalagrahaḥ kapi || 33 ||
[Analyze grammar]

mahīrāvaṇasaṃjñaṃ sa hatvā rāmaṃ salakṣmaṇam |
tatsthānādānayāmāsa svasthānamparipālya ca || 34 ||
[Analyze grammar]

rāmakāryaṃ cakārāśu sarvathā kapipuṃgavaḥ |
asurānnamayāmāsa nānālīlāṃ cakāra ca || 35 ||
[Analyze grammar]

sthāpayāmāsa bhūloke rāmabhaktiṃ kapīśvaraḥ |
svayaṃ bhaktavaro bhūtvā sītārāmasukhapradaḥ || 36 ||
[Analyze grammar]

lakṣmaṇaprāṇadātā ca sarvadevamadāpahaḥ |
rudrāvatāro bhagavānbhaktoddhārakarassa vai || 37 ||
[Analyze grammar]

hanumānsa mahāvīro rāmakāryakarassadā |
rāmadūtābhidho loke daityaghno bhaktavatsalaḥ || 38 ||
[Analyze grammar]

iti te kathitaṃ tāta hanumaccaritamvaram |
dhanyaṃ yaśasyamāyuṣyaṃ sarvakāmaphalapradam || 39 ||
[Analyze grammar]

ya idaṃ śṛṇuyādbhaktyā śrāvayedvā samāhitaḥ |
sa bhuktvehākhilānkāmānante mokṣaṃ labhetparam || 40 ||
[Analyze grammar]

iti śrīśivamahāpurāṇe tṛtīyāyāṃ śatarudrasaṃhitāyāṃ hanumadavatāracaritravarṇanaṃ nāma viṃśo'dhyāyaḥ || 20 ||
[Analyze grammar]