Chapter 38

[English text for this chapter is available]

sanatkumāra uvāca |
sā ca gatvā hi saṃgrāmaṃ siṃhanādaṃ cakāra ha |
devyāśca tena nādena mūrcchāmāpuśca dānavāḥ || 1 ||
[Analyze grammar]

aṭṭāṭṭahāsamaśivaṃ cakāra ca punaḥ punaḥ |
tadā papau ca mādhvīkaṃ nanarta raṇamūrddhani || 2 ||
[Analyze grammar]

ugradaṃṣṭrā cogradaṃḍā koṭavī ca papau madhu |
anyāśca devyastatrājau nanṛturmadhu saṃpapuḥ || 3 ||
[Analyze grammar]

mahān kolāhalo jāto gaṇadevadale tadā |
jahṛṣurbahugarjaṃtassarve suragaṇādayaḥ || 4 ||
[Analyze grammar]

dṛṣṭvā kālīṃ śaṃkhacūḍaśśīghramājau samāyayau |
dānavāśca bhayaṃ prāptā rājā tebhyo'bhayaṃ dadau || 5 ||
[Analyze grammar]

kālī cikṣepa vahniṃ ca pralayāgniśikhopamam |
rājā jaghāna taṃ śīghraṃ vaiṣṇavāṃkitalīlayā || 6 ||
[Analyze grammar]

nārāyaṇāstraṃ sā devī cikṣepa taduparyaram |
vṛddhiṃ jagāma tacchastraṃ dṛṣṭvā vāmaṃ ca dānavam || 7 ||
[Analyze grammar]

taṃ dṛṣṭvā śaṃkhacūḍaśca pralayāgniśikhopamam |
papāta daṃḍavadbhūmau praṇanāma punaḥpunaḥ || 8 ||
[Analyze grammar]

nivṛttiṃ prāpa tacchstraṃ dṛṣṭvā namraṃ ca dānavam |
brahmāstramatha sā devī cikṣepa maṃtrapūrvakam || 9 ||
[Analyze grammar]

taṃ dṛṣṭvā prajjvalaṃtaṃ ca praṇamya bhuvi saṃsthitaḥ |
brahmāstreṇa dānavendro vinivāraṃ cakāra ha || 10 ||
[Analyze grammar]

atha kruddho dānavendro dhanurākṛṣya raṃhasā |
cikṣepa divyānyastrāṇi devyai vai maṃtrapūrvakam || 11 ||
[Analyze grammar]

āhāraṃ samare cakre prasārya mukhamāyatam |
jagarja sāṭṭahāsaṃ ca dānavā bhayamāyayuḥ || 12 ||
[Analyze grammar]

kālyai cikṣepa śaktiṃ sa śatayojanamāyatām |
devī divyāstrajālena śatakhaṃḍaṃ cakāra sā || 13 ||
[Analyze grammar]

sa ca vaiṣṇavamastraṃ ca cikṣepa caṃḍikopari |
māheśvareṇa kālī ca vinivāraṃ cakāra sā || 14 ||
[Analyze grammar]

evaṃ cirataraṃ yuddhamanyonyaṃ saṃbabhūva ha |
prekṣakā abhavansarve devāśca dānavā api || 15 ||
[Analyze grammar]

atha kuddhā mahādevī kālī kālasamā raṇe |
jagrāha mantrapūtaṃ ca śaraṃ pāśupataṃ ruṣā || 16 ||
[Analyze grammar]

kṣepātpūrvaṃ tanniṣeddhuṃ vāgbabhūvāśarīriṇī |
na kṣipāstramidaṃ devi śaṃkhacūḍāya vai ruṣā || 17 ||
[Analyze grammar]

mṛtyuḥ pāśupatānnāstyamoghādapi ca caṃḍike |
śaṃkhacūḍasya vīrasyopāyamanyaṃ vicāraya || 18 ||
[Analyze grammar]

ityākarṇya bhadrakālī na cikṣepa tadastrakam |
śatalakṣaṃ dānavānāṃ jaghāsa līlayā kṣudhā || 19 ||
[Analyze grammar]

attuṃ jagāma vegena śaṃkhacūḍaṃ bhayaṃkarī |
divyāstreṇa ca raudreṇa vārayāmāsa dānavaḥ || 20 ||
[Analyze grammar]

atha kruddho dānavendraḥ khaḍgaṃ cikṣepa satvaram |
grīṣmasūryopamaṃ tīkṣṇadhāramatyaṃtabhīkaram || 21 ||
[Analyze grammar]

sā kālī taṃ samālokyāyāṃtaṃ prajvalitaṃ ruṣā |
prasārya mukhamāhāraṃ cakre tasya ca paśyataḥ || 22 ||
[Analyze grammar]

divyānyastrāṇi cānyāni ciccheda dānaveśvaraḥ |
prāptāni pūrvataścakre śatakhaṃḍāni tāni ca || 23 ||
[Analyze grammar]

punarattuṃ mahādevī vegatastaṃ jagāma ha |
sarvasiddheśvaraḥ śrīmānaṃtardhānaṃ cakāra saḥ || 24 ||
[Analyze grammar]

vegena muṣṭinā kālī tamadṛṣṭvā ca dānavam |
babhaṃja ca rathaṃ tasya jaghāna kila sārathim || 25 ||
[Analyze grammar]

athāgatya drutaṃ māyī cakraṃ cikṣepa vegataḥ |
bhadrakālyai śaṃkhacūḍaḥ pralayāgniśikho pamam || 26 ||
[Analyze grammar]

sā devī taṃ tadā cakraṃ vāmahastena līlayā |
jagrāha svamukhenaivāhāraṃ cakre ruṣā drutam || 27 ||
[Analyze grammar]

muṣṭyā jaghāna taṃ devī mahākopena vegataḥ |
babhrāma dānavendropi kṣaṇaṃ mūrcchāmavāpa saḥ || 28 ||
[Analyze grammar]

kṣaṇena cetanāṃ prāpya sa cottasthau pratāpavān |
na cakre bāhu yuddhaṃ ca mātṛbuddhyā tayā saha || 29 ||
[Analyze grammar]

gṛhītvā dānavaṃ devī bhrāmayitvā punaḥpunaḥ |
ūrddhvaṃ ca prāpayāmāsa mahākopena vegataḥ || 30 ||
[Analyze grammar]

utpapāta ca vegena śaṃkhacūḍaḥ pratāpavān |
nipatya ca samuttasthā praṇamya bhadrakālikām || 31 ||
[Analyze grammar]

ratnendrasāranirmāṇavimānaṃ sumano haram |
āruroha sa hṛṣṭātmā na bhrāntopi mahāraṇe || 32 ||
[Analyze grammar]

dānavānāṃ hi kṣatajaṃ sā papau kālikā kṣudhā |
etasminnaṃtare tatra vāgvabhūvāśarīriṇī || 33 ||
[Analyze grammar]

lakṣaṃ ca dānavendrāṇāmavaśiṣṭaṃ raṇe'dhunā |
uddhataṃ guñjatāṃ sārddhaṃ tatastvaṃ bhuṃkṣva ceśvari || 34 ||
[Analyze grammar]

saṃgrāme dānavendraṃ ca haṃtuṃ na kuru mānasam |
avadhyoyaṃ śaṃkhacūḍastava devīti niścayam || 35 ||
[Analyze grammar]

tacchutvā vacanaṃ devī niḥsṛtaṃ vyomamaṃḍalāt |
dānavānāṃ bahūnāṃ ca māṃsaṃ ca rudhiraṃ tathā || 36 ||
[Analyze grammar]

bhuktvā pītvā bhadrakālī śaṃkarāṃtikamāyayau |
uvāca raṇavṛttāṃtaṃ paurvāparyeṇa sakramam || 37 ||
[Analyze grammar]

iti śrīśivamahāpurāṇe dvi0 rudrasaṃ0paṃ0yuddhakhaṃḍe śaṃkhacūḍavadhe kālīyuddhavarṇanaṃ nāmāṣṭatriṃśo'dhyāyaḥ || 38 ||
[Analyze grammar]