Chapter 39

[English text for this chapter is available]

vyāsa uvāca |
śrutvā kālyuktamīśāno kiṃ cakāra kimuktavān |
tattvaṃ vada mahāprājña paraṃ kautūhalaṃ mama || 1 ||
[Analyze grammar]

sanatkumāra uvāca |
kālyuktaṃ vacanaṃ śrutvā śaṃkaraḥ parameśvaraḥ |
mahālīlākaraśśaṃbhurjahāsāśvāsayañca tām || 2 ||
[Analyze grammar]

vyomavāṇīṃ samākarṇya tattvajñānaviśāradaḥ |
yayau svayaṃ ca samare svagaṇaissaha śaṃkaraḥ || 3 ||
[Analyze grammar]

mahāvṛṣabhamārūḍho vīrabhadrādisaṃyutaḥ |
bhairavaiḥ kṣetrapālaiśca svasamānaissamanvitaḥ || 4 ||
[Analyze grammar]

raṇaṃ prāpto maheśaśca vīrarūpaṃ vidhāya ca |
virarājādhikaṃ tatra rudro mūrta ivāṃtakaḥ || 5 ||
[Analyze grammar]

śaṃkhacūḍaśśivaṃ dṛṣṭvā vimānādavaruhya saḥ |
nanāma parayā bhaktyā śirasā daṃḍavadbhuvi || 6 ||
[Analyze grammar]

taṃ praṇamya tu yogena vimānamāruroha saḥ |
tūrṇaṃ cakāra sannāhaṃ dhanurjagrāha seṣukam || 7 ||
[Analyze grammar]

śivadānavayoryuddhaṃ śatamabdaṃ babhūva ha |
bāṇavarṣamivograṃ tadvarṣatormoghayostadā || 8 ||
[Analyze grammar]

śaṃkhacūḍo mahāvīraśśarāṃścikṣepa dāruṇān |
ciccheda śaṃkarastānvai līlayā svaśarotkaraiḥ || 9 ||
[Analyze grammar]

tadaṃgeṣu ca śastroghaistāḍayāmāsa kopataḥ |
mahārudro virūpākṣo duṣṭadaṇḍassatāṃ gati || 10 ||
[Analyze grammar]

dānavo niśitaṃ khaḍgaṃ carma cādāya vegavān |
vṛṣaṃ jaghāna śirasi śivasya varavāhanam || 11 ||
[Analyze grammar]

tāḍite vāhane rudrastaṃ kṣurapreṇa līlayā |
khaḍgaṃ ciccheda tasyāśu carma cāpi mahojjvalam || 12 ||
[Analyze grammar]

chinne'sau carmaṇi tadā śaktiṃ cikṣepa so'suraḥ |
dvidhā cakre svabāṇena harastāṃ saṃmukhāgatām || 13 ||
[Analyze grammar]

kopādhmātaśśaṃkhacūḍaścakraṃ cikṣepa dānavaḥ |
muṣṭipātena taccāpyacūrṇayatsahasā haraḥ || 14 ||
[Analyze grammar]

gadāmāvidhya tarasā saṃcikṣepa haraṃ prati |
śaṃbhunā sāpi sahasā bhinnā bhasmatvamāgatā || 15 ||
[Analyze grammar]

tataḥ paraśumādāya hastena dānaveśvaraḥ |
dhāvati sma haraṃ vegācchaṃkhacūḍaḥ krudhākulaḥ || 16 ||
[Analyze grammar]

samāhṛtya svabāṇaughairapātayata śaṃkaraḥ |
drutaṃ paraśuhastaṃ taṃ bhūtale līlayāsuram || 17 ||
[Analyze grammar]

tataḥ kṣaṇena saṃprāpya saṃjñāmāruhya sadratham |
dhṛtadivyāyudhaśaro babhau vyāpyākhilaṃ nabhaḥ || 18 ||
[Analyze grammar]

āyāṃtaṃ taṃ nirīkṣyaiva ḍamarudhvani mādarāt |
cakāra jyāravaṃ cāpi dhanuṣo dussahaṃ hara || 19 ||
[Analyze grammar]

pūrayāmāsa kakubhaḥ śṛṃganādena ca prabhuḥ |
svayaṃ jagarja giriśastrāsayannasurāṃstadā || 20 ||
[Analyze grammar]

tyājitebha mahāgarvairmahānādairvṛṣeśvaraḥ |
pūrayāmāsa sahasā khaṃ gāṃ vasudiśastathā || 21 ||
[Analyze grammar]

mahākālassamutpatyā tāḍayadgāṃ tathā nabhaḥ |
karābhyāṃ tanninādena kṣiptā āsanpurāravāḥ || 22 ||
[Analyze grammar]

aṭṭāṭṭahāsamaśivaṃ kṣetrapālaścakāra ha |
bhairavo'pi mahānādaṃ sa cakāra mahāhave || 23 ||
[Analyze grammar]

mahākolāhalo jāto raṇamadhye bhayaṃkaraḥ |
vīraśabdo babhūvātha gaṇamadhye samaṃtataḥ || 24 ||
[Analyze grammar]

saṃtresurdānavāssarve taiśśabdairbhayadaiḥ kharaiḥ |
cukopātīva tacchrutvā dānavendro mahābalaḥ || 25 ||
[Analyze grammar]

tiṣṭhatiṣṭheti duṣṭātmanvyājahāra yadā haraḥ |
devairgaṇaiśca taiḥ śīghramuktaṃ jaya jayeti ca || 26 ||
[Analyze grammar]

athāgatya sa daṃbhasya tanayassupratāpavān |
śaktiṃ cikṣepa rudrāya jvālāmālātibhīṣaṇām || 27 ||
[Analyze grammar]

vahnikūṭaprabhā yāṃtī kṣetrapālena satvaram |
nirastāgatya sājau vai mukhotpannamaholkayā || 28 ||
[Analyze grammar]

punaḥ pravavṛte yuddhaṃ śivadānavayormahat |
cakaṃpe dharaṇī dyauśca sanagābdhijalāśayā || 29 ||
[Analyze grammar]

dāṃbhimuktāccharāñśaṃbhuśśarāṃstatprahitānsa ca |
sahasraśaśśarairugraiściccheda śataśastadā || 30 ||
[Analyze grammar]

tataśśaṃbhustriśūlena saṃkuddhastaṃ jaghāna ha |
tatprahāramasahyāśu kau papāta sa mūrcchitaḥ || 31 ||
[Analyze grammar]

tataḥ kṣaṇena saṃprāpa saṃjñāṃ sa ca tadāsuraḥ |
ājaghāna śarai rudraṃ tānsarvānāttakārmukaḥ || 32 ||
[Analyze grammar]

bāhūnāgayutaṃ kṛtvā chādayāmāsa śaṃkaram |
cakrāyutena sahasā śaṃkhacūḍaḥ pratāpavān || 33 ||
[Analyze grammar]

tato durgāpatiḥ kruddho rudro durgārtināśanaḥ |
tāni cakrāṇi ciccheda svaśarairuttamai drutam || 34 ||
[Analyze grammar]

tato vegena sahasā gadāmādāya dānavaḥ |
abhyadhāvata vai haṃtuṃ bahusenāvṛto haram || 35 ||
[Analyze grammar]

gadāṃ ciccheda tasyāśvāpatataḥ so'sinā haraḥ |
śitadhāreṇa saṃkruddho duṣṭagarvāpahārakaḥ || 36 ||
[Analyze grammar]

chinnāyāṃ svagadāyāṃ ca cukopātīva dānavaḥ |
śūlaṃ jagrāha tejasvī pareṣāṃ dussahaṃ jvalat || 37 ||
[Analyze grammar]

sudarśanaṃ śūlahastamāyāṃte dānaveśvaram |
svatriśūlena vivyādha hṛdi taṃ vegato haraḥ || 38 ||
[Analyze grammar]

triśūlabhinnahṛdayānniṣkrāṃtaḥ puruṣaḥ paraḥ |
tiṣṭhatiṣṭheti covāca śaṃkhacūḍasya vīryavān || 39 ||
[Analyze grammar]

niṣkrāmato hi tasyāśu prahasya svanavattataḥ |
ciccheda ca śiro bhīma masināso'patadbhuvi || 40 ||
[Analyze grammar]

tataḥ kālīṃ cakhādograṃ daṃṣṭrākṣuṇṇaśirodharān |
asurāṃstān bahūn krodhāt prasārya svamukhaṃ tadā || 41 ||
[Analyze grammar]

kṣetrapālaścakhādānyānbahūndaityānkrudhākulaḥ |
kecinneśurbhairavāstracchinnā bhinnāstathāpare || 42 ||
[Analyze grammar]

vīrabhadro'parāndhīmānbahūn krodhādanāśayat |
nandīśvaro jaghānānyānbahūnamaramardakān || 43 ||
[Analyze grammar]

evaṃ bahugaṇā vīrāstadā saṃnahya kopataḥ |
vyanāśayanbahūndaityānasurān deva mardakān || 44 ||
[Analyze grammar]

itthaṃ bahutaraṃ tatra tasya sainyaṃ nanāśa tat |
vidrutāścāpare vīrā bahavo bhayakātarāḥ |
iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe śaṃkhacūḍasainyavadhavarṇanaṃ nāma navatriṃśo'dhyāyaḥ || 39 ||
[Analyze grammar]