Chapter 37

[English text for this chapter is available]

sanatkumāra uvāca |
tadā devagaṇāssarve dānavaiśca parājitāḥ |
dudruvurbhayabhītāśca śastrāstrakṣatavigrahāḥ || 1 ||
[Analyze grammar]

te parāvṛtya viśveśaṃ śaṃkaraṃ śaraṇaṃ yayuḥ |
trāhi trāhīti sarveśetyū curvihvalayā girā || 2 ||
[Analyze grammar]

dṛṣṭvā parājayaṃ teṣāṃ devādīnāṃ sa śaṃkaraḥ |
sabhayaṃ vacanaṃ śrutvā kopamuccaiścakāra ha || 3 ||
[Analyze grammar]

nirīkṣya sa kṛpādṛṣṭyā devebhyaścābhayaṃ dadau |
balaṃ ca svagaṇānāṃ vai varddhayāmāsa tejasā || 4 ||
[Analyze grammar]

śivājñaptastadā skando dānavānāṃ gaṇaissaha |
yuyudhe nirbhayassaṃkhye mahāvīro harātmajaḥ || 5 ||
[Analyze grammar]

kṛtvā krodhaṃ vīraśabdaṃ devo yastārakāṃtakaḥ |
akṣauhiṇīnāṃ śatakaṃ samare sa jaghāna ha || 6 ||
[Analyze grammar]

rudhiraṃ pātayāmāsa kālī kamalalocanā |
teṣāṃ śirāṃsi saṃchidya babhakṣa sahasā ca sā || 7 ||
[Analyze grammar]

papau raktāni teṣāṃ ca dānavānāṃ samaṃ tataḥ |
yuddhaṃ cakāra vividhaṃ suradānavabhīṣaṇam || 8 ||
[Analyze grammar]

śatalakṣaṃ gajendrāṇāṃ śatalakṣaṃ nṛṇāṃ tathā |
samādāyaikahastena mukhe cikṣepa līlayā || 9 ||
[Analyze grammar]

kabaṃdhānāṃ sahasraṃ ca sannanarta raṇe bahu |
mahān kolāhalo jātaḥ klībānāṃ ca bhayaṃkaraḥ || 10 ||
[Analyze grammar]

punaḥ skaṃdaḥ prakupyoccaiḥ śaravarṣāñcakāra ha |
pātayāmāsa kṣayataḥ koṭiśo'suranāyakān || 11 ||
[Analyze grammar]

dānavāḥ śarajālena skandasya kṣatavigrahāḥ |
bhītāḥ pradudruvussarve śeṣā maraṇatastadā || 12 ||
[Analyze grammar]

vṛṣaparvā vipracittirdaṃḍaścāpi vikaṃpanaḥ |
skaṃdena yuyudhussārddhaṃ tena sarve krameṇa ca || 13 ||
[Analyze grammar]

mahāmārī ca yuyudhe na babhūva parāṅmukhī |
babhūvuste kṣatāṃgāśca skaṃdaśaktiprapīḍitāḥ || 14 ||
[Analyze grammar]

mahāmārīskaṃdayośca vijayobhūttadā mune |
nedurduṃdubhayassvarge puṣpavṛṣṭiḥ papāta ha || 15 ||
[Analyze grammar]

skaṃdasya samaraṃ dṛṣṭvā mahāraudraṃ tamadbhutam |
dānavānāṃ kṣayakaraṃ yathāprakṛtikalpakam || 16 ||
[Analyze grammar]

mahāmārīkṛtaṃ taccopadravaṃ kṣayahetukam |
cukopātīva sahasā sanaddhobhūtsvayaṃ tadā || 17 ||
[Analyze grammar]

varaṃ vimānamāruhya nānāśastrāstrasaṃyutam |
abhayaṃ sarvavīrāṇāṃ nānāratnaparicchadam || 18 ||
[Analyze grammar]

mahāvīraiśśaṃkhacūḍo jagāma rathamadhyataḥ |
dhanurvikṛṣya karṇāntaṃ cakāra śaravarṣaṇam || 19 ||
[Analyze grammar]

tasya sā śaravṛṣṭiśca durnivāryyā bhayaṃkarī |
mahāghorāṃdhakāraśca vadhasthāne babhūva ha || 20 ||
[Analyze grammar]

devāḥ pradudruvuḥ sarve ye'nye nandīśvarādayaḥ |
eka eva kārttikeyastasthau samaramūrddhani || 21 ||
[Analyze grammar]

parvatānāṃ ca sarpāṇāṃ nāgānāṃ śākhināṃ tathā |
rājā cakāra vṛṣṭiṃ ca durnivāryā bhayaṃkarīm || 22 ||
[Analyze grammar]

taddṛṣṭyā prahataḥ skando babhūva śivanandanaḥ |
nīhāreṇa ca sāṃdreṇa saṃvṛtau bhāskarau yathā || 23 ||
[Analyze grammar]

nānāvidhāṃ svamāyāṃ ca cakāra mayadarśitām |
tāṃ nāvidan surāḥ kepi gaṇāśca munisattama || 24 ||
[Analyze grammar]

tadaiva śaṅkhacūḍaśca mahāmāyī mahābalaḥ |
śareṇaikena divyena dhanuściccheda tasya vai || 25 ||
[Analyze grammar]

babhaṃja tadrathaṃ divyaṃ ciccheda rathapīḍakān |
mayūraṃ jarjarībhūtaṃ divyāstreṇa cakāra saḥ || 26 ||
[Analyze grammar]

śaktiṃ cikṣepa sūryābhāṃ tasya vakṣasi ghātinīm |
mūrcchāmavāpa sahasā tatprahāreṇa sa kṣaṇam || 27 ||
[Analyze grammar]

punaśca cetanāṃ prāpya kārtikaḥ paravīrahā |
ratnendrasāranirmāṇamāruroha svavāhanam || 28 ||
[Analyze grammar]

smṛtvā pādau maheśasya sāmbikasya ca ṣaṇmukhaḥ |
śastrāstrāṇi gṛhītvaiva cakāra raṇamulbaṇam || 29 ||
[Analyze grammar]

sarppāṃśca parvatāṃścaiva vṛkṣāṃśca prastarāṃstathā |
sarvāṃściccheda kopena divyā streṇa śivātmajaḥ || 30 ||
[Analyze grammar]

vahniṃ nivārayāmāsa pārjanyena śareṇa ha |
rathaṃ dhanuśca ciccheda śaṃkhacūḍasya līlayā || 31 ||
[Analyze grammar]

sannāhaṃ sarvavāhāṃśca kirīṭaṃ mukuṭojjvalam |
vīraśabdaṃ cakārāsau jagarja ca punaḥ punaḥ || 32 ||
[Analyze grammar]

cikṣepa śaktiṃ sūryābhāṃ dānavendrasya vakṣasi || |
tatprahāreṇa saṃprāpa mūrcchāṃ dīrghatamena ca || 33 ||
[Analyze grammar]

muhūrtamātraṃ tatkleśaṃ vinīya sa mahābalaḥ |
cetanāṃ prāpya cottasthau jagarja harivarca saḥ || 34 ||
[Analyze grammar]

śaktyā jaghāna taṃ cāpi kārtikeyaṃ mahābalam |
sa papāta mahīpṛṣṭhe'moghāṃ kurvanvidhipradām || 35 ||
[Analyze grammar]

kālī gṛhītvā taṃ kroḍe nināya śivasannidhau |
jñānena taṃ śivaścāpi jīvayāmāsa līlayā || 36 ||
[Analyze grammar]

dadau balamanaṃtaṃ ca samuttasthau pratāpavān |
gamanāya matiṃ cakre punastatra śivātmajaḥ || 37 ||
[Analyze grammar]

etasminnaṃtare vīro vīrabhadro mahābalaḥ |
śaṃkhacūḍena yuyudhe samare balaśālinā || 38 ||
[Analyze grammar]

vavarṣa samare'strāṇi yāniyāni ca dānavaḥ |
ciccheda līlayā vīrastānitāni nijaiśśaraiḥ || 39 ||
[Analyze grammar]

divyānyastrāṇi śataśo mumuce dānaveśvaraḥ |
tāni ciccheda taṃ bāṇairvīrabhadraḥ pratāpavān || 40 ||
[Analyze grammar]

athātīva cukopoccaiśśaṃkhacūḍaḥ pratāpavān |
śaktyā jaghānorasi taṃ sa cakaṃpe papāta kau || 41 ||
[Analyze grammar]

kṣaṇena cetanāṃ prāpya samuttasthau gaṇeśvaraḥ |
jagrāha ca dhanurbhūyo vīrabhadro gaṇāgraṇīḥ || 42 ||
[Analyze grammar]

etasminnaṃtare kālī jagāma samaraṃ punaḥ |
bhakṣituṃ dānavān svāṃśca rakṣituṃ kārtikecchayā || 43 ||
[Analyze grammar]

vīrāstāmanujagmuśca te ca nandīśvarādayaḥ |
sarve devāśca gaṃdharvā yakṣā rakṣāṃsi pannagāḥ || 44 ||
[Analyze grammar]

vādyabhāṃḍāśca bahuśaśśataśo madhuvāhakāḥ |
punaḥ samudyatāścāsan vīrā ubhayato'khilāḥ || 45 ||
[Analyze grammar]

iti śrīśivamahāpurāṇe dvitīyāyāṃ rudrasahitāyāṃ pañcame yuddhakhaṃḍe śaṃkhacūḍavadhe sasainyaśaṃkhacūḍayuddhavarṇanaṃ nāma saptatriṃśo'dhyāyaḥ || 37 ||
[Analyze grammar]