Shiva Purana [sanskrit]

223,192 words | ISBN-10: 8171101519

The Shiva-purana Book 2.5 Chapter 36 (Sanskrit text), including grammatical analysis, glossary and relevant print editions. The Shivapurana is a one of the eighteen Major Puranas detailing religious worship of Shiva, also known as Shaivism. The book contains 24,000 verses although it is said to be an abridged form and originally consisted of 100,000 verses.

[English text for this chapter is available]

sanatkumāra uvāca |
sa dūtastatra gatvā ca śivavākyaṃ jagāda ha |
savistaraṃ yathārthaṃ ca niścayaṃ tasya tattvataḥ || 1 ||
[Analyze grammar]

tacchutvā śaṃkhacūḍo'sau dānavendraḥ pratāpavān |
aṃgīcakāra suprītyā raṇameva sa dānavaḥ || 2 ||
[Analyze grammar]

samāruroha yānaṃ ca sahāmātyaiśca satvaraḥ |
ādideśa svasainyaṃ ca yuddhārthaṃ śaṃkareṇa ca || 3 ||
[Analyze grammar]

śivassvasainyaṃ devāṃśca prerayāmāsa satvaraḥ |
svayamapyakhileśopi sannaddhobhūcca līlayā || 4 ||
[Analyze grammar]

yuddhāraṃbho babhūvāśu nedurvādyāni bhūriśaḥ |
kolāhalaśca saṃjāto vīraśabdastathaiva ca || 5 ||
[Analyze grammar]

devadānavayoryuddhaṃ sparamabhūnmune |
dharmato yuyudhe tatra devadānavayorgaṇaḥ || 6 ||
[Analyze grammar]

svayaṃ mahendro yuyudhe sārdhaṃ ca vṛṣaparvaṇā |
bhāskaro yuyudhe vipracittinā saha dharmataḥ || 7 ||
[Analyze grammar]

daṃbhena saha viṣṇuśca cakāra paramaṃ raṇam |
kālāsureṇa kālaśca gokarṇena hutāśanaḥ || 8 ||
[Analyze grammar]

kuberaḥ kālakeyena viśvakarmā mayena ca |
bhayaṃkareṇa mṛtyuśca saṃhāreṇa yamastathā || 9 ||
[Analyze grammar]

kālambikena varuṇaścaṃcalena samīraṇaḥ |
budhaśca ghaṭapṛṣṭhena raktākṣeṇa śanaiścaraḥ || 10 ||
[Analyze grammar]

jayanto ratnasāreṇa vasavo varcasāṃ gaṇaiḥ |
aśvinau dīptimadbhyāṃ ca dhūmreṇa nalakūbaraḥ || 11 ||
[Analyze grammar]

dhuraṃdhareṇa dharmaśca gaṇakākṣeṇa maṃgalaḥ |
śobhākareṇa vaiśvānaḥ pipiṭena ca manmathaḥ || 12 ||
[Analyze grammar]

gokāmukhena cūrṇena khaḍganāmnā'sureṇa ca |
dhūmreṇa saṃhalenāpi viśvena ca pratāpinā || 13 ||
[Analyze grammar]

palāśena dvādaśā'rkā yuyudhurdharmataḥ pare |
asurairamarāssārddhaṃ śivasāhāyyaśālinaḥ || 14 ||
[Analyze grammar]

ekādaśa mahārudrāścaikādaśabhayaṃkaraiḥ |
asurairyuyudhurvīrairmaihābalaparākramaiḥ || 15 ||
[Analyze grammar]

mahāmaṇiśca yuyudhe cogracaṃḍādibhissaha |
rāhuṇā saha candraśca jīvaḥ śukreṇa dharmataḥ || 16 ||
[Analyze grammar]

nandīśvarādayassarve dānavapravaraissaha |
yuyudhuśca mahāyuddhe noktā vistarataḥ pṛthak || 17 ||
[Analyze grammar]

vaṭamūle tadā śaṃbhustasthau kālyāḥ sutena ca |
sarve ca yuyudhussainyasamūhāssatataṃ mune || 18 ||
[Analyze grammar]

ratnasiṃhāsane ramye koṭidānavasaṃyutaḥ |
uvāsa śaṃkhacūḍaśca ratnabhūṣaṇabhūṣitaḥ || 19 ||
[Analyze grammar]

mahāyuddho babhūvātha devāsuravimardanaḥ |
nānāyudhāni divyāni calaṃtisma mahāmṛdhe || 20 ||
[Analyze grammar]

gadarṣṭipaṭṭiśāścakrabhuśuṃḍiprāsamudgarāḥ |
nistriṃśabhallaparighāḥ śaktyunmukhaparaśvadhāḥ || 21 ||
[Analyze grammar]

śaratomarakhaḍgāśca śataghnyaśca sahasraśaḥ |
bhiṃdipālādayaścānye vīrahasteṣu śobhitāḥ || 22 ||
[Analyze grammar]

śirāṃsi cicchiduścaibhirvīrāstatra maho tsavāḥ |
vīrāṇāmubhayoścaiva sainyayorgarjato raṇe || 23 ||
[Analyze grammar]

gajāsturaṃgā bahavaḥ syandanāśca padātayaḥ |
sārohavāhā vividhāstatrāsan suvikhaṃḍitāḥ || 24 ||
[Analyze grammar]

nikṛttabāhūrukarakaṭikarṇayugāṃghrayaḥ |
saṃchinnadhvajabāṇāsitanutra varabhūṣaṇāḥ || 25 ||
[Analyze grammar]

samuddhatakirīṭaiśca śirobhissaha kuṃḍalaiḥ |
saṃraṃbhanaṣṭairāstīrṇā babhau bhūḥ karabhorubhiḥ || 26 ||
[Analyze grammar]

mahābhujaissābharaṇaissaṃchinnaissāyudhaistathā |
aṃgairanyaiśca sahasā paṭalairvā sasāraghaiḥ || 27 ||
[Analyze grammar]

mṛdhe bhaṭāḥ pradhāvaṃtaḥ kabaṃdhān svaśirokṣibhiḥ |
paśyaṃtastatra cotpeturudyatāyudhasadbhujaiḥ || 28 ||
[Analyze grammar]

valgaṃto'titarāṃ vīrā yuyudhuśca parasparam |
śastrāstrairvividhaistatra mahābalaparākramāḥ || 29 ||
[Analyze grammar]

kecitsvarṇamukhairbāṇairvinihatya bhaṭānmṛdhe |
vyanadan vīrasannādaṃ satoyā iva toyadāḥ || 30 ||
[Analyze grammar]

sarvataśśarakūṭena vīrassarathasārathim |
vīraṃ saṃchādayāmāsa prāvṛṭsūryamivāṃbudaḥ || 31 ||
[Analyze grammar]

anyonyamabhisaṃsṛtya yuyudhurdvandvayodhinaḥ |
āhvayaṃto viśaṃto'gre kṣipaṃto marmabhirmithaḥ || 32 ||
[Analyze grammar]

sarvato vīrasaṃghāśca nānābāhudhvajāyudhāḥ |
vyadṛśyaṃta mahāsaṃkhye kurvaṃtaḥ siṃhasaṃravam || 33 ||
[Analyze grammar]

mahāravānsvaśaṃkhāṃśca vidadhmurvai pṛthak pṛthak |
valganaṃ cakrire tatra mahāvīrāḥ praharṣitāḥ || 34 ||
[Analyze grammar]

evaṃ cirataraṃ kālaṃ devadānavayormahat |
babhūva yuddhaṃ vikaṭaṃ karālaṃ vīraharṣadam || 35 ||
[Analyze grammar]

mahāprabhośca līleyaṃ śaṃkarasya parātmanaḥ |
yayā samīhitaṃ sarvaṃ sadevāsuramānuṣam || 36 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe śaṃkhacūḍavadhe parasparayuddhavarṇanaṃ nāma ṣaṭtriṃśo'dhyāyaḥ || 36 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Shiva Purana Chapter 36

Cover of edition (2020)

Shri Shiva Maha Purana - Moolmatram
by Gita Press, Gorakhpur (2020)

[Mulamatra] Sanskrit Text Only

Buy now!
Cover of edition (2019)

The Siva Purana (Three Volumes)
by Shanti Lal Nagar (2019)

An Exhaustive Introduction, Sanskrit Text, English Translation with Photographs of Archaeological Evidence

Buy now!
Cover of edition (2019)

Shri Shiva Purana (Set of 2 Volumes)
by Gita Press, Gorakhpur (2019)

Sanskrit Text with Hindi Translation

Buy now!
Cover of Gujarati edition

Shiva Purana (Gujarati)
by Hanuman Prasad Poddar (2013)

[સંક્ષિપ્ત શિવપુરાણ] — Published by Gita Press, Gorakhpur (9788129301840)

Buy now!
Cover of edition (0)

Shiva Purana in Kannada
by Vandana Book House, Bangalore (0)

[ಶಿವಪುರಾಣ] Set of 9 Volumes

Buy now!
Cover of edition (2004)

Shiva Purana (Malayalam)
by Swami Advaitanandapuri (2004)

[ശിവ പുരണ] published by Aarshasri Publications & Co.

Buy now!
Cover of edition (2019)

Shiva Purana (Telugu)
by Hanuman Prasad Poddar (2019)

[శ్రీ శివమఃపురాణము] or [శ్రీ శివ మహా పురాణం]; Published by Gita Press, Gorakhpur.

Buy now!
Cover of Bengali edition

Shiva Purana (Bengali)
by Navabharat Publishers, Kolkata (0)

[শিব পুরান]

Buy now!
Cover of edition (2016)

Shiva Purana (Tamil)
by Gita Press, Gorakhpur (2016)

[ஸ்ரீசிவ மகாபுராணம்]

Buy now!
Like what you read? Consider supporting this website: