Chapter 55

[English text for this chapter is available]

brahmovāca |
atha sā brāhmaṇī devyai śikṣayitvā vratañca tat |
provāca menāmāmantrya yātrāmasyāśca kāraya || 1 ||
[Analyze grammar]

tathāstviti ca samprocya premavaśyā babhūva sā |
dhṛtindhṛtvāhūya kālīṃ viśleṣavirahā kulā || 2 ||
[Analyze grammar]

atyuccai rodanaṃ cakre saṃśliṣya ca punaḥ punaḥ |
pārvatyapi rurodoccairuccarantī kṛpāvacaḥ || 3 ||
[Analyze grammar]

śailapriyā śivā cāpi mūrcchāmāpa śucārditā |
mūrcchāmprāpurdevapatnyaḥ pārvatyā rodanena ca || 4 ||
[Analyze grammar]

sarvāśca rurudurnāryyassarvamāsīdacetanam |
svayaṃ ruroda yogīśo gacchankonya paraḥ prabhuḥ || 5 ||
[Analyze grammar]

etasminnantare śīghramājagāma himālayaḥ |
sasarvatanayastatra sacivaiśca dvijaiḥ paraiḥ || 6 ||
[Analyze grammar]

svayaṃ ruroda mohena vatsāṃ kṛtvā svavakṣasi |
kva yāsītyevamuccārya śūnyaṃ kṛtvā muhurmuhuḥ || 7 ||
[Analyze grammar]

tataḥ purohito viprairadhyātmavidyayā sukham |
sarvānprabodhayāmāsa kṛpayā jñānavattaraḥ || 8 ||
[Analyze grammar]

nanāma pārvatī bhaktyā mātarampitaraṃ gurum |
mahāmāyā bhavācārādrurodoccairmuhurmuhuḥ || 9 ||
[Analyze grammar]

pārvatyā rodanenaiva rurudussarvayoṣitaḥ |
nitarāṃ jananī menā yāmayo bhrātarastathā || 10 ||
[Analyze grammar]

punaḥ punaḥ śivāmātā yāmayo'nyāśca yoṣitaḥ |
bhrātaro janakaḥ premṇā rurudurbaddhasauhṛdāḥ || 11 ||
[Analyze grammar]

tadā viprāḥ samāgatya bodhayāmāsurādarāt |
lagnannivedayāmāsuryātrāyāssukhadamparam || 12 ||
[Analyze grammar]

tato himālayo menāṃ dhṛtvā dhairyyamvivekataḥ |
śibikāmānayāmāsa śivārohaṇahetave || 13 ||
[Analyze grammar]

śivāmārohayāmāsustatra viprāṅganāśca tām |
āśiṣampradadussarvāḥ pitā mātā dvijāstathā || 14 ||
[Analyze grammar]

mahārājñyupacārāṃśca dadau menā giristathā |
nānādravyasamūhaṃ ca pareṣāndurlabhaṃ śubham || 15 ||
[Analyze grammar]

śivā natvā gurūnsarvāñ janakaṃ jananīntathā |
dvijānpurohitaṃ yāmīstrīstathānyā yayau mune || 16 ||
[Analyze grammar]

himācalo'pi sasuto'gacchatsnehavaśī budhaḥ |
prāptastatra prabhuryatra sāmaraḥ prītimāvahan || 17 ||
[Analyze grammar]

prītyābhirebhire sarve mahotsavapura ssaram |
prabhumpraṇemuste bhaktyā praśaṃsanto'viśanpurīm || 18 ||
[Analyze grammar]

jātismarāṃ smārayāmi nityaṃ smarasi cedvada |
līlayā tvāñca deveśi sadā prāṇapriyā mama || 19 ||
[Analyze grammar]

brahmovāca |
ityākarṇya maheśasya svanāthasyātha pārvatī |
śaṅkarasya priyā nityaṃ sasmitovāca sā satī || 20 ||
[Analyze grammar]

pārvatyuvāca |
sarvaṃ smarāmi prāṇeśa maunī bhūto bhaveti ca |
prastāvocitamadyāśu kāryaṃ kuru namo'stu te || 21 ||
[Analyze grammar]

brahmovāca |
ityākarṇya priyāvākyaṃ sudhādhārāśatopamam |
mumude'tīva viśveśo laukikācāratatparaḥ || 22 ||
[Analyze grammar]

śivaḥ sambhṛtasambhāro nānāvastumanoharam |
bhojayāmāsa devaśca nārāyaṇapurogamān || 23 ||
[Analyze grammar]

tathānyānnikhilānprītyā svavivāhasamāgatān |
bhojayāmāsa surasamannambahuvidhamprabhuḥ || 24 ||
[Analyze grammar]

tato bhuktvā ca te devā nānāratna vibhūṣitāḥ |
sastrīkāssagaṇāssarve praṇemuścaṃdraśekharam || 25 ||
[Analyze grammar]

saṃstutya vāgbhiriṣṭābhiḥ parikramya mudānvitāḥ |
praśaṃsanto vivāhañca svadhāmāni yayustataḥ || 26 ||
[Analyze grammar]

nārāyaṇaṃ mune māṃ ca praṇanāma śivassvayam |
laukikācāramāśritya yathā viṣṇuśca kaśyapam || 27 ||
[Analyze grammar]

mayāśliṣyāśiṣandattvā śivasya punaragrataḥ |
matvā vai taṃ paraṃ brahma cakre ca stutiruttamā || 28 ||
[Analyze grammar]

tamāmantrya mayā viṣṇussāñjaliśśivayormudā |
praśaṃsaṃstadvivāhañca jagāma svālayamparam || 29 ||
[Analyze grammar]

śivo'pi svagirau tasthau pārvatyā viharanmudā |
sarve gaṇāssukhaṃ prāpuratīva svabhajañchivau || 30 ||
[Analyze grammar]

ityevaṅka thitastāta śivodvāhassumaṃgalaḥ |
śokaghno harṣajanaka āyuṣyo dhanavarddhanaḥ || 31 ||
[Analyze grammar]

ya imaṃ śṛṇuyānnityaṃ śucistadgatamānasaḥ |
śrāvayedvātha niyamācchivalokamavāpnuyāt || 32 ||
[Analyze grammar]

idamākhyānamākhyātamadbhutaṃ maṃgalāyanam |
sarvavighnapraśamanaṃ sarvavyādhivināśanam || 33 ||
[Analyze grammar]

yaśasyaṃ svargyamāyuṣyaṃ putrapautrakaramparam |
sarvakāmapradaṃ ceha bhuktidaṃ muktidaṃ sadā || 34 ||
[Analyze grammar]

apamṛtyupraśamanaṃ mahāśāntikaraṃ śubham |
sarvadussvapnapraśamanaṃ buddhiprajñādisādhanam || 35 ||
[Analyze grammar]

śivotsaveṣu sarveṣu paṭhitavyamprayatnataḥ |
śubhepsubhirjanaiḥ prītyā śivasantoṣakāraṇam || 36 ||
[Analyze grammar]

paṭhetpratiṣṭhākāle tu devādīnāṃ viśeṣataḥ |
śivasya sarvakāryasya prārambhe ca suprītitaḥ || 37 ||
[Analyze grammar]

śṛṇuyādvā śucirbhūtvā caritaṃ śivayośśivam |
sidhyanti sarvakāryāṇi satyaṃ satyaṃ na saṃśayaḥ || 38 ||
[Analyze grammar]

iti śrīśivamahāpurāṇe brahmanāradasaṃvāde dvitīyāyāṃ rudrasaṃhitāyāṃ tṛtīye pārvatīkhaṇḍe śivakailāsagamanavarṇanaṃ nāma pañcapañcāśattamo'dhyāyaḥ || 55 ||
[Analyze grammar]

samāpto'yaṃ tṛtīyaḥ pārvatīkhaṇḍaḥ || 3 ||
[Analyze grammar]