Chapter 29

[English text for this chapter is available]

nārada uvāca |
brahman vidhe mahābhāga kiṃ jātaṃ tadanantaram |
tatsarvaṃ śrotumicchāmi kathaya tvaṃ śivāyaśaḥ || 1 ||
[Analyze grammar]

brahmovāca |
devarṣe śrūyatāṃ samyakkathayāmi kathāṃ mudā |
tāṃ mahāpāpasaṃhartrīṃ śivabhaktivivarddhinīm || 2 ||
[Analyze grammar]

pārvatī vacanaṃ śrutvā harassa paramātmanaḥ |
dṛṣṭvānandakaraṃ rūpaṃ jaharṣātīva ca dvija || 3 ||
[Analyze grammar]

pratyuvāca mahā sādhvī svopakaṇṭhasthitaṃ vibhum |
atīva sukhitā devī prītyutphullānanā śivā || 4 ||
[Analyze grammar]

pārvatyuvāca |
tvaṃ nātho mama deveśa tvayā kiṃ vismṛtampurā |
dakṣayajñavināśaṃ hi yadarthaṃ kṛtavānhaṭhāt || 5 ||
[Analyze grammar]

sa tvaṃ sāhaṃ samutpannā menayāṃ kāryyasiddhaye |
devānāṃ deva dedeśa tārakāptā'sukhātmanām || 6 ||
[Analyze grammar]

yadi prasanno deveśa karoṣi ca kṛpāṃ yadi |
patirbhava mameśāna mama vākyaṃ kuru prabho || 7 ||
[Analyze grammar]

piturgehe mayā samyaggamyate tvadanujayā |
prasiddhaṃ kriyatāṃ tadvai viśuddhaṃ paramaṃ yaśaḥ || 8 ||
[Analyze grammar]

gantavyaṃ bhavatā nātha himavatpārśvataṃ prabho |
yācasva māṃ tato bhikṣu bhūtvā līlāviśāradaḥ || 9 ||
[Analyze grammar]

tathā tvayā prakartavyaṃ loke khyāpayatā yaśaḥ |
piturme saphalaṃ sarvaṃ kuruṣvaivaṃ gṛhā mam || 10 ||
[Analyze grammar]

ṛṣibhirbodhitaḥ prītyā svabandhuparivāritaḥ |
kariṣyati na saṃdehastava vākyaṃ pitā mama || 11 ||
[Analyze grammar]

dakṣakanyā purāhaṃ vai pitrā dattā yadā tava |
yathoktavidhinā tatra vivāho na kṛtastvayā || 12 ||
[Analyze grammar]

na grahāḥ pūjitāstena dakṣeṇa janakena me |
grahāṇāṃ viṣayastena sacchidroyaṃ mahānabhūt || 13 ||
[Analyze grammar]

tasmādyathoktavidhinā kartumarhasi me prabho |
vivāhaṃ tvaṃ mahādeva devānāṃ kāryyasiddhaye || 14 ||
[Analyze grammar]

vivāhasya yathā rītiḥ kartavyā sā tathā dhuvam |
jānātu himavān samyak kṛtaṃ putryā śubhaṃ tapaḥ || 15 ||
[Analyze grammar]

brahmovāca || ityevaṃ vacanaṃ śrutvā suprasannassadāśivaḥ |
provāca vacanaṃ prītyā girijāṃ prahasanniva || 16 ||
[Analyze grammar]

śiva uvāca |
śṛṇu devi maheśāni paramaṃ vacanaṃ mama |
yathocitaṃ sumāṅgalyamavikāri tathā kuru || 17 ||
[Analyze grammar]

brahmādikāni bhūtāni tvanityāni varānane |
dṛṣṭaṃ yatsarvametacca naśvaraṃ viddhi bhāmini || 18 ||
[Analyze grammar]

ekonekatvamāpanno nirguṇo hi guṇānvitaḥ|| |
jyotsnayā yo vibhāti parajyotsnānvito'bhavat || 19 ||
[Analyze grammar]

svatantraḥ paratantraśca tvayā devi kṛto hyaham |
sarvakartrī ca prakṛtirmahāmāyā tvameva hi || 20 ||
[Analyze grammar]

māyāmayaṃ kṛtamidaṃ ca jagatsamagraṃ sarvātmanā hi vidhṛtaṃ parayā svabuddhyā |
savārtmabhissukṛtibhiḥ paramātmabhāvaissaṃsiktamātmani gaṇaḥ pariveṣṭitaśca || 21 ||
[Analyze grammar]

ke grahāḥ ke ṛtugaṇāḥ ke vānyepi tvayā grahāḥ |
kimuktaṃ cādhunā devi śivārthaṃ varavarṇini || 22 ||
[Analyze grammar]

guṇakāryyaprabhedenāvābhyāṃ prādurbhavaḥ kṛtaḥ |
bhaktahetorjagatyasminbhaktavatsalabhāvataḥ || 23 ||
[Analyze grammar]

tvaṃ hi vai prakṛtissūkṣmā rajassattvatamomayī |
vyāpāradakṣā satataṃ saguṇā nirguṇāpi ca || 24 ||
[Analyze grammar]

sarveṣāmiha bhūtānāmahamātmā sumadhyame |
nirvikārī nirīhaśca bhaktecchopāttavigrahaḥ || 25 ||
[Analyze grammar]

himālayaṃ na gaccheyaṃ janakaṃ tava śailaje |
tatastvāṃ bhikṣuko bhūtvā na yāceyaṃ kathaṃcana || 26 ||
[Analyze grammar]

mahāguṇairgariṣṭhopi mahātmāpi girīndraje |
dehītivacanātsadyaḥ puruṣo yāti lāghavam || 27 ||
[Analyze grammar]

itthaṃ jñātvā tu kalyāṇi kimasmākaṃ vadasyatha |
kāryyaṃ tvadājñayā bhadre yathecchasi tathā kuru || 28 ||
[Analyze grammar]

|| brahmovāca |
tenoktāpi mahādevī sā sādhvī kamalekṣaṇā |
jagāda śaṃkaraṃ bhaktyā supraṇamya punaḥ punaḥ || 29 ||
[Analyze grammar]

pārvatyuvāca |
tvamātmā prakṛtiścāhaṃ nātra kāryyā vicāraṇā |
svatantrau bhaktavaśagau nirguṇau saguṇāvapi || 30 ||
[Analyze grammar]

prayatnena tvayā śambho kāryaṃ vākyaṃ mama prabho |
yācasva māṃ himagiressaubhāgyaṃ dehi śaṅkara || 31 ||
[Analyze grammar]

kṛpāṃ kuru maheśāna tava bhaktāsmi nityaśaḥ |
tava patnī sadā nātha hyahaṃ janmani janmani || 32 ||
[Analyze grammar]

tvaṃ brahma paramātmā hi nirguṇaḥ prakṛteḥ paraḥ |
nirvikārī nirīhaśca svatantraḥ parameśvaraḥ || 33 ||
[Analyze grammar]

tathāpi saguṇopīha bhaktoddhāraparāyaṇaḥ |
vihārī svātmanirato nānālīlāviśāradaḥ || 34 ||
[Analyze grammar]

sarvathā tvāmahaṃ jāne mahādeva maheśvara |
kimuktena ca sarvajña bahunā hi dayāṃ kuru || 35 ||
[Analyze grammar]

vistāraya yaśo loke kṛtvā līlāṃ mahādbhutām |
yatsugīya janā nāthāṃjasottīrṇā bhavāmbudheḥ || 36 ||
[Analyze grammar]

brahmovāca |
ityevamuktvā girijā supraṇamya punaḥ punaḥ |
virarāma maheśānaṃ nataskandhā kṛtāṃjaliḥ || 37 ||
[Analyze grammar]

ityevamuktassa tayā mahātmā maheśvaro lokaviḍambanāya |
tatheti mattvā prahasanbabhūva mudānvitaḥ kartumanāstadeva || 38 ||
[Analyze grammar]

tato hyantarhitaśśambhurbabhūva supraharṣitaḥ |
kailāsaṃ prayayau kālyā virahākṛṣṭamānasaḥ || 39 ||
[Analyze grammar]

tatra gatvā maheśāno nandyādibhyassa ūcivān |
vṛttāntaṃ sakalaṃ tamvai paramānandanirbharaḥ || 40 ||
[Analyze grammar]

te'pi śrutvā gaṇāssarve bhairavādyāśca sarvaśaḥ |
babhūvussukhinotyantaṃ vidadhuḥ paramotsavam || 41 ||
[Analyze grammar]

sumaṃgalaṃ tatra dvija babhūvātīva nārada |
sarveṣāṃ duḥkhanāśobhūdrudraḥ prāpāpi saṃmudam || 42 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe śivāśivasamvādavarṇanaṃ nāmaikonatriṃśo'dhyāyaḥ || 29 ||
[Analyze grammar]