Chapter 27

[English text for this chapter is available]

pārvatyuvāca |
śṛṇu dvijendra jaṭila madvṛttaṃ nikhilaṃ khalu |
sakhyuktaṃ me'dya yatsatyaṃ tattathaiva na cānyathā || 1 ||
[Analyze grammar]

manasā vacasā sākṣātkarmmaṇā patibhāvataḥ |
satyaṃ bravīmi no'satyaṃ vṛto vai śaṃkaro yā || 2 ||
[Analyze grammar]

jānāmi durllabhaṃ vastu kathamprāpyaṃ mayā bhavet |
tathāpi mana autsukyāttapyate'dya tapo mayā || 3 ||
[Analyze grammar]

|| brahmovāca |
ityuktvā vacanantasmai sthitā sā girijā tadā |
uvāca brāhmaṇastatra tacchrutvā pārvatīvacaḥ || 4 ||
[Analyze grammar]

brāhmaṇa uvāca |
etāvatkālaparyyantammamecchā mahatī hyabhūt |
kiṃ vastu kāṃkṣatī devī kurute sumahattapaḥ || 5 ||
[Analyze grammar]

tajjñātvā nikhilaṃ devi śrutvā tvanmukhapaṃkajāt |
ito gacchāmyahaṃ sthānādyathecchasi tathā kuru || 6 ||
[Analyze grammar]

na kathyate tvayā mahyaṃ mitratvaṃ niṣphalambhavet |
yathā kāryyaṃ tathā bhāvi kathanīyaṃ sukhena ca || 7 ||
[Analyze grammar]

|| brahmovāca |
ityuktvā vacanaṃ tasya yāvadgantumiyeṣa saḥ |
tāvacca pārvatī devī praṇamyovāca taṃ dvijam || 8 ||
[Analyze grammar]

|| pārvatyuvāca |
kiṃ gamiṣyasi viprendra sthito bhava hitaṃ vada |
ityukte ca tayā tatra sthitvovāca sa daṇḍadhṛk || 9 ||
[Analyze grammar]

dvija uvāca |
yadi śrotumanā devi māṃ sthāpayasi bhaktitaḥ |
vadāmi tattvaṃ tatsarvaṃ yena te vayunambhavet || 10 ||
[Analyze grammar]

jānāmyahaṃ mahādevaṃ sarvathā gurudharmmataḥ |
pravadāmi yathārthaṃ hi sāvadhānatayā śṛṇu || 11 ||
[Analyze grammar]

vṛṣadhvajo mahādevo bhasmadigdho jaṭādharaḥ |
vyāghracarmmāṃbaradharaḥ saṃvīto gajakṛttinā || 12 ||
[Analyze grammar]

kapāladhārī sarpaughaissarvagātreṣu veṣṭitaḥ |
viṣadigdho'bhakṣyabhakṣo virūpākṣo vibhīṣaṇaḥ || 13 ||
[Analyze grammar]

avyaktajanmā satataṃ gṛhabhogavivarjitaḥ |
digaṃbaro daśabhujo bhūta pretānvitassadā || 14 ||
[Analyze grammar]

kena kāraṇena tvaṃ taṃ bhartāraṃ samīhase |
kva jñānaṃ te gataṃ devi tadvadādya vicārataḥ || 15 ||
[Analyze grammar]

pūrvaṃ śrutaṃ mayā caiva vratantasya bhayaṃkaram |
śṛṇu te nigadāmyadya yadi te śravaṇe ruciḥ || 16 ||
[Analyze grammar]

dakṣasya duhitā sādhvī satī vṛṣabhavāhanam |
vavre patiṃ purā daivāttatsaṃbhogaḥ pariśrutaḥ || 17 ||
[Analyze grammar]

kapālijāyeti satī dakṣeṇa parivarjitā |
yajñe bhāgapradānāya śaṃbhuścāpi vivarjitaḥ || 18 ||
[Analyze grammar]

sā tathaivāpamānena bhṛśaṃ kopākulā satī |
tatyājāsūnpriyāṃstatra tayā tyaktaśca śaṃkaraḥ || 19 ||
[Analyze grammar]

tvaṃ strīratnaṃ tava pitā rājā nikhila bhūbhṛtām |
tathāvidhaṃ patiṃ kasmādugreṇa tapasehase || 20 ||
[Analyze grammar]

dattvā suvarṇamudrāṃ ca grahītuṃ kācamicchasi |
hitvā ca caṃdanaṃ śubhraṃ kardamaṃ leptumicchasi || 21 ||
[Analyze grammar]

sūryyatejaḥ parityajya khadyotadyutimicchasi |
cīnāṃśukaṃ vihāyaiva carmmāṃbaramihecchasi || 22 ||
[Analyze grammar]

gṛhavāsamparityajya vanavāsaṃ samīhase |
lohamicchasi deveśa tyaktvā śevadhimuttamam || 23 ||
[Analyze grammar]

indrādilokapālāṃśca hitvā śivamanu vratā |
naitatsūktaṃ hi lokeṣu viruddhaṃ dṛśyate'dhunā || 24 ||
[Analyze grammar]

kva tvaṃ kamalapatrākṣī kvāsau vai trivilocanaḥ |
śaśāṃkavadanā tvaṃ ca paṃcavaktraḥ śivassmṛtaḥ || 25 ||
[Analyze grammar]

veṇī śirasi te divyā sarpiṇīva vibhāsitā |
jaṭājūṭaṃ śivasyeva prasiddhamparicakṣate || 26 ||
[Analyze grammar]

caṃdanaṃ ca tvadīyāṃge citābhasma śivasya ca |
kva dukūlaṃ tvadīyaṃ vai śāṃkaraṃ kva gajājinam || 27 ||
[Analyze grammar]

bhūṣaṇāni divyāni kva sarpāśśaṃkarasya ca |
kva carā devatāssarvāḥ kva ca bhūtabalipriyaḥ || 28 ||
[Analyze grammar]

kva vā mṛdaṃgavādaśca kva ca taḍḍamarustathā |
kva ca bherīkalāpaśca kva ca śṛṃgaravo'śubhaḥ || 29 ||
[Analyze grammar]

kva ca ḍhakkāmayaḥ śabdo galanādaḥ kva cāśubhaḥ |
bhavatyāśca śivasyaiva na yuktaṃ rūpamuttamam || 30 ||
[Analyze grammar]

yadi dravyaṃ bhavettasya kathaṃ syātsa digambaraḥ |
vāhanaṃ ca balīvardassāmagrī kāpi tasya na || 31 ||
[Analyze grammar]

vareṣu ye guṇāḥ proktā nārīṇāṃ sukhadāyakāḥ |
tanmadhye hi virūpākṣe ekopi na guṇaḥ smṛtaḥ || 32 ||
[Analyze grammar]

tavāpi kāmo dayito dagdhastena hareṇa ca |
anādarastadā dṛṣṭo hitvā tvāmanyato gataḥ || 33 ||
[Analyze grammar]

jātirna dṛśyate tasya vidyājñānaṃ tathaiva ca |
sahāyāśca piśācā hi viṣaṃ kaṇṭhe hi dṛśyate || 34 ||
[Analyze grammar]

ekākī ca sadā nityaṃ virāgī ca viśeṣataḥ |
tasmāttvaṃ hi hare naiva mano yoktuṃ tu cārhasi || 35 ||
[Analyze grammar]

kva ca hārastvadīyo vai kva ca tanmuṇḍamālikā |
aṃgarāgaḥ kva te divyaḥ citābhasma kva tattanau || 36 ||
[Analyze grammar]

sarvaṃ viruddhaṃ rūpādi tava devi harasya ca |
mahyaṃ na rocate hyetadyadicchasi tathā kuru || 37 ||
[Analyze grammar]

asadvastu ca yatkiṃcit tatsarvaṃ svayamīhase |
nirvartaya manastasmānnocedicchasi tatkuru || 38 ||
[Analyze grammar]

brahmovāca |
ityevaṃ vacanaṃ śrutvā tasya viprasya pārvatī |
uvāca kruddhamanasā śivanindāparaṃ dvijam || 39 ||
[Analyze grammar]

itiśrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṃḍe brahmacāripratāraṇavākyavarṇanaṃ nāma saptaviṃśo'dhyāyaḥ || 27 ||
[Analyze grammar]