Chapter 6

[English text for this chapter is available]

|| brahmovāca |
atha saṃsmaraturbhaktyā dampatī tau bhavāmbikām |
prasūtihetave tatra devakāryārthamādarāt || 1 ||
[Analyze grammar]

tatassā caṇḍikā yogāttyaktadehā purā pituḥ |
īhayā bhatituṃ bhūyassamaicchadriridārataḥ || 2 ||
[Analyze grammar]

satyaṃ vidhātuṃ svavacaḥ prasannākhilakāmadā |
pūrṇāṃśācchailacitte sā viveśātha maheśvarī || 3 ||
[Analyze grammar]

virarāja tatassotipramadopūrvasudyutiḥ |
hutāśana ivādhṛṣyastejorāśirmahāmanāḥ || 4 ||
[Analyze grammar]

tato girissvapriyāyāṃ paripūrṇaṃ śivāṃśakam |
samādhimatvātsamaye samadhatta suśaṃkare || 5 ||
[Analyze grammar]

samadhatta gireḥ patnī garbhaṃ devyāḥ prasādataḥ |
citte sthitāyāḥ karuṇākarāyāḥ sukhadaṃ gireḥ || 6 ||
[Analyze grammar]

giripriyā sarvajagannivāsāsaṃśrayādhikam |
vireje sutarāṃ menā tejomaṇḍalagā sadā || 7 ||
[Analyze grammar]

sukhodayaṃ svabhartuśca menā dauhṛdalakṣaṇam |
dadhau nidānandevānāmānandasyepsitaṃ śubham || 8 ||
[Analyze grammar]

deha sādādasaṃpūrṇabhūṣaṇā lodhrasaṃmukhā |
svalpabhendukṣaye kālaṃ viceṣyarkṣā vibhāvarī || 9 ||
[Analyze grammar]

tadānanaṃ mṛtsurabhināyaṃ tṛptiṃ girīśvaraḥ |
mune rahasyupāghrāya premādhikyaṃ babhūva tat || 10 ||
[Analyze grammar]

menā spṛhāvatī keṣu na me śaṃsati vastuṣu |
kiṃcidiṣṭaṃ hriyāpṛcchadanuvelaṃ sakhī giriḥ || 11 ||
[Analyze grammar]

upetya dauhadaṃ śalyaṃ yadvavre'paśyadāśu tat |
ānītaṃ neṣṭamasyāddhā nāsādhyaṃ tridivai'pi hi || 12 ||
[Analyze grammar]

pracīyamānāvayavā nistīrya dohadavyathām |
reje menā bālalatā naddhapatrādhikā yathā || 13 ||
[Analyze grammar]

girissagarbhāṃ mahiṣīmamaṃsta dharaṇīmiva |
nidhānagarbhāmabhyantarlīnavahniṃ śamīmiva || 14 ||
[Analyze grammar]

priyāprīteśca manasaḥ svārjitadraviṇasya ca |
samunnataiḥ śruteḥ prājñaḥ kriyāścakre yathocitāḥ || 15 ||
[Analyze grammar]

dadarśa kāle menāṃ sa pratītaḥ prasavonmukhīm |
abhritāṃ ca divaṃ garbhagṛhe bhiṣagadhiṣṭhite || 16 ||
[Analyze grammar]

dṛṣṭvā priyāṃ śubhāṅgī vai mumodātigirīśvaraḥ |
garbhasthajagadambāṃ hi mahātejovatīntadā || 17 ||
[Analyze grammar]

tasminnavasare devā mune viṣṇvādayastathā |
munayaśca samāgamya garbhasthāṃ tuṣṭuvuśśivām || 18 ||
[Analyze grammar]

devā ūcuḥ |
durge jaya jaya prājñe jagadamba maheśvari |
satyavrate satyapare trisatye satyarūpiṇī || 19 ||
[Analyze grammar]

satyasthe satyasuprīte satyayone ca satyataḥ |
satyasatye satyanetre prapannāḥ śaraṇaṃ ca te || 20 ||
[Analyze grammar]

śivapriye maheśāni devaduḥkhakṣayaṃkari |
trailokyamātā śarvāṇī vyāpinī bhaktavatsalā || 21 ||
[Analyze grammar]

āvirbhūya trilokeśi devakāryaṃ kuruṣva ha |
sanāthāḥ kṛpayā te hi vayaṃ sarve maheśvari || 22 ||
[Analyze grammar]

tvattaḥ sarve ca sukhino labhante sukhamuttamam |
tvāmvinā na hi kiṃcidvai śobhate tribhaveṣvapi || 23 ||
[Analyze grammar]

brahmovāca |
itthaṃ kṛtvā maheśānyā garbhasthāyā bahustutim |
prasannamanaso devāssvaṃ svaṃ dhāma yayustadā || 24 ||
[Analyze grammar]

vyatīte navame māse daśame māsi pūrṇataḥ |
garbhasthāyā gatindradhre kālikā jagadambikā || 25 ||
[Analyze grammar]

tadā susamayaścāsīcchāntabhagrahatārakaḥ |
nabhaḥ prasannatāṃ yātaṃ prakāśassarvadikṣu hi || 26 ||
[Analyze grammar]

mahī maṃgalabhūyiṣṭhā savanagrāmasāgarā |
sarassravantīvāpīṣu puphulluḥ paṃkajāni vai || 27 ||
[Analyze grammar]

vavuśca vividhā vātāssukhasparśā munīśvara |
mumudussādhavassarve'satānduḥkhamabhūddrutam || 28 ||
[Analyze grammar]

dundubhīnvādayāmāsurnabhasyāgatya nirjarāḥ |
puṣpavṛṣṭirabhūttatra jagurgandharvasattamāḥ || 29 ||
[Analyze grammar]

vidyādharastriyo vyomni nanṛtuścāpsarāstathā |
tadotsavo mahānāsīddevādīnāṃ nabhaḥsthale || 30 ||
[Analyze grammar]

tasminnavasare devī pūrvaśaktiśśivā satī |
āvirbabhūva purato menāyā nijarūpataḥ || 31 ||
[Analyze grammar]

vasaṃtartau madhau māse navamyāṃ mṛgadhiṣṇyake |
arddharātre samutpannā gaṃgeva śaśimaṇḍalāt || 32 ||
[Analyze grammar]

samaye tatsvarūpeṇa menakā jaṭharācchivā |
samudbhūya samutpannā sā lakṣmīriva sāgarāt || 33 ||
[Analyze grammar]

tatastasyāṃ tu jātāyāṃ prasanno'bhūttadā bhavaḥ |
anukūlo vavau vāyurgambhīro gaṃdhayukśubhaḥ || 34 ||
[Analyze grammar]

babhūva puṣpavṛṣṭiśca toyavṛṣṭi purassaram |
jajvaluścāgnayaḥ śāntā jagarjuśca tadā ghanāḥ || 35 ||
[Analyze grammar]

tasyāṃ tu jāyamānāyāṃ sarvasvaṃ samapadyata |
himavannagare tatra sarva duḥkhaṃ kṣayaṃ gatam || 36 ||
[Analyze grammar]

tasminnavasare tatra viṣṇvādyāssakalāssurāḥ |
ājagmuḥ sukhinaḥ prītyā dadṛśurjagadambikām || 37 ||
[Analyze grammar]

tuṣṭuvustāṃ śivāmambāṃ kālikāṃ śivakāminīm |
divyārūpāṃ mahāmāyāṃ śivalokanivāsinīm || 38 ||
[Analyze grammar]

|| devā ūcuḥ |
jagadamba mahādevi sarvasiddhividhāyini |
devakāryakarī tvaṃ hi sadātastvāṃ namāmahe || 39 ||
[Analyze grammar]

sarvathā kuru kalyāṇaṃ devānāṃ bhaktavatsale |
menāmanorathaḥ pūrṇaḥ kṛtaḥ kuru harasya ca || 40 ||
[Analyze grammar]

|| brahmovāca |
itthaṃ stutvā śivāṃ devīṃ viṣṇvādyā supraṇamya tām |
svaṃsvaṃ dhāma yayuḥ prītāśśaṃsantastadgatiṃ parām || 41 ||
[Analyze grammar]

tāntu dṛṣṭvā tathā jātāṃ nīlotpaladalaprabhāma |
śyāmā sā menakā devī mudamāpāti nārada || 42 ||
[Analyze grammar]

divyarūpaṃ vilokyānu jñānamāpa giripriyā |
vijñāya parameśānīṃ tuṣṭāvātipraharṣitā || 43 ||
[Analyze grammar]

menovāca |
jagadamba maheśāni kṛtātikaruṇā tvayā |
āvirbhūtā mama puro vilasantī yadambike || 44 ||
[Analyze grammar]

tvamādyā sarvaśaktīnāṃ trilokajananī śive |
śivapriyā sadā devī sarvadevastutā parā || 45 ||
[Analyze grammar]

kṛpāṃ kuru maheśāni mama dhyānasthitā bhava |
etadrūpeṇa pratyakṣaṃ rūpaṃ dhehi sutāsamam || 46 ||
[Analyze grammar]

brahmovāca |
ityākarṇya vacastasyā menāyā bhūdharastriyāḥ |
pratyuvāca śivā devī suprasavāmaaripriyām || 47 ||
[Analyze grammar]

devyuvāca |
he mene tvaṃ purā māṃ ca susevitavatī ratā |
tvadbhaktyā suprasannāhaṃ varandātuṃ gatāntikam || 48 ||
[Analyze grammar]

varaṃ brūhīti madvāṇīṃ śrutvā te tadvaro vṛtaḥ |
sutā bhava mahādevī sā me devahitaṃ kuru || 49 ||
[Analyze grammar]

tathā dattvā varaṃ te'haṃ gatā svampadamādarāt |
samayaṃ prāpya tanayā bhavante girikāmini || 50 ||
[Analyze grammar]

divyarūpaṃ dhṛtaṃ medya yatte matsmaraṇaṃ bhavet |
anyathā martyabhāvena tavājñānaṃ bhavenmayi || 51 ||
[Analyze grammar]

yuvāṃ māṃ putribhāvena divyabhāvena vā sakṛt |
cintayantau kṛtasnehau yātāsstho madgatimparām || 52 ||
[Analyze grammar]

devakāryaṃ kariṣyāmi līlāṃ kṛtvā dbhutāṃ kṣitau |
śambhupatnī bhaviṣyāmi tārayiṣyāmi sajjanān || 53 ||
[Analyze grammar]

brahmovāca |
ityuktvāsīcchivā tūṣṇīmambikā svāttmamāyayā |
paśyantyāṃ mātari prītyā sadyo''bhūttanayā tanuḥ || 54 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe pārvatījanmavarṇanaṃ nāma ṣaṣṭo'dhyāyaḥ || 6 ||
[Analyze grammar]