Chapter 5

[English text for this chapter is available]

nārada uvāca |
antarhitāyāndevyāṃ tu durgāyāṃ svagṛheṣu ca |
gateṣvamaravṛndeṣu kimabhūttadanantaram || 1 ||
[Analyze grammar]

kathaṃ menāgirīśau ca tepāte paramantapaḥ |
kathaṃ sutā'bhavattasya menāyāntāta tadvada || 2 ||
[Analyze grammar]

|| brahmovāca |
vipravarya sutaśreṣṭha śṛṇu taccaritaṃ mahat |
praṇamya śaṃkaraṃ bhaktyā vacmi bhaktivivarddhanam || 3 ||
[Analyze grammar]

upadiśya gate tāta suravṛnde girīśvaraḥ |
haryādau menakā cāpi tepāte paramantapaḥ || 4 ||
[Analyze grammar]

aharniśaṃ śivāṃ śambhuṃ cintayantau ca dampatī |
samyagāredhaturnityaṃ bhaktiyuktena cetasā || 5 ||
[Analyze grammar]

giripriyātīva mudānarca devīṃ śivena sā |
dānandadau dvijebhyaśca sadā tattoṣahetave || 6 ||
[Analyze grammar]

caitramāsaṃ samārabhya saptaviṃśativatsarān |
śivāṃ sampūjayāmāsāpattyārthinyanvahaṃ ratā || 7 ||
[Analyze grammar]

aṣṭamyāmupavāsantu kṛtvādānnavamītithau |
modakairbalipiṣṭaiśca pāyasairgandhapuṣpakaiḥ || 8 ||
[Analyze grammar]

gaṅgāyāmauṣadhiprasthe kṛtvā mūrtiṃ mahīmayīm |
umāyāḥ pūjayāmāsa nānāvastusamarpaṇaiḥ || 9 ||
[Analyze grammar]

kadācitsā nirāhārā kadācitsā dhṛtavratā |
kadācitpavanāhārā kadācijjalabhughyabhūt || 10 ||
[Analyze grammar]

śivāvinyastacetaskā saptaviṃśativatsarān |
nināya menakā prītyā paraṃ sā mṛṣṭavarcasā || 11 ||
[Analyze grammar]

saptaviṃśativarṣānte jaganmātā jaganmayī |
suprītābhavadatyarthamumā śaṃkarakāminī || 12 ||
[Analyze grammar]

anugrahāya menāyāḥ purataḥ parameśvarī |
āvirbabhūva sā devī santuṣṭā tatsubhaktitaḥ || 13 ||
[Analyze grammar]

divyāvayavasaṃyuktā tejomaṇḍalamadhyagā |
uvāca vihasantī sā menāṃ pratyakṣatāṃ gatā || 14 ||
[Analyze grammar]

devyuvāca || varaṃ brūhi mahāsādhvi yatte manasi vartate |
suprasannā ca tapasā tavāhaṃ girikāmini || 15 ||
[Analyze grammar]

yatprārthitaṃ tvayā mene tapovratasamādhinā |
dāsye te'haṃ ca tatsarvaṃ vāñchitaṃ yadyadā bhavet || 16 ||
[Analyze grammar]

tatassā menakā devīṃ pratyakṣāṃ kālikāntadā |
dṛṣṭvā ca praṇanāmātha vacanaṃ cedamabravīt || 17 ||
[Analyze grammar]

menovāca |
devi pratyakṣato rūpandṛṣṭantava mayā'dhunā |
tvāmahaṃ stotumicchāmi prasannā bhava kālike || 18 ||
[Analyze grammar]

|| brahmovāca |
atha sā menayetyuktā kālikā sarvamohinī |
bāhubhyāṃ suprasannātmā menakāṃ pariṣasvaje || 19 ||
[Analyze grammar]

tataḥ prāptamahājñānā menakā kālikāṃ śivam |
tuṣṭāva vāgbhi riṣṭābhirbhaktyā pratyakṣatāṃ gatām || 20 ||
[Analyze grammar]

menovāca |
mahāmāyāṃ jagaddhātrīṃ caṇḍikāṃ lokadhāriṇīm |
praṇamāmi mahādevīṃ sarvakāmārthadāyinīm || 21 ||
[Analyze grammar]

nityānandakarīṃ māyāṃ yoganidrāṃ jagatprasūm |
praṇamāmi sadāsiddhāṃ śubhasārasamālinīm || 22 ||
[Analyze grammar]

mātāmahīṃ sadānandāṃ bhaktaśokavināśinīm |
ākalpaṃ vanitānāṃ ca prāṇināṃ buddhirūpiṇīm || 23 ||
[Analyze grammar]

sā tvaṃ baṃdhacchedaheturyatīnāṃ kaste geyo mādṛśībhiḥ prabhāvaḥ |
hiṃsāyā vātharvavedasya sā tvaṃ nityaṃ kāmaṃ tvaṃ mameṣṭaṃ vidhehi || 24 ||
[Analyze grammar]

nityānityairbhāvahīnaiḥ parāstaistattanmātrairyojyate bhūtavargaḥ |
teṣāṃ śaktistvaṃ sadā nityarūpā kāle yoṣā yogayuktā samarthā || 25 ||
[Analyze grammar]

yonirdharitrī jagatāṃ tvameva tvameva nityā prakṛtiḥ parastāt |
yathā vaśaṃ kriyate brahmarūpaṃ sā tvaṃ nityā me prasīdādya mātaḥ || 26 ||
[Analyze grammar]

tvaṃ jātavedogataśaktirugrā tvaṃ dāhikā sūryakarasya śaktiḥ |
āhlādikā tvaṃ bahucandrikā yā tāntvāmahaṃ staumi namāmi caṇḍīm || 27 ||
[Analyze grammar]

yoṣāṇāṃ satpriyā ca tvaṃ nityā tvaṃ cordhvaretasām |
vāṃchā tvaṃ sarvajagatāṃ dhāyā ca tvaṃ yathā hareḥ || 28 ||
[Analyze grammar]

yā ceṣṭarūpāṇi vidhāya devī sṛṣṭisthitānāśamayī ca kartrī |
brahmācyutasthāṇuśarīrahetussā tvaṃ prasīdādya punarnamaste || 29 ||
[Analyze grammar]

brahmovāca |
tata itthaṃ stutā durgā kālikā punareva hi |
uvāca menakāṃ devīṃ vāṃchitaṃ varayetyuta || 30 ||
[Analyze grammar]

|| umovāca |
prāṇapriyā mama tvaṃ hi himācalavilāsinī |
yadicchasi dhruvandāsye nādeyaṃ vidyate mama || 31 ||
[Analyze grammar]

iti śrutvā maheśānyāḥ pīyūṣasadṛśaṃ vacaḥ |
uvāca parituṣṭā sā menakā girikāminī || 32 ||
[Analyze grammar]

menovāca |
śive jayajaya prājñe maheśvari bhavāmbike |
varayogyāsmahaṃ cette vṛṇe bhūyo varaṃ varam || 33 ||
[Analyze grammar]

prathamaṃ śataputrā me bhavantu jagadambike |
bahvāyuṣo vīryavanta ṛddhisiddhisamanvitāḥ || 34 ||
[Analyze grammar]

paścāttathaikā tanayā svarūpaguṇaśālinī |
kuladvayānaṃdakarī bhuvanatrayapūjitā || 35 ||
[Analyze grammar]

sutā bhava mama śive devakāryārthameva hi |
rudrapatnī bhava tathā līlāṃ kuru bhavāmbike || 36 ||
[Analyze grammar]

|| brahmovāca |
tacchrutvā menakoktaṃ hi prāha devī prasannadhīḥ |
smitapūrvaṃ vacastasyāḥ pūrayantī manoratham || 37 ||
[Analyze grammar]

|| devyuvāca |
śataputrāssaṃ bhavantu bhavatyā vīryasaṃyutāḥ |
tatraiko balavānmukhyaḥ pradhamaṃ saṃbhaviṣyati || 38 ||
[Analyze grammar]

sutāhaṃ saṃbhaviṣyāmi santuṣṭā tava bhaktitaḥ |
deva kāryaṃ kariṣyāmi sevitā nikhilaissuraiḥ || 39 ||
[Analyze grammar]

brahmovāca |
evamuktvā jagaddhātrī kālikā parameśvarī |
paśyantyā menakāyāstu tatraivāntardadhe śivā || 40 ||
[Analyze grammar]

menakāpi varaṃ labdhvā maheśānyā abhī psitam |
mudaṃ prāpāmitāṃ tāta tapaḥkleśopyanaśyata || 41 ||
[Analyze grammar]

diśi tasyāṃ namaskṛtya suprahṛṣṭamanāssatī |
jayaśabdaṃ proccaraṃtī svasthānampraviveśa ha || 42 ||
[Analyze grammar]

atha tasmai svapataye śaśaṃsa suvaraṃ ca tam |
svacihnabuddhamiva vai suvācā punaruktayā || 43 ||
[Analyze grammar]

śrutvā śailapatirhṛṣṭo'bhavanmenāvaco hi tat |
praśaśaṃsa priyāṃ prītyā śivābhaktiratāṃ ca tām || 44 ||
[Analyze grammar]

kālakrameṇā'tha tayoḥ pravṛtte surate mune |
garbho babhūva menāyā vavṛdhe pratyahaṃ ca saḥ || 45 ||
[Analyze grammar]

asūta sā nāgavadhūpabhogyaṃ sutamuttamam |
samudrabaddhasatsakhyaṃ mainākābhidhamadbhutam || 46 ||
[Analyze grammar]

vṛtraśatrāvapi kruddhe vedanāśaṃ sapakṣakam |
pavikṣatānāṃ devarṣe pakṣacchidi varāṅgakam || 47 ||
[Analyze grammar]

pravaraṃ śataputrāṇāṃ mahābalaparākramam |
svodbhavānāṃ mahīdhrāṇāṃ parvatendraikadhiṣṭhitam || 48 ||
[Analyze grammar]

āsīnmahotsavastatra himācalapure'dbhutaḥ |
dampatyoḥ pramudādhikyaṃ babhūva kleśasaṃkṣayaḥ || 49 ||
[Analyze grammar]

dānandadau dvijātibhyo'nyebhyaśca pradadau dhanam |
śivāśivapadadvandve sneho'bhūdadhikastayoḥ || 50 ||
[Analyze grammar]

iti śrīśivamahāpurāṇe dvitīyāyāṃ ru0 saṃ0 tṛtīye pārvatīkhaṃḍe menāvaralābhavarṇano nāma paṃcamo'dhyāyaḥ || 5 ||
[Analyze grammar]