Chapter 4

[English text for this chapter is available]

brahmovāca |
itthaṃ devaiḥ stutā devī durgā durgārtināśinī |
āvirbabhūva devānāṃ purato jagadaṃbikā || 1 ||
[Analyze grammar]

rathe ratnamaye divye saṃsthitā paramādbhute |
kiṃkiṇījālasaṃyukte mṛdusaṃstaraṇe vare || 2 ||
[Analyze grammar]

koṭisūryādhikābhāsa ramyāvayavabhāsinī |
svatejorāśimadhyasthā vararūpā samacchavi || 3 ||
[Analyze grammar]

anūpamā mahāmāyā sadāśivavilāsinī |
triguṇā nirguṇā nityā śivalokanivāsinī || 4 ||
[Analyze grammar]

tridevajananī caṇḍī śivā sarvārtināśinī |
sarvamātā mahānidrā sarvasvajanatāriṇī || 5 ||
[Analyze grammar]

tejorāśeḥ prabhāvāttu sā tu dṛṣṭvā suraiśśivā |
tuṣṭuvustāṃ punaste vai surā darśanakāṃkṣiṇaḥ || 6 ||
[Analyze grammar]

atha devagaṇāssarve viṣṇvādyā darśanepsavaḥ |
dadṛśurjagadambāṃ tāṃ tatkṛpāṃ prāpya tatra hi || 7 ||
[Analyze grammar]

babhūvānandasandohassarveṣāṃ tridivaukasām |
punaḥ punaḥ praṇemustāṃ tuṣṭuvuśca viśeṣataḥ || 8 ||
[Analyze grammar]

devā ūcuḥ |
śive śarvāṇi kalyāṇi jagadamba maheśvari |
tvāṃ natāssarvathā devā vayaṃ sarvārtināśinīm || 9 ||
[Analyze grammar]

na hi jānanti deveśi vedaśśāstrāṇi kṛtsnaśaḥ |
atīto mahimā dhyānaṃ tava vāṅmanasośśive || 10 ||
[Analyze grammar]

atadvyāvṛttitastāṃ vai cakitaṃ cakitaṃ sadā |
abhidhatte śrutirapi pareṣāṃ kā kathā matā || 11 ||
[Analyze grammar]

jānanti bahavo bhaktāstvatkṛpāṃ prāpya bhaktitaḥ |
śaraṇāgatabhaktānāṃ na kutrāpi bhayādikam || 12 ||
[Analyze grammar]

vijñaptiṃ śṛṇu suprītā yasyā dāsāssadāmbike |
tava devi mahādevi hīnato varṇayāmahe || 13 ||
[Analyze grammar]

purā dakṣasutā bhūtvā saṃjātā haravallabhā |
brahmaṇaśca pareṣāṃ vā nāśayatvamakaṃmahat || 14 ||
[Analyze grammar]

pitṛto'nādaraṃ prāpyātyajaḥ paṇavaśāttanum |
svalokamagamastvaṃ vālabhadduḥkhaṃ haro'pi hi || 15 ||
[Analyze grammar]

na hi jātamprapūrṇaṃ taddevakāryaṃ maheśvari |
vyākulā munayo devāśśaraṇantvāṃ gatā vayam || 16 ||
[Analyze grammar]

pūrṇaṃ kuru maheśāni nirjarāṇāṃ manoratham |
sanatkumāravacanaṃ saphalaṃ syādyathā śive || 17 ||
[Analyze grammar]

avatīrya kṣitau devi rudrapatnī punarbhava |
līlāṃ kuru yathāyogyaṃ prāpnuyurnirjarāssukham || 18 ||
[Analyze grammar]

sukhī syāddevi rudro'pi kailāsācalasaṃsthitaḥ |
sarve bhavantu sukhino duḥkhaṃ naśyatu kṛtsnaśaḥ || 19 ||
[Analyze grammar]

|| brahmovāca |
iti procyāmarāssarve viṣṇvādyāḥ premasaṃkulāḥ |
maunamāsthāya saṃtasthurbhaktinamrā tmamūrtayaḥ || 20 ||
[Analyze grammar]

śivāpi suprasannābhūdākarṇyāmarasaṃstutim |
ākalayyātha taddhetuṃ saṃsmṛtya svaprabhuṃ śivam || 21 ||
[Analyze grammar]

uvācomā tadā devī sambodhya vibudhāṃśca tān |
vihasya māpatimukhānsadayā bhaktavatsalā || 22 ||
[Analyze grammar]

umovāca |
he hare he vidhe devā munayaśca gatavyathāḥ |
sarve śṛṇuta madvākyaṃ prasannāhaṃ na saṃśayaḥ || 23 ||
[Analyze grammar]

caritaṃ mama sarvatra trailokyasya sukhāvaham |
kṛtaṃ mayaivaṃ sakalaṃ dakṣamohādikaṃ ca tat || 24 ||
[Analyze grammar]

avatāraṃ kariṣyāmi kṣitau pūrṇaṃ na saṃśayaḥ |
bahavo hetavo'pyatra tadvadāmi mahādarāt || 25 ||
[Analyze grammar]

purā himācalo devā menā cātisubhaktitaḥ |
sevāṃ me cakratustāta jananīvatsatītanoḥ || 26 ||
[Analyze grammar]

idānīṃ kurutassevāṃ subhaktyā mama nityaśaḥ |
menā viśeṣatastatra sutātvenātra saṃśayaḥ || 27 ||
[Analyze grammar]

rudro gacchatu yūyaṃ cāvatāraṃ himavadgṛhe |
ataścāvatariṣyāmi duḥkhanāśo bhaviṣyati || 28 ||
[Analyze grammar]

sarve gacchata dhāma svaṃ svaṃ sukhaṃ labhatāṃ ciram |
avatīrya sutā bhūtvā menāyā dāsya utsukham || 29 ||
[Analyze grammar]

harapatnī bhaviṣyāmi suguptaṃ matamātmanaḥ |
adbhutā śivalīlā hi jñānināmapi mohinī || 30 ||
[Analyze grammar]

yāvatprabhṛti me tyaktā svatanurdakṣajā surāḥ |
pitṛto'nādaraṃ dṛṣṭvā svāminastatkratau gatā || 31 ||
[Analyze grammar]

tadāprabhṛti sa svāmī rudraḥ kālāgnisaṃjñakaḥ |
digambaro babhūvāśu maccintanaparāyaṇaḥ || 32 ||
[Analyze grammar]

mama roṣaṃ kratau dṛṣṭvā pitustatra gatā satī |
atyajatsvatanuṃ prītyā dharmajñeti vicārataḥ || 33 ||
[Analyze grammar]

yogyabhūtsadanaṃ tyaktvā kṛtvā veṣamalaukikam |
na sehe virahaṃ satyā madrūpāyā maheśvaraḥ || 34 ||
[Analyze grammar]

mama hetormahāduḥkhī sa babhūva kuveṣabhṛt |
atyajatsa tadārabhya kāmajaṃ sukhamuttamam || 35 ||
[Analyze grammar]

anyacchṛṇuta he viṣṇo he vidhe munayaḥ surāḥ |
mahāprabhormaheśasya līlāṃ bhuvanapālinīm || 36 ||
[Analyze grammar]

vidhāya mālāṃ suprītyā mamāsthnāṃ virahākulaḥ |
na śāntiṃ prāpa kutrāpi prabuddho 'pyeka eva saḥ || 37 ||
[Analyze grammar]

itastato rurodoccairanīśa iva sa prabhuḥ |
yogyāyogyaṃ na bubudhe bhramansarvatra sarvadā || 38 ||
[Analyze grammar]

itthaṃ līlāṃ haro'kārṣīddarśayankāmināṃ prabhuḥ |
ūce kāmukavadvāṇīṃ virahavyākulāmiva || 39 ||
[Analyze grammar]

vastuto'vikṛto'dīno'styajitaḥ parameśvaraḥ |
paripūrṇaḥ śivaḥ svāmī māyādhīśo'khileśvaraḥ || 40 ||
[Analyze grammar]

anyathā mohatastasya kiṃ kāmācca prayojanam |
vikāreṇāpi kenāśu māyālipto na sa prabhuḥ || 41 ||
[Analyze grammar]

rudro'tīvecchati vibhussa me kartuṃ karagraham |
avatāraṃ kṣitau menāhimācalagṛhe surāḥ || 42 ||
[Analyze grammar]

ataścāvatariṣyāmi rudrasantoṣahetave |
himāgapatnyāṃ menāyā laukikīṃ gatimāśritā || 43 ||
[Analyze grammar]

bhaktā rudrapriyā bhūtvā tapaḥ kṛtvā sudussaham |
devakāryaṃ kariṣyāmi satyaṃ satyaṃ na saṃśayaḥ || 44 ||
[Analyze grammar]

gacchata svagṛhaṃ sarve bhava bhajata nityaśaḥ |
tatkṛpāto'khilaṃ duḥkhaṃ vinaśyati na saṃśayaḥ || 45 ||
[Analyze grammar]

bhaviṣyati kṛpālostu kṛpayā maṃgalaṃ sadā |
vandyā pūjyā triloke'haṃ tajjāyeti ca hetutaḥ || 46 ||
[Analyze grammar]

|| brahmovāca |
ityuktvā jagadambā sā devānāṃ paśyatāntadā |
antardadhe śivā tāta svaṃ lokamprāpa vai drutam || 47 ||
[Analyze grammar]

viṣṇvādayassurāssarve munayaśca mudānvitāḥ |
kṛtvā taddiśi saṃnāmaṃ svasvadhāmāni saṃyayuḥ || 48 ||
[Analyze grammar]

itthaṃ durgāsucaritaṃ varṇitaṃ te munīśvara |
sarvadā sukhadaṃ nṝṇāṃ bhuktimuktipradāyakam || 49 ||
[Analyze grammar]

ya idaṃ śṛṇuyānnityaṃ śrāvayedvā samāhitaḥ |
paṭhedvā pāṭhayedvāpi sarvānkāmāna vāpnuyāt || 50 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṃḍe devasāntvanaṃ nāma caturtho'dhyāyaḥ || 4 ||
[Analyze grammar]