Chapter 26

[English text for this chapter is available]

jaiminiruvāca |
kalau yuge mahābhāga samāyāte sudāruṇe |
bhaviṣyaṃti janāḥ sarve kīdṛśāstadvadasva me || 1 ||
[Analyze grammar]

vyāsa uvāca |
ādyaṃ satyayugaṃ prāhustatra viprādayo janāḥ |
nārāyaṇārcanaparāḥ śokavyādhivivarjitāḥ || 2 ||
[Analyze grammar]

satyoktibhāṣiṇaḥ sarve sadayā dīrghajīvinaḥ |
dhanadhānyādisampannā hiṃsādaṃbhavivarjitāḥ || 3 ||
[Analyze grammar]

paropakaraṇāścaiva sarvaśāstravidastathā |
evaṃvidhāḥ satyayuge sarve lokā dvijottama || 4 ||
[Analyze grammar]

rājadharmagrāhiṇaśca bhūpālā janapālanāḥ |
aho satyayugasyāsti ko vyākhyātuṃ guṇaṃ yaśaḥ || 5 ||
[Analyze grammar]

adharmoccāraṇaṃ yatra janāḥ ke'pi na kurvate |
tretāyuge samāyāte dharmaḥ pādonakaṃ gataḥ || 6 ||
[Analyze grammar]

alpaśokānvitā lokāḥ kecitkecidaghāśrayāḥ |
viṣṇudhyānaratā lokā yajñadānaparāyaṇāḥ || 7 ||
[Analyze grammar]

varṇāśramācāraratāḥ sukhinaḥ svasthacetasaḥ |
kṣetrabhūmikṛtaḥ śūdrāḥ sarvebrāhmaṇasevinaḥ || 8 ||
[Analyze grammar]

brāhmaṇāśca mahātmāno vedavedāṅgapāragāḥ |
pratigrahanivṛttāśca satyasandhā jitendriyāḥ || 9 ||
[Analyze grammar]

tapovrataratā nityaṃ dātāro viṣṇusevinaḥ |
tretāyugasyāvasāne dvāpare yuga āgate || 10 ||
[Analyze grammar]

dvipādahīno dharmaḥ syātsukhaduḥkhānvitā narāḥ |
kecitkecitpāparatāḥ kecitkecicca dharmiṇaḥ || 11 ||
[Analyze grammar]

kecitkecidguṇairhīnāḥ kecitkecinmahāguṇāḥ |
atyantaduḥkhinaḥ kecitkecicca sukhinastathā || 12 ||
[Analyze grammar]

pratigrahe brāhmaṇaśca kadācitkurute spṛhām |
bhūbhujairdhanalobhena kadācitpīḍyate prajā || 13 ||
[Analyze grammar]

viṣṇupūjāparā viprāḥ śūdrāśca dvijasevinaḥ |
yadā yugeyuge dharmaḥ pādonatāṃ gato dvija || 14 ||
[Analyze grammar]

tadā vyāso viṣṇurūpī vedabhāgaṃ cakāra ha |
kalauyuge ca viprendra sarvapāpaikamaṃdire || 15 ||
[Analyze grammar]

ekapādo bhaveddharmaḥ sarve pāparatā janāḥ |
brāhmaṇāḥ kṣattriyā vaiśyāḥ śūdrāḥ pāpaparāyaṇāḥ || 16 ||
[Analyze grammar]

atyaṃtakāminaḥ krūrā bhaviṣyaṃti kalau yuge |
vedaniṃdākarāścaiva dyūtacauryakarāstathā || 17 ||
[Analyze grammar]

vidhavāsaṃgamagnāśca bhaviṣyaṃti kalau yuge |
vṛttyarthabrāhmaṇāḥ kecinmahākapaṭadharmiṇaḥ || 18 ||
[Analyze grammar]

sarve straiṇā bhaviṣyaṃti mādakadravyasevinaḥ |
sadā strīyoniniratāḥ paradravyaṃ haraṃti ca || 19 ||
[Analyze grammar]

parānnalolupā nityaṃ tapovrataparāṅmukhāḥ |
pākhaṇḍasaṅgabaddhāśca bhaviṣyaṃti kalau yuge || 20 ||
[Analyze grammar]

raktāmbarā bhaviṣyaṃti brāhmaṇāḥ śūdradharmiṇaḥ |
kalau yāsyaṃti nirvṛttā uttamā ati nīcatām || 21 ||
[Analyze grammar]

nīcāśca dhanasampannā yāsyaṃtyuccapadaṃ prati |
pradāsyaṃtyupakāribhyo dānāni sakalā janāḥ || 22 ||
[Analyze grammar]

yatnādapi ca neṣyaṃti vṛṣalā vipravarttanam |
mitrasnehādvadiṣyaṃti kūṭasākṣyaṃ kalau janāḥ || 23 ||
[Analyze grammar]

adharmabuddhilapanā dharmabuddhivilāpinaḥ |
parokṣaniṃdakāḥ krūrāḥ saṃmukhe priyavādinaḥ || 24 ||
[Analyze grammar]

sādhvīvādaṃ vadiṣyaṃti bhartāraṃ puṃścalī striyaḥ |
parastrīhiṃsakāścaiva gotravikrayiṇo dvijāḥ || 25 ||
[Analyze grammar]

kanyāvikrayiṇaścaiva bhaviṣyaṃti kalau yuge |
strījitāḥ puruṣāḥ sarve striyo'pyatyaṃtacañcalāḥ || 26 ||
[Analyze grammar]

kalauyuge bhaviṣyaṃti kalau martyā durāśayāḥ |
alpasasyā vasumatī meghāḥ svalpodakāstathā || 27 ||
[Analyze grammar]

akālavarṣiṇaścāpi bhaviṣyaṃti kalau yuge |
kalau viḍbhojino gāvaḥ svalpakṣīrāśca jaimine || 28 ||
[Analyze grammar]

ghṛtahīnaṃ ca tatkṣīraṃ bhaviṣyaṃti na saṃśayaḥ |
ātmastutiparā lokāḥ paraniṃdāparāyaṇāḥ || 29 ||
[Analyze grammar]

bhaviṣyaṃti ca kharvāṅgā bālā bahvannabhojanāḥ |
pitṛyajñaṃ kariṣyaṃti daṃbhārthaṃ brāhmaṇāḥ kalau || 30 ||
[Analyze grammar]

sarve vacaḥsnehinaḥ syuryāvatkāryaṃ na siddhyati |
narāndharmaparāndṛṣṭvā sarve copahasaṃti vai || 31 ||
[Analyze grammar]

vardhaṃtyadharmato lokāstasmātpāparatā janāḥ |
daśadvādaśavarṣe ca samūlo'pyeti saṃkṣayam || 32 ||
[Analyze grammar]

jalasyeva bhaviṣyaṃti yathā varṣāsu vṛddhayaḥ |
tato lokā bhaviṣyaṃti kalau galitayauvanāḥ || 33 ||
[Analyze grammar]

paṃcame vāpi ṣaṣṭhe vā varṣe strī garbhadhāriṇī |
bahvapatyāśca puruṣā bhaviṣyaṃtyatiduḥkhinaḥ || 34 ||
[Analyze grammar]

netukāmāśca sarve'pi dātukāmā na ke'pi ca |
kalau mlecchā bhaviṣyaṃti rājānaḥ pāpatatparāḥ || 35 ||
[Analyze grammar]

ekavarṇā bhaviṣyaṃti viṣayārthaṃ kalau janāḥ |
kaleḥ prathamasaṃdhyāyāṃ hariṃ niṃdaṃti mānavāḥ || 36 ||
[Analyze grammar]

kalermadhye na paśyaṃti harernāmāni kevale |
brāhmaṇāḥ kṣattriyā vaiśyā vṛṣalāśca kalau yuge || 37 ||
[Analyze grammar]

ekavarṇā bhaviṣyaṃti varṇāścatvāra eva ca |
yadāyadā dvijaśreṣṭha hāniḥ sukṛtināṃ bhavet || 38 ||
[Analyze grammar]

vṛddhiśca pāpināṃ nṝṇāṃ jñeyā vṛddhistadā kalau |
yadyapyayaṃ kalirghoro mayā prokto dvijottama || 39 ||
[Analyze grammar]

tathāpyasti mahānasya guṇo guṇavatāṃ vara |
satye dvādaśabhirvarṣairbhavetpuṇyasya sādhanam || 40 ||
[Analyze grammar]

tadardhena ca tretāyāṃ māsena dvāpare bhavet |
ahorātreṇaiva vipra bhavettacca kalau yuge || 41 ||
[Analyze grammar]

tasmātkaliyuge nṝṇāṃ martyenaivottamā gatiḥ |
dvādaśābdairyuge'nyasminharimabhyarcya yatphalam || 42 ||
[Analyze grammar]

tatphalaṃ labhate martyo harimuccārya vai kalau |
harernāmaikamapyatra kalau vadati yo naraḥ || 43 ||
[Analyze grammar]

kalirna bādhate taṃ ca satyaṃ satyaṃ na saṃśayaḥ |
jaiminiruvāca |
manaḥ śuddhivihīnatvātsamastaṃ karmaniṣphalam || 44 ||
[Analyze grammar]

iti pūrvaṃ tvayā proktaṃ mano vismayadaṃ mama |
kalau sarve bhaviṣyaṃti manaḥśuddhivivarjitāḥ || 45 ||
[Analyze grammar]

teṣāṃ yathā bhavetkarma sakalaṃ brūhi tadguro |
vyāsa uvāca |
yatkiṃcitkurute karma martyo dharmaṃ kalau yuge || 46 ||
[Analyze grammar]

tadarpayenmahāviṣṇau bhaktibhāvasamanvitaḥ |
viṣṇau samarpitaṃ karma sarvamevākṣayaṃ bhavet || 47 ||
[Analyze grammar]

vyāsa uvāca |
iti te kathitaṃ sarvaṃ vṛttaṃ brāhmaṇasattama |
yacchrutvā bhaktibhāvena naro mokṣamavāpnuyāt || 48 ||
[Analyze grammar]

sūta uvāca |
evaṃ prabodhitastena jaiminiḥ paramātmanā |
kriyāyogarato bhūtvā jagāma paramaṃ padam || 49 ||
[Analyze grammar]

imaṃ kriyāyogasāraṃ vyāsenoktaṃ mahātmanā |
ye paṭhaṃti janā bhaktyā śṛṇvaṃti ca mumukṣavaḥ || 50 ||
[Analyze grammar]

te sarve pātakairghorairbahujanmārjitairapi |
vimuktāḥ paramāṃ muktiṃ labhaṃte nātra saṃśayaḥ || 51 ||
[Analyze grammar]

yadyadiṣṭaṃ paṭhaṃtyetacchṛṇvanti ca mumukṣavaḥ |
labhaṃte tattadevāśu prasādātkamalāpateḥ || 52 ||
[Analyze grammar]

ślokārddhaṃ ślokamekaṃ vā ślokapādamathāpi vā |
naraḥ paṭhitvā śrutvā ca labhate vāṃchitaṃ phalam || 53 ||
[Analyze grammar]

likhitvā lekhayitvā vā yaḥ śāstramidamarcayet |
sa viṣṇupūjanasyaiva phalaṃ prāpnoti mānavaḥ || 54 ||
[Analyze grammar]

idamatiśayaguhyaṃ niḥsṛtaṃ vyāsa vaktrād ciratarapurāṇaṃ prītidaṃ vaiṣṇavānām |
ciramamaravarādyairvaṃditāṃghrermurāreḥ sakalabhuvanabharttuścakriṇaḥ prītaye'stu || 55 ||
[Analyze grammar]

iti śrīpadmapurāṇe kriyāyogasārakhaṇḍe vyāsajaiminisaṃvāde yugadharmanirūpaṇa |
pūrvakaṃ purāṇamāhātmyavarṇanaṃnāma ṣaḍviṃśatitamo'dhyāyaḥ || 26 ||
[Analyze grammar]