Chapter 25

[English text for this chapter is available]

jaiminiruvāca |
bhūya eva mahābhāga tulasyāḥ pāpanāśanam |
atitheḥ pūjanasyāpi māhātmyaṃ brūhi vistarāt || 1 ||
[Analyze grammar]

sūta uvāca |
tato vyāso mahātejāstulasyā dvijasattama |
māhātmyaṃ vaktumārebhe śṛṇvatāṃ pāpanāśanam || 2 ||
[Analyze grammar]

vyāsa uvāca |
iyaṃ sākṣānmahālakṣmīstulasī bhagavatpriyā |
tasmādimāṃ na paśyaṃti vṛkṣajñānena jaimine || 3 ||
[Analyze grammar]

sadaiva tulasīṃ martyo yathaiva bhuvi sevate |
tathaiva sendrā vibudhāḥ sevaṃte taṃ surālaye || 4 ||
[Analyze grammar]

parabrahmasvarūpeyaṃ tulasī yatra tiṣṭhati |
tatraiva kuśalaṃ sarvaṃ sudṛḍhaṃ procyate mayā || 5 ||
[Analyze grammar]

prāpnoti mṛtyukāle yastoyaṃ pātakavānapi |
tulasīpatragalitaṃ sa yāti harisannidhim || 6 ||
[Analyze grammar]

tulasīmṛttikāpuṇḍraṃ yo mṛtyusamaye vahet |
sa muktaḥ sakalaiḥ pāpaiḥ puraṃ gacchati cakriṇaḥ || 7 ||
[Analyze grammar]

yasya syāttulasīpatraṃ mukhe śirasi karṇayoḥ |
mṛtyukāle dvijaśreṣṭha tasya svāmī na bhāskariḥ || 8 ||
[Analyze grammar]

pavitranāmā sumatirbabhūva paramārthavit |
babhūva brāhmaṇī tasya bahulā nāma dhāriṇī || 9 ||
[Analyze grammar]

sadvaṃśaprabhavā sādhvī patisevāparāyaṇā |
anapatyapatirnāma tatraikosti dvijottamaḥ || 10 ||
[Analyze grammar]

sakhyaṃ tena pavitro'sau cakāra dvijasevinā |
tato'napatyapatinā kathālobhena sattamaḥ || 11 ||
[Analyze grammar]

upaviṣṭaḥ pavitro'sau snehādekavarāsane |
tatrāṃtare mahātejā lomaśo nāma sa dvijaḥ || 12 ||
[Analyze grammar]

kathayaṃtau kathāścitrāḥ samāgatya dadarśa tau |
atha taṃ lomaśaṃ vipraṃ viprāvutthāya pīṭhataḥ || 13 ||
[Analyze grammar]

pādyārghyācamanīyādyaiḥ pūjayāmāsatuśca tau |
suprīto lomaśastābhyāṃ nārāyaṇaparāyaṇaḥ || 14 ||
[Analyze grammar]

uvāsa brāhmaṇaśreṣṭha āsane kīrtayanharim |
āsanasthaṃ mahātmānaṃ lomaśaṃ taṃ kṛtāñjalim || 15 ||
[Analyze grammar]

pavitrānāpatyamunī bhaktyā prāhaturlomaśam |
bhagavansarvadharmajña tvatpādayugalairnṛbhiḥ || 16 ||
[Analyze grammar]

sadbhirgrāhyairāśramo'yaṃ pūto'bhūnnūnamāvayoḥ |
kṛtāni yāni pāpāni āvābhyāṃ mohataḥ purā || 17 ||
[Analyze grammar]

tāni sarvāṇi naṣṭāni tvatpādayugadarśanāt |
bhavānnārāyaṇaḥ sākṣātpūjanīyo'marairapi || 18 ||
[Analyze grammar]

samyakte pūjanaṃ kartuṃ kimāvāṃ mānuṣau kṣamau |
atitheryā kṛtā pūjā te'smābhirnijaśaktitaḥ || 19 ||
[Analyze grammar]

anayā bhava suprītaḥ kṣamasva doṣamāvayoḥ |
ityuktvā tau mahātmānau tasyāgaṃtoḥ padadvaye |
nipetaturdvijaśreṣṭha vayasyau gṛhamedhinau || 20 ||
[Analyze grammar]

vyāsa uvāca |
tato bhaktyā susaṃtuṣṭo lomaśo viduṣāṃvaraḥ |
yuvāṃ vinayināṃ śreṣṭhau dvijāgryau dharmatatparau || 21 ||
[Analyze grammar]

āpyāyito'smi sutarāṃ yuvayorvinayoktibhiḥ |
sākṣādbrahmā śivo viṣṇuratithiḥ procyate budhaiḥ || 22 ||
[Analyze grammar]

tasminnetāvatībhaktiryuvayorastu maṅgalam |
ārādhito'smyahaṃsamyagatithirbhūribhojanaiḥ || 23 ||
[Analyze grammar]

vyāsa uvāca |
tata utthāya tau viprau tatpādakamaladvaye |
bhūyo'pi taṃ namaskṛtya prāhaturlomaśaṃ munim || 24 ||
[Analyze grammar]

brāhmaṇāvūcatuḥ |
brahmannatithipūjāyā māhātmyaṃ vaktumarhasi |
yāṃ kṛtvā prāpyate muktirduḥkhalabhyāpi mānavaiḥ || 25 ||
[Analyze grammar]

ko'tithiḥ procyate loke tasya pūjā ca kīdṛśī |
ātitheyo'tithiścemau labhete kāmubhau gatim || 26 ||
[Analyze grammar]

lomaśa uvāca |
vānaprastho brahmacārī bhikṣuścaiṣāṃ prapūjanāt |
nirucyate gṛhaṃ śreṣṭhamāśrameṣu caturṣvapi || 27 ||
[Analyze grammar]

caturāśramamadhyeṣu pradhānā gṛhiṇo matāḥ |
taiścātithīnāṃ kartavyā pūjā bhaktisamanvitaiḥ || 28 ||
[Analyze grammar]

gṛhiṇāṃ paramo dharmaḥ proktaścātithipūjanam |
āśramācārato'bhraṣṭāstataste gṛhiṇo matāḥ || 29 ||
[Analyze grammar]

vaṃhatyatithipūjāyāṃ dakṣatāṃ gṛhiṇo yadi |
tadā prayojanaṃ teṣāṃ kimanyaiḥ puṇyakarmabhiḥ || 30 ||
[Analyze grammar]

yasya na śrūyate nāma na ca gotraṃ na ca sthitiḥ |
akasmādgṛhamāgacchetso'tithiḥ procyate budhaiḥ || 31 ||
[Analyze grammar]

brāhmaṇāḥ kṣatriyā vāpi vaiśyā vā vṛṣalāstathā |
gṛhāgatāḥ pūjitāśca viṣṇuvattattvadarśibhiḥ || 32 ||
[Analyze grammar]

cāṇḍālapramukhā ye'nye hīnavarṇasamudbhavāḥ |
viṣṇuvatpūjitavyāste pādyārghyairbhūribhojanaiḥ || 33 ||
[Analyze grammar]

samāgateṣvatithiṣu prayāṇaṃ kurute gṛhī |
api sa tvarayā dadyātpādyārghyādīni ca dvijaḥ || 34 ||
[Analyze grammar]

kuryācca kuśalaṃ praśnaṃ vacanaiḥ komalākṣaraiḥ |
kārayedbhojanaṃ vāpi divyaratnairmudā gṛhī || 35 ||
[Analyze grammar]

sukhade mandire tasya śayanaṃ kārayedbudhaḥ |
prātarjigamiṣuṃ dṛṣṭvā tamāyāṃtaṃ vivarjayet || 36 ||
[Analyze grammar]

yadi karmavipākena gṛhī bhavati vittavān |
atithyenātithiḥ pūjyastadahaṃ vacmi sattamau || 37 ||
[Analyze grammar]

samāgateṣvatithiṣu bhaktyā dadyāttṛṇādikam |
tṛṇābhāvena vai brūyādbhūmau tiṣṭheti bhaktitaḥ || 38 ||
[Analyze grammar]

pādaprakṣālanārthaṃ tudadyādudakamuttamam |
ato madhurayā vācā pṛcchecca kuśalādikam || 39 ||
[Analyze grammar]

phalādikaṃ tato dadyādbhaktyā bhojanahetave |
tadabhāvena matimānmudā vipra prakāśayet || 40 ||
[Analyze grammar]

vadeccāhaṃ mahāpāpī daridra pravaro'tithe |
karttumicchāmi bhaktiṃ te daivataṃtraṃvirodhakam || 41 ||
[Analyze grammar]

anena vidhinā dīnaḥ satyaktvātithipūjanam |
svācārapatito nānyo yathoktaṃ phalamāpnuyāt || 42 ||
[Analyze grammar]

anarcito'tithiryasya gacchedvai gṛhiṇo gṛhāt |
janmakoṭyarjitaṃ puṇyaṃ tasya gacchati saṃkṣayam || 43 ||
[Analyze grammar]

eka evātithiryena bhaktibhāvena pūjyate |
harettasya hariḥ sadyo pātakaṃ koṭijanmajam || 44 ||
[Analyze grammar]

satyaṃ vacmi hitaṃ vacmi dṛḍhaṃ vacmi prayatnataḥ |
vinātithisaparyābhirgṛhiṇo nāsti vā gatiḥ || 45 ||
[Analyze grammar]

satyaṃ satyaṃ punaḥ satyamāgaṃtupūjayā vinā |
gatirnāstyeva nāstyeva nāstyeva gṛhidharmiṇām || 46 ||
[Analyze grammar]

jñātidharma iti khyāto vallabho dvāpare yuge |
babhūva sarvadharmajñastasya śrīvallabhāhvayā || 47 ||
[Analyze grammar]

tena sarvāṇi karmāṇi kṛtāni jñātisevinā |
saurāṣṭre vasatiṃ cakre tayā saha sabhāryayā || 48 ||
[Analyze grammar]

tatra durgrahasaṃcārāddvādaśābdaṃ ca vāsavaḥ |
na vavarṣāṃbu tenāsīddurbhikṣaṃ sumahaddvijau || 49 ||
[Analyze grammar]

tasminmahati durbhikṣe lokāstaddeśavāsinaḥ |
babhūvurduḥkhitāḥ sarve maryādāmapi tatyajuḥ || 50 ||
[Analyze grammar]

jñānabhadro mahāyogī yuge dvāpara saṃjñake |
durbhikṣahṛtasaṃpattirbabhūvātyantaduḥkhitaḥ || 51 ||
[Analyze grammar]

kṣudhākulānsutāndṛṣṭvā dārāṃśca dvijasaṃmatau |
phalamūlādanārthāya jagāmotpatyakāṃ gireḥ || 52 ||
[Analyze grammar]

girerupatyakāprāṃte cirāyuḥ sa bubhukṣitaḥ |
kūṣmāṇḍaphalamekaṃ ca lebhe brāhmaṇasattamau || 53 ||
[Analyze grammar]

samādāya phalaṃ tacca harṣito'sau nijālayam |
javairjagāma viprendro jñānabhadro mahāyaśāḥ || 54 ||
[Analyze grammar]

etasminnantare vipra meghairnnīlapadairiva |
āvṛte gagane vṛṣṭirmahāsārairbabhūva ha || 55 ||
[Analyze grammar]

sa muniśca tayā vṛṣṭyā plāvitākhilavigraha |
vanādvanacaraḥ kaścicchītārtaścāyayau gṛham || 56 ||
[Analyze grammar]

dṛṣṭvātithiṃ tu śītārtaṃ vavaṃde śirasā tataḥ |
dadau tṛṇāsanaṃ bhaktyā tasmai pādyādikaṃ tataḥ || 57 ||
[Analyze grammar]

tato madhurayā vācā tenaivātithinā saha |
tasthau svasthena manasā prajñālāpaṃ prakurvatā || 58 ||
[Analyze grammar]

gṛhiṇyā saha gopena svāmisevā sudakṣayā |
tataḥ kūṣmāṇḍakaṃ navyaṃ pakvamatyaṃta yatnataḥ || 59 ||
[Analyze grammar]

saṃprāpya harṣitā sādhvī dadau bhāgaṃ vidhāya sā |
athāsau durbalo gopo dinaviṃśamupoṣaṇāt || 60 ||
[Analyze grammar]

ātitheyo mahābhāgaṃ dadau cātithaye mudā |
tatastadgṛhiṇī sādhvī svāmibhaktiparāyaṇā || 61 ||
[Analyze grammar]

dadau sā patitaṃ bhāgaṃ tasmai cātithaye mudā |
athātithestayostatra daṃpatyoḥ sumahātmanoḥ || 62 ||
[Analyze grammar]

abhūdbhāgadvayaṃ bhuktvā suprīto dvijasattama |
viṣṇuvatpūjitastābhyāṃ so'tithirdṛḍhabhaktitaḥ || 63 ||
[Analyze grammar]

viśrāmaṃ rātrau tatraiva prātaḥ snātvā ciraṃ yayau |
gataivamupavāsena dinānāmekaviṃśatiḥ || 64 ||
[Analyze grammar]

daṃpatī tau mahātmānau paṃcatāṃ yayatustataḥ |
tena puṇyaprabhāveṇa daṃpatī tau mahāśayau || 65 ||
[Analyze grammar]

prāpaturviṣṇusāyujyaṃ durllabhaṃ yogināmapi |
tayoḥ puṇyaprabhāveṇa vihitātithipūjayā || 66 ||
[Analyze grammar]

tasminrājye tu durbhikṣaṃ vinaṣṭamabhavattataḥ |
atyaṃtasukhinolokāḥ śokavyādhivivarjitāḥ || 67 ||
[Analyze grammar]

dhanadhānyādisampannā babhūvurdharmatatparāḥ |
vinaṣṭā dasyavastatra nṛpo'bhūllokapālakaḥ || 68 ||
[Analyze grammar]

nijācāraratālokā jaladāḥ kāmavarṣiṇaḥ |
pūrvajāḥ koṭipuruṣāstathaivāparajāstayoḥ || 69 ||
[Analyze grammar]

tenaiva karmaṇā muktiṃ jagmuḥ pāpavivarjitāḥ |
nirdoṣā dhanasaṃpannāḥ sarvalokaikapūjitāḥ || 70 ||
[Analyze grammar]

śokavyādhivihīnā ca vavṛdhe saṃtatistayoḥ |
lomaśa uvāca |
āgaṃtupūjāmāhātmyaṃ setihāsaṃ mayoditam || 71 ||
[Analyze grammar]

yuvayoḥ prītayorviprau kimanyacchrotumicchatha |
vyāsa uvāca |
iti bruvati vai tasmiṃllomaśe tapasāṃ dhane || 72 ||
[Analyze grammar]

kālagrastaḥ kṛṣṇaākhustatrottasthau bilānnijāt |
tamutthitaṃ bilātkṛṣṇamūṣakaṃ krodhavihvalaḥ || 73 ||
[Analyze grammar]

pavitrastatra cottasthau vadanniti muhurmuhuḥ |
ayaṃ pāpāśayo duṣṭo mūṣako niśi cāśramam || 74 ||
[Analyze grammar]

khanate tīkṣṇadaṃtaughairgṛhadravyaṃ ca kṛṃtati |
sarveṣāmeva varṇānāṃ kṛpā śreṣṭhā prakīrtitā || 75 ||
[Analyze grammar]

sā ca sarveṣu kartavyā na ca duṣṭeṣu jaṃtuṣu |
ityuktvāsau mūṣikaṃ taṃ dvijaśreṣṭha kṛtainasam || 76 ||
[Analyze grammar]

nārācenātitīkṣṇena prāptakālaṃ jaghāna ha |
sravacchoṇitadhārābhiḥ plāvitāṅgaḥ sa mūṣakaḥ || 77 ||
[Analyze grammar]

papāta bhūmau viprarṣe vyathayā hatacetanaḥ |
ākhau nipatite tasmindayālurdvijasattamaḥ || 78 ||
[Analyze grammar]

hāhākāraṃ tataḥ kṛtvā samuttasthau javena saḥ |
nijakarṇātsamānīya tulasīpatramuttamam || 79 ||
[Analyze grammar]

tasyākhorvadane śīrṣe karṇayośca pradattavān |
mātastu tulasīdevi gogindahlādakāriṇi || 80 ||
[Analyze grammar]

asyākhoḥ kṛtapāpasya kuru tvaṃ gatimuttamām |
ityuktvā sadvijaśreṣṭha sarvalokopakārakaḥ || 81 ||
[Analyze grammar]

harenārāyaṇānanta ityuccairakaroddhvanim |
tulasīpatrasaṃsparśānmūṣako vītakalmaṣaḥ || 82 ||
[Analyze grammar]

śravaṇāddharināmnaśca mukto'bhūdbhavabaṃdhanāt |
tato dūtā mahāviṣṇoḥ sarvalakṣaṇasaṃyutāḥ || 83 ||
[Analyze grammar]

ājagmuḥ surathaiḥ śīghraṃ netuṃ taṃ gatakalmaṣam |
samāruhya rathaṃ divyaṃ viṣṇudūtagaṇairvṛtāḥ || 84 ||
[Analyze grammar]

jagāma paramaṃ sthānaṃ mūṣako dvijasattama |
yugakoṭisahasrāṇi sthitvā nārāyaṇāśrame || 85 ||
[Analyze grammar]

jñānamāsādya tatraiva mokṣamākhurjagāma saḥ |
vyāsa uvāca |
māhātmyaṃ tulasīdevyāḥ kathitaṃ te dvijottama || 86 ||
[Analyze grammar]

idānīṃ brūhi kiṃ śrotuṃ mahābhāgatvamicchasi || 87 ||
[Analyze grammar]

iti śrīpadmapurāṇe kriyāyogasāre paṃcaviṃśo'dhyāyaḥ || 25 ||
[Analyze grammar]