Chapter 12

[English text for this chapter is available]

vyāsa uvāca |
phālgune brāhmaṇaśreṣṭha śrīkṛṣṇaṃ suravaṃditam |
pūjayedbhaktibhāvena pratyahaṃ vaiṣṇavo janaḥ || 1 ||
[Analyze grammar]

phālgune snāpayedyastu sarpiṣā devakīsutam |
phalaṃ tasya pravakṣyāmi yataḥ samyaṅinaśāmaya || 2 ||
[Analyze grammar]

sarvayajñaphalaṃ prāpya sarvadānaphalaṃ tathā |
aṃte yāti hareḥ sthānaṃ sarvapāpavivarjitaḥ || 3 ||
[Analyze grammar]

yugakoṭisahasrāṇi bhukttvā bhogaṃ harergṛhe |
tatraiva mokṣamāpnoti saṃprāpya jñānamuttamam || 4 ||
[Analyze grammar]

yastu yacchati kṛṣṇāya śiśire gopamūrtaye |
tilānāṃ modakaṃ divyaṃ sa gaccheddharimaṃdiram || 5 ||
[Analyze grammar]

yo dugdhalaḍḍukāndadyātkeśavāya mahātmane |
sa pibedamṛtaṃ svarge manvaṃtaraśatāvadhi || 6 ||
[Analyze grammar]

haraye lalitaṃ khaṃḍaṃ yastu yacchati jaimine |
tasya viṣṇuḥ prasannātmā chinatti bhavabaṃdhanam || 7 ||
[Analyze grammar]

vicitraṃ phalitaṃ divyaṃ dadyādbhagavate dvija |
aṃte śakrapuraṃ gatvā sa bhavetsuravaṃditaḥ || 8 ||
[Analyze grammar]

nirmalāṃ śarkarāṃ yacchedyastu kṛṣṇāya bhaktimān |
sa kiṃ na labhate vipra vāsudevaprasādataḥ || 9 ||
[Analyze grammar]

supakvaṃ phālgune māsi madhuraṃ badarīphalam |
yastu yacchati kṛṣṇāya phalaṃ tasya niśāmaya || 10 ||
[Analyze grammar]

iha bhuṅkte sukhaṃ sarvaṃ putrapautrasamanvitaḥ |
aṃte harergṛhaṃ yāti rathamāruhya śobhanam || 11 ||
[Analyze grammar]

na dadyādguḍasaṃyuktaṃ haraye badarīphalam |
ajñānādbrāhmaṇaśreṣṭha dadyāccennārakībhavet || 12 ||
[Analyze grammar]

phālgune māsi yo dadyāddharaye dāḍimīphalam |
supakvaṃ tatphalaṃ vipra vadato me niśāmaya || 13 ||
[Analyze grammar]

tatra yāvaṃti bījāni tiṣṭhaṃti dāḍimīphale |
tāvanmanvaṃtaraṃ viṣṇorgṛhe tiṣṭhati bhāgyavān || 14 ||
[Analyze grammar]

phālgune māsi yo dadyāddharaye guḍapiṣṭakam |
sa vijñeyo dvijaśreṣṭha vājimedhasahasrakṛt || 15 ||
[Analyze grammar]

caitre māsi dvijaśreṣṭha madhunā madhusūdanam |
snāpayellabhate martyastadviṣṇoḥ paramaṃ padam || 16 ||
[Analyze grammar]

madhunā snāpayedyastu nārāyaṇamanāmayam |
na carcā kriyate tasya kadācidravisūnunā || 17 ||
[Analyze grammar]

caitre kiṃśukapuṣpeṇa yo'rcayetkamalāpatim |
tannāma citraguptena paṃjikāyāṃ na likhyate || 18 ||
[Analyze grammar]

caitrake jagatāmīśaṃ kṛṣṇaṃ tilakapuṣpakaiḥ |
pūjato nāsti vai janma punarasminmahītale || 19 ||
[Analyze grammar]

kṛṣṇavaṃjulapuṣpeṇa sarvadevaśiromaṇim |
pūjayanmanujo vipra labhate nāpadaṃ kvacit || 20 ||
[Analyze grammar]

vāsaṃtībhiḥ sugaṃdhībhirvasaṃte yastu pūjayet |
bhagavaṃtaṃ prasannātmā sa devairapi pūjyate || 21 ||
[Analyze grammar]

tathā kisalayairdivyairakhaṇḍairyo'rcayeddharim |
taṃ vaṃdate samutthāya svayaṃ pīṭhāsanopi ca || 22 ||
[Analyze grammar]

dhātrīpatrairnavairyastu komalairharimarcayet |
acireṇaiva labhate sakalaṃ vāṃchitaṃ janaḥ || 23 ||
[Analyze grammar]

śāṃḍilyā khaṃḍapatraiśca dhattūraiścārkapuṣpakaiḥ |
yo'rcayedviṣṇumīśaṃ ca sa saṃsārābdhipāragaḥ || 24 ||
[Analyze grammar]

yo dadyādviṣṇave vipra kadalīphalamuttamam |
śakrādyāstridaśāḥ sarve vaṃdaṃte tamaharniśam || 25 ||
[Analyze grammar]

yo dadyāccaitrake māsi bhaktyā gopālarūpiṇe |
godhūmapiṣṭakaṃ vipra sarvapāpaiḥ pramucyate || 26 ||
[Analyze grammar]

āyāte mādhave māsi pavitre mādhava priye |
āmiṣaṃ maithunaṃ tailaṃ viṣṇubhaktaḥ parityajet || 27 ||
[Analyze grammar]

prāptaḥ samācaretsnānaṃ mādhave māsi vaiṣṇavaḥ |
parityajetparānnaṃ ca na kuryācca dvibhojanam || 28 ||
[Analyze grammar]

prabhāte pūjayedviṣṇuṃpū rvoktavidhinā dvija |
vaiśākhe snāpayedviṣṇuṃ puṣpavāsitavāriṇā || 29 ||
[Analyze grammar]

snāpayecchītatoyeṣu saṃdhyāparyaṃtamacyutam |
trisaṃdhyaṃ pūjayedbhaktyā naivedyairvividhaiḥ prabhum || 30 ||
[Analyze grammar]

vaiśākhe damanasragbhirlakṣmīpatiralaṃkṛtaḥ |
na kiṃ dadāti viprarṣe prasannaḥ parameśvaraḥ || 31 ||
[Analyze grammar]

vaiśākhe māsi yo dadyādyavānnaṃ cakrapāṇaye |
tasya puṇyāni saṃkhyātuṃ kaḥ samartho'sti paṃḍitaḥ || 32 ||
[Analyze grammar]

yatkiṃcinmādhave māsi mādhavaprītihetave |
dīyate mādhavāyaiva tatsarvamakṣayaṃ bhavet || 33 ||
[Analyze grammar]

yadanyatsukṛtaṃ karma kriyate māsi mādhave |
mādhavaprītaye vipra kṣayastasya na vidyate || 34 ||
[Analyze grammar]

vaiśākhe māsi yaḥ kuryātprapāṃ mādhavatuṣṭaye |
dinedine'śvamedhasya phalamāpnoti mānavaḥ || 35 ||
[Analyze grammar]

vaiśākho durllabho māsaḥ sarvakarmaphalapradaḥ |
pūjitavyo haristatra hitvā karmaśatānyapi || 36 ||
[Analyze grammar]

ekāhamapi yaḥ pūjāṃ vaiśākhe kurute hareḥ |
paḍvarṣaṃ hariṃ pūjitvā yatphalaṃ labhate sa tat || 37 ||
[Analyze grammar]

vaiśākhe māsi yo nityaṃ viṣṇumaśvattharūpiṇam |
caturvargaphalaprāptihetave vaiṣṇavo janaḥ || 38 ||
[Analyze grammar]

gaṇḍūṣamātrato yena kuryādyo'śvatthasevanam |
so'pi yāti paraṃ sthānaṃ vimuktaḥ koṭipātakaiḥ || 39 ||
[Analyze grammar]

aśvatthamūlaṃ viprarṣe yo badhnāti śilādibhiḥ |
aśvattharūpī bhagavānkiṃ kiṃ tasmai na yacchati || 40 ||
[Analyze grammar]

aśvatthadrumamālokya praṇāmaṃ kurute yadi |
so'pi yāti paraṃ sthānamāyurvṛddhirna saṃśayaḥ || 41 ||
[Analyze grammar]

yadaśvatthatale vipra dharmakarma karoti yaḥ |
nyūnātiriktatā na syāttasminkarmaṇi jaimine || 42 ||
[Analyze grammar]

tatra tīrthāni sarvāṇi tristrotādīni jaimine |
yatrāśvatthatarustiṣṭhedekopi śākhināṃ varaḥ || 43 ||
[Analyze grammar]

aśvatthaṃ pūjayedyastu sa eva viṣṇupūjakaḥ |
aśvatthamūrtirbhagavānsvayameva yato dvija || 44 ||
[Analyze grammar]

avajñānāddivajaśreṣṭha yo'śvatthaṃ haṃti mūḍhadhīḥ |
saṃsāre nāsti tatkarma yatkṛtvā sa ca śuddhyati || 45 ||
[Analyze grammar]

aśvattho vṛkṣarājo'yaṃ harimūrtiḥ prakīrtitaḥ |
tasmādaśvatthahaṃtṝṇāṃ trātā ko'pi na vidyate || 46 ||
[Analyze grammar]

aśvatthaṃ paśyato vipra spṛśataḥ paratastathā |
dehasthaṃ pātakaṃ sarvaṃ haretpraṇamato hariḥ || 47 ||
[Analyze grammar]

vilokyāśvatthahaṃtāraṃ yaḥ śakto na nivārayet |
tannetrayugmaṃ baḍiśairyamenotpāṭyate svayam || 48 ||
[Analyze grammar]

aśvatthacchedanaṃ mūḍho mā kurviti vadenna yaḥ |
tasya jihvāṃ churikayā svayaṃ kṛṃtati pretarāṭ || 49 ||
[Analyze grammar]

aśvatthaśākhāmekāṃ yaḥ svalpāmapi nihaṃti vai |
sa koṭibrahmahatyānāṃ phalamāpnoti mānavaḥ || 50 ||
[Analyze grammar]

yatpāpaṃ brahmahatyāyāṃ gurustrīgamanena ca |
surāpāne tathāsteye nyāsāpaharaṇe'pi ca || 51 ||
[Analyze grammar]

yatpāpaṃ bhrūṇahatyāyāṃ gohatyāyāṃ dvijottama |
strīhatyāyāṃ ca yatpāpaṃ parastrīgamane tathā || 52 ||
[Analyze grammar]

śaraṇāgata hatyāyāṃ hatyāyāṃ suhṛdastathā |
viśvāsavākyākathane patihiṃsāvidhau ca yat || 53 ||
[Analyze grammar]

yatpāpaṃ paraniṃdāyāṃ harivāsarabhojane |
aśvatthacchedanāddhoraṃ tatpāpaṃ prāpyate janaiḥ || 54 ||
[Analyze grammar]

viṣṇumūrtterjano mohādaśvatthasya nihaṃti yaḥ |
tattulyaḥ pātakī ko'pi na śrutaḥ kṣitimaṃḍale || 55 ||
[Analyze grammar]

vadāmyaśvatthamāhātmyaṃ sarvapāpavināśanam |
setihāsaṃ dvijaśreṣṭha śṛṇu vatsa samāhitaḥ || 56 ||
[Analyze grammar]

pūrvaṃ dhanaṃjayo nāma brāhmaṇo haribhaktikṛt |
āsīttretāyuge vipra sarvaprāṇihite rataḥ || 57 ||
[Analyze grammar]

jñātipūjārato nityaṃ dīpadāne rataḥ sadā |
satyavādī jitakrodho hiṃsādaṃbhavivarjitaḥ || 58 ||
[Analyze grammar]

mumukṣuḥ sa dvijaśreṣṭha sarvadā parameśvaram |
pūjayāmāsa parayā bhaktyā nārāyaṇaṃ prabhum || 59 ||
[Analyze grammar]

tasya bhaktiṃ tato jñātvā mahatīṃ sudṛḍhāṃ prabhuḥ |
jahāra sakalaṃ vittaṃ hetumātreṇa kenacit || 60 ||
[Analyze grammar]

tathāpi sa dvijaśreṣṭhaḥ keśavasya mahātmanaḥ |
pūjāmanudine cakre bhaktyā paramayā sudhīḥ || 61 ||
[Analyze grammar]

duḥkhenopārjitaṃ vittaṃ vinaṣṭaṃ sakalaṃ dvija |
dṛṣṭvāpi tena vipreṇa duḥkhenāciṃtyacetasā || 62 ||
[Analyze grammar]

bhakṣaṇe varjanaṃ cakre sa vipraḥ paramārthavit |
mahāviṣṇusaparyāyāṃ dṛḍhaṃ baddhvā mano nijam || 63 ||
[Analyze grammar]

bhūyo'pi tasya viprasya bhaktiṃ jñātvā janārdanaḥ |
cakāra baṃdhuvicchedaṃ sudṛḍhaḥ śamadastataḥ || 64 ||
[Analyze grammar]

bāṃdhavāstasya viprasya viṣṇumāyāvimohitāḥ |
hiṃsāmārebhire kartuṃ sarvadaiva dvijottama || 65 ||
[Analyze grammar]

tato vipro hi nirvṛtto nirbaṃdhaiḥ puruṣottamam |
pūjayāmāsa satataṃ prītaḥ pracurabhaktitaḥ || 66 ||
[Analyze grammar]

parikalpya ca bhūdevo dhanaṃ keśavapūjane |
mādhavaṃ ca jagannāthaṃ sabaṃdhuśucamatyajat || 67 ||
[Analyze grammar]

bhūya eva mahāviṣṇuḥ kautukī tasya jaimine |
jahāra sānukaṃpo'pi putrānapi dine dine || 68 ||
[Analyze grammar]

tathāpi sa dvijaśreṣṭhaḥ keśavaṃ kleśanāśanam |
pūrvadviguṇayā bhaktyā nityaṃ viṣṇumapūjayat || 69 ||
[Analyze grammar]

tasya patnī tato vipra duḥkhaśokātiduḥkhitā |
pitṛgehaṃ gatā viṣṇormāyayā parimohitā || 70 ||
[Analyze grammar]

athaikākī sa bhūdevo viṣṇubhaktiparāyaṇaḥ |
vipadaṃ ciṃtayāmāsa na kadāpi sucetasā || 71 ||
[Analyze grammar]

ekadā sa dvijaśreṣṭha viṣṇubhaktimatāṃ varaḥ |
skaṃdhe paraśumādāya kāṣṭhārthaṃ vipine yayau || 72 ||
[Analyze grammar]

vanātkāṣṭhaṃ samādāya nityameva ca sa dvijaḥ |
himāgame vastrahīnaḥ kurute śītavāraṇam || 73 ||
[Analyze grammar]

kadācidvipinaṃ gaṃtuṃ nāśaknoddivajasattamaḥ |
jaghāna prāṃgaṇasthasya śākhāmaśvatthaśākhinaḥ || 74 ||
[Analyze grammar]

atrāṃtare mahāviṣṇustasmādaśvattha pādapāt |
niścakrāma suraśreṣṭho vyathāvyathitamānasaḥ || 75 ||
[Analyze grammar]

dadarśa viṣṇuṃ purataḥ sa vipraścaturbhujaṃ padmadalāyatākṣam |
pītāṃbaraṃ kuḍalinaṃ sukeśaṃ dadhānamabjādi nijāyudhāni || 76 ||
[Analyze grammar]

parisravadvistararaktadhārā saṃdhyāsu śoṇīkṛtanavyamegham |
vibhāvasuṃ caiva sukhaṃ pareśaṃ saṃdṛśyate devagaṇairadṛśyam |
harṣāśrudhārā rucirākṣiyugmastuṣṭāva vipro mṛdulairvacobhiḥ || 77 ||
[Analyze grammar]

brāhmaṇa uvāca |
hare murāre jagadekanātha goviṃda dāmodara mādhaveti |
lakṣmīpate keśavakeśiśatro nārāyaṇānaṃta vibho prasīda || 78 ||
[Analyze grammar]

tavāvatāraṃ kimahaṃ bravīmi tvayā vinā nāsti bhuvīha ko'pi |
kiṃ vā guṇavyāptasamastalokaṃ kiṃ vā dayāṃ mitraparaikatulyām || 79 ||
[Analyze grammar]

datvā svīyāṃ kasyacidīśa viṣṇo bhaktiṃ harasya cyutadehasaṃsthām |
śriyaṃ samādāya mudaṃ pradāsye bhaktiḥ pradattāmahataḥ sudhanyā || 80 ||
[Analyze grammar]

manye mahātmānamanaṃtamūrtte pāpātmanāṃ śreṣṭhamivāniśaṃ yat |
tadarthamevāṃghriyugaṃ tvadīyaṃ na pātakī paśyati daivaciṃtyam || 81 ||
[Analyze grammar]

yadyapyahaṃ duḥkhavatāṃ variṣṭho manye tathāpīndramivādya viṣṇo |
ātmānamātmā jagatāṃ bhavaṃtaṃ sākṣātsamīkṣeyata īkṣaṇābhyām || 82 ||
[Analyze grammar]

pūjāṃ tavālpāmapi vedmi nāhaṃ dravyaṃ kadāpi na dadāmi tubhyam |
tathāpi cāgre mama mūrtimāṃstvaṃ dṛṣṭosi me keśava eka pūjyaḥ || 83 ||
[Analyze grammar]

dattastvayāyaṃ mamabhakti vṛkṣo dhamārthakāmatraya eva so'yam |
tvaddarśanāṃbho mayavṛṣṭisiktaḥ prabho'dyakaivalyaphalaṃ dadhāra || 84 ||
[Analyze grammar]

mūrdhā madīyo'khilalokamūrdhnāṃ śreṣṭho bhavetkeśavaviśvamūrteḥ |
tvatpādapāthojayugemano me saṃyāti vai saṃpratidevadeva || 85 ||
[Analyze grammar]

vyāsauvāca |
itthaṃ stutvā jagannāthaṃ nārāyaṇamanāmayam |
kṛtāṃjalipunaḥprāha bhaktyā tamiti sa dvijaḥ || 86 ||
[Analyze grammar]

brāhmaṇa uvāca |
devadeva jagannātha lokānugrahakāraka |
kaśāpraharaṇairetadgātraṃ te rudhirokṣitam || 87 ||
[Analyze grammar]

sarveṣāmeva daityānāṃ yudhi vaṃśāstvayā hatāḥ |
tvāṃ haṃtuṃ kaḥ kṣamaḥ pṛthvyāṃ prabho'dbhutamidaṃ mahat || 88 ||
[Analyze grammar]

bhagavānuvāca |
vatsa satyamidaṃ proktaṃ tvayā nāstyatra saṃśayaḥ |
dānavo rākṣaso vāpi māṃ haṃtuṃ ko'pi na kṣamaḥ || 89 ||
[Analyze grammar]

aśvatthamūtirevāhaṃ kuṭhāreṇa hatastvayā |
ato'jani śarīre me raktapāto'dhunā dvija || 90 ||
[Analyze grammar]

vyāsa uvāca |
tasyavākyamidaṃ śrutvā sa vipro bhayavihvalaḥ |
niniṃda svayamātmānamātmanā bahudhā dvijaḥ || 91 ||
[Analyze grammar]

dhigastu tatvato bhāgyaṃ sarvapātakināṃ varam |
trailokyādhipaterdātā hṛdaye mahatīṃ vyathām || 92 ||
[Analyze grammar]

sarvapāpaharo viṣṇuḥ samayā vyādhitaḥ kṛtaḥ |
etatpāpaṃ mayā pāraṃ kartuṃ naikena śakyate || 93 ||
[Analyze grammar]

yasmiṃstuṣṭe pāpino'pi bhavaṃti suravaṃditāḥ |
maddattayā sa vyathayā vyathito hā hato'smyaham || 94 ||
[Analyze grammar]

prasādayaṃti yaṃ devā brahmādyā atibhaktitaḥ |
aho mayā pāpavatā tasya dattā hṛdi vyathā || 95 ||
[Analyze grammar]

kiṃ tapobhirjapaiḥ kiṃ vā kiṃ gṛhairjīvanaiśca me |
dharmārthakāmamokṣāṇāṃ dātaiko'yaṃ vyathāturaḥ || 96 ||
[Analyze grammar]

ityuktvā sa dvijaśreṣṭha tameva paraśuṃ nije |
dātuṃ kaṃṭhe manaścakre viṣṇuprīṇanahetave || 97 ||
[Analyze grammar]

tasyabhaktiṃ dṛḍhāṃ jñātvā dayāluḥ kamalāpatiḥ |
taddhastāttatparaṃ ninye javena bhaktavatsalaḥ || 98 ||
[Analyze grammar]

śrībhagavānuvāca |
kathaṃ tvameva kuruṣe vatsa karmātidāruṇam |
ātmahatyākṛtāṃ puṃsāṃ tuṣṭosmi na kadāpyaham || 99 ||
[Analyze grammar]

tava bhaktyātituṣṭo'smi bhītiṃ mā kurusattama |
varaṃ varaya viprendra yatte manasi vartate || 100 ||
[Analyze grammar]

brāhmaṇa uvāca |
mayā vyathāpradatteyaṃ mahatī parameśvara |
mā tiṣṭhatu śarīre te yāce varamimaṃ prabho || 101 ||
[Analyze grammar]

śrībhagavānuvāca |
ajñānādbhavatā vatsa karmedaṃ vihitaṃ dvija |
ato'parādho netavyo mahānapi na te yathā || 102 ||
[Analyze grammar]

nityaṃ tavānupālyo'smi bhaktaśreṣṭho yato bhavān |
bhavadīyānahaṃ manye doṣānvatsa dinedine || 103 ||
[Analyze grammar]

tathāpi mamabhaktiste vavṛdhe mahatī sadā |
tasmādvatsa tavānṛṇyaṃ gaṃtumicchāmi saṃprati || 104 ||
[Analyze grammar]

vihāya sakalāṃ bhītiṃ vaṃra vṛṇu mamāgrataḥ |
brāhmaṇa uvāca |
tvayi sarvasuraśreṣṭha mama janmanijanmani || 105 ||
[Analyze grammar]

tiṣṭhatāṃ sudṛḍhā bhaktirhare kimaparairvaraiḥ |
vyāsa uvāca |
śrutvā vākyamidaṃ tasya keśavapraṇayoditam || 106 ||
[Analyze grammar]

nijakaṇṭhasthitāṃ mālāṃ prītastasmai dadau tataḥ |
samāliṅgya tato vipraṃ pitā putramiva prabhuḥ || 107 ||
[Analyze grammar]

caturbhirbāhubhirdīrghairuvāca mṛdulaṃ vacaḥ |
śrībhagavānuvāca |
madbhakto'si yadā vipra tathā te matprasādataḥ || 108 ||
[Analyze grammar]

acireṇaiva sakalaṃ bhadraṃ vipra bhaviṣyati |
aśvattharūpaṃ māṃ nityaṃ kriyāyogena sattama || 109 ||
[Analyze grammar]

samārādhaya sarvaṃ te sādhayiṣyāmi vāṃchitam |
ityuktvā taṃ dvijaśreṣṭhaṃ bhūyo'pyāliṅgya keśavaḥ || 110 ||
[Analyze grammar]

abhavatsahasādṛśyastatraiva karuṇālayaḥ |
viṣṇoḥ kaṃṭhasrajaṃ prāpya sa vipro vaiṣṇavottamaḥ || 111 ||
[Analyze grammar]

kṛtakṛtyamivātmānaṃ matvā tasthau nijegṛhe |
tataḥ kubero viprarṣe tasya viprasya sadmani || 112 ||
[Analyze grammar]

svayaṃ vavarṣa vittāni bahūni keśavājñayā |
prāsādo racitastasya śilpinā viśvakarmaṇā || 113 ||
[Analyze grammar]

nārāyaṇājñayā tatra vaijayaṃta ivottamaḥ |
dāsadāsīsamāyukto nānāvastuvibhūṣitaḥ || 114 ||
[Analyze grammar]

gajāśvakoṭisaṃkīrṇaṃ vibabhau tasya mandiram |
babhuvuḥ saṃgatāstasya naṣṭā api ca bāṃdhavāḥ || 115 ||
[Analyze grammar]

kṛtāvajñā ca tatpatnī svayaṃ tadgṛhamāyayau |
mṛtaputrāpi tatpatnī keśavasyānukaṃpayā || 116 ||
[Analyze grammar]

sthiraprajābhavadvipra svāmibhaktiparāyaṇā |
ciraṃ bhuktvākhilānbhogānputrapautrasamanvitaḥ || 117 ||
[Analyze grammar]

āyuṣoṃ'te yayau mokṣaṃ sadāro viprasattamaḥ |
vyāsa uvāca |
sākṣādeva svayaṃ viṣṇuraśvattho vṛkṣasattamaḥ || 118 ||
[Analyze grammar]

tadbhaktiṃ kurvatāṃ puṃsāṃ vidyate nāśubhaṃ kvacit |
aśvatthaṃ sevate yastu viṣṇuṃ dhyātvā narottama || 119 ||
[Analyze grammar]

tasya prasanno bhagavāndadāti paramaṃ padam || 120 ||
[Analyze grammar]

iti śrīpadmapurāṇe kriyāyogasāre aśvatthamāhātmye dvādaśo'dhyāyaḥ || 12 ||
[Analyze grammar]