Chapter 250

[English text for this chapter is available]

śrīrudra uvāca |
rukmiṇyāṃ kṛṣṇasya pradyumno madanāṃśena jajñe || 1 ||
[Analyze grammar]

asau madanasaṃbhūto mahābalaḥ śaṃbaraṃ jaghnivān || 2 ||
[Analyze grammar]

tasya rukmiṇaḥ sutāyāmaniruddho jajñe || 3 ||
[Analyze grammar]

so'pi bāṇaputrīmuṣāṃ nāma kanyāmupayeme || 4 ||
[Analyze grammar]

sā tu svapne nīlotpaladalaśyāmaṃ puṃḍarīkanibhekṣaṇaṃ mahābāhuṃ vicitrābharaṇopetaṃ ṣoḍaśasamāyathāvadupabhujya prabudhya taṃ purato na dṛṣṭvā madanenapīḍitā bhrāṃtacittā māṃ tu tyaktvā vayaskaṃ raktāraviṃdavaktraṃ kvāsi kva yāsīti bahudhā vilalāpa || 5 ||
[Analyze grammar]

tatastasyāḥ sakhī citralekheti nāma kanyāṃ tādṛśīmavasthāṃ gatāṃ vilokya kiṃnimitta vibhrāṃtacittāsīti papraccha || 6 ||
[Analyze grammar]

sāpi svapnalabdhaṃ patiṃ yathāvadācaṣṭa || 7 ||
[Analyze grammar]

sāpi sakaladevamānuṣādiśreṣṭhānpaṭe vilikhya tasyai darśayāmāsa || 8 ||
[Analyze grammar]

yaduvaṃśasaṃbhūtānkṛṣṇasaṃkarṣaṇapradyumnāniruddhādīnapi samyaṅinavedayāmāsa || 9 ||
[Analyze grammar]

sā teṣāṃ kṛṣṇamanumānya pradyumnānaṃtaramaniruddhaṃ dṛṣṭvā sa ityeṣa ityāliliṃga || 10 ||
[Analyze grammar]

atha citralekhā bahvībhirmāyāvatībhirdaityastrībhirdvāravatīṃ gatvā rātrāvaṃtaḥpure suptamaniruddhaṃ |
dṛṣṭvā gṛhītvā mohayitvā māhiṣmatyāṃ bāṇasyāṃtaḥpure caityaprāsādādiyukte tasyā bāṇaputryāḥ śayyāyāṃ cikṣepa || 11 ||
[Analyze grammar]

so'pi prabuddhotiramye'naṃgapāvake saṃsthitāmuṣāṃ sarvalakṣaṇalakṣitāṃ vicitrābharaṇavasanagaṃdhamālyālaṃkṛtāṃ kāṃcanavarṇāṃ sukeśīṃ sujātastanīṃ dṛṣṭvā gāḍhamāliṃgya kariṇyā gaṃdhahastīva tayātiprītisaṃyuktayā yathāsukhaṃ ramayāmāsa || 12 ||
[Analyze grammar]

evaṃ māsamātraṃ niraṃtaratayāniruddhaṃ ramamāṇaṃ kadācidaṃtaḥpuranivāsinyo vṛddhā daityastriyo jñātvā rājñe nivedayāmāsuḥ || 13 ||
[Analyze grammar]

sa rājā krodhatāmrākṣaḥ paraṃ vismayaṃ gatvā tamihānayateti puraḥ kiṃkarānpreṣayāmāsa || 14 ||
[Analyze grammar]

te'pi tūrṇaṃ nṛpaprāsādamāruhya rājaputryāḥ śayane saṃsthitamaniruddhaṃ grahītumājagmuḥ || 15 ||
[Analyze grammar]

sa tānsamārabdhāndṛṣṭvā prāsādastaṃbhamekaṃ helayotpāṭya niyutasaṃkhyākān kiṃkarānmuhūrtamātraṇaiva staṃbhena cūrṇitamātraṃ cakāra || 16 ||
[Analyze grammar]

atha daityapatirnihatānkiṃkarāndṛṣṭvā kautūhalaṃ gatvā asau śrīkṛṣṇapautra iti devarṣiṇā prokto dhanurādāya svayamevāniruddhaṃ grahītuṃ tatsamīpamājagāma || 17 ||
[Analyze grammar]

aniruddho'pi yodbhumāyāṃtaṃ sahasrabāhuṃ rājānaṃ dṛṣṭvā tatparighaṃ bhrāmayitvā bāṇasyopari cikṣepa || 18 ||
[Analyze grammar]

svacāpanirmuktena bāṇena taṃ parighaṃ ciccheda || 19 ||
[Analyze grammar]

anaṃtaramuragāstreṇa aniruddhaṃ nibiḍaṃ baddhvā svāṃtaḥpure niveśayāmāsa || 20 ||
[Analyze grammar]

atha kṛṣṇopyevaṃvidhameva devarṣiṇā jñātvā baladevapradyumnasahitaḥ svasenayā vihaṃgameṃdramāruhya tasyabāṇasya bhujavanaṃ chettumājagāma || 21 ||
[Analyze grammar]

baliputreṇa purā śaṃkaro'rcitaḥ prasanno varaṃ vṛṇīṣvetyuvāca || 22 ||
[Analyze grammar]

tamīśvaraṃ bāṇo mama puradvārirakṣārthaṃ sarvadopaviśya samāgataṃ parasainyaṃ jahītyevaṃ varamayācata || 23 ||
[Analyze grammar]

taṃ tathetyuktvā śaṃkaro'pi tasya puradvāri sāyudhaḥ saputraḥ sagaṇaḥ samāsīnastasminneva kāle ruṣā svasenayā samāgataṃ vāsudevaṃ dṛṣṭvā vṛṣamāruhya sarvāyudhopetaḥ svaputragaṇasaṃvṛto yoddhuṃ niścakrāma || 24 ||
[Analyze grammar]

kṛṣṇo'pi taṃ bhūtapatiṃ gajacarmakapālabhasmadharaṃ jvalitoragākalpaṃ piṃgalaṃ trilocanaṃ triśūladharaṃ sarvabhūtagaṇasaṃhṛtikarttāraṃ sarvabhūtabhayāvahaṃ saṃvarttāgniprabhaṃ putradvayasamanvitaṃ samastagaṇāvṛtaṃ tripurāṃtakaṃ dṛṣṭvā senāṃ sudūre pṛṣṭhato niveśya balabhadra pradyumnasahitastena rudre ṇa saha prahasanniva yoddhumārebhe || 25 ||
[Analyze grammar]

prathamaṃ tadabhūdghoraṃ kṛṣṇaśaṃkarayostadā |
pinākaśārṅganirmuktairbāṇaiḥ saṃvarttakopamaiḥ || 26 ||
[Analyze grammar]

rāmo'pi cakre bāṇena pradyumnaḥ ṣaṇmukhena ca |
yuyudhāte mahāvīryau siṃhāviva balotkaṭau || 27 ||
[Analyze grammar]

vināyakaḥ svadaṃtena jaghānorasi yādavam |
rāmo muśalamādāya tasya daṃtamatāḍayat || 28 ||
[Analyze grammar]

nirbhinnadaṃtaḥ sahasā pradudrāvākhuvāhanaḥ |
tadāprabhṛti loke'sminhatadaṃto gaṇeśvaraḥ || 29 ||
[Analyze grammar]

devadānavagaṃdharvairekadaṃtaitīritaḥ |
pradyumnena samaṃ yuddhaṃ cakāra śikhivāhanaḥ || 30 ||
[Analyze grammar]

gaṇānvidrāvayāmāsa muśalena halāyudhaḥ |
kṛṣṇena suciraṃ kālaṃ yuddhāsau nīlalohitaḥ || 31 ||
[Analyze grammar]

tāpajvaraṃ mahādīptamasminsaṃyojya sāyake |
kopānmumoca tadasau bhṛśaṃ saṃraktalocanaḥ || 32 ||
[Analyze grammar]

tadastraṃ vārayāmāsa kṛṣṇaḥ śītajvareṇa tu |
tābhyāṃ hariharābhyāṃ tu visṛṣṭau tāvimau jvarau || 33 ||
[Analyze grammar]

viśaturmānuṣe loke tayorevājñayā bhṛśam |
hariśaṃkarayoryuddhaṃ ye tu śṛṇvaṃti mānavāḥ || 34 ||
[Analyze grammar]

te sarve jvaranirmuktāḥ prāpnuvaṃti nirāmayam |
tataḥ sa tu hṛṣīkeśo mohanāstraṃ durāsadam || 35 ||
[Analyze grammar]

niyujya bāṇaṃ bhūteśe mumoca madhusūdanaḥ |
muhurmuhurvyajṛṃbhadvai tenāstreṇa vimohitaḥ || 36 ||
[Analyze grammar]

papāta mūrcchito bhūmau śaṃkarastridaśeśvaraḥ |
pitaraṃ mohitaṃ dṛṣṭvā śaktimudyamya vīryavān || 37 ||
[Analyze grammar]

yoddhumabhyāyayau kṛṣṇaṃ ṣaṇmukhaḥ śikhivāhanaḥ |
huṃkāreṇaiva taṃ kṛṣṇaścakārātra parāṅmukham || 38 ||
[Analyze grammar]

evaṃ jitvā yaduśreṣṭhaḥ śūlapāṇiṃ trilocanam |
mahāsvanaṃ pāṃcajanyaṃ śaṃkhaṃ dadhmau pratāpavān || 39 ||
[Analyze grammar]

kṛṣṇena nirjitaṃ śrutvā sātmajaṃ śaṃkaraṃ tadā |
bāṇaḥ syaṃdanamāsthāya yayau yuddhāya keśavam || 40 ||
[Analyze grammar]

sa dṛṣṭvā sahasā kṛṣṇaṃ garuḍoparisaṃsthitam |
chādayāmāsa goviṃdaṃ bahuśastrāstravṛṣṭibhiḥ || 41 ||
[Analyze grammar]

gadābhiḥ parighaiḥ śūlaiḥ śaktibhistomarairapi |
bhiṃḍipālaiśca khaṅgaiśca cakrairbāṇairniraṃtaram || 42 ||
[Analyze grammar]

tāni sarvāṇi ciccheda cakreṇaiva janārdanaḥ |
sasarja tasya bāhūnāṃ chedanārthaṃ sudarśanam || 43 ||
[Analyze grammar]

muktaṃ danujarājasya sahasrāraṃ sudarśanam |
tadbāhukānanaṃ tūrṇaṃ chinnaṃ cakre sahasradhā || 44 ||
[Analyze grammar]

etasminnaṃtare devi pārvatī saṃśitavratā |
hareḥ samīpamāgatya kṛtāṃjalirabhāṣata || 45 ||
[Analyze grammar]

pārvatyuvāca |
kṛṣṇakṛṣṇa jagannātha nārāyaṇa dayānidhe |
dāsyasmi tava deveśa pūrvabhāve yadūttama || 46 ||
[Analyze grammar]

tvayā dattaṃ varaṃ mahyaṃ tadā kauśalaparvate |
saubhāgyaṃ śāśvataṃ saumya prasannena mahātmanā || 47 ||
[Analyze grammar]

tava mukhyaṃ sahasrasya nāmnāmanyatamaṃ vibho |
gaurīsaubhāgyadāteti munibhiḥ parikīrtitam || 48 ||
[Analyze grammar]

tatsatyaṃ kuru goviṃda garuḍārūḍha śāśvata |
tasmānmama patiṃ deva tvaṃ jīvayitumarhasi || 49 ||
[Analyze grammar]

rudra uvāca |
evamuktastato devyā kṛṣṇaḥ kamalalocanaḥ |
astraṃ saṃhārayāmāsa yenāsau mohitaḥ patiḥ || 50 ||
[Analyze grammar]

kṛṣṇāstreṇa vinirmuktaḥ sarvabhūtapatiḥ śivaḥ |
utthāya prāṃjalirbhūtvā tuṣṭāva jagatāṃ patim || 51 ||
[Analyze grammar]

śaṃkara uvāca |
kṛṣṇakṛṣṇa jagannātha bhagavanpuruṣottama |
pareśa parameśāna anādinidhanāvyaya || 52 ||
[Analyze grammar]

tīvravīryaṃ manuṣyeṣu śarīragrahaṇātmikā |
sarvasya tava ceṣṭeyaṃ mānalakṣaṇameva tat || 53 ||
[Analyze grammar]

prasīda me namastubhyaṃ prasīda mama śāśvata |
prasīda me jagatsvāminprasīdācyuta keśava || 54 ||
[Analyze grammar]

tvameva jagatāṃ sraṣṭā dhātā harttā jagadguruḥ |
tvameva cidacidvasturūpaṃ brahma sureśvara || 55 ||
[Analyze grammar]

tvamādistvamanādistvamīśvaraḥ śeṣa eva ca |
tvaṃ mahattvaṃ paraṃ brahma pratyagātmā tvameva hi || 56 ||
[Analyze grammar]

samastāmaravaryyastvamamartyastvaṃ sureśvara |
tvaṃ marttyeśaḥ sayonistvaṃ sauśīlyena tava prabho || 57 ||
[Analyze grammar]

tava śvāsasamutpannau parajīvau sanātanau |
tataśca pālyate caiva tava vātsalyagauravāt || 58 ||
[Analyze grammar]

kṣarākṣare pare dhāmni ruco nityaṃ surāśraye |
adhi viśve nidheṣi tvāṃ dāsyakarmaṇi nānyathā || 59 ||
[Analyze grammar]

yastvāṃ na vedaloke'sminsa mūḍhaḥ sarvabhāvanaḥ |
parāvareśvaraṃ dhāma vidurdāsye manīṣiṇaḥ || 60 ||
[Analyze grammar]

te vai samāsate yuktāstatpadaṃ tridaśaiḥ samam |
sāmānyo bhajate dūrenaṃtuṃ nityaṃ padaṃ tava || 61 ||
[Analyze grammar]

tasya turyā cārukeśī cāvasthā ghaṭate tava |
mithunāni tavādhyakṣa bruvate yaduśāśvata || 62 ||
[Analyze grammar]

tava nāmāni karmāṇi guṇāni śāśvatāni ca |
aiśvaryāṇi guṇātīta bruvate cottame ime || 63 ||
[Analyze grammar]

karmajñānamaye rūpe ime pūrvottare śrute |
sasutau yuvatīśasya stotārau tava keśava || 64 ||
[Analyze grammar]

tvaṃ prajñānaṃ paraṃ brahma tvayā prājñena śāśvata |
jīvayaitena prajñena pareṇaivātmanā tvayā || 65 ||
[Analyze grammar]

tasmāccharīrādutkramya kṛpayā tava kevalam |
āmuṣmike pare svarge tvayā dattātmabodhavān || 66 ||
[Analyze grammar]

prajñānaṃ caiva vijñānaṃ medhāṃ dṛṣṭiṃ tathā dhṛtim |
sarvānkāmānavāpnoti amṛtaṃ sa bhavettadā || 67 ||
[Analyze grammar]

etatsaṃjñānamātmānaṃ yadetaddhṛdi yanmanaḥ |
manīṣā caiva yuktiśca smṛtiḥ saṃkalpa eva ca || 68 ||
[Analyze grammar]

tapaśca kratavaḥ kāmo daśa ityādi te prabho |
bhavaṃti nāmadheyāni prajñānasya ghṛṇānidheḥ || 69 ||
[Analyze grammar]

eṣa tvaṃ paramaṃ brahma eṣa tvaṃ vai prajāpatiḥ |
eṣa tvamiṃdro rudraśca eṣa tvaṃ sarvadevatāḥ || 70 ||
[Analyze grammar]

etāni sarvabhūtāni tvameva parameśvara |
suta mitrāṇi jīvāyustathānyāni sanātana || 71 ||
[Analyze grammar]

jarāyujāṇḍajātāni svedajodbhidyajāni ca |
aśvā gāvaśca puruṣā hastinaścetarāṇi ca || 72 ||
[Analyze grammar]

yatkiṃcitprāṇijātaṃ ca jaṃgamāścaiva jaṃtavaḥ |
sthāvarā ye ca vai nātha sarve tvatto bhavaṃti ca || 73 ||
[Analyze grammar]

tvāṃ hi sarvaṃ gataṃ cetthaṃ vadaṃti śrutayo harim |
tvayaiva preritā lokāśceṣṭaṃte sādhvasādhuṣu || 74 ||
[Analyze grammar]

tasmānmayā kṛtaṃ yacca aparādhamidaṃ prabho |
kṣamasva karuṇāsiṃdho guṇaiḥ śubhatamaistava || 75 ||
[Analyze grammar]

namaste puṃḍarīkākṣa goviṃdācyuta mādhava |
vāsudeva jagadvaṃdya nārāyaṇa namostu te || 76 ||
[Analyze grammar]

namasyāmi jagatsvāminnṛsiṃhakaruṇākara |
śrīśa sarvagata śrīmanparamātmannamostu te || 77 ||
[Analyze grammar]

nijāvasathavaikuṃṭha nityamuktārcitaprabho |
trayīnātha namastubhyaṃ rāmarājīvalocana || 78 ||
[Analyze grammar]

bhūbhārakavināśāya kṛṣṇānaṃdasvarūpiṇe |
viṣṇave jiṣṇave tubhyaṃ namaste yadunaṃdana || 79 ||
[Analyze grammar]

evaṃ stutvātha goviṃdaṃ praṇipatya umāpatiḥ |
prāṃjaliḥ prāha bhūteśo vākyaṃ gaṃbhīrayā girā || 80 ||
[Analyze grammar]

rudra uvāca |
mayā dattavaro hyeṣa bāṇo balisutaḥ prabho |
ahaṃ ca dattavāṃstasmai purānenārthito varam || 81 ||
[Analyze grammar]

amaratvaṃ yaduśreṣṭha sarvaṃ kartuṃ tvamarhasi |
tasmādenaṃ balisutaṃ trātumarhasi me priyam || 82 ||
[Analyze grammar]

tathetyuktvā ca bhagavānbāṇaṃ balisutaṃ tadā |
prāṇasaṃśayamāpannaṃ cchinnabāhumasṛkcitam || 83 ||
[Analyze grammar]

saṃhṛtya cakraṃ goviṃdo mumoca karuṇānidhiḥ |
mocayitvā balisutaṃ śaṃkaraḥ saṃśitavrataḥ || 84 ||
[Analyze grammar]

vṛṣabheṃdraṃ samāruhya pārvatyāsahitaḥ prabhuḥ |
yayau ca vasatisthānaṃ kailāsaṃ dharaṇīdharam || 85 ||
[Analyze grammar]

sa tu bāṇo namaskṛtya rāmakṛṣṇau mahābalau |
tābhyāṃ vai nagarīṃ gatvā mumoca madanātmajam || 86 ||
[Analyze grammar]

vastrairābharaṇairdivyaiḥ pūjayitvā yathārhataḥ |
uṣāṃ saṃpradadau tasmai kṛṣṇapautrāya śauraye || 87 ||
[Analyze grammar]

udvāhya rāmakṛṣṇau tamaniruddhaṃ yathāvidhi |
bāṇena pūjitau tatra pradyumnasahitau tadā || 88 ||
[Analyze grammar]

uṣayāsahitaṃ tatrāniruddhaṃ vai janārdanaḥ |
āropya syaṃdane divye yayau dvāravatīṃ tadā || 89 ||
[Analyze grammar]

rāmapradyumnasahitaḥ senayā sahito hariḥ |
praviveśa purīṃ ramyāṃ tridaśairmaghavāniva || 90 ||
[Analyze grammar]

aniruddho bāṇaputryā nānāratnamaye gṛhe |
aniśaṃ ramayāmāsa nānābhogairmudānvitaḥ || 91 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umā |
maheśvarasaṃvāde bāṇāsurasaṃgrāmakathanaṃnāma paṃcāśadadhikadviśatatamo'dhyāyaḥ || 250 ||
[Analyze grammar]