Chapter 246

[English text for this chapter is available]

śrīmaheśvara uvāca |
athopanayanaṃ nāma cakārānakaduṃdubhiḥ |
putrayorvedavidhinā tasminvai rāmakṛṣṇayoḥ || 1 ||
[Analyze grammar]

ācāryeṇa hi gargeṇa saṃskṛtau rāmakeśavau |
paṃḍitairvaiṣṇavairdivyaiḥ snāpanairvimalaiḥ śubhaiḥ || 2 ||
[Analyze grammar]

kṛtasaṃskārakarmāṇau rāmakṛṣṇau mahābalau |
sāṃdīpanergṛhaṃ gatvā namaskṛtya mahātmanaḥ || 3 ||
[Analyze grammar]

adhītya vedaśāstrāṇi tasmāttau dvijapuṃgavāt |
mṛtaṃ putraṃ samānīya dadatustasya dakṣiṇām || 4 ||
[Analyze grammar]

āśiṣo vacanaṃ labdhvā gurostasmānmahātmanaḥ |
tasmai praṇamya mathurāṃ jagmaturyadupuṃgavau || 5 ||
[Analyze grammar]

atha kṛṣṇena nihataṃ śrutvā kaṃsaṃ durāsadam |
śvaśurastasya nṛpaterjarāsaṃdho mahābalaḥ || 6 ||
[Analyze grammar]

akṣauhiṇīsahasraistu senānīkairmahābalaiḥ |
kṛṣṇaṃ haṃtuṃ samāgatya rurodha mathurāṃ purīm || 7 ||
[Analyze grammar]

rāmakṛṣṇau mahāvīryau vinirgatya purottamāt |
gajavājisamākīrṇaṃ tadbalaughamapaśyatām || 8 ||
[Analyze grammar]

sasmāra vāsudevastu pūrvaṃ rūpaṃ sanātanam |
tasya smaraṇamātreṇa dāruko viṣṇusārathiḥ || 9 ||
[Analyze grammar]

sugrīvapuṣpakaṃ nāma samānīya mahāratham |
vājibhirdivyapuṣpādyairuhyamānaṃ sanātanam || 10 ||
[Analyze grammar]

divyāyudhairupetaṃ taṃ śaṃkhacakragadādibhiḥ |
vainateyapatākena śobhitaṃ devadurjayam || 11 ||
[Analyze grammar]

avanīṃ prāpya goviṃdaṃ praṇamya harisārathiḥ |
pradadau syaṃdanaṃ śubhraṃ sāyudhāśvasamanvitam || 12 ||
[Analyze grammar]

dṛṣṭvā harṣeṇa kṛṣṇo'pi pariṇīya mahāratham |
ārurohāgrajenaiva stūyamāno marudgaṇaiḥ || 13 ||
[Analyze grammar]

caturbhujaṃ vapurbhūtvā śaṃkhacakragadāsibhṛt |
kirīṭī kuṃḍalī sragvī saṃgrāmābhimukhaṃ yayau || 14 ||
[Analyze grammar]

baladevo'pi muśalaṃ lāṃgalaṃ gṛhya vīryavān |
tatsainyaṃ haṃtumārebhe maheśvara ivāparaḥ || 15 ||
[Analyze grammar]

dārukaśca rathaṃ śīghraṃ nodayāmāsa tadraṇe |
tṛṇagulmalatākrāṃte kānane'gnimivānilaḥ || 16 ||
[Analyze grammar]

tato gadābhiḥ parighaiḥ śaktibhirmudgaraistathā |
tadrathaṃ chādayāmāsurjarāsaṃdhasya sainikāḥ || 17 ||
[Analyze grammar]

cakreṇaiva haristūrṇaṃ tāni ciccheda līlayā |
bahūni tṛṇakāṣṭhāni mahāvahnirivārciṣā || 18 ||
[Analyze grammar]

tataḥ śārṅgaṃ samādāya sāyakairakṣayaiḥ śitaiḥ |
ciccheda tāni sainyāni na prājñāyata kiṃcana || 19 ||
[Analyze grammar]

cakracchinnāsyakamalāḥ kecittatra mahābalāḥ |
gadayā cūrṇitāḥ kecitkecidanyairmahāraṇe || 20 ||
[Analyze grammar]

keciccaivāsināchinnāstathānye śaratāḍitāḥ |
lāṃgalāgrahatagrīvā muśalāhatamastakāḥ || 21 ||
[Analyze grammar]

kṣaṇena tadbalaṃ sarvaṃ nihatya madhusūdanaḥ |
śaṃkhaṃ dadhmau yaduśreṣṭho layāśani nibhasvanam || 22 ||
[Analyze grammar]

śaṃkharāvavinirbhinnahṛdayāste mahābalāḥ |
yodhāḥ sāśvāḥ sanāgāśca patitāstyaktajīvitāḥ || 23 ||
[Analyze grammar]

akṣauhiṇīsahasraṃ tu sāśvaṃ sarathakuṃjaram |
kṛṣṇenaikena nihataṃ niḥśeṣaṃ tadabhūdbalam || 24 ||
[Analyze grammar]

nihataṃ vāsudevena praharārddhena śārṅgiṇā |
tato devagaṇāḥ sarve harṣanirbharacetasaḥ || 25 ||
[Analyze grammar]

vavṛṣuḥ puṣpavarṣāṇi sādhusādhviti cābruvan |
sarvamapyavanībhāraṃ vimucya dharaṇīdharaḥ || 26 ||
[Analyze grammar]

saṃstūyamānastridaśairbabhau saṃgrāmamūrddhani |
nihataṃ svabalaṃ dṛṣṭvā jarāsaṃdho'tivīryavān || 27 ||
[Analyze grammar]

yoddhumabhyāyayau tūrṇaṃ baladevena durmatiḥ |
tayoryuddhamabhūddhoraṃ saṃgrāmeṣvanivartinoḥ || 28 ||
[Analyze grammar]

rāmo lāṃgalamādāya rathaṃ tasya sasārathim |
vinipātya raṇe śūro gṛhītvā taṃ mahābalam || 29 ||
[Analyze grammar]

udyamya muśalaṃ tūrṇaṃ taṃ haṃtumupacakrame |
prāṇasaṃśayamāpannaṃ jarāsaṃdhaṃ nṛpottamam || 30 ||
[Analyze grammar]

kṛtaṃ rāmeṇa balinā siṃheneva mahāgajam |
dṛṣṭvā kṛṣṇograjaṃ prāha na haṃtavya iti prabhuḥ || 31 ||
[Analyze grammar]

mocayāmāsa dharmātmā jarāsaṃdhaṃ mahāmatiḥ |
vimucya kṛṣṇavākyena śatruṃ saṃkarṣaṇo'vyayaḥ || 32 ||
[Analyze grammar]

sānujo rathamāruhya mathurāṃ praviveśa ha |
sa kālayavanaṃ prāpya mahāvīryaṃ balānvitam || 33 ||
[Analyze grammar]

putrayorvasudevasya samācaṣṭa parākramam |
dānavānāṃ vadhaṃ caiva kaṃsasya nidhanaṃ tathā || 34 ||
[Analyze grammar]

akṣauhiṇīnāṃ ca vadhaṃ tathā svasya parājayam |
sarvaṃ nivedayāmāsa kṛṣṇasya caritaṃ mahat || 35 ||
[Analyze grammar]

tacchrutvā yavanaḥ kruddho mahābalaparākramaiḥ |
mlecchakoṭisahasraistu saṃvṛto madasaṃyutaiḥ || 36 ||
[Analyze grammar]

magadhādhipatestasya sahāyārthaṃ mahābalaḥ |
tenaiva sahitastūrṇaṃ jagāma mathurāṃ purīm || 37 ||
[Analyze grammar]

balairācchādya pṛthivīṃ nānājanapadānvitām |
saṃniveśya mahāsainyaṃ rurodha mathurāṃ purīm || 38 ||
[Analyze grammar]

kṛṣṇo'pi ciṃtayitvā'tha paurāṇāṃ kuśalaṃ tadā |
yayāce sāgaraṃ bhūmiṃ nivāsārthaṃ janasya ca || 39 ||
[Analyze grammar]

triṃśadyojanavistīrṇāṃ dadau kṛṣṇasya sāgaraḥ |
asṛjatpayasāṃ madhye tatra dvāravatīṃ purīm || 40 ||
[Analyze grammar]

bahuprāsādasaṃyuktāṃ hemaprākāratoraṇām |
nānāmaṇimayairdivyairgṛhapaṃktibhirāvṛtām || 41 ||
[Analyze grammar]

udyānaiśca tathā ramyaistaḍāgairbahubhiryutām |
asṛjatpuṃḍarīkākṣo yatheṃdrasyāmarāvatīm || 42 ||
[Analyze grammar]

suṣuptānmathurāyāṃ tu paurāṃstatra janārdanaḥ |
uddhṛtya sahasā rātrau dvārāvatyāṃ niveśayat || 43 ||
[Analyze grammar]

prabuddhāste janāḥ sarve putradārasamanvitāḥ |
hemaharmyataleviṣṭā vismayaṃ paramaṃ yayuḥ || 44 ||
[Analyze grammar]

bahubhirdhanadhānyaiśca divyavastravibhūṣaṇaiḥ |
paripūrṇairivābhogairgṛhamukhyaiḥ samāvṛtāḥ || 45 ||
[Analyze grammar]

tasminprahṛṣṭāḥ saṃtasthurdivi devagaṇā iva |
yavanena tadā yoddhuṃ rāmakṛṣṇau mahābalau || 46 ||
[Analyze grammar]

viniryayaturātmeśau mathurāyā bahistadā |
rāmo lāṃgalamādāya muśalaṃ ca mahārathaḥ || 47 ||
[Analyze grammar]

jaghāna samare kruddho yavanānāṃ mahadbalam |
kṛṣṇastu śārṅgamāsajya bāṇairagniśikhopamaiḥ || 48 ||
[Analyze grammar]

nirdadāha balaṃ sarvaṃ mlecchānāṃ devakīsutaḥ |
nihataṃ svabalaṃ dṛṣṭvā sa kālayavano balī || 49 ||
[Analyze grammar]

yuyudhe vāsudevena gadayā yavaneśvaraḥ |
kṛṣṇo'pi kadanaṃ tena kṛtvā ciramanāmayaḥ || 50 ||
[Analyze grammar]

vimukhaḥ prādravattasmātsaṃgrāmātkamalekṣaṇaḥ |
sonuyāto'tivegena tiṣṭhatiṣṭheti cābruvan || 51 ||
[Analyze grammar]

vegātkṛṣṇo giriguhāṃ praviveśa mahāmatiḥ |
tatra prasupto rājā'sau mucukuṃdo mahāmuniḥ || 52 ||
[Analyze grammar]

adṛśyastasya nṛpateḥ saṃsthito bhagavānhariḥ |
yavano'pi mahāvīro gadāmudyamya pāṇinā || 53 ||
[Analyze grammar]

kṛṣṇaṃ haṃtu samārabdho guhāṃ tāṃ praviveśa ha |
dṛṣṭvā śayānaṃ rājānaṃ matvā kṛṣṇaṃ janārdanam || 54 ||
[Analyze grammar]

pādena tāḍayāmāsa mucukuṃdaṃ mahāmunim |
tataḥ prabuddho bhagavānmucukuṃdo mahāmuniḥ || 55 ||
[Analyze grammar]

krodhātsaṃraktanayano huṃkāraṃ kṛtavānasau |
tasya huṃkāraśabdena tathā krodhanirīkṣaṇāt || 56 ||
[Analyze grammar]

nirdagdho bhasmatāṃ prāpa yavanastyaktajīvitaḥ |
tatastu kṛṣṇo dadṛśe rājarṣeḥ purataḥ prabhuḥ || 57 ||
[Analyze grammar]

nīlotpaladalaśyāmaḥ puṃḍarīkanibhekṣaṇaḥ |
śaṃkhacakragadāpāṇiḥ pītavāsā janārdanaḥ || 58 ||
[Analyze grammar]

dṛṣṭvā taṃ sahasotthāya rājarṣiramitaujasam |
ahobhāgyamahobhāgyamityuvāca mahāmuniḥ || 59 ||
[Analyze grammar]

pulakāṃkitasarvāṃgaḥ sānaṃdāśrujalākulaḥ |
stuvanvai jayaśabdena praṇanāma muhurmuhuḥ || 60 ||
[Analyze grammar]

mucukuṃda uvāca |
dhanyosmi kṛtakṛtyosmi darśanātparameśvara |
adya me saphalaṃ janma jīvitaṃ saphalaṃ mama || 61 ||
[Analyze grammar]

namaste vāsudevāya jagannāthāya śārṅgiṇe |
dāmodarāya devāya tejasāṃ nidhaye namaḥ || 62 ||
[Analyze grammar]

adhokṣajāya haraye nṛsiṃhavapuṣe namaḥ |
rāghavāya namastubhyaṃ puṃḍarīkekṣaṇāya ca || 63 ||
[Analyze grammar]

acyutāyāvikārāya tathānaṃtāya te namaḥ |
goviṃdāya namastubhyaṃ viṣṇave jiṣṇave namaḥ || 64 ||
[Analyze grammar]

nārāyaṇāya śrīśāya kṛṣṇāya paramātmane |
mukuṃdāya namastubhyaṃ caturvyūhāya te namaḥ || 65 ||
[Analyze grammar]

namaḥ paramakalyāṇa namaste paramātmane |
vāsudevāya śāṃtāya yadūnāṃ pataye namaḥ || 66 ||
[Analyze grammar]

maheśvara uvāca |
evaṃ stutvā tu goviṃdaṃ praṇanāma punaḥ punaḥ |
saṃtuṣṭo bhagavānprāha mucukuṃdaṃ mahāmunim || 67 ||
[Analyze grammar]

śrībhagavānuvāca |
varaṃ vṛṇīṣva rājarṣe yatte manasi varttate |
maheśvara uvāca |
so'pi muktiṃ yayācātha punarāvṛttivarjitām || 68 ||
[Analyze grammar]

tasmai dadau tadā kṛṣṇo divyaṃ lokaṃ sanātanam |
rājā tu mānuṣaṃ rūpaṃ vihāyātha mahāmatiḥ || 69 ||
[Analyze grammar]

samānaṃ rūpamāsthāya devasya paramātmanaḥ |
vainateyaṃ samāruhya śāśvataṃ padamāviśat || 70 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāheśvarasaṃvāde śrīkṛṣṇacarite mucukuṃdamokṣonāma ṣaṭcatvāriṃśadadhikadviśatatamo'dhyāyaḥ || 246 ||
[Analyze grammar]