Chapter 217

[English text for this chapter is available]

rājovāca |
varṇitaṃ me tvayā sādho māhātmyaṃ badarībhavam |
yaṃ niśamya mano yāti mama nirmalatāṃ mune || 1 ||
[Analyze grammar]

etadadbhutamāhātmyaṃ śakraprasthākhyamuttamam |
sakalaṃ muniśārdūlacatuvargapradāyakam || 2 ||
[Analyze grammar]

bhuvi nātaḥ paraṃ tīrthaṃ vatiraścātamapi muktidam |
śreṣṭhaṃ sakalapāpaghnaṃ darśanādeva nārada || 3 ||
[Analyze grammar]

etadaṃtargatasyāsya haridvārasya nārada |
māhātmyaṃ śrotumicchāmi tvattaḥ saṃtoṣakārakāt || 4 ||
[Analyze grammar]

māmuddhara mune dīnamavidyākāmakarmmabhiḥ |
varṇanenāsya tīrthasya śakraprasthagatasya vai || 5 ||
[Analyze grammar]

nārada uvāca |
ākarṇaya mahābhāga varṇayāmi tavāgrataḥ |
haridvārasya māhātmyamaśvamedhaphalapradam || 6 ||
[Analyze grammar]

atraikaḥ śvapacaḥ pāpaḥ yathāsvargatimāptavān |
tatte'haṃ kathayāmyadya śṛṇuṣvaikamanāḥ prabho || 7 ||
[Analyze grammar]

dharmakṣetre kurukṣetre kāliga iti viśrutaḥ |
śvapacaḥ pāpakarmmā vai vasati sma purādbahiḥ || 8 ||
[Analyze grammar]

paṃcaṣaḍvarṣadeśīyānbālānnagaravāsinām |
prasahya vaṃcayitvā ca vane nītvā jaghāna saḥ || 9 ||
[Analyze grammar]

teṣāmalaṃkāramayaṃ rajataṃ hemavannṛpaḥ |
ratnādikaṃ ca kāyasthaṃ hatvā tānjagṛhe'dhamaḥ || 10 ||
[Analyze grammar]

viveśa sādhunilaye rātrau dhanajihīrṣayā |
pathikāndhanamālakṣya sa jaghne nirjanaṃ vane || 11 ||
[Analyze grammar]

kurukṣetre samāyātā ekadā raviparvaṇi |
nānādigbhyo janā rājannānādāna jihīrṣayā || 12 ||
[Analyze grammar]

tasminyathāvidhi snātvā raviparvaṇi bhūpate |
dānaṃ dattvā yathāvacca lokāḥ svānsvāngṛhānyayuḥ || 13 ||
[Analyze grammar]

ekaḥ kaścidviśāṃ śreṣṭho dhanena mahatā yataḥ |
paścātsarvajanebhyastu cacāla svagṛhaṃprati || 14 ||
[Analyze grammar]

aśvavāraḥ padātīnāṃ viṃśatiṃ purato dadhat |
kāligaḥ sa mahāpāpastamanuprasthitaḥ śriyai || 15 ||
[Analyze grammar]

katicidvasatīrgatvā saha tena viśādhamaḥ |
saoṃ'tyajastaddhanaṃ hartuṃ na lebhe samayaṃ nṛpa || 16 ||
[Analyze grammar]

balenāpi gṛhītuṃ na kṣamo'bhūttasya saśriyam |
vaiśyastu janaviṃśatyā saṃyuktastu sa ekalaḥ || 17 ||
[Analyze grammar]

atrāgataḥ sa pāpātmā vaiśyasyārthena pārthiva |
niśīthe śibiraṃ tasya dhanaṃ harttuṃ samāviśat || 18 ||
[Analyze grammar]

ekena tasya vaiśyasya janena sa tu lakṣitaḥ |
praviśanneva pāpātmā dadatā praharaṃ svakam || 19 ||
[Analyze grammar]

tamālakṣya samīpasthaṃ sa janaḥ praharapradaḥ |
ubhayoḥ pādayorājansvapanneva gṛhītavān || 20 ||
[Analyze grammar]

tau gṛhītvā janānanyānbodhayanpraharapradaḥ |
hastenaiva tu pāpena caureṇāghātito hi saḥ || 21 ||
[Analyze grammar]

śrutvā palāyamānastu gṛhīto'nyairjanaistadā |
gṛhītāraṃ punarhatvā sahasā sa palāyitaḥ || 22 ||
[Analyze grammar]

ekena kenacidrājansevakena dhanurbhṛtā |
dūrādeva śareṇāśu dhāvansa nihato'dhamaḥ || 23 ||
[Analyze grammar]

hatamātraḥ śareṇāśu tatyāja sa ca jīvitam |
caureṇa nihatau rājanvaiśyasyānucarāvubhau || 24 ||
[Analyze grammar]

te trayo varayānāni gaṇānītāni bhūpate |
samāruhya divisthitvā vaiśyametadbabhāṣire || 25 ||
[Analyze grammar]

kāligavaiśyānucarā ūcuḥ |
bho bho vaiśyapate sādho tīrthametadanuttamam |
iṃdraprasthe haridvāraṃ śivakṛtpāpināmapi || 26 ||
[Analyze grammar]

vayaṃ trayaḥ sutīrthe'sminnapamṛtyugatā api |
gacchāmastridivaṃ vaiśya sāṃprataṃ śivamastu te || 27 ||
[Analyze grammar]

śrīnārada uvāca |
ityuktvā te yayuḥ svargaṃ śive śivakṛtāṃ padam |
yatrecchayā hi labhyaṃte bhogyavastūnyanekaśaḥ || 28 ||
[Analyze grammar]

atha rātrau vyatītāyāṃ prātaratra viśāṃvaraḥ |
svabhṛtyadehayoḥ kṛtvā dāhamasthīnyapātayat || 29 ||
[Analyze grammar]

tīrthe'tra pātyamāneṣu bhṛtyau tāvasthiṣu prabho |
svargātpunarihāyātau taṃ vaiśyamidamūcatuḥ || 30 ||
[Analyze grammar]

bhṛtyā ūcatuḥ |
bho bho vaiśyapate sādho tīrthe'tra maraṇādbhuvi |
pāpānāmapi jaṃtūnāṃ svargaprāptirna saṃśayaḥ || 31 ||
[Analyze grammar]

sthale mṛtasya jaṃtoścetpataṃtyasthīni vāriṇi |
tīrthasyāsya tadā vaiśya satyaloke sthitirbhavet || 32 ||
[Analyze grammar]

sthale mṛtābhyāmāvābhyāmasthipātena vāriṇi |
saṃprāptā brahmaṇo loke sthitirābrahmasaṃsthite || 33 ||
[Analyze grammar]

sthale mṛtasya caurasyāpeturasthīnināṃbuni |
yato'ta sa viśāṃnātha tasthau vṛṃdārakālaye || 34 ||
[Analyze grammar]

tasyāpi dehamanviṣya tīrthesminnāśu pātaya |
yathāso'pi suraśreṣṭha prāpnuyānnau gatiṃ parām || 35 ||
[Analyze grammar]

upakāraḥ sadākāryaḥ pareṣāmapi sādhubhiḥ |
apakāro na maṃtavyaḥ kṛto bhṛśamasajjanaiḥ || 36 ||
[Analyze grammar]

nārada uvāca |
ityuktvā tau mahābhāgau gatau haripuraṃ prati |
haridvārasya tīrthasya salilenāsthipātanāt || 37 ||
[Analyze grammar]

sa vaiśyastu mahābhāgastasya caurasya vigraham |
dagdhumanveṣayāmāsa na labdhaṃ tattu bhūpate || 38 ||
[Analyze grammar]

punarāvṛtya tatraiva sarvatīrthaśiromaṇau |
haridvāre mahārāja sa sasnāviti vāṃcchayā || 39 ||
[Analyze grammar]

ahamutpādya satputrāndharmmārjitadhanena ca |
saṃtoṣya viprānbaṃdhūṃśca viṣṇumārādhya sevayā || 40 ||
[Analyze grammar]

tvayyeva maraṇaṃ prāpya gacchāmi harimaṃdiram |
tīrtharāja namastubhyametatkartavyamasti te || 41 ||
[Analyze grammar]

iti kāmanayā rājansa vaiśyastatra kāmade |
tīrthe snātvā gataḥ sarvairbhṛtysvaṃ samagādgṛham || 42 ||
[Analyze grammar]

tatra gatvā sapatnyāṃ tu putrānutpādya buddhimān |
dharmopārjitavittena toṣayāmāsa bāṃdhavān || 43 ||
[Analyze grammar]

bhaktyā paramayā rājannārādhya kamalāpatim |
tīrthe'sminmaraṇaṃ prāpto yato vaikuṃṭhamāpnuyāt || 44 ||
[Analyze grammar]

iti vai varṇito rājaṃstīrthasya mahimā tava |
haridvārasya puṇyasya śravaṇe'sya phalaṃ śṛṇu || 45 ||
[Analyze grammar]

tiladroṇasya dānena māghe yatphalamāpnuyāt |
janastatphalamāpnoti śṛṇvanmāhātmyamasya tu || 46 ||
[Analyze grammar]

gopīcaṃdana dānena brahmapatreṣu bhojanāt |
yatphalaṃ tanmahimno'sya śravaṇādeva kārtike || 47 ||
[Analyze grammar]

jāgare ca prabodhinyāṃ prahare paścime nṛpa |
yatphalaṃntanmahimno'sya tīrthasyākarṇanādbhavet || 48 ||
[Analyze grammar]

haridvārasya sadṛśaṃ śakraprasthagatasya vai |
na tīrthaṃ pṛthivīloke caturvargaphalapradam || 49 ||
[Analyze grammar]

itiṃ śrīpādmemahāpurāṇe paṃcapaṃcāśatsāhasryāṃ saṃhitāyāmuttarakhaṃḍe iṃdraprasthamāhāmtye haridvāravarṇanaṃnāma saptādhikadviśatatamo'dhyāyaḥ || 217 ||
[Analyze grammar]