Chapter 216

[English text for this chapter is available]

nārada uvāca |
ato madhuvanādrājannayaṃ badarikāśramaḥ |
ekādaśadhanurmātre bhūbhāge vyavatiṣṭhati || 1 ||
[Analyze grammar]

asya tīrthavarasyāhaṃ mahimānaṃ mahadbhutam |
varṇayāmi purastātte yaṃ śrutvā mucyate bhayāt || 2 ||
[Analyze grammar]

ekastu magadhe rājandevadāso hi nāmataḥ |
brāhmaṇaḥ satyavāndāṃtaḥ sākṣāddharma ivāparaḥ || 3 ||
[Analyze grammar]

niṣṇātaḥ sarvavidyāsu bṛhaspatirivāparaḥ |
harisaṃtoṣako bhaktyā prahlāda iva daityarāṭ || 4 ||
[Analyze grammar]

sastrīko'pi smaraṃ jetā pārvatyāiva vallabhaḥ |
sadācāraparo nityaṃ viśvāmitro muniryathā || 5 ||
[Analyze grammar]

magadheśagṛhe mānyo droṇatatkuruveśmani |
dānaśīlaḥ supātreṣu balirdaityādhipo yathā || 6 ||
[Analyze grammar]

tasyabhāryottamā nāma lakṣmīriva guṇottamā |
patiśuśrūṣaṇaparā yathājanakanaṃdinī || 7 ||
[Analyze grammar]

tasyaikaśca suto rājannaṃgado nāma buddhimān |
ekā putrī tu valayā nāma sallakṣamaṇānvitā || 8 ||
[Analyze grammar]

tayorjyāyānsutaḥ kanyā tasmādbhūpakanīyasī |
tayoryathākramaṃ cakre vivāhaṃ sa dvijottamaḥ || 9 ||
[Analyze grammar]

vivāhitā tu sā kanyā yayau śvaśuraveśmani |
śubhalakṣaṇasaṃpannā kālena kiyatā nṛpa || 10 ||
[Analyze grammar]

aṃgadastu mahābuddhirgṛhabhāraṃ babhāra ha |
pitṛvatsarvaśāstrajño yauvanaśrīvibhūṣitaḥ || 11 ||
[Analyze grammar]

ekadā sa tu vipreṃdraḥ putraṃ taṃ gṛhakarmaṇi |
kṣamaṃ vijñāya rājeṃdra nijabhāryāmuvāca ha || 12 ||
[Analyze grammar]

devadāsa uvāca |
samākarṇaya me sādhvi kāle'sminnucitaṃ vacaḥ |
tato yaducitaṃ bhadre tadahnāya vidhīyatām || 13 ||
[Analyze grammar]

eṣā jarā samāyātā śarīraṃ pātayiṣyati |
aṃgānyākaṃpayaṃtīva vātyā pakvaphalaṃ yathā || 14 ||
[Analyze grammar]

akṣṇāmapi dyutiṃ maṃdāṃ nūnameṣā kariṣyati |
nakṣatrāṇāṃ sacaṃdrāṇāṃ prātarveleva suvrate || 15 ||
[Analyze grammar]

skhalito pādayormaṃdāṃ gatiṃ pratipadakramam |
kariṣyati jarā hyeṣā yathānigaḍaśṛṃkhalā || 16 ||
[Analyze grammar]

tasmādeṣā jarā yāvanna prauḍhā jāyate śubhe |
ātmanastāvadāvābhyāṃ karaṇīyaṃ hi taṃ drutam || 17 ||
[Analyze grammar]

gṛhaputrasuhṛdbhrātṛpitaro hi vinaśvarāḥ |
dravyādikaṃ ca subhage teṣu sajjeta no budhaḥ || 18 ||
[Analyze grammar]

ato'haṃ sarvatīrtheṣu payaryaṭanvijiteṃdriyaḥ |
vānaprasthena vidhinā vīkṣiṣye harimīśvaram || 19 ||
[Analyze grammar]

tataḥ saṃnyāsamādāya kvacittīrthottame śubhe |
prārabdhakarmaṇāmaṃte tyakṣyāmi svaṃ kalevaram || 20 ||
[Analyze grammar]

evaṃ cetprāṇamuktaḥ syānmuktiḥ syānnātra saṃśayaḥ |
mama śrīpatipādābjasamyaksthāpitacetasaḥ || 21 ||
[Analyze grammar]

uttamovāca |
pumānvā strījano vāpi ko rameta vinaśvare |
saṃsāre mādhavaṃ muktvā nityāśramamacetanaḥ || 22 ||
[Analyze grammar]

tasmānmāmapi jīveśa tvatpādāṃbujasevinīm |
nītvā svasaṃgame tāvadviśvābdherāśu tāraya || 23 ||
[Analyze grammar]

putro'yamaṃgadaḥ śrīmāngṛhabhārasya dhāraṇe |
samartho'bhūtsnuṣā ceyaṃ kalyāṇī tatsahāyinī || 24 ||
[Analyze grammar]

putre samarthe yo mūḍhaḥ puruṣaḥ strījano'thavā |
na virajyeta yo mūḍho vaṃcitaḥ śreyasā hi saḥ || 25 ||
[Analyze grammar]

nārada uvāca |
evamanyonyamāmaṃtrya daṃpatī tau rahastadā |
putramāhūya kathayāṃcakratustvidamaṃgadam || 26 ||
[Analyze grammar]

daṃpatyūcatuḥ |
jarāgamaślathadgātrāvāvāṃ viddhi tvamaṃgada |
svaśreyase yatiṣyāvaḥ kutracitpuṇyabhūtale || 27 ||
[Analyze grammar]

harerārādhanaṃ bhaktyā śreyaḥ paramamucyate |
tadarthameva niṣkāmā yataṃte sādhavo bhuvi || 28 ||
[Analyze grammar]

viṣayeṣu na saṃsaktiḥ samatvaṃ sarvajaṃtuṣu |
yeṣāṃ harṣavivādau ca na jātu sukhaduḥkhayo || 29 ||
[Analyze grammar]

ta eva sādhavo loke goviṃdapadasevinaḥ |
teṣāṃ darśanamātreṇa kṛtārtho jāyate naraḥ || 30 ||
[Analyze grammar]

tīrthāni paryaṭandhīrastaddarśanasamutsukaḥ |
bhāgyodayena kenāpi taddarśanamavāpnuyāt || 31 ||
[Analyze grammar]

tasmādbhāraṃ kuṭuṃbasya bhujayoryugadīrghayoḥ |
āropya nau visarjasva tīrthayātrārthamaṃgada || 32 ||
[Analyze grammar]

tīrthayātrāprasaṃgena kadācitsādhudarśanam |
bhavedyadi tadā putra dvayornau syātkṛtārthatā || 33 ||
[Analyze grammar]

nārada uvāca |
ityuktaḥ pitṛbhyāṃ putraḥ sādhuvādamavādayat |
nārada uvāca |
samastakulanistāro bhavadbhyāmayamīritaḥ || 34 ||
[Analyze grammar]

āśu māmavajānītaṃ kiṃ karomi bhavaddhitam |
ahamājñākaro nityaṃ yuvayoḥ pūjyapādayoḥ || 35 ||
[Analyze grammar]

puṇyatīrtheṣu dānārthaṃ gṛhītaṃ dhanamuttamam |
nayataṃ māmapi preṣyaṃ sevāyai nijasaṃgamam || 36 ||
[Analyze grammar]

nārada uvāca |
ityuktvā dhanamādāya gatvā krośadvayaṃ tayoḥ |
saṃge gṛhamagāttābhyāṃ kathaṃcitsaṃnivartitaḥ || 37 ||
[Analyze grammar]

tau gṛhītvā dhanaṃ kicidviṣṇurnau saṃyatāmiti |
kaṃdamūlaphalāhārau tatroṣitvā dinatrayam || 38 ||
[Analyze grammar]

yadā tasmātpracalitau daṃpatī jagatīpate |
tadā mārge mahānkaścitsiddhaḥ saṃmīlitastayoḥ || 39 ||
[Analyze grammar]

tābhyāmubhābhyāṃ śirasā vaṃditaḥ sa upāviśat |
upaviṣṭastadā tābhyāmiti pṛṣṭaḥ sa siddharāṭ || 40 ||
[Analyze grammar]

ko bhavānkuta āyāto kiṃ cikīrṣati tadvada |
siddha uvāca |
siddho'haṃ tāpasaśreṣṭha kalpagrāme gṛhaṃ mama || 41 ||
[Analyze grammar]

iṃdraprasthātsamāyāto dṛṣṭaṃ tatra mahādbhutam |
tatrāsti kapilaḥ siddho nārāyaṇasamo guṇaiḥ || 42 ||
[Analyze grammar]

tasmādahaṃ paṭhansāṃkhyaṃ nivasāmi tadāśrame |
ekadā madguruḥ śrīmānsvāśramātkapilo yayau || 43 ||
[Analyze grammar]

badaryākhyaṃ mahāpuṇyaṃ snātuṃ sa yamunājale |
tatraikoraṇyamahiṣastṛṣārto yamunājale || 44 ||
[Analyze grammar]

praviṣṭo jalamāpīya pūrvajanmasvamasmarat |
smṛtvā sa pūrvakarmāṇi mahiṣo'raṇyasaṃbhavaḥ || 45 ||
[Analyze grammar]

jalānnisṛtya tarasā vavaṃde kapilaṃ gurum |
uvāca naravācā ca mayi śṛṇvati tāpasaḥ |
yattatte kathayāmyadya śṛṇu tvaṃ paramādbhutam || 46 ||
[Analyze grammar]

mahiṣa uvāca |
bhobho viṣṇukalābhūta siddhānāṃ kapileśvara |
kiṃ nāmedaṃ mahātīrthaṃ natāya kathayasva me || 47 ||
[Analyze grammar]

asya tīrthavarasyāṃbusparśādvai pūrvajanmani |
jātā mama mahābhāga pāpasyāpi ca karmaṇaḥ || 48 ||
[Analyze grammar]

siddha uvāca |
evamākarṇya tadvākyaṃ mahiṣasya mahāmuniḥ |
jānannapi ca tadvṛttaṃ vihasyedamuvāca ha || 49 ||
[Analyze grammar]

kapila uvāca |
bhavānmahiṣaśārdūla ka āsītpūrvajanmani |
tatra kiṃ kṛtavānkarma yoniṃ yenāpa māhiṣīm || 50 ||
[Analyze grammar]

mahiṣa uvāca |
śṛṇuṣva muniśārdūla vṛttaṃ vai pūrvajanmanaḥ |
ahamāsaṃ purā rājā kaliṃgādhipatirbalī || 51 ||
[Analyze grammar]

svāṃ parāṃ naiva jānāmi yoṣitaṃ kāmamohitaḥ |
vaṇijāṃ sādhuvṛttīnāṃ dhanahartā nirenasām || 52 ||
[Analyze grammar]

niśīthe nagare rājan gatabhīḥ paryaṭāmyaham |
suṃdarībhiḥ parastrībhiḥ krīḍituṃ ratilīlayā || 53 ||
[Analyze grammar]

yadgṛhe suṃdarīṃ nārīṃ paśyāmi smaramohitaḥ |
vasāmi niśi tatrāhaṃ kṣetre madhye gajo yathā || 54 ||
[Analyze grammar]

krīḍitvā tatra niḥśaṃkaṃ dhanaṃ hṛtvā ca tadgṛhāt |
svagṛhaṃ punarāyāmi kiyadbhirvāsarairaham || 55 ||
[Analyze grammar]

upaviṣṭaḥ sabhāmadhye divā dvau purabālakau |
anāryabāhuyuddhena yodhayāmi nijāgrataḥ || 56 ||
[Analyze grammar]

niyodhayati yo bālastaṃ matvā dhaninaṃ balāt |
gṛhṇāmi tatpiturvittaṃ svalpaṃ vā bhūri vā mune || 57 ||
[Analyze grammar]

yaḥ parājayate tatra kātaratvānmahāmune |
nāyamarhaḥ pure sthātuṃ mameti vinihanmi tam || 58 ||
[Analyze grammar]

evamapyadyamārebhe varttamāne mahīpatau |
paurā nagaramutsṛjya prayayurviṣayāṃtaram || 59 ||
[Analyze grammar]

ekadā muniśārdūlo durvāsā paryaṭanmahīm |
pure mama samāyāto durvāsā rudrasaṃbhavaḥ || 60 ||
[Analyze grammar]

militvā nāgarāḥ sarve tadājagmustadaṃtike |
praṇipatyedamāhustaṃ svaduḥkhajñāpakaṃ vacaḥ || 61 ||
[Analyze grammar]

paurā ūcuḥ |
ātreya muniśārdūla kṛpāṃ kuru kṛpānidhe |
adharmanirataṃ bhūpamenaṃ dharmeṇa yojaya || 62 ||
[Analyze grammar]

bhāgyodayena kenāpi bhavānasmākamāgataḥ |
udvelādbhūpaduḥkhābdherasmāṃstāraya potavat || 63 ||
[Analyze grammar]

dhanaṃ lobhayatātena hṛtaṃ no munipuṃgava |
dūṣitāśca striyaḥ sādhvyaḥ sakāmena nirenasā || 64 ||
[Analyze grammar]

daśavatsaradeśīyā bahavaḥ śiśavo hatāḥ |
agaṇya vaiguṇyanidhireṣa bhūpo mahāmune || 65 ||
[Analyze grammar]

mahiṣa uvāca |
evamākarṇya paurāṇāṃ vacaḥ sa muniratrijaḥ |
daṃḍyoyamiti saṃcitya sabhāsthaṃ māmathā yayau || 66 ||
[Analyze grammar]

dṛṣṭvā hi taṃ samāyāṃtamavadhūtaṃ digaṃbaram |
āvārayamahaṃ bhṛtyairnetyayaṃ darśanocitaḥ || 67 ||
[Analyze grammar]

reṇunā sarvaliptāṃgo mahiṣākṛtireva vai |
vāryatāmiti pārśvasthānbahuśo'haṃ samādiśam || 68 ||
[Analyze grammar]

tataste tarasā bhṛtyāstaṃ vārayitumabhyaguḥ |
huṃkāreṇaiva tānsarvānsa cakre bhasmasānmuniḥ || 69 ||
[Analyze grammar]

yajñāśvaṃ rakṣataḥ svasya pitustvamiva sāgarāt |
sarvaśastānahaṃ bhṛtyānbhasmībhūtāṃstu tejasā || 70 ||
[Analyze grammar]

ālakṣya sahasotthāya gṛhamāveṣṭumudyataḥ |
rere pāpeti saṃbodhya tato māṃ munisattamaḥ || 71 ||
[Analyze grammar]

śaśāpeti mahāraṇye mahiṣo bhava sāṃpratam |
tenāhamiti śapto vai muktvā rājatanuṃ tadā || 72 ||
[Analyze grammar]

marudeśe mahāraṇye jāto'haṃ mahiṣo mune |
cirakālamahaṃ tatra nyavasaṃ munipuṃgavaḥ || 73 ||
[Analyze grammar]

atrāgatastu kenāhaṃ puṇyena tadapi śṛṇu |
vāpīkūpasarasyastu bahabaḥ kāritā mayā || 74 ||
[Analyze grammar]

sahakārādivṛkṣāṇāmāropo vihitaḥ pathi |
puṇyenānena me deva pāto na narake'bhavat || 75 ||
[Analyze grammar]

tīrthasya ca mayā prāpto hyamuṣyajalasaṃgamaḥ |
etatte kathitaṃ sarvaṃ pūrvajanmaśubhāśubham || 76 ||
[Analyze grammar]

yena tīrthaṃ mayā prāptametadyoniśca māhiṣī |
asyatīrthavarasyāṃbusparśājjātismarobhavam |
kathamasyā asadyonermuktiḥ syāttanmune vada || 77 ||
[Analyze grammar]

kapila uvāca |
etattīrthaṃ mahāpuṇyaṃ badaryākhyaṃ ramāpateḥ |
atra snāhi drutaṃ kāmaṃ svacittasthaṃ hi lapsyase || 78 ||
[Analyze grammar]

siddha uvāca |
etacchrutvā vacastasya mahiṣasya mahāmune |
tatra tīrthe vare snātuṃ prāviśatsvargavāṃchayā || 79 ||
[Analyze grammar]

snātvā svargecchayā tasminjalāttaṭamupāgate |
tatkṣaṇaṃ gajamārūhya śakraḥ svargātsamāyayau || 80 ||
[Analyze grammar]

iṃdra uvāca |
he kaliṃgapate naijaṃ dehaṃ jahi hi māhiṣam |
pratilabhya vapurdivyaṃ samamāyāhi me divam |
tvayā svargecchayā snātaṃ prāptaṃ tatte surāspadam || 81 ||
[Analyze grammar]

siddha uvāca |
ityuktaḥ sa tadā tena tyaktvā dehaṃ tu māhiṣam |
divyaṃ vapuḥ samāsādya gajarājaṃ samāruhat || 82 ||
[Analyze grammar]

gajarājaṃ samāruhya sthitvā ca gagane kṣaṇam |
praṇamya śirasā devaṃ tuṣṭāva kapilaṃ munim || 83 ||
[Analyze grammar]

kaliṅga uvāca |
namaste parameśāna kevalajñānahetave |
setave vedavidyānāṃ ripave tadvirodhinām || 84 ||
[Analyze grammar]

tvattaḥ pravṛttiḥ sāṃkhyasya jātā tatvāvabodhinī |
dehināṃ māyayā grasta cetasāmapi te vibho || 85 ||
[Analyze grammar]

ye vedavihitaṃ tyaktvā vartaṃte svecchayā mune |
tāndaṃḍayasi daṃḍyāṃstvaṃ majjayaṃstiryagādiṣu || 86 ||
[Analyze grammar]

iṃdrādayo lokapālāḥ sarve tvadadhikāriṇaḥ |
tvadicchāmanuvartaṃte bhītā daṃḍakṛto hi te || 87 ||
[Analyze grammar]

trayīdharmaviroddhāraḥ pūrvadevā yuge yuge |
avatīrya vināśāya kṛtā sarvātmanā tvayā || 88 ||
[Analyze grammar]

ye ye tvayā hatā nātha cakriṇā tridaśārayaḥ |
te te tamomayīṃ hitvā tanuṃ vaikuṃṭhamabhyaguḥ || 89 ||
[Analyze grammar]

ājñāpaya jagannātha gaṃtu māṃ tridaśālayam |
anugṛhṇīṣva śakraṃ ca namaṃtaṃ vīkṣaṇāmṛtaiḥ || 90 ||
[Analyze grammar]

prasādāttava deveśa badaryākhyasya ca prabho |
tīrthasya svatanuṃ hitvā tāmasīṃ sātvikīṃ gataḥ || 91 ||
[Analyze grammar]

iṃdreṇa saha nāgeṃdramāruhya tridaśālayam |
gacchāmi svecchayā nātha kṛpātaste kṛpānidheḥ || 92 ||
[Analyze grammar]

siddha uvāca |
ityabhiṣṭūya deveśaṃ kapilaṃ sa kaliṃgapaḥ |
namaskṛtya ca tatpādau jagāma tridaśālayam || 93 ||
[Analyze grammar]

etanmayādbhutaṃ vipra dṛṣṭaṃ badarikāśrame |
guruṃ śuśrūṣamāṇena pāpasyāpi vimokṣaṇam || 94 ||
[Analyze grammar]

nātaḥ paraṃ trilokyāṃ tu tīrthaṃ sarvārthadāyakam |
yāhi tatraiva sastrīkaḥ paraṃ śreyo yadīcchasi || 95 ||
[Analyze grammar]

ahaṃ yāmi samānetuṃ badaryākhyaṃ gṛhāndvija |
vṛddhaṃ svakīya pitaraṃ nispṛhaṃ mokṣakāmukam || 96 ||
[Analyze grammar]

nārada uvāca |
iti tīrthavarasyāsya badaryākhyasya bhūpate |
mahimānaṃ samutkīrtya sa siddhaḥ svagṛhaṃ yayau || 97 ||
[Analyze grammar]

atha kālena kiyatā sa dvijaḥ saha bhāryayā |
tīrthānaparyaṭandhīraḥ iṃdraprasthebhyagādaham || 98 ||
[Analyze grammar]

tenaiva vapuṣā rājannītavāṃstau nijālayam |
sasiddho'pi svapitaraṃ gṛhādānīya satvaraḥ || 99 ||
[Analyze grammar]

tatraiva snāpayāmāsa tattīrthe mokṣakāmukam |
so'pi śrīvāsudevena vṛddhaḥ siddhapitā tadā || 100 ||
[Analyze grammar]

tato nīto nijagṛhaṃ vṛṃdārakavivaṃditaḥ |
iṃdraprasthāṃtaragatamidaṃ sadbadaryākhyamīśaḥ snānāddadyādakhilajanitā mānaseṣṭaṃ padārtham |
māhātmyaṃ te nṛpanatimate varṇitaṃ tasya pūtaṃ yacchrutvā vai patati na jano mātṛgarbhe kadācit || 101 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe kāliṃdīmāhātmye badarikāśramavarṇanaṃnāma ṣoḍaśādhikadviśatatamo'dhyāyaḥ || 216 ||
[Analyze grammar]