Chapter 218

[English text for this chapter is available]

nārada uvāca |
bhūyaḥ śṛṇu mahābhāga māhātmyaṃ paramādbhutam |
atrasthitasya tīrthasya puṣkarasya śivapradam || 1 ||
[Analyze grammar]

prasādāttasya tīrthasya viṣṇuḥ sarvasureśvaraḥ |
prasannaṃ puṃḍarīkasya māsamekaṃ gṛhe vaset |
atra muktiṃ tadanujo lebhe pāparato'pi hi || 2 ||
[Analyze grammar]

śibiruvāca |
kaḥ puṃḍarīko dharmātmā kṛtaṃ tena ca karmma kim |
yena prasanno bhagavāṃstadgṛhe māsamāvasat || 3 ||
[Analyze grammar]

kathaṃ tadanujaḥ prāpa pāpātmā śrīhareḥ padam |
tīrthasyāsya prasādena sarvamākhyāhi me mune || 4 ||
[Analyze grammar]

śṛṇvato'sya na saṃtoṣo māhātmyaṃ mama jāyate || 5 ||
[Analyze grammar]

nārada uvāca |
vidarbhanagare rājanmālavākhye mahāyaśāḥ |
brāhmaṇo brahmavicchāṃto vidvānviṣṇuparāyaṇaḥ || 6 ||
[Analyze grammar]

devarṣipitṛbhūtānāṃ mānuṣāṇāṃ ca poṣakaḥ |
viṣayeṣu na saṃsakto lobhamohādivarjitaḥ || 7 ||
[Analyze grammar]

sa ekadā mahābhāga siṃhaṃ prāpte bṛhaspatau |
godāvarīṃ mahāpuṇyāṃ snātuṃ pratijagāma ha || 8 ||
[Analyze grammar]

dātuṃ tatra suvarṇasya gṛhānninye palāyutam |
gacchanpathi sa dharmātmā manasaitadaciṃtayat || 9 ||
[Analyze grammar]

mālava uvāca |
gṛhāddānārthamānītaṃ mayā hemapalāyutam |
yasmai kasmai na dātavyaṃ dātavyaṃ pūjya sādhave || 10 ||
[Analyze grammar]

niṣkiṃcanāya viprāya pātrāyānupakāriṇe |
pūjyāya deśe kāle ca dattamakṣayatāṃ vrajet || 11 ||
[Analyze grammar]

uñchavṛttyā samānītaṃ dattvā durvāsase muniḥ |
śiloṃcchavṛttirdharmātmā svaṃ tyaktvā gātparaṃ padam || 12 ||
[Analyze grammar]

dānaveṃdro balī rājā pātraṃ vijñāya vāmanam |
vipakṣāyāpyadāttasmai trilokīṃ svabhujārjitām || 13 ||
[Analyze grammar]

tasmātpātrāya dātavyaṃ dhanaṃ dharmmājitaṃ mayā |
goviṃdatuṣṭaye samyakvāṃcchanīyaṃ na tatphalam || 14 ||
[Analyze grammar]

puṃḍarīkastu dharmātmā bhāgineyo gajāhvayāt |
āyāsyati mayāhūtaḥ sarvapātraśiromaṇiḥ || 15 ||
[Analyze grammar]

ānītasya dhanasyārddhaṃ tasmai pātrāya sūnave |
svasurddāsyāmi śeṣaṃ tu śrotriyebhyo yathāvidhi || 16 ||
[Analyze grammar]

nārada uvāca |
evaṃ viciṃtya dharmātmā mālavaṃ sa dvijottamaḥ |
katicidvāsaraiḥ prāptaḥ puṇyāṃ godāvarīṃ nṛpa || 17 ||
[Analyze grammar]

militastasya dharmātmā puṃḍarīkaḥ svasuḥ sutaḥ |
tasya vai pūrvamāyāto mālavasya mahīpate || 18 ||
[Analyze grammar]

sa tatra vidhinā snātvā siṃhasaṃkramavāsare |
puṃḍarīkāya vittārddhaṃ dadau me prīyatāṃ hariḥ || 19 ||
[Analyze grammar]

puṃḍarīko'pi dharmātmā snātvā godāvarījale |
svavittasya caturthāṃśaṃ śrotriyebhyo dadau mudā || 20 ||
[Analyze grammar]

sa tatra vidhivatsnāttvā datvā dānaṃ ca śaktitaḥ |
gacchaṃtaṃ svagṛhānrājannityuvāca svasuḥ sutam || 21 ||
[Analyze grammar]

mālava uvāca |
gurūnprati namaskāro vācyo āśīrlaghūnprati |
yathāvayorhi saṃyogaḥ kṣaṇiko'yaṃ babhūva ha || 22 ||
[Analyze grammar]

evaṃ hi sarvajaṃtūnāṃ putradārādibhiḥ saha |
tasmātkṣaṇikasaṃyogātsaṃsārādyaḥ sudhīrnaraḥ || 23 ||
[Analyze grammar]

virajyeta kṛpāpātraṃ sa hare syādviniścitam |
kṛpātaḥ śrīhareḥ prāṇī satsaṃgamarato bhavet || 24 ||
[Analyze grammar]

tastasya harerlīlāśravaṇecchā hi jāyate |
śrutvā ca kīrtitā sadbhirharilīlā api svayam || 25 ||
[Analyze grammar]

suspṛhaṃ kīrttayatyeva tataḥ smarati kevalam |
tatastasya bhavetpremagoviṃdapadasevane || 26 ||
[Analyze grammar]

narastatastaratyāśu poteneva mahārṇavam |
etadarthaṃ hi sādhūnāṃ jñānināṃ karmaṇāṃ tathā |
yatno bhavati dharmātmannapi tvaṃ yatnavānbhava || 27 ||
[Analyze grammar]

nārada uvāca |
evamuktvā sa vaidarbhaḥ sutaṃ kathamapi svasuḥ |
visṛjyāśrumukho vāṣpaparyākuladṛśaṃ yayau || 28 ||
[Analyze grammar]

puṃḍarīko'pi dharmātmā cacāla svagṛhaṃ prati |
katibhirvāsarai rājannāgato'tra śubhāspade || 29 ||
[Analyze grammar]

bharatākhyaṃ kanīyāṃsaṃ bhrātaraṃ patitaṃ bhuvi |
śvasaṃtaṃ kṣatanirgacchadrudhirāktamavaikṣata || 30 ||
[Analyze grammar]

papraccha ca rudannurccbhrātaḥ kenedṛśīṃ daśām |
gamitosi kimarthaṃ vā gṛhādiha samāgataḥ || 31 ||
[Analyze grammar]

iti pṛcchati rājeṃdra puṃḍarīke sapīḍayā |
mahatyā bharataḥ sadyaḥ pīḍitosūnamuṃcata || 32 ||
[Analyze grammar]

avātarattadā yānamekaṃ sagaṇamadbhutam |
ākāśātpaśyatāṃ bhūpa janānāṃ tadgurorapi || 33 ||
[Analyze grammar]

tadāruhya sa divyāṃgo bharataḥ pāpakāryapi |
uvāca vacanaṃ jyeṣṭhaṃ bhrātaraṃ vinamannidam || 34 ||
[Analyze grammar]

bharatovāca |
puṃḍarīka mahābuddhe tīrthasyāsya prasādataḥ |
puṣkarasya mayā prāptā pāpināpi divi sthitiḥ || 35 ||
[Analyze grammar]

madīyaṃ dāruṇaṃ karma bhrātarjānāsi yadyapi |
tathāpi kathayāmyadya kiṃcidajñātamasti te || 36 ||
[Analyze grammar]

yathā mayā prabhāvatyā veśyayā ramitaṃ saha |
tadgṛhaṃ vyayitaṃ bhūri dhanaṃ ca madirākṛte || 37 ||
[Analyze grammar]

dyūtena hāritaṃ yacca caurakarmasamārjitam |
śivarātryāṃ mayā śaṃbhunirmālyaṃ yacca bhakṣitam || 38 ||
[Analyze grammar]

yatkṛte bhavatā vipro jebuko nāma dūṣitaḥ |
etanmayā kṛtaṃ karmma viditaṃ puṃḍarīka te || 39 ||
[Analyze grammar]

godāvarīṃ gate bhrātastvayi yatkṛtavānahaṃ |
na tatte viditaṃ karma kathayāmi tadapyaho || 40 ||
[Analyze grammar]

calitetvayyatikrāṃtoyadāpakṣastadāhyaham |
śrutavāniti lokebhyo vacanaṃ hariduḥsaham || 41 ||
[Analyze grammar]

puṃḍarīko dhanaṃ dātumāhūto mātulena hi |
nijasodaramāhatya puṃḍarīkaṃ tadā hṛtam || 42 ||
[Analyze grammar]

gṛhīṣyāmi dhanaṃ bhūri mālavena samarpitam |
mahatā vasunā tena toṣayāmi prabhāvatīm || 43 ||
[Analyze grammar]

durodareṇa krīḍāmi svecchayā tadvidaiḥ saha |
ityālocya tvadadhvānaṃ nirudhyāhamiha sthitaḥ || 44 ||
[Analyze grammar]

hatvā tvāṃ ca dhanaṃ bhūri gṛhītuṃ ca mahāmate |
atikrāṃte dhane bhrātaḥ kutaścitsārthamāgataḥ || 45 ||
[Analyze grammar]

vaṇijāmatra supto'haṃ rātrau tatra mahāmate |
atha kaścinniśīthe tu taskaro vaṇijāṃ dhanam || 46 ||
[Analyze grammar]

hartuṃ tatra samāviṣṭaḥ sārthe janasamākule |
nītvā yadā dhanaṃ kiṃcitsa caurastu palāyitaḥ |
tamanvadhāvansahasā krośaṃta iva sevakāḥ || 47 ||
[Analyze grammar]

sevakā ūcuḥ |
gṛhyatāṃ gṛhyatāmeṣa cauro'yaṃ yāti satvaram |
madhyādbahūnāmasmākamapahṛtya dhanaṃ bahu || 48 ||
[Analyze grammar]

bharata uvāca |
ityākarṇya vacasteṣāṃ puratastu tamanvaham |
adhāvaṃ sahasā bhrātastadgṛhītuṃ jihīrṣayā || 49 ||
[Analyze grammar]

tataste vaṇijāṃ bhṛtyā jñātvā māṃ tasya rakṣakam |
prajahustarasā sarve sakhaḍgaṃ khaḍgapāṇayaḥ || 50 ||
[Analyze grammar]

teṣu kaściddvijaśreṣṭho brāhmaṇo'hamiti bruvan |
khaḍgena śitadhāreṇa mayā pāpīyasā hataḥ || 51 ||
[Analyze grammar]

vaṇijāṃ sevakaistaistu khaḍgadhārairahaṃ hataḥ |
gatāste vaṇijaḥ prātarnijagaṃtavyanīvṛtam || 52 ||
[Analyze grammar]

tato bhavāniha prāptaḥ śvasaṃtaṃ māṃ dadarśa ha |
caladrudhiraliptāṃgaṃ pīḍāmohavicetanam || 53 ||
[Analyze grammar]

ityetatkathitaṃ bhrātaryadarthamahamāgataḥ |
apamṛtyuṃ yathā prāptastaccāpi kathitaṃ mayā || 54 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kāliṃdīmāhātmye'ṣṭādaśādhikadviśatatamo'dhyāyaḥ || 218 ||
[Analyze grammar]