Chapter 199

[English text for this chapter is available]

ṛṣaya ūcuḥ |
kāliṃdyāścaiva māhātmyaṃ vada sūta savistaram |
yasmai prakāśitaṃ yena tadākhyānasamanvitam || 1 ||
[Analyze grammar]

sūta uvāca |
ekadā pāṃḍutanayaḥ śuśrūṣuḥ saubhareḥ śubham |
jñānaṃ tatsthānamabhyetya natvā tamiti pṛṣṭavān || 2 ||
[Analyze grammar]

yudhiṣṭhi rauvāca |
brahmanmārtaṃḍatanayā tīra tīrtheṣu yacchubham |
tīrthaṃ tadvada vaikuṃṭha janmabhūmiparātparam || 3 ||
[Analyze grammar]

saubhariruvāca |
ekadā tu muniśreṣṭhau divi nāradaparvatau |
gacchaṃtau khāṃḍavaṃ paśyanpaśyataḥ sumanoharam || 4 ||
[Analyze grammar]

tatrāvatīrṇo nabhasa upaviṣṭau taṭe śubhe |
kāliṃdyāḥ kṣaṇaviśrāṃtau snātuṃ viviśaturjale || 5 ||
[Analyze grammar]

śibirauśīnaro rājā mṛgayāṃtau caranvane |
dṛṣṭvā tānnirgamāpekṣī niṣasāda sarittaṭe || 6 ||
[Analyze grammar]

tau munī vidhivatsnātvā paridhāyāṃbarāṇi ca |
vaṃditau śirasā rājñā tenopāviśatāṃ taṭe || 7 ||
[Analyze grammar]

tatrālokya suvarṇasya śibiryūpānsahasraśaḥ |
nāradaṃ garvarahitaḥ parvataṃ ca jagāda saḥ || 8 ||
[Analyze grammar]

śibiruvāca |
kathyatāṃ muniśārdūlau kasyemā yāgayaṣṭayaḥ |
kenātra vihito yajñaḥ sureṇātha nareṇa vā || 9 ||
[Analyze grammar]

muktvā kāśyāditīrthāni yajñairījye'tra kaḥ pumān |
ko viśeṣo'tra tīrthebhyastebhyo vijñānasannidhiḥ || 10 ||
[Analyze grammar]

nārada uvāca |
purā hiraṇyakaśipurjitvā śakrādidevatāḥ |
trailokyarājyamāsādya so kharvaṃ garvamādade || 11 ||
[Analyze grammar]

prahlādastasya tanayo nārāyaṇaparāyaṇaḥ |
tasmai so druhyatābhīkṣṇaṃ pāpātmā naṣṭamaṃgalaḥ || 12 ||
[Analyze grammar]

taddrohādviṣṇunā sadyo nṛsiṃhatanudhāriṇā |
hatvā daityapatiṃ svargarājyaṃ svaḥpataye'rpitam || 13 ||
[Analyze grammar]

svapadaṃ prāpya deveśo bṛhaspatimathāvadat |
mūrdhnābhivaṃdya tatpādau nārāyaṇaguṇānsmaran || 14 ||
[Analyze grammar]

iṃdra uvāca |
guro nṛsiṃharūpeṇa hariṇā lokadhāriṇā |
dattaṃ me devatārājyaṃ yaṣṭumicchāmi taṃ makhaiḥ || 15 ||
[Analyze grammar]

sthānaṃ pavitraṃ kathaya brāhmaṇāṃścaiva me guro |
na vidheyo vilaṃbo'tra tvayā no hitakāriṇā || 16 ||
[Analyze grammar]

bṛhaspatiruvāca |
asti te khāṃḍavavanaṃ ramyaṃ paramapāvanam |
ketakyaśokabakulamadhumatta madhuvratam || 17 ||
[Analyze grammar]

tatrāsti yamunā puṇyā dhanyā trailokyapāvanī |
dadāti smaraṇe svargaṃ maraṇe brahmaṇaḥ padam || 18 ||
[Analyze grammar]

tattīre yaja deveśa keśavaṃ bahubhirmakhaiḥ |
yadīcchasi svakīyānāṃ kalyāṇaṃ tvaṃ niraṃtaram || 19 ||
[Analyze grammar]

nārada uvāca |
gurorvacanamākarṇya tūrṇamāruhya vāhanam |
śivapradamimaṃ śakraḥ svakīyavanamāgamat || 20 ||
[Analyze grammar]

guruṇā saha devaiśca yajñopakaraṇaistathā |
atrāgatya vilokyaitadvanaṃ lebhe mudaṃ parām || 21 ||
[Analyze grammar]

guruṇā noditaḥ śakro saptarṣīnbrahmaṇaḥ sutān |
vasiṣṭhādīndvijānvṛtvā yajati sma jagatpatim || 22 ||
[Analyze grammar]

tasya prasanno bhagavānbrahmeśābhyāṃ sahāgataḥ |
kratau śatakratoryatra mahānabhavadutsavaḥ || 23 ||
[Analyze grammar]

devatrayīṃ satāṃ vīkṣya śakro vakramatistadā |
utthāyāsanatastūrṇaṃ vavaṃde munibhiḥ saha || 24 ||
[Analyze grammar]

vāhanebhyo'varuhyāśu tadaṃteṣūpaviśya te |
āsaneṣu suhaimeṣu babhurvedīṣvivāgnayaḥ || 25 ||
[Analyze grammar]

sitaraktāṃgayoḥ śaṃbhu brahmaṇorharirābabhau |
nīlacchaviḥ pītavāsāstaḍitvāniva śṛṃgayoḥ || 26 ||
[Analyze grammar]

śakraḥ prakṣālya tatpādānmūrdhnā tajjalamādadhe |
abravīcca mudāyukto vacanaṃ madhurākṣaram || 27 ||
[Analyze grammar]

iṃdra uvāca |
vihito'yaṃ mayā deva yajño'dya saphalo'bhavat || 28 ||
[Analyze grammar]

yadyayaṃ darśanaṃ prāptā durlakṣyā api yogibhiḥ |
ekenaiva tvayā viṣṇo kṛtā mūrtistrayīmayī || 29 ||
[Analyze grammar]

guṇaistathāpi nānātvaṃ sphaṭikasyeva te mṛṣā |
yathā dāruṣu gūḍho'gnirgharṣaṇena vinā vibho || 30 ||
[Analyze grammar]

nāvirbhavati bhūtānāṃ hṛtsu bhaktyā tathā bhavān |
ekasya tvayi bhaktiḥ syātsarvabhūtopakāriṇī || 31 ||
[Analyze grammar]

babhūvuḥ sukhino devāḥ prahlādakṛtayā tayā |
vayaṃ viṣayiṇo deva tvanmāyāvṛtacetasaḥ || 32 ||
[Analyze grammar]

na jānīmaḥ svarūpaṃ te yathāvatpādasevakāḥ |
bho brahmanbho mahādeva yuvāmapi jagadgurū || 33 ||
[Analyze grammar]

etasyaiva gurutvena yato nātaḥ pṛthakyuvām |
yatkiṃciducyate vācā manasā ca viciṃtyate |
asyaiva māyā tatsarve taddvayīdūravarttinaḥ || 34 ||
[Analyze grammar]

prapaṃcajātaṃ yadidaṃ vilokya tena satyamityeva viciṃtayenna saḥ |
bhajaṃti viṣṇoścaraṇaṃ taraṃti te yadaṃbumūrdhnā hara dhāryate tvayā || 35 ||
[Analyze grammar]

vidhesya bhūyādanujanmapādayo ratirmadīyā kamalābhayorbhṛśam |
yadīkṣaṇa kṣobhitayā tayā jagatsamastametanmahadādi jāyate || 36 ||
[Analyze grammar]

bhavādṛśo nāsti kṛpāparoparo vipakṣapakṣe vitanoṣi yatsukham |
svalokaśokāpanaye kṛpālutā yaducyate te nṛhare tadajñatā || 37 ||
[Analyze grammar]

nārada uvāca |
ityabhiṣṭūya deveśaṃ keśavaṃ praṇato'grataḥ |
tasthau tadvākyaśuśruṣā dattacitto mahīyate || 38 ||
[Analyze grammar]

evamākarṇya munaya stutiṃ tasya ramāpateḥ |
kṛtāmiṃdreṇa sadasi sādhusādhviti cābruvan || 39 ||
[Analyze grammar]

śatamanyo varṣaśataṃ ye kurvaṃti mahattapaḥ |
na teṣāmīdṛśī bhaktiryādṛśī tava mādhave || 40 ||
[Analyze grammar]

na yogaḥ sulabhoṣṭāṃgaḥ khyātiryenādhigamyate |
samatvena ca tattyāgastadbhaktiḥ śaraṇaṃ nṛṇām || 41 ||
[Analyze grammar]

svadharmārjitavittairyadyathā vidhi vidhīyate |
karmatasyārpaṇaṃ viṣṇau bhaktireṣā śivapradāḥ || 42 ||
[Analyze grammar]

na niṃdeddevatāmanyāṃ viṣṇubuddhyāṃ ca yo namet |
na tyajedvedavākyāni sa bhakto'sya hareḥ priyaḥ || 43 ||
[Analyze grammar]

ye śṛṇvaṃti harerguṇānaharahaḥ kurvaṃti ye kīrtanaṃ ye cāsya smaraṇaṃ yadośca bhajanaṃ ye'muṃ yajaṃte tathā || 44 ||
[Analyze grammar]

ye dāsyena namaṃti cainamamunā kurvaṃti ye mitratāṃ ye ca svaṃ ca nivedayaṃti nahi te vāṃcchaṃti muktyādikam || 45 ||
[Analyze grammar]

iṃdra bhaktyā tvamapyenamārādhaya jagadgurum |
na kāmaye kimapyāsmatkṛtakṛtyo bhaviṣyati || 46 ||
[Analyze grammar]

nārada uvāca |
munibhiriti śikṣite samastasevyāṃ tribhuvanapārapadapradāṃ niśamya |
hariraniśaguruḥ kṛtāṃ svabhaktiṃ madhuramuvāca vaco hariṃ samāje || 47 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe |
kāliṃdīmāhātmye iṃdrayāgavidhinonāma ekonadviśatatamo'dhyāyaḥ || 199 ||
[Analyze grammar]