Chapter 186

[English text for this chapter is available]

mahādeva uvāca |
asti kolhāpuraṃ nāma nagaraṃ dakṣiṇāpathe |
sukhānāṃ sadanaṃ sādhvi sādhūnāṃ siddhisaṃbhavam || 1 ||
[Analyze grammar]

paraśakteḥ paraṃpīṭhaṃ sarvadevaniṣevitam |
purāṇeṣu prasiddhaṃ yadbhuktimuktiphalapradam || 2 ||
[Analyze grammar]

koṭiśastatra tīrthāni śivaligāni koṭiśaḥ |
āste rudragayā yatra viśālaṃ lokaviśrutam || 3 ||
[Analyze grammar]

tuṃgācalamahāvapra gopurollāsitoraṇam |
prāsādaśikhare yatra tuṃgaṃ ca kanakadhvajam || 4 ||
[Analyze grammar]

somakāṃtimahāsaudhavalabhīpaṃktiśobhitam |
jālaraṃdhrodgiraddhūpadhūmā'moditadiktaṭam || 5 ||
[Analyze grammar]

calatpatākavistīrṇacchāyaṃ devālayānvitam |
caturaiḥ suṃdaraiḥ snigdhaiḥ śrīmadbhiḥ śucimānasaiḥ || 6 ||
[Analyze grammar]

adhiṣṭhitaṃ sadācāraiḥ puruṣerbhūribhūṣaṇaiḥ |
kuraṃganayanāścaṃdravadanāḥ kuṭilālakāḥ || 7 ||
[Analyze grammar]

utphullacaṃpakacchāyāḥ pīnatuṃgapayodharāḥ |
kṛśamadhyā nimnanābhi valitrayavirājitāḥ || 8 ||
[Analyze grammar]

viśālajaghanāścārujaṃghā yugmā varāṃghrayaḥ |
vācālamekhalādāmanikvaṇanmaṇinūpurāḥ || 9 ||
[Analyze grammar]

raṇatkaṃkaṇahastābja sphuratkaraja raśmayaḥ |
vasaṃti pramadā yatra mādayaṃtyo munīnapi || 10 ||
[Analyze grammar]

samastavastusaṃyuktaṃ sarvabhogasamanvitam |
maṃgalaiḥ sakalairyuktaṃ mahālakṣmīsamanvitam || 11 ||
[Analyze grammar]

tatrāgacchatpumānkaścidyuvā gauraṃ sulocanaḥ |
kaṃbukaṃṭhaḥ pṛthuskaṃdho mahāvakṣā mahābhujaḥ || 12 ||
[Analyze grammar]

samastalakṣaṇopeto gocarāsaktamānasaḥ |
praviśya nagaraṃ paśyanśobhāṃ saudheṣu sarvataḥ || 13 ||
[Analyze grammar]

utkaṃṭhitamanā draṣṭuṃmahālakṣmīṃ sureśvarīm |
maṇikuṃḍe kṛtaḥ snānaḥ saṃpanna pitṝtarpaṇaḥ || 14 ||
[Analyze grammar]

mahālakṣmīṃ mahāmāyāṃ natvā tuṣṭāva bhaktitaḥ |
jayatyapārakaruṇāśaraṇyā jagadaṃbikā || 15 ||
[Analyze grammar]

kurvāṇā jagato janma pālanaṃ kṣapaṇaṃ dṛśā |
yayā śaktyā kṛtādiṣṭaḥ parameṣṭhī sṛjatyasau || 16 ||
[Analyze grammar]

avaṣṭabhya ca tāṃ śaktiṃ pālayatyacyuto jagat |
yayā śaktyā kṛtāveśaḥ saṃharatyakhilaṃ haraḥ || 17 ||
[Analyze grammar]

tāṃ bhaje paramāṃ śaktiṃ sargasthitilayorjitām |
yogidhyeyāṃghrikamale kamale kamalālaye || 18 ||
[Analyze grammar]

svabhāvānakhilānnastvaṃ gṛhṇāsīṃdriyagocarān |
tvameva kalpanājālaṃ tatkalpaṃ kuruṣe manaḥ || 19 ||
[Analyze grammar]

icchājñānakriyārūpā parasaṃvitsvarūpiṇī |
niṣphalā nirmalā nityā nirākārā niraṃjanā || 20 ||
[Analyze grammar]

niraṃtarā nirātaṃkā nirālaṃbā nirāmayā |
tavaivaṃ mahimānaṃ hi ko varṇayitumīśate || 21 ||
[Analyze grammar]

vaṃde nirbhinnaṣaṭcakradvādaśāṃtarvihāriṇīm |
anāhatadhvanimayīṃ biṃdunādakalātmikām || 22 ||
[Analyze grammar]

mātastvaṃ pūrṇaśītāṃśu galatpīyūṣavāhinī |
puṣṇāsi vatsale bālānsanakādīndigaṃbarān || 23 ||
[Analyze grammar]

anusyūtā śivā saṃvijjāgratsvapnasuṣuptiṣu |
turīyāyāṃ varttamānāṃ dayāsūnṛtasaṃdhiṣu || 24 ||
[Analyze grammar]

dadāsi prāṇināṃ sarvāḥ satataṃ brahmasaṃpadaḥ |
saṃhṛtya tatvasaṃghātaṃ turīyātītayā tvayā || 25 ||
[Analyze grammar]

yogināṃ biṃbatādatmyaṃ dīyate nirvikalpayā |
parāṃ namāmi paśyaṃtīṃ madhyamāṃ vaikharīmapi || 26 ||
[Analyze grammar]

rūpāṇi devi gṛhṇāsi jagatsaṃtrāṇahetave |
tvaṃ brāhmī vaiṣṇavī ca tvaṃ māheśī ca tvamaṃbike || 27 ||
[Analyze grammar]

vārāhi tvaṃ mahālakṣmīrnārasiṃhī tvamaiṃdrikā |
tvaṃ kaumārī caṃḍikā tvaṃ lakṣmīstvaṃ viśvapāvanī || 28 ||
[Analyze grammar]

sāvitrī tvaṃ jaganmātā śaśinī tvaṃ ca rohiṇī |
tvaṃ svāhā tvaṃ svadhā tvaṃ hi tvaṃ sudhā parameśvarī || 29 ||
[Analyze grammar]

caṃḍamuṃḍabhujādaṃḍakhaṃḍadordaṃḍamaṃḍite |
raktabījagaladraktapānaghūrṇitalocane || 30 ||
[Analyze grammar]

unmattamahiṣagrīvonmūlanaprauḍha doryuge |
śuṃbhāsuramahādaityadāraṇāyātavikrame || 31 ||
[Analyze grammar]

anaṃtacarite tubhyaṃ namastrailokyamātṛke |
bhaktakalpalate mahyaṃ prasīda parameśvari || 32 ||
[Analyze grammar]

iti tena stutā devī mahālakṣmīstataḥ svayam |
nijarūpaṃ samāsthāya puruṣaṃ pratyuvāca tam || 33 ||
[Analyze grammar]

śrīlakṣmīruvāca |
rājaputra prasannā'haṃ vṛṇīṣva varamuttamam |
rājaputra uvāca |
pitā me dharaṇīpālo vājimedhaṃ mahākratum || 34 ||
[Analyze grammar]

kurvāṇo daivayogena rogākrāṃto divaṃ yayau |
tadvapustaptatailena śoṣayitvā mayā tataḥ || 35 ||
[Analyze grammar]

sthāpitastatra yāgo'sau yathāpūrvamavartata |
atha krāṃtamahīcakro yūpe yāgaturaṃgamaḥ || 36 ||
[Analyze grammar]

niśīthe baṃdhanaṃ hitvā nītaḥ kenāpi kutracit |
adṛṣṭvā tadgataṃ kvāpi nivṛtteṣu janeṣvaham || 37 ||
[Analyze grammar]

āmaṃtrya ṛtvijaḥ sarvāñcharaṇaṃ tvāmupāgataḥ |
prasannā yadi devi tvaṃ tanme yāgaturaṃgamaḥ || 38 ||
[Analyze grammar]

dṛṣṭo bhavatu yāgo'sau saṃpūrṇo jāyate yathā |
ānṛṇyaṃ mama tātasya tena rājño bhaviṣyati || 39 ||
[Analyze grammar]

tathā kuru jagaddhātri śaraṇāgatavatsale |
devyuvāca |
mamadvāraṃ dvijaḥ siddhasamādhiriti viśrutaḥ || 40 ||
[Analyze grammar]

mamājñayā sa te sarvaṃ kāryaṃ niṣpādayiṣyati |
ityuktaḥ śrīmahālakṣmyā tato rājakumārakaḥ || 41 ||
[Analyze grammar]

ājagāma muniḥ siddhasamādhiryatra tiṣṭhati |
praṇamya tasyapādābjaṃ kṛtāṃjaliravasthitaḥ || 42 ||
[Analyze grammar]

tamuvāca tato vipraḥ prahito'si tvamaṃbayā |
tvadīpsitamidaṃ sarvaṃ sādhayāmi vilokaya || 43 ||
[Analyze grammar]

ityuktvā tridaśānsarvānācakarṣa sa māṃtrikaḥ |
ekṣata kṣitipālasya tanayo'sau tadā surān || 44 ||
[Analyze grammar]

kṛtāṃjalipuṭāndevānvepamānakalevarān |
atha tānamarānsarvānsaṃbabhāṣe dvijottamaḥ || 45 ||
[Analyze grammar]

amuṣya rājaputrasya vājī yajñāya kalpitaḥ |
nītosti devarājena kṣapāyāmapahṛtya saḥ || 46 ||
[Analyze grammar]

gīrvāṇā aśvamevāsya samānayata mā ciram |
atha tasya munervākyāddevairyajñaturaṃgamaḥ || 47 ||
[Analyze grammar]

samarpitastatastena te'nujñātvā divaukasaḥ |
ākṛṣṭānamarāndṛṣṭvā gataṃ labdhvā turaṃgamam || 48 ||
[Analyze grammar]

mahīpatisuto natvā taṃ muniṃ vākyamabravīt |
āścaryamidametatte sāmarthyamṛṣisattama || 49 ||
[Analyze grammar]

kṛtaṃ tvayā citramidaṃ tridaśākarṣaṇaṃ kṣaṇāt |
hastādākṛṣya datto me yajñīyo'yaṃ turaṃgamaḥ || 50 ||
[Analyze grammar]

na kiṃcidaparaṃ yāvadduṣkaraṃ yatsurairapi |
prabhaviṣyati tatkartuṃ bhavāneva na cāparaḥ || 51 ||
[Analyze grammar]

śṛṇu vipra mahīpāla pitāsīnmebṛhadrathaḥ |
prārabdha hayamedho'sau daivena nidhanaṃ gataḥ || 52 ||
[Analyze grammar]

adyāpi tasya dehosti taptatailena śoṣitaḥ |
tasya saṃjīvanaṃ bhūyaḥ karttumarhasi sattama || 53 ||
[Analyze grammar]

ityākarṇya smitaṃ kṛtvā sa jagāda mahāmuniḥ |
yāmastatra pitā yatra tāvako yāgamaṃḍapaḥ || 54 ||
[Analyze grammar]

athāgatya samaṃ tena tatra siddhaḥ samādhinā |
payo'bhimaṃtrya vidadhe tasya pretasya mūrddhani || 55 ||
[Analyze grammar]

tataḥ prāpa nṛpaḥ saṃjñāmuttasthe vai dadarśa ca |
sa taṃ papraccha vipreṃdraṃ ko'si dharmeti bhūpatiḥ || 56 ||
[Analyze grammar]

tato rājasutaḥ sarvaṃ bhūpālāya nyavedayat |
sa natvā brāhmaṇaṃ rājā taṃ punardattajīvitam || 57 ||
[Analyze grammar]

babhāṣe kena puṇyena tvayi śaktiralaukikī |
yayā me jīvitaṃ dattamākṛṣṭāśca divaukasaḥ || 58 ||
[Analyze grammar]

yāgaścoddharito vipra yenametannirūpaya |
ityuktastenavipro'sau jagāda ślakṣṇayā girā || 59 ||
[Analyze grammar]

gītānāṃ dvādaśādhyāyaṃ japāmyahamataṃdritaḥ |
tena śaktiriyaṃ rājanyayā prāptosi jīvitam || 60 ||
[Analyze grammar]

etadākarṇya rājā'sau dvādaśādhyāyamuttamam |
papāṭha tasmādviprarṣeḥ sakāśātbrāhmaṇānvitam || 61 ||
[Analyze grammar]

tasyādhyāyasya māhatmyātte sarve sadgatiṃ yayuḥ |
anye paṭhitvā jīvāśca muktimāpuraho parām || 62 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe gītāmāhātmye ṣaḍaśītyadhikaśatatamo'dhyāyaḥ || 186 ||
[Analyze grammar]