Chapter 184

[English text for this chapter is available]

devyuvāca |
sarvajña sarvacaitanya sarveśvara girāṃ guro |
dhanyāsmi śivamānyena dṛśyamānena yattvayā || 1 ||
[Analyze grammar]

nirūpitamidaṃ puṇyaṃ navamādhyāyavaibhavam |
anekavismayasvādu kathānakamayaṃ madhu || 2 ||
[Analyze grammar]

śṛṇvaṃtyā mama deveśa na tṛptirjātu jāyate |
akuṃṭhāśravaṇotkaṃṭhā varddhate vṛṣabhadhvaja || 3 ||
[Analyze grammar]

āsīnmamahimāṃbhodhe gītānāṃ śrutijīvitam |
tatrāpi daśamādhyāyaṃ pradhānaṃ munayo jaguḥ || 4 ||
[Analyze grammar]

tamuddiśya mahādhyāyamabhidhehi kathānakam |
śiva uvāca |
śṛṇu suśroṇi niśreṇīṃ svargadurgasya durllabhām || 5 ||
[Analyze grammar]

sīmāmiva prabhāvānāṃ pāvanīṃ paramāṃ kathām |
āsītkāśīpure vipraḥ puṇyakīrttiparāyaṇaḥ || 6 ||
[Analyze grammar]

praśāṃtacetā nirmukta hiṃsākārkaśyasāhasaḥ |
nivṛttinirato nityaṃ jiteṃdriyatayā tathā || 7 ||
[Analyze grammar]

dhīradhīriti vikhyāto naṃdīva mayi bhaktimān |
nistīrṇanigamāṃbhodhiḥ sarvaśāstrārthakovidaḥ || 8 ||
[Analyze grammar]

tasya dhyānaparādhīna cetasaḥ pratigacchataḥ |
aṃtarātmani nirmagna manasastattvacakṣuṣaḥ || 9 ||
[Analyze grammar]

karāvalaṃbanaṃ tasya dhāvanprītyā dadāmyaham |
kadācana camatkārakārakaṃ vimanā muniḥ || 10 ||
[Analyze grammar]

ācāṃtaḥ kiṃca nāsāgraparamānaṃdamedurām |
dṛśamāsādya nidrāṇakaraṇoyamivāsthitaḥ || 11 ||
[Analyze grammar]

upādhāsya viśālākṣi viśālāṃ dvāradehalīm |
aśeta niśi niḥśaṃkaṃ tāvallaṃbekṣaṇaḥ kṣaṇam || 12 ||
[Analyze grammar]

māmapṛcchadbhṛṃgiriṭiḥ praṇamyapādapaṃkajam |
anena vidhinā kena vihitaṃ tava darśanam || 13 ||
[Analyze grammar]

tapastaptaṃ hutaṃ japtaṃ kimanena mahātmanā |
datte pratipadaṃ devo yasya hastāvalaṃbanam || 14 ||
[Analyze grammar]

ayaṃ na labhate gaṃtuṃ kasmādasmātpurādbahiḥ |
yadṛcchayā yadā kāśī sīmāmullaṃghya gacchati || 15 ||
[Analyze grammar]

na paśyati tadā sarvānpārśvasthānapi dehinaḥ |
atra hetumahaṃ jñātumicchāmi svāmibhāṣitām || 16 ||
[Analyze grammar]

anugrāhyosmi cedvaktuṃ yuktaṃ cettadudīraya |
bhṛṃgiriṭerimaṃ praśnaṃ samākarṇyāhamūcivān || 17 ||
[Analyze grammar]

kadācidāsaṃ kailāsaṃ pārśve punnāgakānane |
raṇatkhecarasuśroṇi pūrṇastabakakānane || 18 ||
[Analyze grammar]

kalakaṃṭhakulālāpa kallolitadigaṃtare |
garutmadādidātyūha samūhasvarasaṃkule || 19 ||
[Analyze grammar]

bhramaddārughaṭīyaṃtra prollasadbiṃdudaṃture |
prabuddhasāraṇiprāṃta kadalīkaṃdalālase || 20 ||
[Analyze grammar]

kastūrīhariṇopete kiṃnarasvaramohite |
romaṃthamaṃtharāpāṃgairmṛgaiḥ kvāpi niṣevite || 21 ||
[Analyze grammar]

haṃsaiḥ kīreṣu pāṃḍityaṃ kurvāṇaiḥ saṃkule śukaiḥ |
nirhṛdikvaṇinīraṃdhra samīraṇaviloḍite || 22 ||
[Analyze grammar]

mādhavīpuṣpaniryāsaśīdhukṣībamadhuvrate |
unmīlittrivalīpuṣpagucchasaurabhanirbhare || 23 ||
[Analyze grammar]

protphullabakulāmodamadamaṃtharaṣaṭpade |
somādudbhūtapīyūṣakṣālitakṣitimaṃḍale || 24 ||
[Analyze grammar]

adhyāsya vedikāmekāmahaṃ kṣaṇamavasthitaḥ |
uddaṃḍaśākhisaṃghaṭṭasphuṭanmaṃthāmukhotkaraiḥ || 25 ||
[Analyze grammar]

prakaṃpitā calacchāyo vavau caṃḍasamīraṇaḥ |
paścādabhūnmahāghoṣo nirghoṣita darītaṭaḥ || 26 ||
[Analyze grammar]

avātarattataḥ kaścitpakṣī gaganagahvarāt |
śāradānaridacchāyaḥ kajjalānāmivoccayaḥ || 27 ||
[Analyze grammar]

tamasāmiva saṃghātaḥ pakṣacchedīva parvataḥ |
avaṣṭabhya kṣitiṃ padmāṃ pakṣī māṃ praṇanāma saḥ || 28 ||
[Analyze grammar]

ānīya padmamamlānamasau matpādayorvyadhāt |
athāsau spaṣṭayā vācā pakṣī stotramudīrayat || 29 ||
[Analyze grammar]

jayadeva cidānaṃda sudhāsiṃdho jagatpate |
sadā sadbhāvanā saṃga kallolānaṃtavigraha || 30 ||
[Analyze grammar]

advaitavāsanā matyā malatrayavivarjita |
jiteṃdriya parādhīna samādhiprāpyavigraha || 31 ||
[Analyze grammar]

nirupādhivinirmukta nirākāra nirāmaya |
niḥsīma nirahaṃkāra nirāvaraṇanirguṇa || 32 ||
[Analyze grammar]

śaraṇāgatasaṃtrāṇa pravīṇa caraṇāṃbuja |
bhīmamāla mahāvyāla jvālādagdhamanobhava || 33 ||
[Analyze grammar]

kuṭhārabhinnadaityeṃdra gaṃḍūṣita mahāvibho |
tripurapramadābhāla siṃdūroddhūlimārjana || 34 ||
[Analyze grammar]

kātyāyanīkucāṃbhoja varakuṃkumacarcita |
namaḥ pramāṇadūrāya namaḥ pramatirūpiṇe || 35 ||
[Analyze grammar]

namaścaitanyanāthāya namastrailokyarūpiṇe |
vaṃde tava padāṃbhojaṃ yogipravaracuṃbitam || 36 ||
[Analyze grammar]

apārabhavapātho'dhi pārāvataraṇādbhutam |
vācaspatirapi stotre bhavato na pragalbhate || 37 ||
[Analyze grammar]

sahasravadanasyāpi phaṇīṃdrasya na cāturī |
tvadvarṇane mahādeva ko'haṃmalpamatiḥ khagaḥ || 38 ||
[Analyze grammar]

stotrametatsamākarṇya kṛtaṃ tena patatriṇā |
tamavocamahaṃ ko'si kutastyosi vihaṃgama || 39 ||
[Analyze grammar]

haṃsena sadṛśaḥ kāyo varṇaḥ kākena saṃnibhaḥ |
prayojanaṃ kamuddiśya prāptosīha taducyatām || 40 ||
[Analyze grammar]

iti pakṣī mayā pṛṣṭaḥ praśrayānatakaṃdharaḥ |
jagāda ślakṣṇayā vācā pakṣīvākyavidāṃvaraḥ || 41 ||
[Analyze grammar]

deveśa dhūrjaṭe viddhi māṃ marālaṃ svayaṃbhuvaḥ |
karmaṇā yena me kārṣṇyaṃ jātamādhunikaṃ vibho || 42 ||
[Analyze grammar]

tadākarṇaya sarvajña pṛṣṭaṃ yadi taducyate |
mānasātsarasaḥ pṛthvīṃ yātaḥ prāptosmi saṃkaṭam || 43 ||
[Analyze grammar]

saurāṣṭranagarādārātsarasi sphuṭadaṃbuje |
bāleṃdukhaṃḍadhavalānmṛṇālakavalānaham || 44 ||
[Analyze grammar]

ādāya balamāśritya niragāṃ gaganaṃ drutam |
vihāyasastatastasmādakasmādapataṃ bhuvi || 45 ||
[Analyze grammar]

atha mohaparītātmā sarvathā vikaleṃdriyaḥ |
vepamānavapurmohātspṛṣṭaḥ śītaiḥ samīraṇaiḥ || 46 ||
[Analyze grammar]

prabuddhaḥ patane hetumapaśyannātmanastadā |
aho kimetadāpannamadya pātaḥ kathaṃ mama || 47 ||
[Analyze grammar]

kālimā yena kāyesminpakvakarpūrapāṃḍure |
ityahaṃ vismayāviṣṭo yāvatkurve vicāraṇam || 48 ||
[Analyze grammar]

tāvadaṃburuhādvāṇīmaśrauṣamahamīdṛśīm |
uttiṣṭha haṃsa vakṣyāmi kāraṇaṃ pātakārṣṇyayoḥ || 49 ||
[Analyze grammar]

athotthāya samāgatya mayā madhye sarovare |
dṛṣṭarājīvinīramyā rājīvaiḥ paṃcabhiryutā || 50 ||
[Analyze grammar]

kāraṇaṃ praṣṭumārebhe kārṣṇyasya patanasya ca |
atha tatra ghanaśyāmānsvarṇavarṇāṃbarāvṛtān || 51 ||
[Analyze grammar]

caturbhujāngadāśaṃkhacakrapaṃkeruhāyudhān |
kirīṭahārakeyūrakuṃḍaladyuticitritān || 52 ||
[Analyze grammar]

adrākṣamaṃtarikṣasthānpuruṣānayutāni ṣaṭ |
natvā pradakṣiṇīkṛtya paṃcapadmāṃ sarojinīm || 53 ||
[Analyze grammar]

ātmīyaṃ pātamārabhya pṛṣṭaṃ tadakhilaṃ mayā |
padminyuvāca |
kalahaṃsa gato'si tvaṃ māṃ vilaṃghya vihāyasā || 54 ||
[Analyze grammar]

tena pātakayogena patito'si mahītale |
tenaiva kālimā kāye pakṣisattama lakṣyate || 55 ||
[Analyze grammar]

bhavaṃtaṃ patitaṃ vīkṣya kṛpāpūrṇena cetasā |
madhyamenāmunābjena vadatā jātasaurabham || 56 ||
[Analyze grammar]

āghrāya ṣaṭpadāḥ ṣaṣṭisahasrāṇi divaṃ yayuḥ |
ete ye bhavatāṃ dṛṣṭāḥ nīlotpalasamatviṣaḥ || 57 ||
[Analyze grammar]

sarve te saptame'tīte janmanyāsanmuneḥ sutāḥ |
asyaiva sarasastīre tepuste paramaṃ tapaḥ || 58 ||
[Analyze grammar]

kadācitkāminī kāciccaṃpakastabakastanī |
calāpāṃgakālākāṃtataraṃgita rasālinī || 59 ||
[Analyze grammar]

nāsā muktāphalajyotsnā cuṃbitasmita dīdhitiḥ |
vīṇāṃ vinyasya kucayorvane'sminmadhuraṃ jagau || 60 ||
[Analyze grammar]

gāyaṃtyā svaramākarṇya brāhmaṇā hariṇā iva |
tāṃ samāgatya te sarve samameva vyalokayan || 61 ||
[Analyze grammar]

mayā dṛṣṭā mamaiveyamityūcuste parasparam |
muṣṭāmuṣṭi tatasteṣāṃ bhrātṝṇāmabhavadraṇaḥ || 62 ||
[Analyze grammar]

anyonyamuṣṭiniṣpiṣṭa vakṣasastyaktajīvitāḥ |
te bhuktvā nirayānghorānbabhūvuḥ sārasā bhuvi || 63 ||
[Analyze grammar]

tadā te śvāpadānjaghnurdagdhāvanyena vahninā |
tato mātaṃgatāmetya pathipāṃthānaghātayan || 64 ||
[Analyze grammar]

vane viṣodakaṃ pītvā te yayuryamamaṃdiram |
kharoṣṭrakapimārjāra janmānyāsādya ca kramāt || 65 ||
[Analyze grammar]

tato madhuvratā jātā vartaṃte'tra sarovare |
adya me gaṃdhamāghrāya prāpuste vaiṣṇavaṃ padam || 66 ||
[Analyze grammar]

śṛṇu pakṣīṃdra vakṣyāmi yena mayyasti vaibhavam |
etasmājjanmanaḥ pūrve tṛtīye janmani kṣitau || 67 ||
[Analyze grammar]

sarojavadanānāma dvijāteḥ kanyakā'bhavam |
pātivratyaikaniratā guruśuśrūṣaṇe ratā || 68 ||
[Analyze grammar]

kadācitsārikāmekāṃ pāṭhayaṃtyāvilaṃbitam |
sārikā bhava pāpe tvaṃ patyā śaptāsmi kupyatā || 69 ||
[Analyze grammar]

pretya sāritvamāsādya pātivratyaprasādataḥ |
munīnāmeva sadane kanyā kācitpupoṣa mām || 70 ||
[Analyze grammar]

gītānāṃ daśamādhyāyaṃ vibhūtiriti viśrutam |
prātaḥ paṭhati viprosāvaśrauṣaṃ tamaghāpaham || 71 ||
[Analyze grammar]

kālena sārikādehamahaṃ hitvā vihaṃgama |
daśamādhyāyamāhātmyādapsarāścābhavaṃ divi || 72 ||
[Analyze grammar]

padmāvatīti vikhyātā padmāyā dayitā sukhī |
kadācana mayā yāṃtyā vimānena vihāyasā || 73 ||
[Analyze grammar]

etatsarovaraṃ ramyaṃ vilokya vimalāṃbujam |
avatīrya jalakrīḍāyāvadārabhyate mayā || 74 ||
[Analyze grammar]

durvāsāstāvadāyāto vivastrā tena vīkṣitā |
tadbhayātpadminīrūpaṃ dhṛtametanmayā svayam || 75 ||
[Analyze grammar]

padbhyāṃ padmadvayaṃ caiva dvayaṃ hastadvayena ca |
mukhena paṃcamāṃbhojamiti paṃcāṃbujāsmyaham || 76 ||
[Analyze grammar]

dṛṣṭā tena munīṃdreṇa kopajvalita cakṣuṣā |
anenaiva svarūpeṇa tiṣṭha pāpe śataṃ samāḥ || 77 ||
[Analyze grammar]

iti śāpaṃ samutsṛjya sa caivāṃtardadhe kṣaṇāt |
vibhūtyadhyāyamāhātmyādvāṇī me na vilīyate || 78 ||
[Analyze grammar]

madvilaṃghanamātreṇa patitosi mahītale |
adya śāpanivṛttirme tiṣṭhataste khagottama || 79 ||
[Analyze grammar]

niśāmaya mayā gīyamānamadhyāyamuttamam |
yasyākarṇanamātreṇa tvamadyaiva vimokṣyase || 80 ||
[Analyze grammar]

ityasau daśamādhyāyaṃ papāṭha ślakṣṇayā girā |
tamākarṇya tayā dattamādāya ca saroruham || 81 ||
[Analyze grammar]

mayā samarpitaṃ tubhyaṃ padminyā padmamuttamam |
ityuktvā sa jahau dehaṃ tadadbhutamivābhavat || 82 ||
[Analyze grammar]

bhṛṃgiriṭiruvāca |
purātane bhave ko'yaṃ brahma haṃso'bhavatkathaṃ |
tavāgrataḥ kuto hetorutsasarja kalevaram || 83 ||
[Analyze grammar]

iti bhṛṃgiriṭirvākyamākarṇyāhaṃ tadābruvam |
dvijaveśmani pūrvasminjanmanyayamajāyata || 84 ||
[Analyze grammar]

sutapā iti vikhyāto brahmacārī jiteṃdriyaḥ |
vasangurukule kurvanvedādhyayanamanvaham || 85 ||
[Analyze grammar]

guruśuśrūṣaṇaṃ samyagvidadhāti ca bhaktitaḥ |
śayānasya guroḥ śayyāṃ nidritaḥ sapadā spṛśat || 86 ||
[Analyze grammar]

tena pāpena tiryaktvamayaṃ svarge'pi labdhavān |
padmayonimarālānāṃ madhye jātastato dvijaḥ || 87 ||
[Analyze grammar]

asmiñjanmanyamuṣyeha purāsmallokanāvadhi |
gītānāṃ daśamādhyāyaṃ nalinyā kathitaṃ tataḥ || 88 ||
[Analyze grammar]

ākarṇya vihago lebhe brahmajñānamanuttamam |
so'yaṃ viprakule jāto daśamādhyāyavaibhavāt || 89 ||
[Analyze grammar]

janmābhyāsavaśādasya śiśorapi mukhāṃbujāt |
gītānāṃ daśamādhyāyaḥ samullasati sarvadā || 90 ||
[Analyze grammar]

tadarthapariṇāmena sarvabhūteṣvavasthitam |
śaṃkhacakradharaṃ devamayaṃ paśyati sarvadā || 91 ||
[Analyze grammar]

yasminyasminyadaivāsya dṛṣṭiḥ snigdhā śarīriṇaḥ |
sa sa mukto bhavetsarvaḥ surāpo brahmahā'pi vā || 92 ||
[Analyze grammar]

tadvijñāya mayā vipraḥ paramātmasvarūpiṇā |
idaṃ nagaramānīto muktikṣetraṃ svabhāvataḥ || 93 ||
[Analyze grammar]

atratyānāṃ manuṣyāṇāṃ muktiḥ karatale sthitā |
tenāsya dṛṣṭipātena viśeṣo'nyo na jāyate || 94 ||
[Analyze grammar]

na dadāmi bahirgaṃtumahamasya purā kṛtam |
daśamādhyāyamahātmyāttatvajñānaṃ sudurlabham || 95 ||
[Analyze grammar]

labdhametena muninā jīvanmuktiriyaṃ tathā |
tenāsya calato hastaṃ dadāmi pathi gacchataḥ || 96 ||
[Analyze grammar]

daśamādhyāyamahimā bhṛṃgiriṭe mahānayam |
iti bhṛṃgiriṭeragre kathitaṃ yatkathānakam || 97 ||
[Analyze grammar]

tavedamatra kathitaṃ sarvapāpapraṇāśanam |
naro vāpyathavā nārī yāpi ko'pi ca vā punaḥ || 98 ||
[Analyze grammar]

asya śravaṇamātreṇa sarvāśramaphalaṃ labhet || 99 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe gītāmāhātmye caturaśītyadhikaśatatamodhyāyaḥ || 184 ||
[Analyze grammar]