Chapter 34

[English text for this chapter is available]

nārada uvāca |
trispṛśākhyaṃ vrataṃ brūhi sarveśvara viśeṣataḥ |
yacchrutvā mucyate lokaḥ karmabaṃdhanataḥ kṣaṇāt || 1 ||
[Analyze grammar]

mahādeva uvāca |
sarvapāpaughaśamanaṃ mahāduḥkhavināśanam |
śṛṇu kṛṣṇāvatāraṃ tvaṃ trispṛśākhyaṃ mahāvratam || 2 ||
[Analyze grammar]

kāmadaṃ saspṛhāṇāṃ tu nispṛhāṇāṃ tu mokṣadam |
trispṛśākhyaṃ vrataṃ vipra śṛṇuṣva gadato mama || 3 ||
[Analyze grammar]

pratyakṣamarcitastena kalikāle ca keśavaḥ |
trispṛśā kīrtanaṃ nityaṃ yaḥ karoti mahāmune || 4 ||
[Analyze grammar]

na puraścaraṇe cīrṇe sarvapāpakṣayo bhavet |
trispṛśā nāmamātreṇa kṣīyate nātra saṃśayaḥ || 5 ||
[Analyze grammar]

nāgamairna purāṇādyairna makhaistīrthakoṭibhiḥ |
bahubhirvratasaṃghaiśca pūjitaistridaśairapi || 6 ||
[Analyze grammar]

mokṣo bhavati viprendra trispṛśā na kṛtā yadi |
mokṣārthe devadevena dṛṣṭā vai vaiṣṇavī tithiḥ || 7 ||
[Analyze grammar]

dvijānāṃ durvidaṃ sāṃkhyaṃ kalikāle viśeṣataḥ |
anigrahaśceṃdriyāṇāṃ sthiratvaṃ manaso nahi || 8 ||
[Analyze grammar]

viṣayairviprayuktānāṃ dhyānadhāraṇavarjinām |
kāmabhogaprasaktānāṃ trispṛśā mokṣadāyinī || 9 ||
[Analyze grammar]

mahyaṃ caiva purā proktā caturvaktrasya sāgare |
kṣīrode praṇatānāṃ tu matsyarūpeṇa cakriṇā || 10 ||
[Analyze grammar]

trispṛśāṃ ye kariṣyaṃti viṣayairapi saṃyutāḥ |
teṣāmapi mayā datto mokṣaḥ sāṃkhyavivarjinām || 11 ||
[Analyze grammar]

kāmabhogaprasaktānāṃ trispṛśā mokṣadāyinī |
bahubhirmunisaṃghaiśca kṛteyaṃ ca mahāmune || 12 ||
[Analyze grammar]

kārttike śuklapakṣe tu trispṛśā jāyate yadi |
somena somajenāpi pāpakoṭivināśinī || 13 ||
[Analyze grammar]

yasyā upoṣaṇakṛto hatyāyukta maheśituḥ |
hastādbrahmakapālaṃ tu tatkṣaṇātpatitaṃ bhuvi || 14 ||
[Analyze grammar]

kalikalmaṣakoṭyaughairmuktā devī trimārgagā |
upadeśānmādhavasya trispṛśā samupoṣaṇāt || 15 ||
[Analyze grammar]

hatyāṣṭau bāhuvīryasya pūrvajātā mahāmune |
gatā bhṛgūpadeśena trispṛśā samupoṣaṇāt || 16 ||
[Analyze grammar]

śatāyudhena vipreṃdra nihato brāhmaṇo vane |
brahmahatyāvinirmuktaḥ trispṛśā samupoṣaṇāt || 17 ||
[Analyze grammar]

jīvopadeśācchakrasya hatyā namucisaṃbhavā |
vinaṣṭā munimukhyendra trispṛśā samupoṣaṇāt || 18 ||
[Analyze grammar]

brahmahatyādi pāpāni trispṛśāsamupoṣaṇāt |
vilayaṃ yāṃti vipreṃdra pāpeṣvanyeṣu kā kathā || 19 ||
[Analyze grammar]

na prayāge na kāśyāṃ tu gomatyāṃ kṛṣṇasaṃnidhau |
mokṣo bhavati vipreṃdra trispṛśā yadi no kṛtā || 20 ||
[Analyze grammar]

maraṇācca prayāge tu gomatyāṃ kṛṣṇasannidhau |
snānamātreṇa gomatyāṃ muktirbhavati śāśvatī || 21 ||
[Analyze grammar]

gṛhepi jāyate muktistrispṛśā samupoṣaṇāt |
viṣaye varttamānasya kāmabhogānvitasya ca || 22 ||
[Analyze grammar]

nivṛttaviṣayasyāpi muktiḥ sāṃkhyena durllabhā |
tasmātkuruṣva vipreṃdra trispṛśāṃ mokṣadāyinīm || 23 ||
[Analyze grammar]

nārada uvāca |
kīdṛśaṃ tatsuraśreṣṭha trispṛśākhyaṃ mahāvratam |
muktidaṃ yaddivajātīnāṃ tvayā proktaṃ mamādhunā || 24 ||
[Analyze grammar]

mahādeva uvāca |
jāhnavyai sā purā vipra trispṛśā mādhavena tu |
prācī sarasvatī tīre kathitā tvanukaṃpayā || 25 ||
[Analyze grammar]

jāhnavyuvāca |
kalikalmaṣa koṭyaughairbrahmahatyādikairyutāḥ |
kalikāle hṛṣīkeśa snānaṃ kurvaṃti majjale || 26 ||
[Analyze grammar]

teṣāṃ pāpaśatairdoṣairdeho me kaluṣī kṛtaḥ |
kathaṃ yāsyati me deva pātakaṃ garuḍadhvaja || 27 ||
[Analyze grammar]

prācīmādhava uvāca |
kathayāmi na saṃdeho mā putri rodanaṃkuru |
śyāmovaṭastu me sthānaṃ prācīdevī mamāgrataḥ || 28 ||
[Analyze grammar]

vahate brahmatanayā dṛṣṭvāgre ca sureśvarīm |
snānaṃ kuruṣva nityaṃ tvaṃ tvatra pūtā bhaviṣyasi || 29 ||
[Analyze grammar]

yatra brahmasutā prācī tatrāhaṃ nātra saṃśayaḥ |
tīrthakoṭiśatairyuktaḥ suraiḥ saha vasāmyaham || 30 ||
[Analyze grammar]

pavitraṃ matpriyaṃ sthānaṃ hatyākoṭivināśanam |
saṃtuṣṭena mayā dattaṃ yasmātprāṇādhikāsi me || 31 ||
[Analyze grammar]

tīrthakoṭisahasrāṇi nityaṃ tiṣṭhaṃti jāhnavi |
prācīsarasvatī toye sarvadaiva mamājñayā || 32 ||
[Analyze grammar]

brahmavadhātsurāpānātgodhavādvṛṣalīvadhāt |
brahmasvaharaṇādeva mātāpitrostvapūjanāt || 33 ||
[Analyze grammar]

cakriyānādgurudrohādabhakṣyasya ca bhakṣaṇāt |
sarvapāpasya karaṇātprācī brahmasutā sute || 34 ||
[Analyze grammar]

vyapohayati pāpāni sakṛtsnānena me'grataḥ |
kuru snānaṃ saricchreṣṭhe vipāpā tvaṃ bhaviṣyasi || 35 ||
[Analyze grammar]

jāhnavyuvāca |
nāhaṃ śaknomi deveśa āgaṃtuṃ nityameva hi |
kathaṃ naśyaṃti pāpāni kathayasveha mādhava || 36 ||
[Analyze grammar]

prācīmādhava uvāca |
na śaknoṣi yadāgaṃtuṃ nityameva hi jāhnavi |
tadānyatsaṃpravakṣyāmi yasmānmatpādasaṃbhavā || 37 ||
[Analyze grammar]

sarasvatyadhikā yā ca tīrthakoṭiśatādhikā |
makhakoṭyadhikā vāpi vratadānādhikā ca yā || 38 ||
[Analyze grammar]

japahomādhikā yā ca caturvargaphalapradā |
sāṃkhyayogādhikā yā ca trispṛśā kriyatāṃ śubhā || 39 ||
[Analyze grammar]

yasminmāse samāyāti sitā ca yadi vāsitā |
kartavyā sā saricchreṣṭhe kṛte pāpātpramucyate || 40 ||
[Analyze grammar]

jāhnavyuvāca |
kīdṛśī trispṛśā deva mamākhyāhi sumādhava |
īdṛśo mahimā yasyāstvayā prokto mamādhunā || 41 ||
[Analyze grammar]

daśamyekādaśībhadrā dinaikasminyadā bhavet |
trispṛśā sā bhaveddeva vānyathā vada me prabho || 42 ||
[Analyze grammar]

kṛṣṇa uvāca |
āsurī trispṛśā devī yā tvayā parikīrtitā |
varjanīyā prayatnena vṛttihīno yathā patiḥ || 43 ||
[Analyze grammar]

asurāṇāṃ tu sā proktā āyurbalavināśinī |
varjanīyā prayatnena yathā nārī rajasvalā || 44 ||
[Analyze grammar]

svajātiṃ ca parityajya yā gatādhamajātiṣu |
saiva tyājyaṃ viśeṣeṇa daśamīyuktaṃ hi maddinam || 45 ||
[Analyze grammar]

yathā rajasvalāsaṃgāddūṣyaṃte jñānavarjitāḥ |
tathaiva daśamīyuktaṃ maddinaṃ dūṣitaṃ nṛṇām || 46 ||
[Analyze grammar]

hatyāyutaśataṃ haṃti trispṛśā samupoṣitā |
ekādaśī dvādaśī ca rātriśeṣe trayodaśī || 47 ||
[Analyze grammar]

trispṛśā sā tu vijñeyā daśamīsahitā na hi |
kṛtvāparādhaṃ mucyeta prāyaścitte kṛte naraḥ || 48 ||
[Analyze grammar]

daśamīvedhajaṃ doṣaṃ na kṣamāmi surāpage |
bhuktaṃ hālāhalaṃ tena viṣasya bhakṣaṇaṃ kṛtam || 49 ||
[Analyze grammar]

daśamīmiśritaṃ yena kṛtamekādaśīvratam |
iti matvā na karttavyaṃ maddinaṃ daśamīyutam || 50 ||
[Analyze grammar]

janmakoṭikṛtaṃpuṇyaṃ saṃtānaṃ yāti saṃkṣayam |
pātayetsvakulaṃ svargānnayate rauravādikam || 51 ||
[Analyze grammar]

svadehaṃ śodhayitvā tu karttavyo mama vāsaraḥ |
vṛddhau tyājyā vinā vedhācchravaṇādiṣu saṃyutā || 52 ||
[Analyze grammar]

janmapuṇyaṃ kṣayaṃ yāti ekādaśyupavāsinām |
saṃvṛddhau tu viśeṣeṇa saṃdehe samupasthite || 53 ||
[Analyze grammar]

mamājñayā ca karttavyā dvādaśīvallabhā mama || 54 ||
[Analyze grammar]

jāhnavyuvāca |
kariṣye'haṃ jagannātha trispṛśāṃ vacanāttava |
sarvapāpavinirmuktā bhaviṣyāmi tavājñayā || 55 ||
[Analyze grammar]

śrīkṛṣṇa uvāca |
svasthānaṃ gaccha bhadraṃ te na bhīḥ kāryā kadācana |
tava devi saricchreṣṭhe na pāpaṃ saṃkramiṣyati || 56 ||
[Analyze grammar]

snātvā sarasvatītoye ye'rcayitvā ca mādhavam |
praṇamaṃti jagannāthaṃ te yāṃti paramāṃ gatim || 57 ||
[Analyze grammar]

jāhnavyuvāca |
vidhānaṃ brūhi me brahmansarvasvena karomyaham |
prasādayāmi deveśaṃ dāmodaramanāmayam || 58 ||
[Analyze grammar]

prācīmādhava uvāca |
śṛṇu devi pravakṣyāmi trispṛśāyā vidhānakam |
yaṃ śrutvāpi saricchreṣṭhe mucyate pātakairnaraḥ || 59 ||
[Analyze grammar]

palena ca palārdhena tadarddhenāpi vāpage |
pratimā mama sauvarṇā kāryā vibhavasārataḥ || 60 ||
[Analyze grammar]

pātraṃ tāmramayaṃ kāryaṃ tilaistu paripūritam |
sajalaṃ tu ghaṭaṃ śubhraṃ paṃcaratnasamanvitam || 61 ||
[Analyze grammar]

veṣṭitaṃ puṣpamālābhiḥ karpūrāguruvāsitam |
nyaseddāmodaraṃ paścātsnāpayitvā vilipya ca || 62 ||
[Analyze grammar]

paridhānaṃ tataḥ kāryaṃ vastrayugmena cānvitam |
maṃtraistu pūjanaṃ kāryaṃ purāṇaiḥ samudīritaiḥ |
puṣpaiḥ kālodbhavaiḥ śubhraistulasīpatraiśca komalaiḥ || 63 ||
[Analyze grammar]

chatraṃ tu viṣṇave dadyātpādukābhyāṃ susaṃyutam |
nivedyāni manojñāni phalāni subahūnyapi || 64 ||
[Analyze grammar]

upavītaṃ tu dātavyaṃ sottarīyaṃ navaṃ dṛḍham |
vaiṇavaṃ dāpayeddaṃḍaṃ surūpaṃ sonnataṃ dṛḍham || 65 ||
[Analyze grammar]

dāmodarāya vai pādau jānunī mādhavāya ca |
guhyaṃ kāmapradāyeti kaṭiṃ vāmanamūrtaye || 66 ||
[Analyze grammar]

padmanābhāya nābhiṃ tu jaṭharaṃ viśvayonaye |
hṛdayaṃ jñānagamyāya kaṃṭhaṃ vaikuṃṭhagāmine || 67 ||
[Analyze grammar]

sahasrabāhave bāhū cakṣuṣī yogarūpiṇe |
saṃpūjya vidhivadbhaktyā dadyādarghaṃ vidhānataḥ || 68 ||
[Analyze grammar]

śubhreṇa nālikereṇa śaṃkhopari sthitena hi |
sūtrairāveṣṭitenaiva hastayorubhayorapi || 69 ||
[Analyze grammar]

smṛto harasi pāpāni yadi nityaṃ janārdana |
duḥsvapnaṃ durnimittāni manasā durvicinvitā || 70 ||
[Analyze grammar]

nārakaṃ tu bhayaṃ deva bhayadurgatisaṃbhavam |
yanmama syānmahādeva aihikaṃ pāralaukikam || 71 ||
[Analyze grammar]

tena deveśa māṃ rakṣa gṛhāṇārghaṃ namostu te |
kṛpādṛṣṭiḥ sadaivāstu dāmodara mamopari || 72 ||
[Analyze grammar]

dhūpaṃ dīpaṃ ca naivedyaṃ kuryānnīrājanaṃ tataḥ |
śīrṣopari saricchreṣṭhe bhrāmayedvārijaṃ hareḥ || 73 ||
[Analyze grammar]

kṛtvā vidhānametaddhi pūjayetsvaguruṃ tataḥ |
dadyātsuvarṇaṃ vastrāṇi soṣṇīṣaṃ caiva kaṃcukam || 74 ||
[Analyze grammar]

upānaho'pi chatraṃ ca mudrikāṃ ca kamaṃḍalum |
bhojanaṃ caiva tāṃbūlaṃ saptadhānyaṃ ca dakṣiṇām || 75 ||
[Analyze grammar]

guruṃ saṃpūjya deveśaṃ kuryājjāgaraṇaṃ hareḥ |
gītanṛtyasamāyuktaṃ tathā śāstrasamanvitam || 76 ||
[Analyze grammar]

niśāṃte caiva devāya datvā cārghaṃ vidhānataḥ |
snānādikāṃ kriyāṃ kṛtvā bhuṃjīyādvāḍavaiḥ saha || 77 ||
[Analyze grammar]

śiva uvāca |
dvijaitattrispṛśākhyānamadbhutaṃ romaharṣaṇam |
śrutvā tu labhate puṇyaṃ gaṃgāṃ snānasamudbhavam || 78 ||
[Analyze grammar]

aśvamedhasahasrāṇi vājapeyaśatāni ca |
tatphalaṃ samavāpnoti trispṛśā samupoṣaṇāt || 79 ||
[Analyze grammar]

pitṛpakṣo mātṛpakṣastathā caivātmapakṣakaḥ |
taiḥ sarvaiḥ saha saṃmukto viṣṇuloke mahīyate || 80 ||
[Analyze grammar]

tīrthakoṭiṣu yatpuṇyaṃ kṣetrakoṭiṣu yatphalam |
tatphalaṃ samavāpnoti trispṛśā samupoṣaṇāt || 81 ||
[Analyze grammar]

brāhmaṇā ye'pi kurvaṃti kṣatriyāḥ kṛṣṇamānasāḥ |
vaiśyā vā śūdrajanmāno ye tathā cānyajātayaḥ || 82 ||
[Analyze grammar]

te sarve muktimāyāṃti bhuvaṃ tyaktvā dvijottama |
maṃtrāṇāṃ maṃtrarājo'tha yathā syāddvādaśākṣaraḥ || 83 ||
[Analyze grammar]

vratānāṃ ca yathā caiṣā yena vai trispṛśā kṛtā |
brahmaṇā ca kṛtā pūrvaṃ paścādrājarṣibhiḥ kṛtā || 84 ||
[Analyze grammar]

anyeṣāṃ kā kathā vatsa trispṛśā muktidāyinī |
anena vidhinā brahmaṃstrispṛśāsaṃbhavaṃ vratam || 85 ||
[Analyze grammar]

yaḥ karoti naro bhaktyā śṛṇu vakṣyāmi tatphalam |
gaṃgāvagāhane brahmanvārāṇasyāṃ tu yatphalam || 86 ||
[Analyze grammar]

manvaṃtarasahasraistu trispṛśākārako hi tat |
prācī ca yamunā snāne varṣairyatkoṭibhiḥ phalam || 87 ||
[Analyze grammar]

tatphalaṃ samavāpnoti trispṛśāvratakṛnnaraḥ |
tatphalaṃ tu kurukṣetre sūryagrahaṇakoṭibhiḥ || 88 ||
[Analyze grammar]

hemabhāraśatairdānaistrispṛśākaraṇena tat |
pāpakoṭisahasrāṇi hatyākoṭiśatāni ca || 89 ||
[Analyze grammar]

ekenaivopavāsena kriyate bhasmasāddrutam |
trispṛśāyā vrataṃ yattu agatīnāṃ gatipradam || 90 ||
[Analyze grammar]

gatimicchaṃti viprarṣe mahatpāpaśatāni ca |
svayaṃ kṛṣṇena kathitaṃ pārāśaryasya cāgrataḥ || 91 ||
[Analyze grammar]

prakāśayati yaścedaṃ likhitvā vaiṣṇavaṃ dvije |
pāpoghairgrathitasyāpi tasya muktirbhaviṣyati || 92 ||
[Analyze grammar]

puṇyairavāpyate vidvanmanvaṃtaraśatairapi |
trispṛśā durlabhā loke prāpyate naiva mānavaiḥ || 93 ||
[Analyze grammar]

kalau ye trispṛśāṃ labdhvā na kurvaṃti narādhamāḥ |
teṣāṃ janmaphalaṃ caiva jīvitaṃ viphalaṃ bhavet || 94 ||
[Analyze grammar]

pretatvaṃ taiḥ samuttīrṇaṃ vinā śrāddhairvinā sutaiḥ |
kṛtā yaistrispṛśā vidvansakṛtprāpya kalau yuge || 95 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāṃ uttarakhaṇḍe umāpatināradasaṃvāde trispṛśākhyānaṃnāma catustriṃśo'dhyāyaḥ || 34 ||
[Analyze grammar]