Chapter 35

[English text for this chapter is available]

mahādeva uvāca |
atastvāṃ saṃpravakṣyāmi unmīlanīmanuttamām |
yasyāḥ śravaṇamātreṇa janmasaṃsārabaṃdhanāt || 1 ||
[Analyze grammar]

pāpātmā mucyate pāpaiḥ svargaloke mahīyate |
devatāḥ pitaraścaiva tasyā gatimavāpnuyuḥ || 2 ||
[Analyze grammar]

vidyārthī labhate vidyāṃ sarvakāmānavāpnuyāt |
tasyā vratānna saṃdehaḥ svargaloke mahīyate || 3 ||
[Analyze grammar]

svasthānaṃ tatra vai prāptaḥ śivaloke mahīyate |
atastvaṃ kuruṣe rājanvaiṣṇavānāṃ tu pūjanam || 4 ||
[Analyze grammar]

vaiṣṇavānāṃ tu ye rājansevā kurvaṃti nityaśaḥ |
teṣāṃ daṃḍaṃ ca kuruṣe no vā teṣāṃ narādhipaḥ || 5 ||
[Analyze grammar]

bhojanānaṃtaraṃ teṣāṃ bhojanaṃ kurute nṛpa |
taireva pūjito viṣṇuryairbhaktyā tu prapūjitaḥ || 6 ||
[Analyze grammar]

śālagrāmaśilābhūtāṃ dattvā mūrddhani pratyaham |
tvaṃ dhārayasi bhūpāla kaṃṭhe nityaṃ subhaktitaḥ || 7 ||
[Analyze grammar]

dhūpaśeṣaṃ tu vai viṣṇorbhaktyā bhajasi bhūpate |
ārārtikaṃ sadā kṛtvā bhaktānāṃ vedayernṛpa || 8 ||
[Analyze grammar]

śaṃkhodakaṃ harermūrdhni bhrāmayitvā tu bhaktitaḥ |
nityaṃ bibharṣi śirasi śeṣaṃ yacchasi vaiṣṇavān || 9 ||
[Analyze grammar]

naivedyaṃ pratyahaṃ kṛtvā sarvopaskarasaṃyutam |
viṣvaksenāya datvā vai svayaṃ bhunakṣi vāḍava || 10 ||
[Analyze grammar]

viṣṇorniveditaṃ cānnaṃ vaiṣṇavaiḥ saha bhujyate |
nityaṃ nāmasahasreṇa bhaktyā stauṣi janārdanam || 11 ||
[Analyze grammar]

dīpārghadānaṃ vai viṣṇoḥ kuruṣe gītanartanam |
śyāmāṃkuraiḥ pūjayase pūjyaṃte nṛpasattama || 12 ||
[Analyze grammar]

śyāmāṃkuraiḥ sadā vatsa pūjanaṃ cāti durllabham |
pṛthvīdānasamaṃ puṇyaṃ dūrvayā pūjane kṛte || 13 ||
[Analyze grammar]

ato vai nāsti loke'smindūrvāyāḥ sadṛśaṃ bhuvi |
tayā vai pūjanaṃ kāryaṃ viṣṇusāyujyamicchatā || 14 ||
[Analyze grammar]

atastvaṃ kuruṣe nityaṃ pūjanaṃ dūrvayā saha |
yavākṣatairviśeṣeṇa pūjanaṃ kuruṣena vā || 15 ||
[Analyze grammar]

pakṣepakṣe nṛpaśreṣṭha vidhivaddvādaśīvratam |
yatkṛtaṃ tu mahārāja mahāpāpapraṇāśanam || 16 ||
[Analyze grammar]

mokṣadaṃ sukhadaṃ caiva tathāyuṣyapradaṃ sadā |
etadviṣṇuvrataṃ proktaṃ vaiṣṇavānāṃ tu mokṣadam || 17 ||
[Analyze grammar]

gṛhasthānāṃ tu sukhadaṃ yatīnāṃ muktidāyakam |
sarvarogādiśamanaṃ pavitraṃ kāyaśodhanam || 18 ||
[Analyze grammar]

vratametacca kuruṣe no vā caiva narādhipa |
daśamīvedharahitaṃ kuruṣe jāgarānvitam || 19 ||
[Analyze grammar]

tulasīpatranikarairnityaṃ pūjayase harim |
gopīcaṃdanajaṃ patraṃ bhāle vā nṛpasattama || 20 ||
[Analyze grammar]

dhāritaṃ sarvalokānāṃ pavitrīkaraṇaṃ nṛpa |
atastvaṃ ca dhārayase gopīcaṃdanasaṃbhavam || 21 ||
[Analyze grammar]

brahmahā hemahārī ca madyapānī tathaiva ca |
agamyago mahāpāpī tathā hyanṛtabhāṣitaḥ || 22 ||
[Analyze grammar]

te sarve muktimāyāṃti tilakaṃ dhāraṇādṛtāḥ |
bibharṣi kaṃṭhe nityaṃ tvaṃ dhātrīphalasamudbhavām || 23 ||
[Analyze grammar]

mālāṃ mukhyāyutasamāṃ tulasīpatrasaṃbhavām |
śālagrāmaśilāyuktāṃ dvārakāyāṃ samudbhavām || 24 ||
[Analyze grammar]

nityaṃ pūjayase bhūpa bhuktimuktiphalapradām |
padmasaṃjñaṃ purāṇaṃ vai paṭhase purato hareḥ || 25 ||
[Analyze grammar]

caritaṃ daityarājyasya prahlādasya ca bhūpate |
vāsaraṃ vāsudevasya savedhaṃ kurvato narān || 26 ||
[Analyze grammar]

nivārayasi bhūpāla śāstraṃ dṛṣṭvā prayatnataḥ |
savedhaṃ vāsaraṃ viṣṇoryasminrāṣṭre pravartate || 27 ||
[Analyze grammar]

lipyate tena pāpena rājā bhavati nārakī |
vedhaṃ caturvidhaṃ tyaktvā samupoṣya harerdinam |
kulakoṭiṃ samuddhṛtya viṣṇuloke mahīyate || 28 ||
[Analyze grammar]

gautama uvāca |
śṛṇu bhūpāla vakṣyāmi vaiṣṇavākhyaṃ mahāvratam |
yaṃ śrutvā pāpinaḥ sarve muktimāyāṃti tatkṣaṇāt || 29 ||
[Analyze grammar]

dvādaśīsaṃbhavaṃ puṇyaṃ mayā khyātaṃ na kasyacit || 30 ||
[Analyze grammar]

vaiṣṇavo'si mahārāja bhakto bhāgavate nṛṇām |
vaiṣṇavaṃ tu mahāguhyaṃ tadvrataṃ tvaṃ niśāmaya || 31 ||
[Analyze grammar]

unmīlanī nāma purā bhaktyā me mādhavena tu |
kathitā suprasannena tāṃ te bhūpa vadāmyaham || 32 ||
[Analyze grammar]

ekādaśī ahorātraṃ prabhāte ghaṭikā bhavet |
unmīlanī tu sā jñeyā viśeṣeṇa haripriyā || 33 ||
[Analyze grammar]

trailokye yāni tīrthāni puṇyānyāyatanāni ca |
koṭyaṃśe naiva tulyāni makhā vedāstapāṃsi ca || 34 ||
[Analyze grammar]

unmīlanī samaṃ kiṃcinna bhūtaṃ na bhaviṣyati |
prayāgo na kurukṣetraṃ na kāśī na ca puṣkaraḥ || 35 ||
[Analyze grammar]

śailo himācalo naiva na merurgaṃdhamādanaḥ |
śailo na nīlaniṣadho na viṃdhyo naiva naimiṣam || 36 ||
[Analyze grammar]

godāvarī na kāverī caṃdrabhāgā na vedikā |
na tāpī na payoṣṇī ca na kṣiprā naiva caṃdanā || 37 ||
[Analyze grammar]

carmaṇvatī ca sarayūścaṃdrabhāgā na gaṃḍikā |
gomatī ca vipāśā ca śoṇākhyaśca mahānadaḥ || 38 ||
[Analyze grammar]

kimatra bahunoktena bhūyobhūyo narādhipa |
unmīlanīsamaṃ kiṃcinna devaḥ keśavātparaḥ || 39 ||
[Analyze grammar]

unmīlanīmanu prāpya yaiḥ kṛtaṃ keśavārcanam |
pāpacakrasamūhasya rāśayaḥ patitāḥ kṣaṇāt || 40 ||
[Analyze grammar]

yasminmāse mahīpāla tithirunmīlanī bhavet |
tanmāsanāmnā goviṃdaḥ pūjanīyaḥ prayatnataḥ || 41 ||
[Analyze grammar]

jātarūpamayaḥ kāryaṃ māsanāmnā tu mādhavaḥ |
svaśaktyā viśvarūpastu śraddhābhaktisamanvitaḥ || 42 ||
[Analyze grammar]

pavitrodakasaṃyuktaṃ paṃcaratnasamanvitam |
gaṃdhapuṣpākṣatairyuktaṃ kuṃbhaṃ sragdāmabhūṣitam || 43 ||
[Analyze grammar]

pātraṃ ca sodakaṃ kāryaṃ godhūmaiścāpi pūritam |
nānāratnaiśca saṃyuktaṃ nānāgaṃdhaiḥ prapūjitam || 44 ||
[Analyze grammar]

mallikāmodasaṃyuktaṃ jātīpuṣpaiḥ prapūjitam |
śvetākhyaistaṃdulaiścaiva pūraṇīyaḥ prayatnataḥ || 45 ||
[Analyze grammar]

pradadyādvastrayugmaṃ tu upavītaṃ tu sottaram |
upānahau tu rājarṣe ātapatraṃ śiropari || 46 ||
[Analyze grammar]

bhojanaṃ jalapātraṃ ca saptadhānyaṃ tilaiḥ saha |
rūpyaṃ caiva tu kārpāsaṃ pāyasaṃ mudrikā hareḥ || 47 ||
[Analyze grammar]

dhenurvātra tu dātavyā vatsālaṃkārasaṃyutā |
suvarṇaśṛṃgī raupyakhurī tāmrapṛṣṭhī tathaiva ca || 48 ||
[Analyze grammar]

kāṃsyadohīṃ ratnapucchīṃ dadyādvai gurave tadā |
śayyāṃ sopaskarāṃ dadyātsādhave bhaktipūrvakam || 49 ||
[Analyze grammar]

dhūpaṃ dīpaṃ tu naivedyaṃ phalapatraṃ nivedayet |
pūjanīyo mahābhaktairmaṃtrairebhistu keśavaḥ || 50 ||
[Analyze grammar]

tulasīpatrasaṃyuktaiḥ puṣpaiḥ kālodbhavaistathā |
māsanāmnaiva caraṇau jānunī viṣṇurūpiṇe || 51 ||
[Analyze grammar]

guhye tu guhyapataye kaṭe vai pītavāsase |
brahmamūrtibhṛte nābhāvudare viśvayonaye || 52 ||
[Analyze grammar]

hṛdaye jñānagamyāya kaṃṭhe vaikuṃṭhamūrtaye |
ūrddhvagāya lalāṭe tu bāhau dakṣāṃtakāriṇe || 53 ||
[Analyze grammar]

uttamāṃge sureśāya sarvāṃge sarvamūrtaye |
svanāmnā cāyudhādīni pūjanīyāni bhaktitaḥ || 54 ||
[Analyze grammar]

arghadānaṃ prakartavyaṃ nālikerādibhiḥ samam |
śaṃkhopari jale kṛtvā gaṃdhapuṣpākṣatānvitam || 55 ||
[Analyze grammar]

sūtreṇāveṣṭitaṃ kṛtvā dadyādarghaṃ vidhānataḥ |
devadeva mahādeva śrīkeśava janārdana || 56 ||
[Analyze grammar]

subrahmaṇya namaste'stu puṇyarāśivivardhana |
śokamohamahāpāpānmāmuddhara bhavārṇavāt || 57 ||
[Analyze grammar]

sukṛtaṃ na kṛtaṃ kicijjanmakoṭiśatairapi |
tathāpi māṃ mahāsvāminmāmuddhara bhavārṇavāt || 58 ||
[Analyze grammar]

vratenānena deveśa ye cānye mama pūrvajāḥ |
viyoniṃ ca gatāścānye pāpamṛtyuvaśaṃ gatāḥ || 59 ||
[Analyze grammar]

ye bhaviṣyaṃti ye'tītāḥ pretalokānsamuddhara |
śrāṃtosmyahamadhīnasya bhaktiravyabhicāriṇī || 60 ||
[Analyze grammar]

dattamarghaṃ mayā tubhyaṃ bhaktyā gṛhṇa gadādhara |
datvārghaṃ dhūpadīpādyairnaivedyairviṣṇusaṃbhavaiḥ || 61 ||
[Analyze grammar]

stotrairnīrājanairgītairbhṛtyaiḥ saṃtoṣayeddharim |
vastrairdānaiśca godānairbhojanaistoṣayedgurum || 62 ||
[Analyze grammar]

tathātathā vidhātavyaṃ gururvai prītimāpnuyāt |
lokānāṃ tāraṇārthāya dhātrā sṛṣṭo gururyataḥ || 63 ||
[Analyze grammar]

ato vai gurupūjā ca karttavyā vai prayatnataḥ |
ahitaṃ yo nāśayati svahitaṃ darśayetsadā || 64 ||
[Analyze grammar]

sa guruḥ sa ca vijñeyaḥ sarvadharmārthakovidaḥ |
akurvanvittaśāṭhyaṃ tu gurave taṃ nivedayet || 65 ||
[Analyze grammar]

gurornivedite bhūpa paripūrṇaṃ bhavedvratam |
kṛtvā divātanaṃ karma bhojanaṃ brāhmaṇaiḥ saha || 66 ||
[Analyze grammar]

karttavyaṃ nṛpaśārdūla dinaṃ neyaṃ kathānakaiḥ |
anena vidhinā yastu kuryādunmīlanīvratam || 67 ||
[Analyze grammar]

kalpakoṭisahasrāṇi vasate viṣṇusannidhau || 68 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatināradasaṃvāde unmīlanīvrataṃnāma paṃcatriṃśo'dhyāyaḥ || 35 ||
[Analyze grammar]