Chapter 33

[English text for this chapter is available]

nārada uvāca |
śanipīḍā kathaṃ yāti tanme vada surottama |
tvanmukhācchrūyate yadvai tena jaṃtuḥ pramucyate || 1 ||
[Analyze grammar]

mahādeva uvāca |
devarṣe śṛṇu vṛttāṃtaṃ tena mucyeta baṃdhanāt |
grahāṇāṃ graharājo'yaṃ sauriḥ sarvamaheśvaraḥ || 2 ||
[Analyze grammar]

ayaṃ tu devo vikhyātaḥ kālarūpī mahāgrahaḥ |
jaṭilo vajraromā ca dānavānāṃ bhayaṃkaraḥ || 3 ||
[Analyze grammar]

tasyākhyānaṃ ca loke'sminprathitaṃ nāsti vai prabho |
mayā guptaṃ viśeṣeṇa noktaṃ hi kasyacitkadā || 4 ||
[Analyze grammar]

raghuvaṃśe'ti vikhyāto rājā daśarathaḥ purā |
cakravartī mahāvīraḥ saptadvīpādhipo'bhavat || 5 ||
[Analyze grammar]

kṛttikāṃte śaniṃ jñātvā daivajñairjñāpito hi saḥ |
rohiṇīṃ bhedayitvā ca śaniryāsyati sāṃpratam || 6 ||
[Analyze grammar]

śākaṭaṃ bhedamatyugraṃ surāsurabhayaṃkaram |
dvādaśābdaṃ tu durbhikṣaṃ bhaviṣyati sudāruṇam || 7 ||
[Analyze grammar]

etacchrutvā tato vākyaṃ maṃtribhiḥ saha pārthivaḥ |
maṃtrayāmāsa kimidaṃ bhayaṃkaramupasthitam || 8 ||
[Analyze grammar]

ākulaṃ ca jagaddṛṣṭvā paurajānapadādikam |
bruvaṃti sarvato lokāḥ kṣaya eṣa samāgataḥ || 9 ||
[Analyze grammar]

deśāḥ sanagarā grāmā bhayabhītāḥ samaṃtataḥ |
papraccha prayato rājā vasiṣṭhapramukhāndvijān || 10 ||
[Analyze grammar]

saṃvidhānaṃ kimatrāsti brūta māṃ hi dvijottamāḥ || 11 ||
[Analyze grammar]

vasiṣṭha uvāca |
prājāpatyamṛkṣamidaṃ tasminbhinne kutaḥ prajāḥ |
ayaṃ yogohyasādhyastu brahmaśakrādibhistathā || 12 ||
[Analyze grammar]

iti saṃciṃtya manasā sāhasaṃ paramaṃ mahat |
samādāya dhanurdivyaṃ divyāyudhasamanvitam || 13 ||
[Analyze grammar]

rathamāruhya vegena gato nakṣatramaṃḍalam |
sapādaṃ yojanaṃ lakṣaṃ sūryasyopari saṃsthitam || 14 ||
[Analyze grammar]

rohiṇīpṛṣṭhamāsthāya rājā daśarathaḥ purā |
rathe tu kāṃcane divye maṇiratnavibhūṣite || 15 ||
[Analyze grammar]

haṃsavarṇahayairyukte mahāketusamucchraye |
dīpyamāno mahāratnaiḥ kirīṭamukuṭojjvalaḥ || 16 ||
[Analyze grammar]

babhrāja sa tadākāśe dvitīya iva bhāskaraḥ |
ākarṇapūrṇā cāpe tu saṃhārāstraṃ nyayojayat || 17 ||
[Analyze grammar]

saṃhārāstraṃ śanirdṛṣṭvā surāsurabhayaṃkaram |
hasitvā tadbhayātsauriridaṃ vacanamabravīt || 18 ||
[Analyze grammar]

śaniruvāca |
pauruṣaṃ tava rājeṃdra paraṃ ripubhayaṃkaram |
devāsuramanuṣyāśca siddhavidyādharoragāḥ || 19 ||
[Analyze grammar]

mayā vilokitā rājanbhasmasācca bhavaṃtite |
tuṣṭo'haṃ tava rājeṃdra tapasā pauruṣeṇa ca |
varaṃ brūhi pradāsyāmi manasā yatkimicchasi || 20 ||
[Analyze grammar]

daśaratha uvāca |
rohiṇīṃ bhedayitvā tu na gaṃtavyaṃ kadācana |
saritaḥ sāgarā yāvatyāvaccaṃdrārkamedinī || 21 ||
[Analyze grammar]

yācitaṃ tu mayā saure nānyamicchāmi te varam |
evamastu śaniḥ prāha varaṃ dattvā tu śāśvatam || 22 ||
[Analyze grammar]

punarevābravīttuṣṭo varaṃ varaya suvrata |
prārthayāmāsa hṛṣṭātmā varamanyaṃ śanestadā || 23 ||
[Analyze grammar]

na bhettavyaṃ hi śakaṭaṃ tvayā bhāskaranaṃdana |
dvādaśābdaṃ tu durbhikṣaṃ na kartavyaṃ kadācana || 24 ||
[Analyze grammar]

śaniruvāca |
dvādaśābdaṃ tu durbhikṣaṃ na kadācidbhaviṣyati |
kīrtireṣā tvadīyā ca trailokye vicariṣyati || 25 ||
[Analyze grammar]

varadvayaṃ tu saṃprāpya hṛṣṭaromā ca pārthivaḥ |
rathopari dhanurmuktvā bhūtvā caiva kṛtāñjali || 26 ||
[Analyze grammar]

dhyātvā sarasvatīṃ devīṃ gaṇanāthaṃ vināyakam |
rājā daśarathaḥ stotraṃ saureridamathābravīt || 27 ||
[Analyze grammar]

daśaratha uvāca |
namaḥ kṛṣṇāya nīlāya śitikaṃṭhanibhāya ca |
namaḥ kālāgnirūpāya kṛtāṃtāya ca vai namaḥ || 28 ||
[Analyze grammar]

namo nirmāṃsadehāya dīrghaśmaśrujaṭāya ca |
namo viśālanetrāya śuṣkodarabhayākṛte || 29 ||
[Analyze grammar]

namaḥ puṣkalagātrāya sthūlaromṇe'tha vai namaḥ |
namo dīrghāya śuṣkāya kāladaṃṣṭra namostu te || 30 ||
[Analyze grammar]

namaste koṭarākṣāya durnirīkṣyāya vai namaḥ |
namo ghorāya raudrāya bhīṣaṇāya kapāline || 31 ||
[Analyze grammar]

namaste sarvabhakṣāya valīmukha namostu te |
sūryaputra namastestu bhāskare bhayadāya ca || 32 ||
[Analyze grammar]

adhodṛṣṭe namastestu saṃvartaka namostu te |
namo maṃdagate tubhyaṃ nistriṃśāya namostu te || 33 ||
[Analyze grammar]

tapasā dagdhadehāya nityaṃ yogaratāya ca |
namo nityaṃ kṣudhārtāya atṛptāya ca vai namaḥ || 34 ||
[Analyze grammar]

jñānacakṣurnamastestu kaśyapātmajasūnave |
tuṣṭo dadāsi vai rājyaṃ ruṣṭo harasi tatkṣaṇāt || 35 ||
[Analyze grammar]

devāsuramanuṣyāśca siddhavidyādharoragāḥ |
tvayā vilokitāḥ sarve nāśaṃ yāṃti samūlataḥ || 36 ||
[Analyze grammar]

prasādaṃ kuru me deva varārho'hamupāgataḥ |
evaṃ stutastadā saurirgraharājo mahābalaḥ || 37 ||
[Analyze grammar]

abravīcca punarvākyaṃ hṛṣṭaromā tu bhāskariḥ |
tuṣṭo'haṃ tava rājeṃdra stavenānena suvrata |
varaṃ brūhi pradāsyāmi svecchayā raghunaṃdana || 38 ||
[Analyze grammar]

daśaratha uvāca |
adyaprabhṛti te saure pīḍā kāryā na kasyacit |
devāsuramanuṣyāṇāṃ paśupakṣisarīsṛpām || 39 ||
[Analyze grammar]

śaniruvāca |
gṛhṇaṃtīti grahāḥ sarve grahāḥ pīḍākarāḥ smṛtāḥ |
adeyaṃ yācitaṃ rājankiṃcidyuktaṃ vadāmyaham || 40 ||
[Analyze grammar]

tvayā proktamidaṃ stotraṃ yaḥ paṭhiṣyati mānavaḥ |
ekakālaṃ dvikālaṃ vā pīḍāmukto bhavetkṣaṇāt || 41 ||
[Analyze grammar]

devāsuramanuṣyāṇāṃ siddhavidyādhrarakṣasām |
mṛtyuṃ mṛtyugato dadyāṃ janmanyaṃte caturthake || 42 ||
[Analyze grammar]

yaḥ punaḥ śraddhayā yuktaḥ śucirbhūtvā samāhitaḥ |
śamīpatraiḥ samabhyarcya pratimāṃ lohajāṃ mama || 43 ||
[Analyze grammar]

māṣaudanatilairmiśraṃ dadyāllohaṃ ca dakṣiṇām |
kṛṣṇāṃ gāṃ vṛṣabhaṃ vāpi yo vai dadyāddivajātaye || 44 ||
[Analyze grammar]

maddine tu viśeṣeṇa stotreṇānena pūjayet |
pūjayitvā japetstotraṃ bhūtvā caiva kṛtāṃjali || 45 ||
[Analyze grammar]

tasya pīḍā na caivāhaṃ kariṣyāmi kadācana |
gocare janmalagne vā daśāsvaṃtardaśāsu ca || 46 ||
[Analyze grammar]

rakṣāmi satataṃ tasya pīḍāṃ cāpi grahasya ca |
anenaiva vidhānena pīḍāmuktaṃ jagadbhavet || 47 ||
[Analyze grammar]

evaṃ yuktyā mayā datto varaste raghunaṃdana |
varatrayaṃ tu saṃprāpya rājā daśarathastadā || 48 ||
[Analyze grammar]

mene kṛtārthamātmānaṃ namaskṛtya śanaiścaram |
śaninā cābhyanujñāto rathamāruhya vegavān || 49 ||
[Analyze grammar]

svasthānaṃ gatavānrājā prāptaḥ śreyo'bhavattadā |
ya idaṃ prātarutthāya śanivāre stavaṃ paṭhet || 50 ||
[Analyze grammar]

paṭhyamānamidaṃ stotraṃ śraddhayā yaḥ śṛṇoti ca |
naraḥ sa mucyate pāpātsvargaloke mahīyate || 51 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāṃ uttarakhaṇḍeumāpatināradasaṃvāde daśarathakṛtaśanistotraṃnāma trayastriṃśo'dhyāyaḥ || 33 ||
[Analyze grammar]