Chapter 23

[English text for this chapter is available]

śaunaka uvāca |
kathayasva mune sūta māhātmyaṃ kaluṣakṣayam |
śeṣapaṃcadinasyāpi kārttikasyānukaṃpayā || 1 ||
[Analyze grammar]

sūta uvāca |
śṛṇu śaunaka yatpṛṣṭaṃ māhātmyaṃ pāpanāśanam |
vakṣyāmyahaṃ vai corjasya śeṣapaṃcadinasya ca || 2 ||
[Analyze grammar]

vratānāṃ muniśārdūla pravaraṃ viṣṇupaṃcakam |
tasminyaḥ pūjayedbhaktyā śrīhariṃ rādhayā saha || 3 ||
[Analyze grammar]

gaṃdhapuṣpairdhūpadīpairvastrairnānāvidhaiḥ phalaiḥ |
sa yāti viṣṇusadanaṃ sarvapāpavivarjitaḥ || 4 ||
[Analyze grammar]

brahmacārī gṛhastho vā vānaprastho'thavā yatiḥ |
na prāpnoti paraṃ sthānamakṛtvā viṣṇupaṃcakam || 5 ||
[Analyze grammar]

sarvapāpaharaṃ puṇyaṃ vikhyātaṃ viṣṇupaṃcakam |
tatra snānaṃ tu yaḥ kuryātsarvatīrthaphalaṃ labhet || 6 ||
[Analyze grammar]

śrīhareḥ purato vipra tulasyāśca samīpataḥ |
pradīpaṃ sarpiṣā pūrṇaṃ dadyādyo bhaktibhāvataḥ || 7 ||
[Analyze grammar]

nabhasi śrīhareḥ prītyai yāti sa viṣṇumaṃdiram |
pāpī yāti harerdhāma satyametanmayoditam || 8 ||
[Analyze grammar]

snāpayeccācyutaṃ bhaktyā madhukṣīraghṛtādibhiḥ |
dadyātkiṃ no hariḥ prītastasmai sādhujanāya vai || 9 ||
[Analyze grammar]

naivedyaṃ devadeveśaṃ paramānnaṃ nivedayet |
tasya puṇyaṃ prasaṃkhyātuṃ na śakto vai caturmukhaḥ || 10 ||
[Analyze grammar]

arcayitvā hṛṣīkeśamekādaśyāṃ samāhitaḥ |
niṣprāpya gomayaṃ samyakmaṃtravatsamupāsate || 11 ||
[Analyze grammar]

gomūtraṃ maṃtravadbhūyo dvādaśyāṃ prāśayedvratī |
kṣīraṃ tathā trayodaśyāṃ caturdaśyāṃ tathā dadhi || 12 ||
[Analyze grammar]

saṃprāpya pāpaśuddhyarthaṃ laṃghayitvā caturdinam |
paṃcame tu dine snātvā vidhivatpūjya keśavam || 13 ||
[Analyze grammar]

bhojayedbrāhmaṇānbhaktyā tebhyo dadyācca dakṣiṇām |
tato naktaṃ samaśnīyātpaṃcagavyaṃ sumaṃtritam || 14 ||
[Analyze grammar]

evaṃ kartumaśakto yaḥ phalamūlaṃ ca bhojanam |
kuryāddhaviṣyaṃ vā vipra yathoktavidhinā ha vai || 15 ||
[Analyze grammar]

śrīhareḥ paṃcakaṃ vipra kuryādyastulasīdalaiḥ |
pūjayettaṃ sa vijñeyaḥ svayaṃ nārāyaṇaḥ prabhuḥ || 16 ||
[Analyze grammar]

purā tretāyuge śūdro dasyuvṛttiparāyaṇaḥ |
nāmnā daṃḍakaro nityaṃ dharmaniṃdāṃ karoti yaḥ || 17 ||
[Analyze grammar]

asatyabhāṣī mitraghno veśyāvibhrama lolupaḥ |
brahmasvahārī krūraśca parastrīgamane rataḥ || 18 ||
[Analyze grammar]

śaraṇāgatahaṃtā ca pākhaṃḍajanasaṃgabhāk |
gomāṃsāśī surāpaśca paraniṃdākaraḥ sadā || 19 ||
[Analyze grammar]

viśvāsaghātī jñātīnāṃ vṛtticchedī dvijottama |
duṣṭaṃ sarve samālokya tādṛśaṃ tadgṛhe dvijaḥ || 20 ||
[Analyze grammar]

āgatā jñātayaḥ kruddhāstasya pāpaparāyaṇam |
jñātaya ūcuḥ |
re re mūḍha durācāra vināśaṃ pratinīyate |
yā pratiṣṭhārjitā pūrvairasmākaṃ nirmale'nvaye || 21 ||
[Analyze grammar]

iti kruddhā dvijaśreṣṭha apakīrtibhayādapi |
pāpināṃ pravaraṃ sarve tatyajustaṃ kulādaram || 22 ||
[Analyze grammar]

tato gato mahāraṇyaṃ vinaṣṭākhila vaibhavaḥ |
kuryātsa dasyubhiḥ sārddhaṃ dasyukarma niraṃtaram || 23 ||
[Analyze grammar]

pathi pragacchatāṃ teṣāṃ bhayādvipra na khāditum |
prāptaṃ kiṃcitkṣudhārttāste gatāścānya sthalaṃ prati || 24 ||
[Analyze grammar]

tatra praviṣṭāste sarve dṛṣṭvā puṇyajanānbahūn |
dhātrīmūle sthitānbrahmanvaiṣṇavāndvijasattamān || 25 ||
[Analyze grammar]

sarve te dasyavo vipra gatā daṃḍakaro'pi saḥ |
teṣāṃ parisaraṃ gatvā praṇāmaṃ vai cakāra ha || 26 ||
[Analyze grammar]

daṃḍakara uvāca |
kṣudhārto'haṃ dvijaśreṣṭhāḥ prāṇā yāsyaṃti me dhruvam |
dadadhvaṃ khādituṃ kiṃcidyuṣmākaṃ śaraṇaṃ gataḥ || 27 ||
[Analyze grammar]

ākarṇya vacanaṃ tasya cocuste dharmatatparāḥ |
sarvapāpahare tvaṃ ca vikhyāte viṣṇupaṃcake || 28 ||
[Analyze grammar]

kathamannaṃ khādituṃ te vāṃchā tvadya harerdine |
viśeṣaṃ te brūhi saṃjñā kāte bhavati sāṃpratam || 29 ||
[Analyze grammar]

sa uvāca mudā viprā nāmnā daṃḍakaropyaham |
sarvapāpasamāyuktaścoddhāro me kathaṃ bhavet || 30 ||
[Analyze grammar]

ūcuste vai vrataṃ śreṣṭhaṃ kuruṣva viṣṇupaṃcakam |
viprāṇāmājñayā vipra cakāra viṣṇupaṃcakam || 31 ||
[Analyze grammar]

sa pretya ca hareḥ sthānamāruhya syaṃdane vare |
āsādya śrīharerūpaṃ tasthau janmavivarjitaḥ || 32 ||
[Analyze grammar]

ya idaṃ śṛṇuyādbhaktyā cākhyānaṃ pāpanāśanam |
koṭijanmārjitaṃ pāpaṃ tasya naśyati tatkṣaṇāt || 33 ||
[Analyze grammar]

iti śrīpādmemahāpurāṇe brahmakhaṇḍe sūtaśaunakasaṃvāde viṣṇupaṃcaka |
māhātmyaṃnāma trayoviṃśo'dhyāyaḥ || 23 ||
[Analyze grammar]