Chapter 24

[English text for this chapter is available]

śaunaka uvāca |
viduṣāṃvara tattvajña kathayasva mahāmate |
idānīṃ mama dānānāṃ māhātmyaṃ kramato mune || 1 ||
[Analyze grammar]

sūta uvāca |
kṣitidānaṃ muniśreṣṭha dānānāmuttamaṃ matam |
yena kṛtaṃ vai taddānaṃ sarvadānaphalaṃ matam || 2 ||
[Analyze grammar]

kṣitiṃ sasasyāṃ yo dadyādbrāhmaṇāya dvijottama |
viṣṇuloke sukhaṃ bhuṃkte yāvadiṃdrāścaturdaśa || 3 ||
[Analyze grammar]

pṛthivyāṃ janma cāsādya sārvabhaumastato nṛpaḥ |
mahīṃ sarvāṃ ciraṃ bhuktvā vrajedvai śrīharergṛham || 4 ||
[Analyze grammar]

gocarmamātrāṃ bhūmiṃ yaḥ prayacchati dvijātaye |
sa gacchati harergehaṃ sarvapāpavivarjitaḥ || 5 ||
[Analyze grammar]

śataṃ gāvo vṛṣaścaiko yatra tiṣṭhaṃtyayaṃtritāḥ |
gocarmamātrāṃ tāṃ bhūmiṃ pravadaṃti maharṣayaḥ || 6 ||
[Analyze grammar]

bhūminetā bhūmidātā dvau cāpi svargagāminau |
grāhyā bhūmirdvijaiḥ prājñaistyaktvā dānaśatānyapi || 7 ||
[Analyze grammar]

ajñānī bhūsuro yastu tyajedbhūmiṃ vimohitaḥ |
pratijanmanyasau vipro bhaveccātyaṃta duḥkhabhāk || 8 ||
[Analyze grammar]

anyato yaḥ samāsādya dadyādbhūmiṃ dvijātaye |
tasmai vipra jagannātho dadāti paramaṃ padam || 9 ||
[Analyze grammar]

svadattāṃ paradattāṃ ca medinīṃ yo hareddvija |
yuktaḥ koṭikulairyāti narakaṃ cātidāruṇam || 10 ||
[Analyze grammar]

haredyo vai mahīṃ vipra devabrāhmaṇayorapi |
na dṛṣṭā niṣkṛtistasya koṭikalpaśatairmune || 11 ||
[Analyze grammar]

bhūmiṃ yo paradattāṃ ca rakṣati kṣmāpatirdvija |
puṇyaṃ koṭiguṇaṃ syādvai tasya dānaṃ janādapi || 12 ||
[Analyze grammar]

saptadvīpāṃ mahīṃ dattvā yatpuṇyaṃ prāpyate dvija |
tatpuṇyaṃ prāpnuyānmartyo dhenuṃ yacchandvijātaye || 13 ||
[Analyze grammar]

dadāti vṛṣabhaṃ yastu daridrāya kuṭuṃbine |
sarvapāpavinirmukto śivalokaṃ sa gacchati || 14 ||
[Analyze grammar]

tilapramāṇaṃ svarṇaṃ yo brāhmaṇāya prayacchati |
harerniketanaṃ yāti yuktaḥ koṭikulairapi || 15 ||
[Analyze grammar]

yo dadyādrajataṃ vipra sādhave bhūsurāya vai |
prāpnoti caṃdralokaṃ ca pibettatrāmṛtaṃ sadā || 16 ||
[Analyze grammar]

pravālaṃ mauktikaṃ caiva hīrakaṃ ca maṇiṃ tathā |
yo dadāti dvijaśreṣṭha svargalokaṃ sa gacchati || 17 ||
[Analyze grammar]

tulāpuruṣadānena yatpuṇyaṃ labhate janaḥ |
śālagrāmaśilāṃ dattvā tasmātkoṭiguṇaṃ labhet || 18 ||
[Analyze grammar]

saptadvīpāṃ kṣitiṃ datvā saśailavanakānanām |
yatpuṇyaṃ labhate tadvai śālagrāmaśilāpradaḥ || 19 ||
[Analyze grammar]

śālagrāmaśilāṃ yo vai dadyādbhūmisurāya ca |
tena vipra pradattāni bhuvanāni caturdaśa || 20 ||
[Analyze grammar]

tulāpuruṣadānaṃ yaḥ karoti dvijapuṃgava |
jananyāścodare tasya punarjanma na vidyate || 21 ||
[Analyze grammar]

sālaṃkārāṃ dvijaśreṣṭha kanyāṃ yacchati yo naraḥ |
sa gacchedbrahmasadanaṃ punarjanma na vidyate || 22 ||
[Analyze grammar]

kanyāvikrayiṇo nāsti narakānniṣkṛtiḥ punaḥ |
kanyādānakṛto nāsti svargādāgamanaṃ punaḥ || 23 ||
[Analyze grammar]

upānahau vātapatraṃ yo dadāti dvijātaye |
pretya ceṃdrapuraṃ gatvā vasetkalpacatuṣṭayam || 24 ||
[Analyze grammar]

vastraṃ yacchati yo divyaṃ sādhave vai dvijāyate |
svarge divyāṃbaradharaściraṃ tiṣṭheddvijottama || 25 ||
[Analyze grammar]

dhenuṃ purātanīṃ yacchedvastraṃ ca jaritaṃ dvija |
nūtnāṃ rajovatīṃ kanyāṃ sa gacchennirayaṃ tathā || 26 ||
[Analyze grammar]

kanyāvikrayiṇo brahmanna paśyellapanaṃ budhaḥ |
dṛṣṭvā cājñānato vāpi kuryyānmārtaṃḍa darśanam || 27 ||
[Analyze grammar]

phaladātā naro gacchettridivaṃ ca dvijottama |
bhuṃkte kalpasahasrāṇi phalaṃ tatrāmṛtopamam || 28 ||
[Analyze grammar]

śākaṃ yacchati yo martyo śivasyabhavanaṃ dvija |
yāti kalpadvayaṃ bhuṃkte durllabhaṃ pāyasaṃ suraiḥ || 29 ||
[Analyze grammar]

ghṛtado dadhidaścaiva takrado dugdhadastathā |
viṣṇorniketanaṃ gatvā sudhāpānaṃ karoti saḥ || 30 ||
[Analyze grammar]

gaṃdhadaḥ puṣpadaścaiva martyo yāti surālayam |
tiṣṭhedyugasahasrāṇi gaṃdhapuṣpavibhūṣitaḥ || 31 ||
[Analyze grammar]

śayyādānaṃ dānasāraṃ brāhmaṇāya dadāti yaḥ |
sa yāti brahmasadanaṃ paryyaṃke śerate ciram || 32 ||
[Analyze grammar]

pīṭhadātā dīpadātā sarvaduṣkṛtavarjitaḥ |
svarge siṃhāsane tiṣṭhejjvaladdīpāvalīvṛtaḥ || 33 ||
[Analyze grammar]

tāṃbūlaṃ yo naro dadyādbhūmiṃ bhuṃkte'khilāṃ sukham |
svarge devāṃganākroḍe suptastāṃbūlamatti vai || 34 ||
[Analyze grammar]

vidyādānaṃ dānavaraṃ karoti yo narottamaḥ |
pretya sa sannidhiṃ viṣṇostiṣṭhedyugaśatatrayam || 35 ||
[Analyze grammar]

prāpya jñānaṃ tatastatra durllabhaṃ vai dvijarṣabha |
durllabhaṃ mokṣamāpnoti śrīhareḥ kṛpayā dvija || 36 ||
[Analyze grammar]

anāthaṃ duḥkhitaṃ vipraṃ pāṭhayedvai narottamaḥ |
śrīharerbhavanaṃ yāti punarjanmavivarjitaḥ || 37 ||
[Analyze grammar]

yo naraḥ pustakaṃ dadyādbhaktiśraddhāsamanvitaḥ |
prativarṇaṃ labhetpuṇyaṃ kapilākoṭidānajam || 38 ||
[Analyze grammar]

madhudo guḍadaścaiva martyo yātīkṣusāgaram |
lavaṇaprado naro yāti vāruṇaṃ lokameva ca || 39 ||
[Analyze grammar]

sarveṣāmeva dānānāmannaṃ vāri dvijottama |
tattvajñairmunibhiḥ sarvaiḥ pravaraṃ vai prakīrttitam || 40 ||
[Analyze grammar]

annaṃ vāri dvijaśreṣṭha yena dattaṃ mahītale |
tena dattāni dānāni sarvāṇi ca dvijarṣabha || 41 ||
[Analyze grammar]

annado yo naro vipra prāṇadaśca prakīrttitaḥ |
tasmātsamastadānānāmannado labhate phalam || 42 ||
[Analyze grammar]

yathācānnaṃ tathā vāri dve tulye ca prakīrttite |
vāriṇā ca vinā cānnaṃ siddhaṃ na syāddvijottama || 43 ||
[Analyze grammar]

kṣudhā tṛṣā dvija vyāghra dve ca tulye prakīrttite |
ataścānnaṃ ca toyaṃ ca śreṣṭhaṃ proktaṃ budhairapi || 44 ||
[Analyze grammar]

annadānaṃ kṣitau brahmanye kurvaṃti narottamāḥ |
sarvapāpavinirmuktā gacchaṃti harimaṃdiram || 45 ||
[Analyze grammar]

yāvaṃtyannāni bho vipra yacchati kṣitimaṃḍale |
brahmahatyāśca tāvaṃtyo naśyaṃtyeva tapodhana || 46 ||
[Analyze grammar]

yacchatāṃ cānnadānāni śarīrāṇi ca pātakam |
gātrāṇi gṛhṇatāṃ tyaktvā sahasā yāṃti śaunaka || 47 ||
[Analyze grammar]

ataḥ pāpiṣṭha cānnāni na gṛhṇaṃti manīṣiṇaḥ |
gṛhṇaṃti mohādye mūḍhā bhavaṃti pāpabhāginaḥ || 48 ||
[Analyze grammar]

kuryādbhūmiṣṭhamudakaṃ caikaṃ bho dvijasattama |
sarvapāpairvinirmukto vrajetsa harimaṃdiram || 49 ||
[Analyze grammar]

prayatnena dvijaśreṣṭha karttavyo dhanasaṃcayaḥ |
saṃcitaṃ ca dhanaṃ brahmandānakarmaṇi vikṣipet || 50 ||
[Analyze grammar]

raṇaṃti ye ca kārpaṇyāddhanaṃ te cātiduḥkhinaḥ |
aṃte sarvadhanaṃ tyakvā niḥsvā gacchaṃti bho mune || 51 ||
[Analyze grammar]

mānavā ye sadā dānaṃ dattvā dattvā daridrati |
daridrāstena vijñeyā naraloke maheśvarāḥ || 52 ||
[Analyze grammar]

paraloke dvijavyāghra sādhusaṃyamavarjite |
nirdaye baṃdhuhīne ca na dattaṃ nopatiṣṭhate || 53 ||
[Analyze grammar]

sthite dhane naro yo vai nāśnāti na dadāti saḥ |
daridra iva vijñeyaḥ pretya niśvāsamutsṛjet || 54 ||
[Analyze grammar]

tapaso'pi varaṃ dānaṃ proktaṃ ca tattvadarśibhiḥ |
ato yatnāddvijaśreṣṭha dānakarma samācaret || 55 ||
[Analyze grammar]

dātā dānaṃ na dadyādvai samutsṛjya dvijātaye |
sa yāti nirayaṃ ghoraṃ sarvajaṃtubhayāvaham || 56 ||
[Analyze grammar]

dānaṃ dātā pratigrāhī na smarecca na yācate |
niraye cobhayorvāso yāvaccaṃdra divākarau || 57 ||
[Analyze grammar]

brahmahatyādi pāpāni yāni vai dvijasattama |
tāni dānena hanyaṃte tasmāddānaṃ samācaret || 58 ||
[Analyze grammar]

iti śrīpādmemahāpurāṇe brahmakhaṃḍe sūtaśaunakasaṃvāde |
caturviṃśatitamo'dhyāyaḥ || 24 ||
[Analyze grammar]