Chapter 61

[English text for this chapter is available]

sūta uvāca |
evamuktā purā viprā vyāsenāmitatejasā |
etāvaduktvā bhagavānvyāsaḥ satyavatīsutaḥ || 1 ||
[Analyze grammar]

samāśvāsya munīnsarvānjagāma ca yathāgatam |
bhavadbhyastu mayā proktaṃ varṇāśramavidhānakam || 2 ||
[Analyze grammar]

evaṃ kṛtvā priyo viṣṇorbhavatyeva na cānyathā |
rahasyaṃ tatra vakṣyāmi śṛṇuta dvijasattamāḥ || 3 ||
[Analyze grammar]

ye cātra kathitā dharmā varṇāśramanibaṃdhanāḥ |
haribhaktikalāṃśāṃśa samānā na hi te dvijāḥ || 4 ||
[Analyze grammar]

puṃsāmekeha vai sādhyā haribhaktiḥ kalau yuge |
yugāṃtareṇa dharmā hi sevitavyā nareṇa hi || 5 ||
[Analyze grammar]

kalau nārāyaṇaṃ devaṃ yajate yaḥ sa dharmmabhāk |
dāmodaraṃ hṛṣīkeśaṃ puruhūtaṃ sanātanam || 6 ||
[Analyze grammar]

hṛdi kṛtvā paraṃ śāṃtaṃ jitameva jagattrayam |
kalikāloragādaṃśātkilbiṣātkālakūṭataḥ || 7 ||
[Analyze grammar]

haribhaktisudhāṃ pītvā ullaṃghyo bhavati dvijaḥ |
kiṃ japaiḥ śrīharernāma gṛhītaṃ yadi mānuṣaiḥ || 8 ||
[Analyze grammar]

kiṃ snānairviṣṇupādāṃbu mastake yena dhāryate |
kiṃ yajñena hareḥ pādapadmaṃ yena dhṛtaṃ hṛdi || 9 ||
[Analyze grammar]

kiṃ dānena hareḥ karma sabhāyāṃ vai prakāśitam |
harerguṇagaṇānśrutvā yaḥ prahṛṣyetpunaḥ punaḥ || 10 ||
[Analyze grammar]

samādhinā prahṛṣṭasya sā gatiḥ kṛṣṇacetasaḥ |
tatra vighnakarāḥ proktāḥ pākhaṃḍālāpapeśalāḥ || 11 ||
[Analyze grammar]

nāryastatsaṃginaścāpi haribhaktivighātakāḥ |
nārīṇāṃ nayanādeśaḥ surāṇāmapi durjayaḥ || 12 ||
[Analyze grammar]

sa yena vijito loke haribhaktaḥ sa ucyate |
mādyaṃti munayopyatra nārīcaritalolupāḥ || 13 ||
[Analyze grammar]

haribhaktiḥ kutaḥ puṃsāṃ nārībhaktijuṣāṃ dvijāḥ |
rākṣasyaḥ kāminīveṣāścaraṃti jagati dvijāḥ |
narāṇāṃ buddhikavalaṃ kurvaṃti satataṃ hitāḥ || 14 ||
[Analyze grammar]

tāvadvidyā prabhavati tāvajjñānaṃ pravartate |
tāvatsunirmalā medhā sarvaśāstravidhāriṇī || 15 ||
[Analyze grammar]

tāvajjapastapastāvattāvatīrthaniṣevaṇam |
tāvacca guruśuśrūṣā tāvaddhi taraṇe matiḥ || 16 ||
[Analyze grammar]

tāvatprabodho bhavati vivekastāvadeva hi |
tāvatsatāṃ saṃgarucistāvatpaurāṇalālasā || 17 ||
[Analyze grammar]

yāvatsīmaṃtinī lolanayanāṃdolanaṃ nahi |
janopari patedviprāḥ sarvadharmavilopanam || 18 ||
[Analyze grammar]

tatra ye haripādābjamadhuleśaprasāditāḥ |
teṣāṃ na nārīlolākṣikṣepaṇaṃ hi prabhurbhavet || 19 ||
[Analyze grammar]

janmajanma hṛṣīkeśa sevanaṃ yaiḥ kṛtaṃ dvijāḥ |
dvije dattaṃ hutaṃ vahnau viratistatra tatra hi || 20 ||
[Analyze grammar]

nārīṇāṃ kila kiṃ nāma sauṃdaryyaṃ paricakṣate |
bhūṣaṇānāṃ ca vastrāṇāṃ cākacakyaṃ taducyate || 21 ||
[Analyze grammar]

snehātmajñānarahitaṃ nārīrūpaṃ kutaḥ smṛtam |
pūyamūtrapurīṣāsṛktvaṅmedosthivasānvitam || 22 ||
[Analyze grammar]

kalevaraṃ hi tannāma kutaḥ sauṃdaryyamatra hi |
tadevaṃ pṛthagāciṃtya spṛṣṭvā snātvā śucirbhavet || 23 ||
[Analyze grammar]

taiḥ saṃhitaṃ śaṃrīraṃ hi dṛśyate suṃdaraṃ janaiḥ |
ahotidurdaśā nṝṇāṃ durdaiva ghaṭitā dvijāḥ || 24 ||
[Analyze grammar]

kucāvṛteṃge puruṣo nārī buddhvā pravarttate |
kā nārī vā pumānko vā vicāre sati kiṃcana || 25 ||
[Analyze grammar]

tasmātsarvātmanā sādhurnārīsaṃgaṃ vivarjayet |
ko nāma nārīmāsādya siddhiṃ prāpnoti bhūtale || 26 ||
[Analyze grammar]

kāminī kāminīsaṃgi saṃgamityapi saṃtyajet |
tatsaṃgādrauravamiti sākṣādeva pratīyate || 27 ||
[Analyze grammar]

ajñānāllolupā lokāstatra daivena vaṃcitāḥ |
sākṣānnarakakuṃḍesminnārīyonau pacennaraḥ || 28 ||
[Analyze grammar]

yata evāgataḥ pṛthvyāṃ tasminneva punā ramet |
yataḥ prasarate nityaṃ mūtraṃ reto malotthitam || 29 ||
[Analyze grammar]

tatraiva ramate lokaḥ kastasmādaśucirbhavet |
tatrātikaṣṭaṃ lokesminnaho daivaviḍaṃbanā || 30 ||
[Analyze grammar]

punaḥ punā ramettatra aho nistrapatā nṛṇām |
tasmādvicārayeddhīmānnārīdoṣagaṇānbahūn || 31 ||
[Analyze grammar]

maithunādbalahāniḥ syānnidrāti taruṇāyate |
nidrayāpahṛtajñānaḥ svalpāyurjāyate naraḥ || 32 ||
[Analyze grammar]

tasmātprayatnato dhīmānnārīṃ mṛtyumivātmanaḥ |
paśyedgoviṃdapādābje mano vai ramayedbudhaḥ || 33 ||
[Analyze grammar]

ihāmutra sukhaṃ taddhi goviṃdapadasevanam |
vihāya ko mahāmūḍho nārīpādaṃ hi sevate || 34 ||
[Analyze grammar]

janārddanāṃghrisevā hi hyapunarbhavadāyinī |
nārīṇāṃ yonisevā hi yonisaṃkaṭakāriṇī || 35 ||
[Analyze grammar]

punaḥpunaḥ patedyonau yaṃtraniṣpācito yathā |
punastāmevābhilaṣedvidyādasya viḍaṃbanam || 36 ||
[Analyze grammar]

ūrdhvabāhurahaṃ vacmi śṛṇu me paramaṃ vacaḥ |
goviṃde dhehi hṛdayaṃ na yonau yātanājuṣi || 37 ||
[Analyze grammar]

nārīsaṃgaṃ parityajya yaścāpi parivarttate |
padepadeśvamedhasya phalamāpnoti mānavaḥ || 38 ||
[Analyze grammar]

kulāṃganā daivayogādūḍhā yadi nṛṇāṃ satī |
putramutpādya yastatra tatsaṃgaṃ parivarjayet || 39 ||
[Analyze grammar]

tasya tuṣṭo jagannātho bhavatyeva na saṃśayaḥ |
nārīsaṃgo hi dharmajñairasatsaṃgaḥ prakīrtyate || 40 ||
[Analyze grammar]

tasminsati harau bhaktiḥ sudṛḍhā naiva jāyate |
sarvasaṃgaṃ parityajya harau bhaktiṃ samācaret || 41 ||
[Analyze grammar]

haribhaktiśca loketra durllabhā hi matā mama |
harau yasya bhavedbhaktiḥ sa kṛtārtho na saṃśayaḥ || 42 ||
[Analyze grammar]

tattadevācaretkarma hariḥ prīṇāti yena hi |
tasmiṃstuṣṭe jagattuṣṭaṃ prīṇite prīṇitaṃ jagat || 43 ||
[Analyze grammar]

harau bhaktiṃ vinā nṝṇāṃ vṛthā janma prakīrtitam |
brahmeśādi surā yasya yajaṃte prītihetave || 44 ||
[Analyze grammar]

nārāyaṇamanāvyaktaṃ na taṃ seveta ko janaḥ |
tasya mātā mahābhāgā pitā tasya mahākṛtī || 45 ||
[Analyze grammar]

janārddanapadadvaṃdvaṃ hṛdaye yena dhāryate |
janārdanajagadvaṃdya śaraṇāgatavatsala || 46 ||
[Analyze grammar]

itīrayaṃti ye martyā na teṣāṃ niraye gatiḥ |
brāhmaṇā hi viśeṣeṇa pratyakṣaṃ harirūpiṇaḥ || 47 ||
[Analyze grammar]

pūjayeyuryathāyogaṃ haristeṣāṃ prasīdati |
viṣṇurbrāhmaṇarūpeṇa vicaretpṛthivīmimām || 48 ||
[Analyze grammar]

brāhmaṇena vinā karmma siddhiṃ prāpnoti naiva hi |
dvijapādāṃbubhaktyā yaiḥ pītvā śirasi cārpitam || 49 ||
[Analyze grammar]

tarpitā pitarastena ātmāpi kila tāritaḥ |
brāhmaṇānāṃ mukhe yena dattaṃ madhuramarcitam || 50 ||
[Analyze grammar]

sākṣātkṛṣṇamukhe dattaṃ tadvai bhuṃkte hariḥ svayam |
ahotidurllabhā lokā pratyakṣe keśave dvije || 51 ||
[Analyze grammar]

pratimādiṣu sevaṃte tadabhāve hi tatkriyā |
brāhmaṇānāmadhiṣṭhānātpṛthvī dhanyeti gīyate || 52 ||
[Analyze grammar]

teṣāṃ pāṇau ca yaddattaṃ haripāṇau tadarpitam |
tebhyaḥ kṛtānnamaskārāttiraskāro hi pāpmatām || 53 ||
[Analyze grammar]

mucyate brahmahatyādi pāpebhyo vipravaṃdanāt |
tasmātsatāṃ samārādhyo brāhmaṇo viṣṇubuddhitaḥ || 54 ||
[Analyze grammar]

kṣudhitasya dvijasyāsye yatkiṃciddīyate yadi |
pretya pīpūṣadhārābhiḥ siṃcate kalpakoṭikam || 55 ||
[Analyze grammar]

dvijatuṃḍaṃ mahākṣetramanūṣaramakaṃṭakam |
tatra cedupyate kiṃcitkoṭikoṭiphalaṃ labhet || 56 ||
[Analyze grammar]

saghṛtaṃ bhojanaṃ cāsmai dattvā kalpaṃ sa modate |
nānāsumiṣṭamannaṃ yo dadāti dvijatuṣṭaye || 57 ||
[Analyze grammar]

tasya lokā mahābhogāḥ koṭikalpāṃtamuktidāḥ |
brāhmaṇaṃ ca puraskṛtya brāhmaṇenānukīrtitam || 58 ||
[Analyze grammar]

purāṇaṃ śṛṇuyānnityaṃ mahāpāpadavānalam |
purāṇaṃ sarvatīrtheṣu tīrthaṃ cādhikamucyate || 59 ||
[Analyze grammar]

yasyaikapādaśravaṇāddharireva prasīdati |
yathā sūryavapurbhūtvā prakāśāya careddhariḥ || 60 ||
[Analyze grammar]

sarveṣāṃ jagatāmeva harirālokahetave |
tathaivāṃtaḥprakāśāya purāṇāvayavo hariḥ || 61 ||
[Analyze grammar]

vicarediha bhūteṣu purāṇaṃ pāvanaṃ param |
tasmādyadi hareḥ prīterutpāde dhīyate matiḥ || 62 ||
[Analyze grammar]

śrotavyamaniśaṃ puṃbhiḥ purāṇaṃ kṛṣṇarūpiṇam |
viṣṇubhaktena śāṃtena śrotavyamapi durlabham || 63 ||
[Analyze grammar]

purāṇākhyānamamalamamalīkaraṇaṃ param |
yasminvedārthamāhṛtya hariṇā vyāsarūpiṇā || 64 ||
[Analyze grammar]

purāṇaṃ nirmitaṃ vipra tasmāttatparamo bhavet |
purāṇe niścito dharmo dharmaśca keśavaḥ svayam || 65 ||
[Analyze grammar]

tasmātkṛte purāṇe hi śrute viṣṇurbhavediti |
sākṣātsvayaṃ harirvipraḥ purāṇaṃ ca tathāvidham || 66 ||
[Analyze grammar]

etayoḥ saṃgamāsādya harireva bhevannaraḥ |
tathā gaṃgāṃbusekena nāśayetkilbiṣaṃ svakam || 67 ||
[Analyze grammar]

keśavo dravarūpeṇa pāpāttārayate mahīm |
vaiṣṇavo viṣṇubhajanasyākāṃkṣī yadi vartate || 68 ||
[Analyze grammar]

gaṃgāṃbusekamamalamamalīkaraṇaṃ caret |
viṣṇubhaktipradā devī gaṃgā bhuvi ca gīyate || 69 ||
[Analyze grammar]

viṣṇurūpā hi sā gaṃgā lokavistārakāriṇī || 70 ||
[Analyze grammar]

brāhmaṇeṣu purāṇeṣu gaṃgāyāṃ goṣu pippale |
nārāyaṇadhiyā puṃbhirbhaktiḥ kāryā hyahaitukī || 71 ||
[Analyze grammar]

pratyakṣaviṣṇurūpā hi tatvajñairniścitā amī |
tasmātsatatamabhyarcyā viṣṇubhaktyabhilāṣiṇā || 72 ||
[Analyze grammar]

viṣṇau bhaktiṃ vinā nṝṇāṃ niṣphalaṃ janma ucyate |
kalikālapayorāśiṃ pāpagrāhasamākulam || 73 ||
[Analyze grammar]

viṣayāmajjanāvartaṃ durbodhaphenilaṃ param |
mahāduṣṭajanavyāla mahābhīmaṃ bhayānakam || 74 ||
[Analyze grammar]

dustaraṃ ca taraṃtyeva haribhaktitari sthitāḥ |
tasmādyateta vai loko viṣṇubhaktiprasādhane || 75 ||
[Analyze grammar]

kiṃ sukhaṃ labhate jaṃturasadvārtāvadhāraṇe |
hareradbhutalīlasya līlākhyānena sajjate || 76 ||
[Analyze grammar]

tadvicitrakathāloke nānāviṣayamiśritāḥ |
śrotavyā yadi vai nṝṇāṃ viṣaye sajjate manaḥ || 77 ||
[Analyze grammar]

nirvāṇe yadi vā cittaṃ śrotavyā tadapi dvijāḥ |
helayā śravaṇāccāpi tasya tuṣṭo bhaveddhariḥ || 78 ||
[Analyze grammar]

niṣkriyopi hṛṣīkeśo nānākarma cakāra saḥ |
śuśrūṣūṇāṃ hitārthāya bhaktānāṃ bhaktavatsalaḥ || 79 ||
[Analyze grammar]

na labhyate karmaṇāpi vājapeyaśatādinā |
rājasūyāyutenāpi yathā bhaktyā sa labhyate || 80 ||
[Analyze grammar]

yatpadaṃ cetasā sevyaṃ sadbhirācaritaṃ muhuḥ |
bhavābdhitaraṇe sāramāśrayadhvaṃ hareḥ padam || 81 ||
[Analyze grammar]

re re viṣayasaṃlubdhāḥ pāmarā niṣṭhurā narāḥ |
raurave hi kimātmānamātmanā pātayiṣyatha || 82 ||
[Analyze grammar]

vinā goviṃdasaumyāṃghrisevanaṃ mā gamiṣyati |
anāyāsena duḥkhānāṃ taraṇaṃ yadi vāṃchatha || 83 ||
[Analyze grammar]

bhajadhvaṃ kṛṣṇacaraṇāvapunarbhavakāraṇe |
kuta evāgato martyaḥ kuta eva punarvrajet || 84 ||
[Analyze grammar]

etadvicārya matimānāśrayeddharmasaṃgraham |
nānānarakasaṃpātādutthito yadi pūruṣaḥ || 85 ||
[Analyze grammar]

sthāvarādi tanuṃ labdhvā yadi bhāgyavaśātpunaḥ |
mānuṣyaṃ labhate tatra garbhavāsotiduḥkhadaḥ || 86 ||
[Analyze grammar]

tataḥ karmavaśājjaṃturyadi vā jāyate bhuvi |
bālyādibahudoṣeṇa pīḍito bhavati dvijāḥ || 87 ||
[Analyze grammar]

punaryauvanamāsādya dāridryeṇa prapīḍyate |
rogeṇa guruṇā vāpi anāvṛṣṭyādinā tathā || 88 ||
[Analyze grammar]

vārddhakena labhetpīḍāmanirvācyāmitastataḥ |
manasaścalanādvyādhestato maraṇamāpnuyāt || 89 ||
[Analyze grammar]

na tasmādadhikaṃ duḥkhaṃ saṃsārepyanubhūyate |
tataḥ karmmavaśājjaṃturyamaloke prapīḍyate || 90 ||
[Analyze grammar]

tatrātiyātanāṃ bhuktvā punareva prajāyate |
jāyate mriyate jaṃtu mriyate jāyate punaḥ || 91 ||
[Analyze grammar]

anārādhita goviṃdacaraṇe tvīdṛśī daśā |
anāyāsena maraṇaṃ vināyāsena jīvanam || 92 ||
[Analyze grammar]

anārādhitagoviṃdacaraṇasya na jāyate |
dhanaṃ yadi bhavedgehe rakṣaṇāttasya kiṃ phalam || 93 ||
[Analyze grammar]

yadāsau kṛṣyate yāmyairdūtaiḥ kiṃ dhanamanviyāt |
tasmāddvijātisatkāryaṃ draviṇaṃ sarvasaukhyadam || 94 ||
[Analyze grammar]

dānaṃ svargasya sopānaṃ dānaṃ kilbiṣanāśanam |
goviṃdabhaktibhajanaṃ mahāpuṇyavivarddhanam || 95 ||
[Analyze grammar]

balaṃ yadi bhavenmartye na vṛthā tadvyayaṃ caret |
hareragre nṛtyagītaṃ kuryādevamataṃdritaḥ || 96 ||
[Analyze grammar]

yatkiṃcidvidyate puṃsāṃ tacca kṛṣṇe samarpayet |
kṛṣṇārpitaṃ kuśaladamanyārpitamasaukhyadam || 97 ||
[Analyze grammar]

cakṣurbhyāṃ śrīharereva pratimādinirūpaṇam |
śrotrābhyāṃ kalayetkṛṣṇa guṇanāmānyaharniśam || 98 ||
[Analyze grammar]

jihvayā haripādāṃbu svāditavyaṃ vicakṣaṇaiḥ |
ghrāṇenāghrāya goviṃdapādābjatulasīdalam || 99 ||
[Analyze grammar]

tvacā spṛṣṭvā harerbhaktaṃ manasādhyāya tatpadam |
kṛtārtho jāyate jaṃturnātra kāryā vicāraṇā || 100 ||
[Analyze grammar]

tanmanā hi bhavetprājñastathā syāttadgatāśayaḥ |
tamevāṃtebhyeti loko nātra kāryā vicāraṇā || 101 ||
[Analyze grammar]

cetasā cāpyanudhyātaḥ svapadaṃ yaḥ prayacchati |
nārāyaṇamanādyaṃtaṃ na taṃ seveta ko janaḥ || 102 ||
[Analyze grammar]

satata niyatacitto viṣṇupādāraviṃde vitaraṇamanuśakti prītaye tasya kuryāt |
natimatiratimasyāṃghridvaye saṃvidadhyātsa hi khalu naraloke pūjyatāmāpnuyācca || 103 ||
[Analyze grammar]

iti śrīpādme mahāpurāṇe svargakhaṃḍe ekaṣaṣṭitamo'dhyāyaḥ || 61 ||
[Analyze grammar]