Chapter 60

[English text for this chapter is available]

vyāsa uvāca |
evaṃ tvāśramaniṣṭhānāṃ yatīnāṃ niyatātmanām |
bhaikṣyeṇa vartanaṃ proktaṃ phalamūlairathāpi vā || 1 ||
[Analyze grammar]

ekakālaṃ caredbhaikṣyaṃ na prasajyeta vistaram |
bhaikṣye prasakto hi yatirviṣayeṣvapi sajjati || 2 ||
[Analyze grammar]

saptāgāraṃ caredbhaikṣyamalābhe na punaścaret |
godohamātraṃ tiṣṭheta kālaṃ bhikṣuradhomukhaḥ || 3 ||
[Analyze grammar]

bhikṣetyuktvā sakṛttūṣṇīmādadyādvāgyataḥ śuciḥ |
prakṣyālya pāṇī pādau ca samācamya yathāvidhi || 4 ||
[Analyze grammar]

ādityaṃ darśayitvānnaṃ bhuṃjīta prāṅmukho naraḥ |
hutvā prāṇāhutīḥ paṃca grāsānaṣṭau samāhitaḥ || 5 ||
[Analyze grammar]

ācamya devaṃ brahmāṇaṃ dhyāyeta parameśvaram |
ālābudārupātre ca mṛṇmayaṃ vaiṇavaṃ tathā || 6 ||
[Analyze grammar]

catvāri yatipātrāṇi manurāha prajāpatiḥ |
prāgrātre madhyarātre ca pararātre tathaiva ca || 7 ||
[Analyze grammar]

saṃdhyāsūktiviśeṣeṇa ciṃtayennityamīśvaram |
kṛtvā hṛtpadmanilaye viśvākhyaṃ viśvasaṃbhavam || 8 ||
[Analyze grammar]

ātmānaṃ sarvabhūtānāṃ parastāttamasaḥ sthitam |
sarvasyādhāramavyaktamānaṃdaṃ jyotiravyayam || 9 ||
[Analyze grammar]

pradhānapuruṣātītamākāśaṃ dahanaṃ śivam |
tadaṃtaṃ sarvabhāvānāmīśvaraṃ brahmarūpiṇam || 10 ||
[Analyze grammar]

oṃkārāṃtethavātmānaṃ samāpya paramātmani |
ākāśe devamīśānaṃ dhyāyītākāśamadhyagam || 11 ||
[Analyze grammar]

kāraṇaṃ sarvabhāvānāmānaṃdaikasamāśrayam |
purāṇapuruṣaṃ viṣṇuṃ dhyāyanmucyeta baṃdhanāt || 12 ||
[Analyze grammar]

yadvā guhādau prakṛtau jagatsaṃmohanālaye |
viciṃtya paramaṃ vyoma sarvabhūtaikakāraṇam || 13 ||
[Analyze grammar]

jīvanaṃ sarvabhūtānāṃ yatra lokaḥ pralīyate |
ānaṃdaṃ brahmaṇaḥ sūkṣmaṃ yatpaśyaṃti mumukṣavaḥ || 14 ||
[Analyze grammar]

tanmadhye nihitaṃ brahma kevalaṃ jñānalakṣaṇam |
anaṃtaṃ satyamīśānaṃ viciṃtyāsīta vāgyataḥ || 15 ||
[Analyze grammar]

guhyādguhyatamaṃ jñānaṃ yatīnāmetadīritam |
yovatiṣṭhetsadānena sośnute yogamaiśvaram || 16 ||
[Analyze grammar]

tasmājjñānarato nityamātmavidyāparāyaṇaḥ |
jñānaṃ samabhyasedbrahma yena mucyeta baṃdhanāt || 17 ||
[Analyze grammar]

matvā pṛthaktvamātmānaṃ sarvasmādeva kevalam |
ānaṃdamakṣaraṃ jñānaṃ dhyāyeta ca tataḥ param || 18 ||
[Analyze grammar]

yasmādbhavaṃti bhūtāni yajjñātvā neha jāyate |
sa tasmādīśvaro devaḥ parastādyodhitiṣṭhati || 19 ||
[Analyze grammar]

yadaṃtare tadgamanaṃ śāśvataṃ śivamavyayam |
ya idaṃ svaparokṣastu sa devaḥ syānmaheśvaraḥ || 20 ||
[Analyze grammar]

vratāni yāni bhikṣūṇāṃ tathaivāyaṃ vratāni ca |
ekaikātikrameṇaiva prāyaścittaṃ vidhīyate || 21 ||
[Analyze grammar]

upetya ca striyaṃ kāmātprāyaścittaṃ samāhitaḥ |
prāṇāyāmasamāyuktaṃ kuryyātsāṃtapanaṃ śuciḥ || 22 ||
[Analyze grammar]

tataścareta niyamātkṛcchraṃ saṃyatamānasaḥ |
punarāśramamāgamya caredbhikṣurataṃdritaḥ || 23 ||
[Analyze grammar]

na dharmayuktamanṛtaṃ hinastīti manīṣiṇaḥ |
tathāpi ca na kartavyaḥ prasaṃgo hyeṣa dāruṇaḥ || 24 ||
[Analyze grammar]

ekarātropavāsaśca prāṇāyāmaśataṃ tathā |
uktvānṛtaṃ prakartavyaṃ yatinā dharmalipsunā || 25 ||
[Analyze grammar]

paramāpadgatenāpi na kāryaṃ steyamanyataḥ |
steyādabhyadhikaḥ kaścinnāstyadharma iti smṛtiḥ || 26 ||
[Analyze grammar]

hiṃsā caivāparā tṛṣṇā yācñātmajñānanāśikā |
yadetaddraviṇaṃ nāma prāṇā hyete bahiścarāḥ || 27 ||
[Analyze grammar]

sa tasya harate prāṇānyo yasya harate dhanam |
evaṃ kṛtvā sa duṣṭātmā bhinnavṛtto vratacyutaḥ || 28 ||
[Analyze grammar]

bhūyo nirvedamāpannaścaredbhikṣurataṃdritaḥ |
akasmādeva hiṃsāṃ tu yadi bhikṣuḥ samācaret || 29 ||
[Analyze grammar]

kuryātkṛcchrātikṛcchraṃ tu cāṃdrāyaṇamathāpi vā |
skaṃdeteṃdriyadaurbalyātstriyaṃ dṛṣṭvā yatiryadi || 30 ||
[Analyze grammar]

tena dhārayitavyā vai prāṇāyāmāstu ṣoḍaśa |
divāskaṃde trirātraṃ syātprāṇāyāmaśataṃ budhāḥ || 31 ||
[Analyze grammar]

ekānne madhumāṃse ca navaśrāddhe tathaiva ca |
pratyakṣalavaṇe coktaṃ prājāpatyaṃ viśodhanam || 32 ||
[Analyze grammar]

dhyānaniṣṭhasya satataṃ naśyate sarvapātakam |
tasmānnārāyaṇaṃ dhyātvā tasya dhyānaparo bhavet || 33 ||
[Analyze grammar]

yadbrahmaṇaḥ paraṃ jyotiḥ praviṣṭākṣaramavyayam |
yoṃtarātmā paraṃ brahma sa vijñeyo maheśvaraḥ || 34 ||
[Analyze grammar]

eṣa devo mahādevaḥ kevalaḥ paramaṃ śivaḥ |
tadevākṣaramadvaitaṃ tadā nityaṃ paraṃ padam || 35 ||
[Analyze grammar]

tasmānmahīyate deve svadhāmni jñānasaṃjñite |
ātmayogātpare tatve mahādevastataḥ smṛtaḥ || 36 ||
[Analyze grammar]

nānyaṃ devaṃ mahādevādvyatiriktaṃ prapaśyati |
tamevātmānamanveti yaḥ sa yāti paraṃ padam || 37 ||
[Analyze grammar]

manyaṃte ye svamātmānaṃ vibhinnaṃ parameśvarāt |
na te paśyaṃti taṃ devaṃ vṛthā teṣāṃ pariśramaḥ || 38 ||
[Analyze grammar]

ekameva paraṃ brahma vijñeyaṃ tattvamavyayam |
sa devastu mahādevo naitadvijñāya badhyate || 39 ||
[Analyze grammar]

tasmādyateta niyataṃ yatiḥ saṃyatamānasaḥ |
jñānayogarataḥ śāṃto mahādevaparāyaṇaḥ || 40 ||
[Analyze grammar]

eṣa vaḥ kathito viprā yatīnāmāśramaḥ śubhaḥ |
pitāmahena muninā vibhunā pūrvamīritaḥ || 41 ||
[Analyze grammar]

nāputraśiṣyayogibhyo dadyādevamanuttamam |
jñānaṃ svayaṃbhuvā proktaṃ yatidharmmāśrayaṃ śivam || 42 ||
[Analyze grammar]

iti yatiniyamānāmetaduktaṃ vidhānaṃ suravaraparitoṣe yadbhavedekahetuḥ |
na bhavati punareṣāmudbhavo vā vināśaḥ pratihitamanaso ye nityamevācaraṃti || 43 ||
[Analyze grammar]

iti śrīpādme mahāpurāṇe svargakhaṃḍe ṣaṣṭitamo'dhyāyaḥ || 60 ||
[Analyze grammar]