Chapter 11

[English text for this chapter is available]

vasiṣṭha uvāca |
anena tava dharmajña praśrayeṇa damena ca |
satyena ca mahābhāga tuṣṭosmi tava sarvaśaḥ || 1 ||
[Analyze grammar]

yasyedṛśaste dharmoyaṃ pitarastāritāstvayā |
tena paśyasi māṃ putra yājyaścāsi mamānagha || 2 ||
[Analyze grammar]

prītirme varddhate te'dya brūhi kiṃ karavāṇi te |
yadvakṣyasi naraśreṣṭha tasya dātāsmi tenagha || 3 ||
[Analyze grammar]

dilīpa uvāca |
vedavedāṃgatattvajña sarvalokābhipūjita |
kṛtamityeva manye hi yadahaṃ dṛṣṭavānprabhum || 4 ||
[Analyze grammar]

yadi tvahamanugrāhyastava dharmmabhṛtāṃ vara |
prakṣyāmi hṛtsthaṃ saṃdehaṃ tanme tvaṃ vaktumarhasi || 5 ||
[Analyze grammar]

asti me bhagavankaścittīrthe yo dharmasaṃśayaḥ |
tadahaṃ śrotumicchāmi pṛthaksaṃkīrtanaṃ tvayā || 6 ||
[Analyze grammar]

pradakṣiṇāṃ yaḥ pṛthivīṃ karoti dvijasattama |
kiṃ phalaṃ tasya viprarṣe tanme brūhi tapodhana || 7 ||
[Analyze grammar]

vasiṣṭha uvāca |
kathayiṣyāmi tadahamṛṣīṇāṃ matparāyaṇam |
tadekāgramanāstāta śṛṇu tīrtheṣu yatphalam || 8 ||
[Analyze grammar]

yasya hastau ca pādau ca manaścaiva susaṃyatam |
vidyā tapaśca kīrtiśca sa tīrthaphalamaśnute || 9 ||
[Analyze grammar]

pratigrahādupāvṛttaḥ saṃtuṣṭo niyataḥ śuciḥ |
ahaṃkāranivṛttaśca sa tīrthaphalamaśnute || 10 ||
[Analyze grammar]

akalkiko nirāhāro'labdhāhāro jiteṃdriyaḥ |
vimuktaḥ sarvadoṣairyaḥ sa tīrthaphalamaśnute || 11 ||
[Analyze grammar]

akrodhanaśca rājeṃdra satyaśīlo dṛḍhavrataḥ |
ātmopamaśca bhūteṣu sa tīrthaphalamaśnute || 12 ||
[Analyze grammar]

ṛṣibhiḥ kratavaḥ proktā deveṣvapi yathākramam |
phalaṃ caiva yathātattvaṃ pretya ceha ca sarvaśaḥ || 13 ||
[Analyze grammar]

na te śakyā daridreṇa yajñāḥ prāptuṃ mahīpate |
bahūpakaraṇā yajñā nānāsaṃbhāravistarāḥ || 14 ||
[Analyze grammar]

prāpyaṃte pārthivairete samṛddhairvā naraiḥ kvacit |
na nirdhanairnaragaṇairekātmabhirasādhanaiḥ || 15 ||
[Analyze grammar]

yo daridrairapi vidhiḥ śakyaḥ prāptuṃ janeśvara |
tulyo yajñaphalaiḥ puṇyaistaṃ nibodha mahīpate || 16 ||
[Analyze grammar]

ṛṣīṇāṃ paramaṃ guhyamidaṃ dharmmabhṛtāṃ vara |
tīrthābhigamanaṃ puṇyaṃ yajñairapi viśiṣyate || 17 ||
[Analyze grammar]

anupoṣya trirātrāṇi tīrthābhigamanena ca |
adatvā kāṃcanaṃ gāśca daridro nāma jāyate || 18 ||
[Analyze grammar]

agniṣṭomādibhiryajñairiṣṭvā vipuladakṣiṇaiḥ |
na tatphalamavāpnoti tīrthābhigamanena yat || 19 ||
[Analyze grammar]

nṛloke devalokasya tīrthaṃ trailokyaviśrutam |
puṣkaraṃ tīrthamāsādya devadevasamo bhavet || 20 ||
[Analyze grammar]

daśakoṭisahasrāṇi tīrthānāṃ vai mahīpate |
sānnidhyaṃ puṣkare yeṣāṃ trisaṃdhyaṃ sūryavaṃśaja || 21 ||
[Analyze grammar]

ādityā vasavo rudrā sādhyāśca samarudgaṇāḥ |
gaṃdharvāpsarasaścaiva tatra sannihitāḥ prabho || 22 ||
[Analyze grammar]

yatra devāstapastaptvā daityā brahmarṣayastathā |
divyayogā mahārāja puṇyena mahatā dvijāḥ || 23 ||
[Analyze grammar]

manasāpyabhikāmasya puṣkarāṇi manīṣiṇaḥ |
pūyaṃte sarvapāpāni nākapṛṣṭhe ca pūjyate || 24 ||
[Analyze grammar]

asmiṃstīrthe mahābhāga nityameva pitāmahaḥ |
uvāsa paramaprīto devadānavasaṃmataḥ || 25 ||
[Analyze grammar]

puṣkareṣu mahābhāga devāḥ sarṣipurogamāḥ |
siddhiṃ paramikāṃ prāptāḥ puṇyena mahatānvitāḥ || 26 ||
[Analyze grammar]

tatrābhiṣekaṃ yaḥ kuryātpitṛdevārcane rataḥ |
aśvamedhāddaśaguṇaṃ pravadaṃti manīṣiṇaḥ || 27 ||
[Analyze grammar]

apyekaṃ bhojayedvipraṃ puṣkarāraṇyamāśritaḥ |
tenaiti pūjitāṃllokānbrahmaṇaḥ sadane sthitān || 28 ||
[Analyze grammar]

sāyaṃprātaḥ smaredyastu puṣkarāṇi kṛtāṃjali |
upaspṛṣṭaṃ bhavettena sarvatīrtheṣu pārthiva || 29 ||
[Analyze grammar]

janmaprabhṛti yatpāpaṃ striyo vā puruṣasya vā |
puṣkare gatamātrasya sarvameva praṇaśyati || 30 ||
[Analyze grammar]

yathā surāṇāṃ sarveṣāmādistu madhusūdanaḥ |
tathaiva puṣkaro rājantīrthānāmādirucyate || 31 ||
[Analyze grammar]

uṣṭvā dvādaśavarṣāṇi puṣkare niyataḥ śuciḥ |
kratūnsarvānavāpnoti brahmalokaṃ ca gacchati || 32 ||
[Analyze grammar]

yastu varṣaśataṃ pūrṇamagnihotramupāśnute |
kārtikīṃ vā vasedekāṃ puṣkare samameva tat || 33 ||
[Analyze grammar]

duṣkaraṃ puṣkare gaṃtuṃ duṣkaraṃ puṣkare tapaḥ |
duṣkaraṃ puṣkare dānaṃ vastuṃ caiva suduṣkaram || 34 ||
[Analyze grammar]

trīṇi śṛṃgāṇi śubhrāṇi trīṇi prasravaṇāni ca |
puṣkarāṇyādi tīrthāni na vidmastatra kāraṇam || 35 ||
[Analyze grammar]

uṣṭvā dvādaśavarṣāṇi niyato niyatāśanaḥ |
sa muktaḥ sarvapāpebhyo sarvakratuphalaṃ labhet || 36 ||
[Analyze grammar]

iti śrīpādme mahāpurāṇe svargakhaṃḍe puṣkaratīrthamāhātmya |
varṇanaṃnāma ekādaśo'dhyāyaḥ || 11 ||
[Analyze grammar]