Chapter 10

[English text for this chapter is available]

ṛṣaya ūcuḥ |
pṛthivyā hi parīmāṇaṃ saṃsthānaṃ saritastathā |
tvattaḥ śrutvā mahābhāga amṛtaṃ pītameva ca || 1 ||
[Analyze grammar]

tatra bhūmau ca tīrthāni pāvanānīti naḥ śrutam |
ācakṣva tāni sarvāṇi yathāphalakarāṇi ca |
saviśeṣaṃ mahāprājña śrotumicchāmahe tava || 2 ||
[Analyze grammar]

sūta uvāca |
dhanyaṃ puṇyaṃ mahākhyānaṃ pṛṣṭameva tapodhanāḥ |
yathāmati pravakṣyāmi yathāyogaṃ yathāśrutam || 3 ||
[Analyze grammar]

purātanaṃ pravakṣyāmi devarṣernāradasya hi |
yudhiṣṭhireṇa saṃvādaṃ śṛṇu taddvijasattamāḥ || 4 ||
[Analyze grammar]

hṛtarājyāḥ pāṃḍuputrā vane tasminmahārathāḥ |
nyavasaṃti mahābhāgā draupadyā saha pāṃḍavāḥ || 5 ||
[Analyze grammar]

athāpaśyanmahātmānaṃ devarṣiṃ tatra nāradam |
dīpyamānaṃ śriyā brāhmyā dīptāgnisamatejasam || 6 ||
[Analyze grammar]

sa taiḥ parivṛtaḥ śrīmānbhrātṛbhiḥ kurunaṃdanaḥ |
divi bhāti hi dīptaujā devairiva śatakratuḥ || 7 ||
[Analyze grammar]

yathā ca devānsāvitrī yājñasenī tathā patīn |
na jahau dharmataḥ pārthānmerumarkaprabhā yathā || 8 ||
[Analyze grammar]

pratigṛhya tataḥ pūjāṃ nārado bhagavānṛṣiḥ |
āśvāsayaddharmmaputraṃ yuktarūpapriyeṇa ca || 9 ||
[Analyze grammar]

uvāca ca mahātmānaṃ dharmmarājaṃ yudhiṣṭhiram |
brūhi dharmmabhṛtāṃ śreṣṭha kiṃ prārthyaṃ hi dadāmi te || 10 ||
[Analyze grammar]

atha dharmasuto rājā praṇamya bhrātṛbhiḥ saha |
uvāca prāṃjalirvākyaṃ nāradaṃ devasaṃmitam || 11 ||
[Analyze grammar]

tvayi tuṣṭe mahābhāga sarvalokābhipūjite |
kṛtamityeva manye hi prasādāttava suvrata || 12 ||
[Analyze grammar]

yadi tvahamanugrāhyo bhrātṛbhiḥ sahito'nagha |
saṃdehaṃ me muniśreṣṭha hṛtsthaṃ tvaṃ chettumarhasi || 13 ||
[Analyze grammar]

pradakṣiṇāṃ yaḥ kurute pṛthivīṃ tīrthatatparaḥ |
kiṃ phalaṃ tasya kārtsnyena tadbrahmanvaktumarhasi || 14 ||
[Analyze grammar]

nārada uvāca |
śṛṇu rājannavahito dilīpena yathā purā |
vasiṣṭhasya sakāśādvai sarvametadupaśrutam || 15 ||
[Analyze grammar]

purā bhāgīrathītīre dilīpo rājasattamaḥ |
dharmyaṃ vrataṃ samāsthāya nyavasanmunivattadā || 16 ||
[Analyze grammar]

śubhedeśe mahārājapuṇye devarṣipūjite |
gaṃgādvāre mahātejā devagaṃdharvasevite || 17 ||
[Analyze grammar]

sa pitṝṃstarpayāmāsa devāṃśca paramadyutiḥ |
ṛṣīṃśca tarpayāmāsa vidhidṛṣṭena karmaṇā || 18 ||
[Analyze grammar]

kasyacittvatha kālasya japanneva mahāmanāḥ |
dadarśa bhūtasaṃkāśaṃ vasiṣṭhamṛṣimuttamam || 19 ||
[Analyze grammar]

purohitaṃ sa taṃ dṛṣṭvā dīpyamānamiva śriyā |
praharṣamatulaṃ lebhe vismayaṃ paramaṃ yayau || 20 ||
[Analyze grammar]

upasthitaṃ mahārāja pūjayāmāsa bhārata |
sa hi dharmmabhṛtāṃ śreṣṭho vidhidṛṣṭena karmaṇā || 21 ||
[Analyze grammar]

śirasā cārghyamādāya śuciḥ prayatamānasaḥ |
nāmasaṃkīrttayāmāsa tasminbrahmarṣisattame || 22 ||
[Analyze grammar]

dilīpo'haṃ tu bhadraṃ te dāsosmi tava suvrata |
tava saṃdarśanādeva muktohaṃ sarvakilbiṣaiḥ || 23 ||
[Analyze grammar]

evamuktvā mahārāja dilīpo dvipadāṃ varaḥ |
vāgyataḥ prāṃjalirbhūtvā tūṣṇīmāsīdyudhiṣṭhira || 24 ||
[Analyze grammar]

taṃ dṛṣṭvā niyamenātha svādhyāyena ca karṣitam |
dilīpaṃ nṛpatiśreṣṭhaṃ muniḥ prītamanābhavat || 25 ||
[Analyze grammar]

iti śrīpādme mahāpurāṇe svargakhaṃḍe daśamo'dhyāyaḥ || 10 ||
[Analyze grammar]