Chapter 77

[English text for this chapter is available]

sukarmovāca |
kāmasya gītalāsyena hāsyena lalitena ca |
mohito rājarājeṃdro naṭarūpeṇa pippala || 1 ||
[Analyze grammar]

kṛtvā mūtraṃ purīṣaṃ ca sa rājā nahuṣātmajaḥ |
akṛtvā pādayoḥ śaucamāsane upaviṣṭavān || 2 ||
[Analyze grammar]

tadaṃtaraṃ tu saṃprāpya saṃcacāra jarā nṛpam |
kāmenāpi nṛpaśreṣṭha iṃdrakāryaṃ kṛtaṃ hitam || 3 ||
[Analyze grammar]

nivṛtte nāṭake tasmingateṣu teṣu bhūpatiḥ |
jarābhibhūto dharmātmā kāmasaṃsaktamānasaḥ || 4 ||
[Analyze grammar]

mohitaḥ kāmamohena vihvalo vikaleṃdriyaḥ |
atīva mugdho dharmātmā viṣayaiścāpavāhitaḥ || 5 ||
[Analyze grammar]

ekadā tu gato rājā mṛgayā vyasanāturaḥ |
vane ca krīḍate sopi moharāgavaśaṃ gataḥ || 6 ||
[Analyze grammar]

sarasaṃ krīḍamānasya nṛpateśca mahātmanaḥ |
mṛgaścaikaḥ samāyātaścatuḥśṛṃgo hyanaupamaḥ || 7 ||
[Analyze grammar]

sarvāṃgasuṃdaro rājanhemarūpatanūruhaḥ |
ratnajyotiḥ sucitrāṃgo darśanīyo manoharaḥ || 8 ||
[Analyze grammar]

abhyadhāvatsa vegena bāṇapāṇirdhanurddharaḥ |
ityamanyata medhāvī kopi daityaḥ samāgataḥ || 9 ||
[Analyze grammar]

mṛgeṇa ca sa tenāpi dūramākarṣito nṛpaḥ |
gataḥ sarathavegena śrameṇa parikheditaḥ || 10 ||
[Analyze grammar]

vīkṣamāṇasya tasyāpi mṛgaścāṃtaradhīyata |
sa paśyati vanaṃ tatra naṃdaṃnopamamadbhutam || 11 ||
[Analyze grammar]

cāruvṛkṣasamākīrṇaṃ bhūtapaṃcakaśobhitam |
gurubhiścaṃdanaiḥ puṇyaiḥ kadalīkhaṃḍamaṃḍitaiḥ || 12 ||
[Analyze grammar]

bakulāśokapuṃnāgairnālikeraiśca tiṃdukaiḥ |
pūgīphalaiśca kharjūraiḥ kumudaiḥ saptaparṇakaiḥ || 13 ||
[Analyze grammar]

puṣpitaiḥ karṇikāraiśca nānāvṛkṣaiḥ sadāphalaiḥ |
puṣpitāmodasaṃyuktaiḥ ketakaiḥ pāṭalaistataḥ || 14 ||
[Analyze grammar]

vīkṣamāṇo mahārāja dadarśa sara uttamam |
puṇyodakena saṃpūrṇaṃ vistīrṇaṃ paṃcayojanam || 15 ||
[Analyze grammar]

haṃsakāraṃḍavākīrṇaṃ jalapakṣivināditam |
kamalaiścāpi muditaṃ śvetotpalavirājitam || 16 ||
[Analyze grammar]

raktotpalaiḥ śobhamānaṃ hāṭakotpalamaṃḍitam |
nīlotpalaiḥ prakāśitaṃ kalhārairatiśobhitam || 17 ||
[Analyze grammar]

mattairmadhukaraiścapi sarvatra parināditam |
evaṃ sarvaguṇopetaṃ dadarśa sara uttamam || 18 ||
[Analyze grammar]

paṃcayojanavistīrṇaṃ daśayojanadīrghakam |
taḍāgaṃ sarvatobhadraṃ divyabhāvairalaṃkṛtam || 19 ||
[Analyze grammar]

rathavegena saṃkhinnaḥ kiṃcicchramanipīḍitaḥ |
niṣasāda taṭe tasya cūtacchāyāṃ suśītalām || 20 ||
[Analyze grammar]

snātvā pītvā jalaṃ śītaṃ padmasaugaṃdhyavāsitam |
sarvaśramopaśamanamamṛtopamameva tat || 21 ||
[Analyze grammar]

vṛkṣacchāye tatastasminnupaviṣṭena bhūbhṛtā |
gītadhvaniḥ samākarṇi gīyamāno yathā tathā || 22 ||
[Analyze grammar]

yathā strī gāyate divyā tathāyaṃ śrūyate dhvaniḥ |
gītapriyo mahārāja eva ciṃtāṃ parāṃ gataḥ || 23 ||
[Analyze grammar]

ciṃtākulastu dharmātmā yāvacciṃtayate kṣaṇam |
tāvannārī varā kācitpīnaśroṇī payodharā || 24 ||
[Analyze grammar]

nṛpateḥ paśyatastasya vane tasminsamāgatā |
sarvābharaṇaśobhāṃgī śīlalakṣaṇasaṃpadā || 25 ||
[Analyze grammar]

tasminvane samāyātā nṛpateḥ purataḥ sthitā |
tāmuvāca mahārājaḥ kā hi kasya bhaviṣyasi || 26 ||
[Analyze grammar]

kimarthaṃ hi samāyātā tanme tvaṃ kāraṇaṃ vada |
pṛṣṭā satī tadā tena na kiṃcidapi pippala || 27 ||
[Analyze grammar]

śubhāśubhaṃ ca bhūpālaṃ pratyavocadvarānanā |
prahasyaiva gatā śīghraṃ vīṇādaṃḍakarā'balā || 28 ||
[Analyze grammar]

vismayenāpi rājeṃdro mahatā vyāpitastadā |
mayā saṃbhāṣitā ceyaṃ māṃ na brūte sma sottaram || 29 ||
[Analyze grammar]

punaściṃtāṃ samāpede yayātiḥ pṛthivīpatiḥ |
yo vai mṛgo mayā dṛṣṭaścatuḥśṛṃgaḥ suvarṇakaḥ || 30 ||
[Analyze grammar]

tasmānnārī samudbhūtā tatsatyaṃ pratibhāti me |
māyārūpamidaṃ satyaṃ dānavānāṃ bhaviṣyati || 31 ||
[Analyze grammar]

ciṃtayitvā kṣaṇaṃ rājā yayātirnahuṣātmajaḥ |
yāvacciṃtayate rājā tāvannārī mahāvane || 32 ||
[Analyze grammar]

aṃtardhānaṃ gatā vipra prahasya nṛpanaṃdanam |
etasminnaṃtare gītaṃ susvaraṃ punareva tat || 33 ||
[Analyze grammar]

śuśruve paramaṃ divyaṃ mūrchanātānasaṃyutam |
jagāma satvaraṃ rājā yatra gītadhvanirmahān || 34 ||
[Analyze grammar]

jalāṃte puṣkaraṃ caiva sahasradalamuttamam |
tasyopari varā nārī śīlarūpaguṇānvitā || 35 ||
[Analyze grammar]

divyalakṣaṇasaṃpannā divyābharaṇabhūṣitā |
divyairbhāvaiḥ prabhātyekā vīṇādaṃḍakarāvilā || 36 ||
[Analyze grammar]

gāyaṃtī susvaraṃ gītaṃ tālamānalayānvitam |
tena gītaprabhāveṇa mohayaṃtī carācarān || 37 ||
[Analyze grammar]

devānmunigaṇānsarvāndaityāngaṃdharvakinnarān |
tāṃ dṛṣṭvā sa viśālākṣīṃ rūpatejopaśālinīm || 38 ||
[Analyze grammar]

saṃsāre nāsti caivānyā nārīdṛśī carācare |
purā naṭo jarāyukto nṛpateḥ kāyameva hi || 39 ||
[Analyze grammar]

saṃcārito mahākāmastadāsau prakaṭobhavat |
ghṛtaṃ spṛṣṭvā yathā vahnī raśmivānsaṃprajāyate || 40 ||
[Analyze grammar]

tāṃ ca dṛṣṭvā tathā kāmastatkāyātprakaṭo'bhavat |
manmathāviṣṭacittosau tāṃ dṛṣṭvā cārulocanām || 41 ||
[Analyze grammar]

īdṛgrūpā na dṛṣṭā me yuvatī viśvamohinī |
ciṃtayitvā kṣaṇaṃ rājā kāmasaṃsaktamānasaḥ || 42 ||
[Analyze grammar]

tasyāḥ saviraheṇāpi lubdhobhūnnṛpatistadā |
kāmāgninā dahyamānaḥ kāmajvareṇapīḍitaḥ || 43 ||
[Analyze grammar]

kathaṃ syānmama caiveyaṃ kathaṃ bhāvo bhaviṣyati |
yadā māṃ gūhate bālā padmāsyā padmalocanā || 44 ||
[Analyze grammar]

yadīyaṃ prāpyate tarhi saphalaṃ jīvitaṃ bhavet |
evaṃ viciṃtya dharmātmā yayātiḥ pṛthivīpatiḥ || 45 ||
[Analyze grammar]

tāmuvāca varārohāṃ kā tvaṃ kasyāpi vā śubhe |
pūrvaṃ dṛṣṭā tu yā nārī sā dṛṣṭā punareva ca || 46 ||
[Analyze grammar]

tāṃ papraccha sa dharmātmā kā ceyaṃ tava pārśvagā |
sarvaṃ kathaya kalyāṇi ahaṃ hi nahuṣātmajaḥ || 47 ||
[Analyze grammar]

somavaṃśaprasūtohaṃ saptadvīpādhipaḥ śubhe |
yayātirnāma me devi khyātohaṃ bhuvanatraye || 48 ||
[Analyze grammar]

tava saṃgamane ceto bhāvamevaṃ pravāṃchate |
dehi me saṃgamaṃ bhadre kuru supriyameva hi || 49 ||
[Analyze grammar]

yaṃ yaṃ hi vāṃchase bhadre taddadāmi na saṃśayaḥ |
durjayenāpi kāmena hatohaṃ varavarṇini || 50 ||
[Analyze grammar]

tasmāttrāhi sudīnaṃ māṃ prapannaṃ śaraṇaṃ tava |
rājyaṃ ca sakalāmurvīṃ śarīramapi cātmanaḥ || 51 ||
[Analyze grammar]

saṃgame tava dāsyāmi trailokyamidameva te |
tasya rājño vacaḥ śrutvā sā strī padmanibhānanā || 52 ||
[Analyze grammar]

viśālāṃ svasakhīṃ prāha brūhi rājānamāgatam |
nāma cotpattisthānaṃ ca pitaraṃ mātaraṃ śubhe || 53 ||
[Analyze grammar]

mamāpi bhāvamekāgramasyāgre ca nivedaya |
tasyāśca vāṃchitaṃ jñātvā viśālā bhūpatiṃ tadā || 54 ||
[Analyze grammar]

uvāca madhurālāpaiḥ śrūyatāṃ nṛpanaṃdana |
viśālovāca |
kāma eṣa purā dagdho devadevena śaṃbhunā || 55 ||
[Analyze grammar]

ruroda sā ratirduḥkhādbhartrāhīnāpi susvaram |
asminsarasi rājeṃdra sā ratirnyavasattadā || 56 ||
[Analyze grammar]

tasya pralāpamevaṃ sā susvaraṃ karuṇānvitam |
samākarṇya tato devāḥ kṛpayā parayānvitāḥ || 57 ||
[Analyze grammar]

saṃjātā rājarājeṃdra śaṃkaraṃ vākyamabruvan |
jīvayasva mahādeva punareva manobhavam || 58 ||
[Analyze grammar]

varākīyaṃ mahābhāga bhartṛhīnā hi kīdṛśī |
kāmenāpi samāyuktāmasmatsnehātkuruṣva hi || 59 ||
[Analyze grammar]

tacchrutvā ca vacaḥ prāha jīvayāmi manobhavam |
kāyenāpi vihīnoyaṃ paṃcabāṇo manobhavaḥ || 60 ||
[Analyze grammar]

bhaviṣyati na saṃdeho mādhavasya sakhā punaḥ |
divyenāpi śarīreṇa vartayiṣyati nānyathā || 61 ||
[Analyze grammar]

mahādevaprasādācca mīnaketuḥ sa jīvitaḥ |
āśīrbhirabhinaṃdyaivaṃ devyāḥ kāmaṃ narottama || 62 ||
[Analyze grammar]

gaccha kāma pravartasva priyayā saha nityaśaḥ |
evamāha mahātejāḥ sthitisaṃhārakārakaḥ || 63 ||
[Analyze grammar]

punaḥ kāmaḥ saraḥprāpto yatrāste duḥkhitā ratiḥ |
idaṃ kāmasaro rājanratiratra susaṃsthitā || 64 ||
[Analyze grammar]

dagdhe sati mahābhāge manmathe duḥkhadharṣitā |
ratyāḥ kopātsamutpannaḥ pāvako dāruṇākṛtiḥ || 65 ||
[Analyze grammar]

atīvadagdhā tenāpi sā ratirmohamūrchitā |
aśrupātaṃ mumocātha bhartṛhīnā narottama || 66 ||
[Analyze grammar]

netrābhyāṃ hi jale tasyāḥ patitā aśrubiṃdavaḥ |
tebhyo jāto mahāśokaḥ sarvasaukhyapraṇāśakaḥ || 67 ||
[Analyze grammar]

jarā paścātsamutpannā aśrubhyo nṛpasattama |
viyogo nāma durmedhāstebhyo jajñe praṇāśakaḥ || 68 ||
[Analyze grammar]

duḥkhasaṃtāpakau cobhau jajñāte dāruṇau tadā |
mūrchā nāma tato jajñe dāruṇā sukhanāśinī || 69 ||
[Analyze grammar]

śokājjajñe mahārāja kāmajvarotha vibhramaḥ |
pralāpo vihvalaścaiva unmādo mṛtyureva ca || 70 ||
[Analyze grammar]

tasyāśca aśrubiṃdubhyo jajñire viśvanāśakāḥ |
ratyāḥ pārśve samutpannāḥ sarve tāpāṃgadhāriṇaḥ || 71 ||
[Analyze grammar]

mūrtimaṃto mahārāja sadbhāvaguṇasaṃyutāḥ |
kāma eṣa samāyātaḥ kenāpyuktaṃ tadā nṛpa || 72 ||
[Analyze grammar]

mahānaṃdena saṃyuktā dṛṣṭvā kāmaṃ samāgatam |
netrābhyāmaśrupūrṇābhyāṃ patitā aśrubindavaḥ || 73 ||
[Analyze grammar]

apsu madhye mahārāja cāpalyājjajñire prajāḥ |
prītirnāma tadā jajñe khyātirlajjā narottama || 74 ||
[Analyze grammar]

tebhyo jajñe mahānaṃda śāṃtiścānyā nṛpottama |
jajñāte dve śubhe kanye sukhasaṃbhogadāyike || 75 ||
[Analyze grammar]

līlākrīḍā manobhāva saṃyogastu mahānnṛpa |
ratyāstu vāmanetrādvai ānaṃdādaśrubiṃdavaḥ || 76 ||
[Analyze grammar]

jalāṃte patitā rājaṃstasmājjajñe supaṃkajam |
tasmātsupaṃkajājjātā iyaṃ nārī varānanā || 77 ||
[Analyze grammar]

aśrubiṃdumatī nāma ratiputrī narottama |
tasyāḥ prītyā sukhaṃ kṛtvā nityaṃ vartte samīpagā || 78 ||
[Analyze grammar]

sakhībhāvasvabhāvena saṃhṛṣṭā sarvadā śubhā |
viśālā nāma me khyātaṃ varuṇasya sutā nṛpa || 79 ||
[Analyze grammar]

asyāścāṃte pravartāmi snehātsnigdhāsmi sarvadā |
etatte sarvamākhyātamasyāścātmana eva te || 80 ||
[Analyze grammar]

tapaścacāra rājeṃdra patikāmā varānanā |
rājovāca |
sarvameva tvayākhyātaṃ mayā jñātaṃ śubhe śṛṇu || 81 ||
[Analyze grammar]

māmevaṃ hi bhajatveṣā ratiputrī varānanā |
yameṣā vāṃchate bālā tatsarvaṃ tu dadāmyaham || 82 ||
[Analyze grammar]

tathā kuruṣva kalyāṇi yathā me vaśyatāṃ vrajet |
viśālovāca |
asyā vrataṃ pravakṣyāmi tadākarṇaya bhūpate || 83 ||
[Analyze grammar]

puruṣaṃ yauvanopetaṃ sarvajñaṃ vīralakṣaṇam |
devarājasamaṃ rājandharmācārasamanvitam || 84 ||
[Analyze grammar]

tejasvinaṃ mahāprājñaṃ dātāraṃ yajvināṃ varam |
guṇānāṃ dharmabhāvasya jñātāraṃ puṇyabhājanam || 85 ||
[Analyze grammar]

loka iṃdrasamaṃ rājansuyajñairdharmatatparam |
sarvaiśvaryasamopetaṃ nārāyaṇamivāparam || 86 ||
[Analyze grammar]

devānāṃ supriyaṃ nityaṃ brāhmaṇānāmatipriyam |
brahmaṇyaṃ vedatattvajñaṃ trailokye khyātavikramam || 87 ||
[Analyze grammar]

evaṃguṇaiḥ samupetaṃ trailokyena prapūjitam |
sumatiṃ supriyaṃ kāṃtaṃ manasā varamīpsati || 88 ||
[Analyze grammar]

yayātiruvāca |
evaṃ guṇaiḥ samupetaṃ viddhi māmiha cāgatam |
asyānurūpo bharttāhaṃ sṛṣṭo dhātrā na saṃśayaḥ || 89 ||
[Analyze grammar]

viśālovāca |
bhavaṃtaṃ puṇyasaṃvṛddhaṃ jāne rājañjagattraye |
pūrvoktā ye guṇāḥ sarve mayoktāḥ saṃti te tvayi || 90 ||
[Analyze grammar]

ekenāpi ca doṣeṇa tvāmeṣā hi na manyate |
eṣa me saṃśayo jāto bhavānviṣṇumayo nṛpa || 91 ||
[Analyze grammar]

yayātiruvāca |
samācakṣva mahādoṣaṃ yameṣā nānumanyate |
tattvena cārusarvāṃgī prasādasumukhī bhava || 92 ||
[Analyze grammar]

viśālovāca |
ātmadoṣaṃ na jānāsi kasmāttvaṃ jagatīpate |
jarayā vyāptakāyastvamaneneyaṃ na manyate || 93 ||
[Analyze grammar]

evaṃ śrutvā mahadvākyamapriyaṃ jagatīpatiḥ |
duḥkhena mahatāviṣṭastāmuvāca punarnṛpaḥ || 94 ||
[Analyze grammar]

jarādoṣo na me bhadre saṃsargātkasyacitkadā |
samudbhūtaṃ mamāṃge vai taṃ na jāne jarāgamam || 95 ||
[Analyze grammar]

yaṃ yaṃ hi vāṃchate caiṣā trailokye durlabhaṃ śubhe |
tamasyai dātukāmohaṃ vriyatāṃ vara uttamaḥ || 96 ||
[Analyze grammar]

viśālovāca |
jarāhīno yadā syāstvaṃ tadā te supriyā bhavet |
etadviniścitaṃ rājansatyaṃ satyaṃ vadāmyaham || 97 ||
[Analyze grammar]

śrutirevaṃ vadedrājanputre bhrātari bhṛtyake |
jarā saṃkrāmyate yasya tasyāṃge parisaṃcaret || 98 ||
[Analyze grammar]

tāruṇyaṃ tasya vai gṛhya tasmai datvā jarāṃ punaḥ |
ubhayoḥ prītisaṃvādaḥ surucyā jāyate śubhaḥ || 99 ||
[Analyze grammar]

yathātmadānapuṇyasya kṛpayā yo dadāti ca |
phalaṃ rājanhi tattasya jāyate nātra saṃśayaḥ || 100 ||
[Analyze grammar]

duḥkhenopārjitaṃ puṇyamanyasmai hi pradīyate |
supuṇyaṃ tadbhavettasya puṇyasya phalamaśnute || 101 ||
[Analyze grammar]

putrāya dīyatāṃ rājaṃstasmāttāruṇyameva ca |
pragṛhyaiva samāgaccha suṃdaratvena bhūpate || 102 ||
[Analyze grammar]

yadā tvamicchase bhoktuṃ tadā tvaṃ kurubhūpate |
evamābhāṣya sā bhūpaṃ viśālā virarāma ha || 103 ||
[Analyze grammar]

sukarmovāca |
evamākarṇya rājeṃdro viśālāmavadattadā |
rājovāca |
evamastu mahābhāge kariṣye vacanaṃ tava || 104 ||
[Analyze grammar]

kāmāsaktaḥ samūḍhastu yayātiḥ pṛthivīpatiḥ |
gṛhaṃ gatvā samāhūya sutānvākyamuvāca ha || 105 ||
[Analyze grammar]

turuṃ pūruṃ kuruṃ rājā yaduṃ ca pitṛvatsalam |
kurudhvaṃ putrakāḥ saukhyaṃ yūyaṃ hi mama śāsanāt || 106 ||
[Analyze grammar]

putrā ūcuḥ |
pitṛvākyaṃ prakartavyaṃ putraiścāpi śubhāśubham |
ucyatāṃ tāta tacchīghraṃ kṛtaṃ viddhi na saṃśayaḥ || 107 ||
[Analyze grammar]

evamākarṇyatadvākyaṃ putrāṇāṃ pṛthivīpatiḥ |
ācacakṣe punasteṣu harṣeṇākulamānasaḥ || 108 ||
[Analyze grammar]

iti śrīpadmapurāṇe bhūmikhaṃḍe venopākhyāne mātāpitṛtīrthavarṇane yayāti |
caritre saptasaptatitamo'dhyāyaḥ || 77 ||
[Analyze grammar]