Chapter 76

[English text for this chapter is available]

sukarmovāca |
saurirdūtaistathā sarvaiḥ saha svargaṃ jagāma saḥ |
draṣṭuṃ tatra sahasrākṣaṃ devavṛṃdaiḥ samāvṛtam || 1 ||
[Analyze grammar]

dharmarājaṃ samāyāṃtaṃ dadarśa surarāṭtadā |
samutthāya tvarāyukto datvā cārghamanuttamam || 2 ||
[Analyze grammar]

papracchāgamanaṃ tasya kathayasva mamāgrataḥ |
samākarṇya mahadvākyaṃ devarājasya bhāṣitam || 3 ||
[Analyze grammar]

dharmarājo'bravītsarvaṃ yayāteścaritaṃ mahat |
dharmarāja uvāca |
śrūyatāṃ devadeveśa yasmādāgamanaṃ mama || 4 ||
[Analyze grammar]

kathayāmyahamatrāpi yenāhamāgatastava |
nahuṣasyātmajenāpi vaiṣṇavena mahātmanā || 5 ||
[Analyze grammar]

vaiṣṇavāśca kṛtā martyā ye vasaṃti mahītale |
vaikuṃṭhasya samaṃ rūpaṃ martyalokasya vai kṛtam || 6 ||
[Analyze grammar]

amarā mānavā jātā jarārogavivarjitāḥ |
pāpameva na kurvaṃti asatyaṃ na vadaṃti te || 7 ||
[Analyze grammar]

kāmakrodhavihīnāste lobhamohavivarjitāḥ |
dānaśīlā mahātmānaḥ sarve dharmaparāyaṇāḥ || 8 ||
[Analyze grammar]

sarvadharmaiḥ samarcaṃti nārāyaṇamanāmayam |
tena vaiṣṇavadharmeṇa mānavā jagatītale || 9 ||
[Analyze grammar]

nirāmayā vītaśokāḥ sarve ca sthirayauvanāḥ |
dūrvā vaṭā yathā deva vistāraṃ yāṃti bhūtale || 10 ||
[Analyze grammar]

tathā te vistaraṃ prāptāḥ putrapautraiḥ prapautrakaiḥ |
teṣāṃ putraiḥ prapautraiśca vaṃśādvaṃśāṃtaraṃ gatāḥ || 11 ||
[Analyze grammar]

evaṃ hi vaiṣṇavaḥ sarvo jarāmṛtyuvivarjitaḥ |
martyalokaḥ kṛtastena nahuṣasyātmajena vai || 12 ||
[Analyze grammar]

padabhraṣṭosmi saṃjāto vyāpāreṇa vivarjitaḥ |
etatsarvaṃ samākhyātaṃ mama karmavināśanam || 13 ||
[Analyze grammar]

evaṃ jñātvā sahasrākṣa lokasyāsya hitaṃ kuru |
etatte sarvamākhyātaṃ yathāpṛṣṭosmi vai tvayā || 14 ||
[Analyze grammar]

etasmātkāraṇādiṃdra āgatastava sannidhau |
iṃdra uvāca |
pūrvameva mayā dūta āgamāya mahātmanaḥ || 15 ||
[Analyze grammar]

preṣito dharmarājeṃdra dūtenāsyāpi bhāṣitam |
nāhaṃ svargasukhasyārthī nāgamiṣye divaṃ punaḥ || 16 ||
[Analyze grammar]

svargarūpaṃ kariṣyāmi sarvaṃ tadbhūmimaṃḍalam |
ityācacakṣe bhūpālaḥ prajāpālyaṃ karoti saḥ || 17 ||
[Analyze grammar]

tasya dharmaprabhāveṇa bhītastiṣṭhāmi sarvadā |
dharma uvāca |
yenakenāpyupāyena tamānaya subhūpatim || 18 ||
[Analyze grammar]

devarāja mahābhāga yadīcchasi mama priyam |
ityākarṇya vacastasya dharmasyāpi surādhipaḥ || 19 ||
[Analyze grammar]

ciṃtayāmāsa medhāvī sarvatatvena bhūpate |
kāmadevaṃ samāhūya gaṃdharvāṃśca puraṃdaraḥ || 20 ||
[Analyze grammar]

makaraṃdaṃ ratiṃ deva ānināya mahāmanāḥ |
tathā kuruta vai yūyaṃ yathā'gacchati bhūpatiḥ || 21 ||
[Analyze grammar]

yūyaṃ gacchantu bhūrlokaṃ mayādiṣṭā na saṃśayaḥ |
kāma uvāca |
yuvayostu priyaṃ puṇyaṃ kariṣyāmi na saṃśayaḥ || 22 ||
[Analyze grammar]

rājānaṃ paśya māṃ caiva sthitaṃ caiva samā yudhi |
tathetyuktvā gatāḥ sarve yatra rājā sa nāhuṣiḥ || 23 ||
[Analyze grammar]

naṭarūpeṇa te sarve kāmādyāḥ karmaṇā dvija |
āśīrbhirabhinaṃdyaiva te ca ūcuḥ sunāṭakam || 24 ||
[Analyze grammar]

teṣāṃ tadvacanaṃ śrutvā yayātiḥ pṛthivīpatiḥ |
sabhāṃ cakāra medhāvī devarūpāṃ supaṃḍitaiḥ || 25 ||
[Analyze grammar]

samāyātaḥ svayaṃ bhūpo jñānavijñānakovidaḥ |
teṣāṃ tu nāṭakaṃ rājā paśyamānaḥ sa nāhuṣiḥ || 26 ||
[Analyze grammar]

caritaṃ vāmanasyāpi utpattiṃ viprarūpiṇaḥ |
rūpeṇāpratimā loke susvaraṃ gītamuttamam || 27 ||
[Analyze grammar]

gāyamānā jarā rājannāryārūpeṇa vai tadā |
tasyā gītavilāsena hāsyena lalitena ca || 28 ||
[Analyze grammar]

madhurālāpatastasya kaṃdarpasya ca māyayā |
mohitastena bhāvena divyena caritena ca || 29 ||
[Analyze grammar]

baleścaiva yathārūpaṃ viṃdhyāvalyā yathā purā |
vāmanasya yathārūpaṃ cakre mārotha tādṛśam || 30 ||
[Analyze grammar]

sūtradhāraḥ svayaṃ kāmo vasaṃtaḥ pāripārśvakaḥ |
naṭīveṣadharā jātā sā ratirhṛṣṭavallabhā || 31 ||
[Analyze grammar]

nepathyāṃtaścarī rājansā tasminnṛtyakarmaṇi |
makaraṃdo mahāprājñaḥ kṣobhayāmāsa bhūpatim || 32 ||
[Analyze grammar]

yathāyathā paśyati nṛtyamuttamaṃ gītaṃ samākarṇati sa kṣitīśaḥ |
tathātathā mohitavānsa bhūpatiṃ naṭīpraṇītena mahānubhāvaḥ || 33 ||
[Analyze grammar]

iti śrīpadmapurāṇe bhūmikhaṃḍe venopākhyāne mātāpitṛtīrthe yayāticaritre ṣaṭsaptatitamo'dhyāyaḥ || 76 ||
[Analyze grammar]