Chapter 57

[English text for this chapter is available]

viṣṇuruvāca |
krīḍā satīrūpa dharā prabhūtvā gehaṃ gatā cāru pativratāyāḥ |
tāmāgatāṃ satyasvarūpayuktā sā sādaraṃ vākyamuvāca dhanyā || 1 ||
[Analyze grammar]

vākyaiḥ supuṇyaiḥ paripūjitā sā uvāca krīḍā sukalāṃ vihasya |
māyānugaṃ viśvavimohanaṃ satī pratyuttaraṃ satyaprameyuktam || 2 ||
[Analyze grammar]

mamāpi bhartā prabalo guṇajño dhīraḥ savidyo mahimāprayuktaḥ |
tyaktvā gataḥ pāpatarāṃsupuṇyo māmeva nāthaḥ śṛṇu puṇyakīrtiḥ || 3 ||
[Analyze grammar]

vākyaistu puṇyairabalāsvabhāvādākarṇya sarvaṃ sukalā samuktam |
saṃśuddhabhāvāṃ ca viciṃtya cāha kasmādgataḥ suṃdari te'dya nāthaḥ || 4 ||
[Analyze grammar]

vihāya te rūpamatīva satyamācakṣva sarvaṃ bhavatī subhartuḥ |
dhyānopayuktā sakalaṃ karoti sakhīsvarūpā gṛhamāgatā me || 5 ||
[Analyze grammar]

krīḍā babhāṣe śṛṇu satyametaṃ caritrabhāvaṃ mama bhartturasya |
ahaṃ priye yasya sadaiva yuktā yamicchate taṃ pratisāṃtvayāmi || 6 ||
[Analyze grammar]

kartuḥ supuṇyaṃ vacanaṃ subharturdhyānopayuktā sakalaṃ karomi |
ekāṃtaśīlā saguṇānurūpā śuśrūṣayaikastamihaiva devi || 7 ||
[Analyze grammar]

mama pūrva vipāko'yaṃ saṃpratyeva pravartate |
yatastyaktvā gato bharttā māmevaṃ maṃdabhāginīm || 8 ||
[Analyze grammar]

sakhe na dhāraye jīvaṃ svakīya kāyameva ca |
patyāhīnāḥ kathaṃ nāryaḥ sujīvaṃti ca nirghṛṇāḥ || 9 ||
[Analyze grammar]

rūpaśṛṃgārasaubhāgyaṃ sukhaṃ saṃpacca nānyathā |
nārīṇāṃ hi mahābhāgo bhartā śāstreṣu gīyate || 10 ||
[Analyze grammar]

tayā sarvaṃ samākarṇya yaduktaṃ krīḍayā tadā |
satyabhāvaṃ viditvā sā mene saṃbhāṣitaṃ tadā || 11 ||
[Analyze grammar]

viśvastā sā mahābhāgā sukalā patidevatā |
tāmuvāca punaḥ sarvamātmaceṣṭānugaṃ vacaḥ || 12 ||
[Analyze grammar]

samāsena samākhyātaṃ pūrvavṛttāṃtamātmanaḥ |
yathā bhartā gato yātrāṃ puṇyasādhanatatparaḥ || 13 ||
[Analyze grammar]

ātmaduḥkhaṃ susatyaṃ ca tapa eva manasvini |
bodhitā krīḍayā sā tu samāśvāsya pativratā || 14 ||
[Analyze grammar]

sūta uvāca |
ekadā tu tayā proktaṃ krīḍayā sukalāṃ prati |
sakhe paśya vanaṃ saumyaṃ divyavṛkṣairalaṃkṛtam || 15 ||
[Analyze grammar]

tatra tīrthaṃ paraṃ puṇyamasti pātakanāśanam |
nānāvallīvitānaiśca supuṣpaiḥ pariśobhitam || 16 ||
[Analyze grammar]

āvābhyāmapi gaṃtavyaṃ puṇyahetorvarānane |
samākarṇya tayā sārddhaṃ sukalā māyayā tadā || 17 ||
[Analyze grammar]

praviveśa vanaṃ divyaṃ naṃdanopamameva sā |
sarvartukusumopetaṃ kokilāśatanāditam || 18 ||
[Analyze grammar]

gīyamānaṃ sumadhurairnādairmadhukarairapi |
kūjadbhiḥ pakṣibhiḥ puṇyaiḥ puṇyadhvanisamākulam || 19 ||
[Analyze grammar]

caṃdanādikavṛkṣaiśca saurabhaiśca virājitam |
sarvabhogaiḥ susaṃpūrṇaṃ mādhavyā mādhavena vai || 20 ||
[Analyze grammar]

racitaṃ mohanāyaiva sukalāyāśca kāraṇāt |
tayā sārdhaṃ praviṣṭā sā tadvanaṃ sarvabhāvanam || 21 ||
[Analyze grammar]

dadarśa saukhyadaṃ puṇyaṃ māyābhāvaṃ na viṃdati |
vīkṣamāṇā vanaṃ divyaṃ tayā saha janeśvara || 22 ||
[Analyze grammar]

śakropi cābhyayāttatra devamūrtivirājitaḥ |
tayā dūtyā samaṃ prāptaḥ kāmastatra samāgataḥ || 23 ||
[Analyze grammar]

sarvabhogapatirbhūtvā kāmalīlāsamākulaḥ |
kāmamāha samābhāṣya eṣā sā sukulā gatā || 24 ||
[Analyze grammar]

praharasva mahābhāga krīḍāyāḥ purataḥ sthitām |
māyāṃ kṛtvā samānītā krīḍayā tava saṃnidhau || 25 ||
[Analyze grammar]

pauruṣaṃ darśayādyaiva yadyasti kuru niścitam |
kāma uvāca |
ātmarūpaṃ darśayasva caturaṃ līlayānvitam || 26 ||
[Analyze grammar]

yenāhaṃ praharāmyetāṃ paṃcabāṇaiḥ sahasradṛk |
iṃdra uvāca |
kvāste te pauruṣaṃ mūḍha yena lokaṃ viḍaṃbase || 27 ||
[Analyze grammar]

mamādhāraparobhūtvā yoddhumicchasi sāṃpratam |
kāma uvāca |
tenāpi devadevena mahādevena śūlinā || 28 ||
[Analyze grammar]

pūrvameva hṛtaṃ rūpaṃ mamakāyo na vidyate |
icchāmyahaṃ yadā nārīṃ haṃtuṃ śṛṇuṣva sāṃpratam || 29 ||
[Analyze grammar]

puṃsāṃ kāyaṃ samāśritya ātmarūpaṃ pradarśaye |
pumāṃsaṃ vā sahasrākṣa nāryāḥ kāryaṃ samāśraye || 30 ||
[Analyze grammar]

pūrvadṛṣṭā yadā nārī tāmeva pariciṃtayet |
ciṃtyamānasya puṃsastu nāryārūpaṃ punaḥpunaḥ || 31 ||
[Analyze grammar]

adṛṣṭaṃ tu samāśritya puṃsamunmādayāmyaham |
tathāpyunmādayāmyevaṃ nārīrūpaṃ na saṃśayaḥ || 32 ||
[Analyze grammar]

saṃsmaraṇātsmaro nāma mama jātaṃ sureśvara |
tāṃ dṛṣṭvā tādṛśoraṃga vasturūpaṃ samāśraye || 33 ||
[Analyze grammar]

ātmatejaḥ prakāśena bādhyabādhakatāṃ vrajet |
nārīrūpaṃ samāśritya dhīraṃ puruṣaṃ pramohayet || 34 ||
[Analyze grammar]

puruṣaṃ tu samāśritya bhāvayāmi suyoṣitam |
rūpahīnosmi he iṃdra asmadrūpaṃ samāśrayet || 35 ||
[Analyze grammar]

tavarūpaṃ samāśritya tāṃ sādhaye yathepsitām |
evamuktvā sa deveṃdraṃ kāyaṃ tasya mahātmanaḥ || 36 ||
[Analyze grammar]

sakhāsau mādhavasyāpi samāśritya sumāyudhaḥ || 37 ||
[Analyze grammar]

tāmeva haṃtuṃ kusumāyudhopi sādhvīṃ supuṇyāṃ kṛkalasya bhāryām |
samutsukastiṣṭhati bāṇalakṣaṃ tasyāśca kāyaṃ nayanairvilokya || 38 ||
[Analyze grammar]

iti śrīpadmapurāṇe bhūmikhaṃḍe venopākhyāne sukalācaritre saptapaṃcāśattamo'dhyāyaḥ || 57 ||
[Analyze grammar]