Chapter 58

[English text for this chapter is available]

viṣṇuruvāca |
krīḍāprayuktāsu vanaṃ praviṣṭā vaiśyasya bhāryā sukalā sutanvī |
dadarśa sarvaṃ gahanaṃ manoramaṃ tāmeva papraccha sakhīṃ satī sā || 1 ||
[Analyze grammar]

araṇyametatpravaraṃ supuṇyaṃ divyaṃ sakhe kasya manobhirāmam |
siddhaṃsukāmaiḥ pravaraiḥ samastaiḥ papraccha harṣātsukalā sakhīṃ tām || 2 ||
[Analyze grammar]

krīḍovāca |
etadvanaṃ divyaguṇaiḥ prayuktaṃ siddhasvabhāvaiḥ paribhāvanena |
puṣpākulaṃ kāmaphalopayuktaṃ vipaśya sarvaṃ makaradhvajasya || 3 ||
[Analyze grammar]

evaṃ vākyaṃ tataḥ śrutvā harṣeṇa mahatānvitā |
samālokya mahadvṛttaṃ kāmasya ca durātmanaḥ || 4 ||
[Analyze grammar]

vāyunā nīyamānaṃ taṃ samāghrāti na saurabham |
vāti vāyuḥ svabhāvena saurabheṇa samanvitaḥ || 5 ||
[Analyze grammar]

tadbāṇo viśatenāsāṃ yathā tathā sulīlayā |
sā gaṃdhaṃ naiva gṛhṇāti puṣpāṇāṃ ca varānanā || 6 ||
[Analyze grammar]

na cāsvādayate sā tu surasānsā mahāsatī |
sa sakhā kāmadevasya ramamāṇo vinirjitaḥ || 7 ||
[Analyze grammar]

lajjitaḥ parāṅmukho bhūtvā bhūṃ papāta lavacchadaiḥ |
phalebhyo hi supakvebhyaḥ puṣpamaṃjarisaṃskṛtaḥ || 8 ||
[Analyze grammar]

lavarūpopatadbhūmau rasastveṣa tayā jitaḥ |
makaraṃdaḥ sudīnātmā phalādbhūmiṃ tataḥ punaḥ || 9 ||
[Analyze grammar]

bhakṣyate makṣikābhiśca yathāmṛto raṇe tathā |
makṣikābhakṣyamāṇastu pravāhena prayāti saḥ || 10 ||
[Analyze grammar]

maṃdaṃmaṃdaṃ prayātyeva taṃ hasaṃti ca pakṣiṇaḥ |
nānārutaiḥ pracalaṃti sukhamānaṃdanirbharaiḥ || 11 ||
[Analyze grammar]

prītyā śakunayastatra vanamadhyanagasthitāḥ |
sukalayā jito hyeṣa nimnaṃ paṃthānamāśritaḥ || 12 ||
[Analyze grammar]

prītyā sametā ratiḥ kāmabhāryā gatvābravītsā sukalāṃ vihasya |
svastyastu te svāgatameva bhadre ramasva prītyā nayanābhirāmam || 13 ||
[Analyze grammar]

te rūpamiṣṭamamalamiṃdrasyāpi mahātmanaḥ |
yadeṣṭaṃ te tadā brūhi samāneṣye na saṃśayaḥ || 14 ||
[Analyze grammar]

sūta uvāca |
vadaṃtyau te striyau dṛṣṭvā śrutvovāca subhāṣitam |
ratiṃ pratigṛhītvā me gato bharttā mahāmatiḥ || 15 ||
[Analyze grammar]

yatra me tiṣṭhate bharttā tatrāhaṃ patisaṃyutā |
tatra kāmaśca me prītirayaṃ kāyo nirāśrayaḥ || 16 ||
[Analyze grammar]

dve apyuktaṃ samākarṇya ratiprītī vilajjite |
vrīḍamāne gate te dve yatra kāmo mahābalaḥ || 17 ||
[Analyze grammar]

ūcatustaṃ mahāvīramiṃdrakāya samāśritam |
cāpamākarṣamāṇaṃ taṃ netralakṣyaṃ mahābalam || 18 ||
[Analyze grammar]

durjayeyaṃ mahāprājña tyaja pauruṣamātmanaḥ |
patikāmā mahābhāgā pativratā sadaiva sā || 19 ||
[Analyze grammar]

kāma uvāca |
anayā lokyate rūpamiṃdrasyāsya mahātmanaḥ |
yadi devi tadā cāhaṃ haniṣyāmi na saṃśayaḥ || 20 ||
[Analyze grammar]

atha veṣadharo devo mahārūpaḥ surādhipaḥ |
sa tayānugatastūrṇaṃ parayā līlayā tadā || 21 ||
[Analyze grammar]

sarvabhogasamākīrṇaḥ sarvābharaṇaśobhitaḥ |
divyamālyāṃbaradharo divyagaṃdhānulepanaḥ || 22 ||
[Analyze grammar]

tayā ratyā samāyāto yatrāste patidevatā |
pratyuvāca mahābhāgāṃ sukalāṃ satyacāriṇīm || 23 ||
[Analyze grammar]

pūrvaṃ dūtī samakṣaṃ te prītyā ca prahitā mayā |
kasmānna manyase bhadre bhajaṃtaṃ tvāmihāgatam || 24 ||
[Analyze grammar]

sukalovāca |
rakṣāyuktāsmi bhadraṃ te bhartuḥ putrairmahātmabhiḥ |
ekākinīsahāyaiśca naiva kasya bhayaṃ mama || 25 ||
[Analyze grammar]

śūraiśca puruṣākāraiḥ sarvatra parirakṣitā |
nāti prastāvaye vaktuṃ vyagrā karmaṇi tasya ca || 26 ||
[Analyze grammar]

yāvatprasyaṃdate netraṃ tāvatkālaṃ mahāmate |
bhavānna lajjate kasmādramamāṇo mayā saha || 27 ||
[Analyze grammar]

bhavānko hi samāyāto nirbhayo maraṇādapi |
iṃdra uvāca |
tvāmevaṃ hi prapaśyāmi vanamadhye samāgatām || 28 ||
[Analyze grammar]

samākhyātāstvayā śūrā bhartuśca tanayāḥ punaḥ |
kathaṃ paśyāmyahaṃ tāvaddarśayasva mamāgrataḥ || 29 ||
[Analyze grammar]

sukalovāca |
sanijasakalavargasyādhipatye niveśya dhṛtimatigatibuddhykhyaistu saṃnyasya satyam |
acalasakaladharmo nityayukto mahātmā madanasabaladharmātmā sadāmāṃ jugopa || 30 ||
[Analyze grammar]

māmevaṃ parirakṣate damaguṇaiḥ śaucaistu dharmaḥ sadā satyaṃ paśya samāgataṃ mama puraḥ śāṃtikṣamābhyāṃyutam |
bodhaścātimahābalaḥ pṛthuyaśā yo māṃ na muṃcetkadā baddhāhaṃ dṛḍhabaṃdhanaiḥ svaguṇajaiḥ sāṃnidhyamevaṃ gataḥ || 31 ||
[Analyze grammar]

rakṣāyuktāḥ kṛtāḥ sarve satyādyā mama sāṃpratam |
dharmalābhādikāḥ sarve damabuddhiparākramāḥ || 32 ||
[Analyze grammar]

māmevaṃ hi prarakṣaṃti kiṃ māṃ prārthayase balāt |
ko bhavānnirbhayo bhūtvā dūtyā sārdhaṃ samāgataḥ || 33 ||
[Analyze grammar]

satyaṃ dharmastathā puṇyaṃ jñānādyāḥ prabalāstathā |
mama bhartuḥ sahāyāśca te māṃ rakṣaṃti veśmani || 34 ||
[Analyze grammar]

ahaṃ rakṣāyutā nityaṃ damaśāṃtiparāyaṇā |
na māṃ jetuṃ samarthaśca api sākṣācchacīpatiḥ || 35 ||
[Analyze grammar]

yadi vā manmatho vāpi samāgacchati vīryavān |
daṃśitāhaṃ sadā satyaṃ satyakenaiva nānyathā || 36 ||
[Analyze grammar]

nirarthakāstasya bāṇā bhaviṣyaṃti na saṃśayaḥ |
tvāmevaṃ hi haniṣyaṃti dharmādayo mahābhaṭāḥ || 37 ||
[Analyze grammar]

dūraṃ gaccha palāyatvamatra mā tiṣṭha sāṃpratam |
vāryamāṇo yadā tiṣṭherbhasmībhūto bhaviṣyasi || 38 ||
[Analyze grammar]

bhartrā vinā nirīkṣeta mama rūpaṃ yadā bhavān |
yathā dāru dahedagnistathā dhakṣyāmi nānyathā || 39 ||
[Analyze grammar]

evaṃ śrutvā sahasrākṣo manmathasyāpi sammukham |
paśya pauruṣametasyā yudhyasva nijapauruṣaiḥ || 40 ||
[Analyze grammar]

yathāgatāstathā sarve mahāśāpabhayāturāḥ |
svaṃsvaṃ sthānaṃ mahārāja iṃdrādyāḥ prayayustadā || 41 ||
[Analyze grammar]

gateṣu teṣu sarveṣu sukalā sā pativratā |
svagṛhaṃ puṇyasaṃyuktā patidhyānena cāgatā || 42 ||
[Analyze grammar]

svagṛhaṃ puṇyasaṃyuktaṃ sarvatīrthamayaṃ tadā |
sarvayajñamayaṃ rājansaṃprāptā patidevatā || 43 ||
[Analyze grammar]

iti śrīpadmapurāṇe bhūmikhaṃḍe venopākhyāne sukalācaritreṣṭapaṃcāśattamo'dhyāyaḥ || 58 ||
[Analyze grammar]