Chapter 7

[English text for this chapter is available]

ditiruvāca |
satyamuktaṃ tvayā nātha sarvameva na saṃśayaḥ |
bhartṛsnehaṃ parityajya gatā sāpatnyajaṃ dvija || 1 ||
[Analyze grammar]

abhimānena duḥkhena mānabhaṃgena sattama |
mahāduḥkhena saṃtaptā kariṣye prāṇamocanam || 2 ||
[Analyze grammar]

kaśyapa uvāca |
śrūyatāmabhidhāsyāmi yathā śāṃtirbhaviṣyati |
na kaḥ kasya bhavetputro na mātā na pitā śubhe || 3 ||
[Analyze grammar]

na bhrātā bāṃdhavaḥ kasya na ca svajanabāṃdhavāḥ |
evaṃ saṃsārasaṃbaṃdho māyāmohasamanvitaḥ || 4 ||
[Analyze grammar]

svayameva pitā devi svayaṃ mātātha bāṃdhavāḥ |
svayaṃ svajanavargaśca svayaṃ dharmaḥ sanātanaḥ || 5 ||
[Analyze grammar]

ācāreṇa naro devi sukhitvamupajāyate |
anācāreṇa pāpena nāśaṃ yāti tathā dhruvam || 6 ||
[Analyze grammar]

krūrayoniṃ prayātyevaṃ naro devi na saṃśayaḥ |
karmaṇā satyahīnena mahāpāpena mohataḥ || 7 ||
[Analyze grammar]

riputve varttate martyaḥ prāṇināṃ nityasaṃsthitaḥ |
ripavastasya vartante yatra tatra na saṃśayaḥ || 8 ||
[Analyze grammar]

maitreṇa vartate martyo yadā loke priye śubhe |
tadā tasya bhavaṃtyeva mitrāḥ sarvatra bhāmini || 9 ||
[Analyze grammar]

kṛṣikāro yadā devi channaṃ bījaṃ susaṃsthitam |
yādṛśaṃ tu bhavatyeva tādṛśaṃ phalamaśnute || 10 ||
[Analyze grammar]

tathā tava ca putraiśca sādhubhiḥ spardhitaṃ saha |
karmaṇastasya tatprāptaṃ phalaṃ bhuṃkṣva susaṃsthitam || 11 ||
[Analyze grammar]

tava putrā mahābhāge tapaḥ śāṃti vivarjitāḥ |
tena pāpena te sarve patitā vai mahatpadāt || 12 ||
[Analyze grammar]

evaṃ jñātvā śamaṃ gaccha muṃca duḥkhaṃ sukhaṃ tathā |
kasya putrāśca mitrāṇi kasya svajana bāṃdhavāḥ || 13 ||
[Analyze grammar]

ātmakarmānusāreṇa sukhaṃ jīvaṃti jaṃtavaḥ |
parārthe ciṃtanaṃ devi tattvajñānena paṃḍitāḥ || 14 ||
[Analyze grammar]

na kurvaṃti mahātmāno vyarthameva na saṃśayaḥ |
paṃcabhūtātmakaṃ kāyaṃ kevalaṃ saṃdhijarjaram || 15 ||
[Analyze grammar]

ātmamitraṃ kṛtaṃ tena sarvaṃ devi sukhāśayā |
ātmā nāma mahāpuṇyaḥ sarvagaḥ sarvadarśakaḥ || 16 ||
[Analyze grammar]

sarvasiddhistu sarvātmā sātvikaḥ sarvasiddhidaḥ |
evaṃ sarvamayo devi bhramatyeko nirañjanaḥ || 17 ||
[Analyze grammar]

bhramatā nirjane yena mūrtimaṃto dvijottamāḥ |
catvāro darśitāḥ puṇyā mūrtimaṃto mahaujasaḥ || 18 ||
[Analyze grammar]

paṃcamaḥ śvasanaścaiva pūrvāṇāṃ mitrameva ca |
atho ātmā samāyāto jñānasāhāyyameva vā || 19 ||
[Analyze grammar]

sa tāndṛṣṭvā mahātmā vai jñānamātmā samabravīt |
jñāna paśya amī paṃca maṃtrayaṃtaḥ parasparam || 20 ||
[Analyze grammar]

etāngatvābravīhi tvaṃ yūyaṃ ka iti pṛccha ha |
jñānaṃ vākyaṃ paraṃ śrutvā sārthaṃ tasya mahātmanaḥ || 21 ||
[Analyze grammar]

tadāhātmānamārādhyametaiḥ kiṃ te prayojanam |
tattvato brūhi me deva sadā śuddhosi sarvadā || 22 ||
[Analyze grammar]

ātmovāca |
ete paṃca mahābhāgā rūpavaṃto manasvinaḥ |
gatvā saṃdarśayāmyenānābhāṣye jñāna śrūyatām || 23 ||
[Analyze grammar]

bhavyānetānpravakṣyāmi paṃcamīṃ gatimāgatān |
dūtatvaṃ gaccha bho jñāna kuśalo dūtakarmaṇi || 24 ||
[Analyze grammar]

jñānamuvāca |
tvamātmañchṛṇu me vākyaṃ satyaṃ satyaṃ vadāmyaham |
eteṣāṃ saṃgatistāta kāryā naiva tvayā kadā || 25 ||
[Analyze grammar]

paṃcānāmapi śuddhātmanna kāryaṃ śubhamicchatā |
bhavataḥ saṃgatiṃ moha icchatyeṣa mahāmate || 26 ||
[Analyze grammar]

ātmovāca |
eteṣāṃ saṃgatiṃ jñāna kasmādvārayate bhavān |
tanme tvaṃ kāraṇaṃ brūhi yāthātathyena paṃḍita || 27 ||
[Analyze grammar]

jñānamuvāca |
eteṣāṃ saṃgamātrāttu mahadduḥkhaṃ bhaviṣyati |
duḥkhamūlā hi paṃcaiva śokasaṃtāpakārakāḥ || 28 ||
[Analyze grammar]

evamastu mahāprājña kariṣye vacanaṃ tava |
jñānamābhāṣya sa hyātmā dhyānena saha saṃgataḥ || 29 ||
[Analyze grammar]

kaśyapa uvāca |
tataḥ paṃcaiva te tatrādrākṣurātmānameva tam |
buddhimūcuḥ samāhūya saṃgacchātmānameva hi || 30 ||
[Analyze grammar]

dūtatvaṃ kuru kalyāṇi asmākamātmanā saha |
paṃcatattvā mahātmāno viśvasyadhārakāḥ śubhāḥ || 31 ||
[Analyze grammar]

bhavato maitramicchaṃti ityābhāṣya mahāmatim |
gatvā buddhe tvayā kāryaṃ kartavyaṃ na ito vraja || 32 ||
[Analyze grammar]

evamastu mahābhāgā kariṣye kāryamuttamam |
evamābhāṣitaṃ teṣāṃ gatvā'hātmānameva tam || 33 ||
[Analyze grammar]

ahaṃ buddhirmahābhāga bhavaṃtaṃ samupāgatā |
dūtatve mahatāṃ pārśvātteṣāṃ tvaṃ vacanaṃ śṛṇu || 34 ||
[Analyze grammar]

bhavanmaitrīṃ samicchaṃti akṣayāṃ paṃca ātmakāḥ |
kuru maitrīṃ mahāprājña jahi dhyānaṃ sudūrataḥ || 35 ||
[Analyze grammar]

dhyānamuvāca |
na kartavyaṃ tvayā cātmannaiteṣāṃ vai samāgamam |
eṣāṃ saṃsargamātreṇa mahudduḥkhaṃ bhaviṣyati || 36 ||
[Analyze grammar]

mayā jñānena hīnastvaṃ kathaṃ karma kariṣyati |
evameva na kartavyaṃ teṣāṃ caiva samāgamam || 37 ||
[Analyze grammar]

garbhavāsaṃ nayiṣyaṃti bhavaṃtaṃ nānyathā vibho |
jñānenaiva mayā hīno ajñānaṃ yāsyasi dhruvam || 38 ||
[Analyze grammar]

evamuktvā tamātmānaṃ virarāma mahāmatim |
tatastāmāgatāṃ buddhimātmā provāca niścitaḥ || 39 ||
[Analyze grammar]

jñānadhyānau mahātmānau maṃtriṇau mama śobhanau |
tatra yānaṃ na me yuktaṃ tadbuddhe kiṃ karomyaham || 40 ||
[Analyze grammar]

evaṃ śrutvā tato buddhisteṣāṃ pārśve yaśasvinī |
samācaṣṭa samagraṃ tatkathanaṃ jñānadhyānayoḥ || 41 ||
[Analyze grammar]

tataste paṃcakāḥ sarve ātmānaṃ pratijagmire |
maitrīmeva pratīcchāmo bhavato nityameva hi || 42 ||
[Analyze grammar]

yasmācchuddhosi lokeśa tasmāttvāṃ samupāgatāḥ |
svayameva vicāryaiva uttaraṃ naḥ pradīyatām || 43 ||
[Analyze grammar]

ātmovāca |
yūyaṃ paṃcaiva saṃprāptā mama maitraṃ samicchatha |
svīyaṃ guṇaṃ prabhāvaṃ ca kathayaṃtu mamāgrataḥ || 44 ||
[Analyze grammar]

bhūmiruvāca |
sarvakāryasya saṃsthānaṃ carmamāṃsasamanvitam |
asthimūladṛḍhatvaṃ me nakhalomasamanvitam || 45 ||
[Analyze grammar]

prabhāvo hi mahāprājña kāyamadhye mamaiva hi |
nāsikāgamano gaṃdhassa me bhṛtyo mahāmanāḥ || 46 ||
[Analyze grammar]

ākāśa uvāca |
ahamākāśakaḥ prāpto mama kāye prabhāvakam |
śrūyatāmabhidhāsyāmi parabrahmasvarūpiṇam || 47 ||
[Analyze grammar]

bāhyāṃtarāvakāśaśca śūnyasthāne vasāmyaham |
tatrāmātyau tu karṇau me śravaṇārthaṃ pratiṣṭhitau || 48 ||
[Analyze grammar]

vāyuruvāca |
paṃcarūpeṇa tiṣṭhāmi karomyevaṃ śubhāśubham |
carmakāyesthitomātyaḥ sparśaṃ saṃśrayate guṇam || 49 ||
[Analyze grammar]

teja uvāca |
kāye saṃsthaḥ sadā nityaṃ pākayogaṃ karomyaham |
sabāhyābhyaṃtaraṃ sarvaṃ dravyādravyaṃ pradarśaye || 50 ||
[Analyze grammar]

śukraṃ majjā tathā lālā evaṃ tvaksaṃdhisaṃsthitam |
rudhiraṃ preṣayāmyeva kāyamadhye sthitosmyaham || 51 ||
[Analyze grammar]

tatra netrāvamātyau me dravyalabdhiprasādhakau |
evaṃ mayātmavyāpārastavāgre kathitaḥ paraḥ || 52 ||
[Analyze grammar]

jalamuvācaḥ |
sutoṣayāmyahaṃ nityamamṛtena kalevaram |
evaṃ me tatra vyāpāraḥ kāyapattanake priye || 53 ||
[Analyze grammar]

amātyaṃ rasanāṃ viddhi rasāsvādakarīṃ parām |
nāsikovāca |
sugaṃdhena parāṃ puṣṭiṃ kāyasyāpi karomyaham || 54 ||
[Analyze grammar]

durgaṃdhaṃ tu parityajya kāye gaṃdhaṃ pradarśaye |
buddhiyuktā mahābhāga tasyābhāvena bhāvitā || 55 ||
[Analyze grammar]

svāmikāryāya kāyesminnahaṃ tiṣṭhāmi niścalā |
gaṃdhaṃ mama guṇaṃ viddhi dvividhaṃ yatpravartitam || 56 ||
[Analyze grammar]

śravaṇāvūcatuḥ |
kāryākāryādikaṃ śabdaṃ lokairuktaṃ śubhāśubham |
śṛṇuyāvaḥ svakāyasthau satyāsatye priyāpriye || 57 ||
[Analyze grammar]

śabdo hi me guṇaḥ prokto mama vyāpārameva hi |
yojayāmi na saṃdeho yadā buddhiḥ prapūrayet || 58 ||
[Analyze grammar]

tvaguvāca |
paṃcarūpātmako vāyuḥ śarīresminvyavasthitaḥ || 59 ||
[Analyze grammar]

sabāhyābhyaṃtare ceṣṭāṃ teṣāṃ jānāmi tattvataḥ |
śītoṣṇamātapaṃ varṣaṃ vāyoḥ sphuraṇameva ca || 60 ||
[Analyze grammar]

sarvaṃ jānāmi saṃsparśaṃ saṃgaśleṣādikaṃ nṛṇām |
sparśa eva guṇo mahyametatsatyaṃ vadāmyaham || 61 ||
[Analyze grammar]

evaṃ hi te samākhyāto mayā vyāpāra eva hi |
netre ūcatuḥ |
saṃsāre yāni rūpāṇi bhavyābhavyāni sattama || 62 ||
[Analyze grammar]

yadā prerayate buddhistadā paśyāva nānyathā |
vasāvaḥ kāyamadhye vai rūpaṃ guṇamihāvayoḥ || 63 ||
[Analyze grammar]

evaṃ vyāpārasaṃbaṃdhaḥ kāyamadhye mahāmate |
jihvovāca |
buddhiyuktā ahaṃ tāta rasabhedānvicāraye || 64 ||
[Analyze grammar]

kṣāramamlādikaṃ sarvaṃ nīrasaṃ svādu ciṃtaye |
vyāpāreṇa anenāpi nityayuktā vasāmyaham || 65 ||
[Analyze grammar]

indriyāṇāṃ hi sarveṣāṃ buddhireṣā praṇāyakaḥ |
evaṃ paṃca samāyātānīṃdriyāṇi priye śṛṇu || 66 ||
[Analyze grammar]

svīyāni yāni karmāṇi kathayaṃti punaḥ punaḥ |
atha buddhiḥ samāyātā tamuvāca mahāmatim || 67 ||
[Analyze grammar]

madvihīno yadā kāyastadā naśyati nānyathā |
tasmāttvaṃ māṃ samāsthāya varttayasva mahāmate || 68 ||
[Analyze grammar]

atha karma samāyātamātmānamidamabravīt |
ahaṃ karma mahāprājña tava pārśvaṃ samāgatam || 69 ||
[Analyze grammar]

tvāṃ preṣayāmyahaṃ tena pathā yeneha gacchasi |
evamākarṇya tatsarvamātmā provāca tānprati || 70 ||
[Analyze grammar]

yūyaṃ paṃcātmakairyuktāḥ sarvasādhāraṇāḥ kila |
kasmānmaitraṃ samicchaṃti tatra paṃcātmakaṃ prati || 71 ||
[Analyze grammar]

bruvaṃtu kāraṇaṃ sarve mamāgre sarvameva tat |
paṃcātmakā ūcuḥ |
asmatsaṃgaprasaṃgena piṃḍameva prajāyate || 72 ||
[Analyze grammar]

tasminpiṃḍe mahābuddhe bhavānvasati suvrataḥ |
tiṣṭhāmo hi vayaṃ sarve prasādāttava tatra hi || 73 ||
[Analyze grammar]

etasmātkāraṇānmaitramicchāmastava nityaśaḥ |
ātmovāca |
evamastu mahābhāgā bhavatāṃ priyameva ca || 74 ||
[Analyze grammar]

kariṣye nātra saṃdeho maitraṃ hi prītikāraṇāt |
vāryamāṇo mahābhāgo jñānenāpi mahātmanā || 75 ||
[Analyze grammar]

dhyānena ca mahātmāsau teṣāṃ saṃgatimāgataḥ |
sa taiḥ pramohitastatra rāgadveṣādibhistadā || 76 ||
[Analyze grammar]

paṃcatattvasamāyuktaḥ kāyitvaṃ gatavānprabhuḥ |
yadā garbhaṃ samāyāto viṣṭhāmūtrasamākule || 77 ||
[Analyze grammar]

durgaṃdhe picchilāvarte patitastaiḥ sa saṃyutaḥ |
aṃgena vyākulībhūtaḥ paṃcātmakānuvāca saḥ || 78 ||
[Analyze grammar]

bhobhoḥ paṃcātmakāḥ sarve śṛṇudhvaṃ vacanaṃ mama |
bhavatāṃ saṃprasaṃgena mahāduḥkhena mohitaḥ || 79 ||
[Analyze grammar]

tatrāsminpicchile ghore patito hi mahābhaye |
paṃcātmakā ūcuḥ |
tāvatsaṃsthīyatāṃ rājanyāvadgarbhaḥ prapūrayet || 80 ||
[Analyze grammar]

paścānnirgamanaṃ te vai bhaviṣyati na saṃśayaḥ |
asmākaṃ hi bhavānsvāmī kāyadeśe vyavasthitaḥ || 81 ||
[Analyze grammar]

rājyamevaṃ prakartavyaṃ sukhabhoktā bhaviṣyati |
teṣāṃ tadvacanaṃ śrutvā ātmā duḥkhena pīḍitaḥ || 82 ||
[Analyze grammar]

gaṃtumicchannasau tasmātpalāyanaparobhavat || 83 ||
[Analyze grammar]