Chapter 6

[English text for this chapter is available]

sūta uvāca |
kaśyapasya ca bhāryānyā danurnāma tapasvinī |
putraśokena saṃtaptā saṃprāptā ditimaṃdiram || 1 ||
[Analyze grammar]

rodamānā praṇamyaiva pādapadmayugaṃ tadā |
duḥkhena mahatā prāptā ditistāṃ pratyabodhayat || 2 ||
[Analyze grammar]

ditiruvāca |
tavaiva hi mahābhāge kimidaṃ rodakāraṇam |
putriṇyaścaikaputreṇa loke nāryo bhavaṃti vai || 3 ||
[Analyze grammar]

bhavatī śataputrāṇāṃ guṇināmapi bhāmini |
mātā tvamasi kalyāṇi śuṃbhādīnāṃ mahātmanām || 4 ||
[Analyze grammar]

kasmādduḥkhaṃ tvayā prāptametanme kāraṇaṃ vada |
hiraṇyakaśipū rājā hiraṇyākṣo mahābalaḥ || 5 ||
[Analyze grammar]

yasyāḥ putrau mahātmānau mahābalaparākramau |
kasmādduḥkhaṃ mahajjātaṃ tasmāccaiva sakhe vada || 6 ||
[Analyze grammar]

ākhyāhi kāraṇaṃ sarvaṃ yasmādrodiṣi sāṃpratam |
evamābhāṣya tāṃ devīṃ virarāma manasvinī || 7 ||
[Analyze grammar]

danuruvāca |
paśya paśya mahābhāge sapatnyāśca manoratham |
paripūrṇaṃ kṛtaṃ tena devadevena cakriṇā || 8 ||
[Analyze grammar]

yathāpūrvaṃ varo datto hyadityai devi viṣṇunā |
tathedānīṃ ca putrāya tasyā datto varo mahān || 9 ||
[Analyze grammar]

kaśyapādviśruto jātastrailokyapālakaḥ sutaḥ |
iṃdratvaṃ tasya vai dattaṃ tava putrādvihṛtya ca || 10 ||
[Analyze grammar]

manorathaistu saṃpūrṇā aditiḥ sukhavarddhinī |
kanīyānvasudattaśca tasyāḥ putraśca saṃprati || 11 ||
[Analyze grammar]

aiṃdraṃ padaṃ suduṣprāpyaṃ devaiḥ sārddhaṃ bhunakti ca |
ditiruvāca |
kasmātpadātparibhraṣṭo mama putro mahāmatiḥ || 12 ||
[Analyze grammar]

anye ca dānavā daityāstejobhraṣṭāḥ kathaṃ sakhe |
tasya tvaṃ kāraṇaṃ brūhi vistareṇa yaśasvini || 13 ||
[Analyze grammar]

tāmābhāṣya ditirvākyaṃ virarāma suduḥkhitā |
danuruvāca |
devāśca dānavāḥ sarve sakrodhāḥ saṃgaraṃ gatāḥ || 14 ||
[Analyze grammar]

tatra yuddhaṃ mahajjātaṃ daityasaṃkṣayakārakam |
devaiśca viṣṇunā yuddhe mama putrā nipātitāḥ || 15 ||
[Analyze grammar]

tathaiva tava putrāste devadevena cakriṇā |
vane gatānyathā siṃho drāvayetsvena tejasā || 16 ||
[Analyze grammar]

tathā te māmakāḥ putrā nihatāḥ śaṅkhapāṇinā |
kālanemimukhaṃ sainyaṃ durjayaṃ sasurāsuraiḥ || 17 ||
[Analyze grammar]

nāśitaṃ marditaṃ sarvaṃ drāvitaṃ vikalīkṛtam |
svairarcibhiryathā vahnistṛṇāni jvālayedvane || 18 ||
[Analyze grammar]

tathā daityagaṇānsarvānnirdahatyeva keśavaḥ |
mama putrā mṛtā devi bahuśastava naṃdanāḥ || 19 ||
[Analyze grammar]

vahniṃ prāpya yathā sarve śalabhā yāṃti saṃkṣayam |
tathā te dānavāḥ sarve hariṃ prāpya kṣayaṃ gatāḥ || 20 ||
[Analyze grammar]

evametaṃ hi vṛttāṃtaṃ ditiḥ śuśrāva dāruṇam |
ditiruvāca |
vajrapātopamaṃ bhadre vadasyevaṃ kathaṃ mama || 21 ||
[Analyze grammar]

evamābhāṣya tāṃ devī mūrcchitā nipapāta ha |
hā hā kaṣṭamidaṃ jātaṃ bahuduḥkhaṃ pratāpakam || 22 ||
[Analyze grammar]

ruroda karuṇaṃ sātha putraśokasupīḍitā |
tāṃ dṛṣṭvā sa muniśreṣṭha uvāca vacanaṃ śubham || 23 ||
[Analyze grammar]

mā rodiṣi ca bhadraṃ te naivaṃ śocaṃti tvadvidhāḥ |
satvavaṃto mahābhāge lobhamohena varjitāḥ || 24 ||
[Analyze grammar]

kasya putrā hi saṃsāre kasya devī subāṃdhavāḥ |
nāstikasyeha kenāpi tatsarvaṃ śrūyatāṃ priye || 25 ||
[Analyze grammar]

dakṣasyāpi sutā yūyaṃ sundaryaścaiva māmakāḥ |
bhavatīnāmahaṃ bhartā kāmanāpūrakaḥ śubhe || 26 ||
[Analyze grammar]

yojakaḥ pālakaścaiva rakṣakosmi varānane |
kasmādvairaṃ kṛtaṃ krūrairasurairajitātmabhiḥ || 27 ||
[Analyze grammar]

tava putrā mahābhāge satyadharmavivarjitāḥ |
tena doṣeṇa te sarve tava doṣeṇa vai śubhe || 28 ||
[Analyze grammar]

nihatā vāsudevena daivataistu nipātitāḥ |
tasmācchoko na kartavyaḥ satyamokṣavināśanaḥ || 29 ||
[Analyze grammar]

śoko hi nāśayetpuṇyaṃ kṣayātpuṇyasya naśyati |
tasmācchokaṃ parityaja vighnarūpaṃ varānane || 30 ||
[Analyze grammar]

ātmadoṣaprabhāveṇa dānavā maraṇaṃ gatāḥ |
devā nimittabhūtāśca nāśitāḥ svena karmaṇā || 31 ||
[Analyze grammar]

evaṃ jñātvā mahābhāge samāgaccha sukhaṃ prati |
evamuktvā mahāyogī tāṃ priyāṃ duḥkhabhāginīm || 32 ||
[Analyze grammar]

viṣādācca nivṛttosau virarāma mahāmatiḥ || 33 ||
[Analyze grammar]

iti śrīpadmapurāṇe bhūmikhaṃḍe devāsure ditivilāponāma ṣaṣṭho'dhyāyaḥ || 6 ||
[Analyze grammar]