Chapter 47

[English text for this chapter is available]

nārada uvāca |
tava prasādato jñāto vipraḥ puṇyatamaśca yaḥ |
yathā jānāmi deveśa kriyayā brāhmaṇādhamam || 1 ||
[Analyze grammar]

brūhi śīghraṃ suraśreṣṭha yadi prītiṃ mayīcchasi |
brahmovāca |
snānairdaśavidhairmuktastathaiva tarpaṇādibhiḥ || 2 ||
[Analyze grammar]

saṃdhyāsaṃyamahīnaśca sa eva brāhmaṇādhamaḥ |
devapūjāvratairmukto vedavidyādibhistathā || 3 ||
[Analyze grammar]

satyaśaucādibhiścaiva yogajñānāgnitarpaṇaiḥ |
paṃcasnānānāni viprāṇāṃ kīrtitāni maharṣibhiḥ || 4 ||
[Analyze grammar]

āgneyaṃ vāruṇaṃ brāhmaṃ vāyavyaṃ divyameva ca |
āgneyaṃ bhasmanā snānamadbhirvāruṇamucyate || 5 ||
[Analyze grammar]

āpohiṣṭheti vai brāhmaṃ vāyavyaṃ gorajaḥ smṛtam |
adbhirātapavarṣābhirdivyaṃ snānamudāhṛtam || 6 ||
[Analyze grammar]

etaistu maṃtrataḥ snānāttīrthānāṃ phalamāpnuyāt |
tulasīpatrasaṃlagnaṃ sālagrāmaśilāṃbu ca || 7 ||
[Analyze grammar]

gavāṃ śṛṃgodakaṃ caiva viprapādodakaṃ ca yat |
gurūṇāmeva mukhyānāṃ pūtātpūtamiti smṛtiḥ || 8 ||
[Analyze grammar]

tyāga tīrthādibhiryajñairvratahomādibhistathā |
yatphalaṃ labhate dhīraḥ snānairetaistu tatphalam || 9 ||
[Analyze grammar]

tarpaṇaiśca vinirmuktaḥ pitṝṇāmeva nityaśaḥ |
pitṛhā narakaṃ yāti saṃdhyāhīnastu viprahā || 10 ||
[Analyze grammar]

maṃtravratavihīnaśca vedavidyāguṇairapi |
yajñadānādibhirmukto brāhmaṇaścādhamādhamaḥ || 11 ||
[Analyze grammar]

yajñārthakā devalakā nākṣatrā grāmayājakāḥ |
paradāraratā nityaṃ paṃcaite brāhmaṇādhamāḥ || 12 ||
[Analyze grammar]

maṃtrasaṃskārahīnāśca śucisaṃyamavarjitāḥ |
moghāśino durātmāno brāhmaṇāścādhamādhamāḥ || 13 ||
[Analyze grammar]

api steyaratā mūḍhāḥ sarvadharmavivarjitāḥ |
unmārgagāmino nityaṃ brāhmaṇāścādhamādhamāḥ || 14 ||
[Analyze grammar]

śrāddhādikarmarahitā gurusevāvivarjitāḥ |
amaṃtrā bhinnamaryādā ete sarvādhamādhamāḥ || 15 ||
[Analyze grammar]

asaṃbhāṣyā ime duṣṭāssarve nirayagāminaḥ |
amedhyāste durācārā apūjyāśca samaṃtataḥ || 16 ||
[Analyze grammar]

khaḍgopajīvikāḥ preṣyā govāhanaratā dvijāḥ |
kāruvṛtyupajīvāśca gaṇavārddhaṣikāśca ye || 17 ||
[Analyze grammar]

bālāpaṇyābhicārāśca aṃtyajāśrayamāśritāḥ |
kṛtaghnāśca gurughnāśca ete sarvādhamāḥ smṛtāḥ || 18 ||
[Analyze grammar]

ye caivānye hatācārāḥ pāṣaṃḍā dharmaniṃdakāḥ |
dūṣakādeva bhedānāmete brahmadviṣo dvijāḥ || 19 ||
[Analyze grammar]

tathāpi brāhmaṇaścaiva na haṃtavyaḥ kadācana |
enaṃ hatvā dvijaśreṣṭha brahmahā puruṣo bhavet || 20 ||
[Analyze grammar]

aṃtyajātiṣu mleccheṣu tathā cāṃḍālajātiṣu |
patito vānnayonibhyāṃ na haṃtavyaḥ kathaṃcana || 21 ||
[Analyze grammar]

sarvajātistriyaṃ gatvā sarvābhakṣyasya bhakṣaṇāt |
dvijatvaṃ na vinaśyeta puṇyādvipro bhavetpunaḥ || 22 ||
[Analyze grammar]

nārada uvāca |
īdṛśaṃ duṣkṛtaṃ kṛtvā paścātpuṇyaṃ samācaret |
kāṃ gatiṃ yātyasau vipraḥ sarvalokapitāmaha || 23 ||
[Analyze grammar]

brahmovāca |
kṛtvā sarvāṇi pāpāni paścādyastu jiteṃdriyaḥ |
mucyate sarvapāpebhyaḥ punarbrahmatvamarhati || 24 ||
[Analyze grammar]

śṛṇu putra kathāṃ ramyāṃ vicitrāṃ ca purātanīm |
kasyacidbrāhmaṇasyāpi yauvanāḍhyaḥ suto'bhavat || 25 ||
[Analyze grammar]

tato yauvanasaṃpattermohācca pūrvakarmaṇaḥ |
cāṃḍālīmagamatsadyastasyāḥ priyataro'bhavat || 26 ||
[Analyze grammar]

tasyāmutpāditāstena putrā duhitarastathā |
svakuṭuṃbaṃ parityajya gṛhe tasyāściraṃ sthitaḥ || 27 ||
[Analyze grammar]

anyā bhakṣyaṃ na cāśnāti ghṛṇayā ca surāṃ tyajet |
tamuvāca sadā sā ca bhakṣayānyatarāṃ surām || 28 ||
[Analyze grammar]

tāmuvāca tadā śaucaṃ gadituṃ nārhasi priye |
utkāro jāyate tasyāḥ śravaṇātsatataṃ mama || 29 ||
[Analyze grammar]

ekadā sa mṛgānveṣātśrāṃtaḥ supto gṛhe divā |
gṛhītvā sā surāṃ tasya hasitvā ca mukhe dadau || 30 ||
[Analyze grammar]

tato vipramukhādagniḥ prajajvāla samaṃtataḥ |
jvālā tu sakuṭubāṃtāmadahacca gṛhaṃ vasu || 31 ||
[Analyze grammar]

hāhā kṛtvā samutthāya vilalāpa tadā dvijaḥ |
vilāpāṃte ca jijñāsā samārabdhā ca tena hi || 32 ||
[Analyze grammar]

kutaścāgniḥ samudbhūto gṛhe dāhaḥ kathaṃ mama |
tataḥ khe tamuvācedaṃ tejaste brāhmaṇasya ca || 33 ||
[Analyze grammar]

kathite tadyathāvṛtte brāhmaṇo vismayaṃ gataḥ |
vimṛśyārthamuvācedaṃ punaḥ khe'sya hitaṃ vacaḥ || 34 ||
[Analyze grammar]

vipraṇaṣṭaṃ sutejaste tasmāddharmacaro bhava |
tato munivarāngatvā papracchātmahitaṃ dvijaḥ || 35 ||
[Analyze grammar]

tamūcurmunayaḥ sarve dānadharmaṃ samācara |
ṛṣaya ūcuḥ |
pūyaṃte sarvapāpebhyo brāhmaṇāni yamairvrataiḥ || 36 ||
[Analyze grammar]

niyamānśāstradṛṣṭāṃśca pūtatvārthamupācara |
cāṃdrāyaṇāṃśca kṛcchrāṃśca taptakṛcchrānpunaḥ punaḥ || 37 ||
[Analyze grammar]

prājāpatyāṃśca divyāṃśca doṣaśoṣāya satvaram |
gaccha tīrthāni pūtāni goviṃdārādhanaṃ kuru || 38 ||
[Analyze grammar]

kṣayameṣyaṃti pāpāni na cireṇa samaṃtataḥ |
puṇyatīrthaprabhāvācca goviṃdasya prabhāvataḥ || 39 ||
[Analyze grammar]

kṣayameṣyaṃti pāpāni brahmatvaṃ prāpsyate bhavān |
śṛṇu tāta yathāvṛttaṃ kathayāmaḥ purātanam || 40 ||
[Analyze grammar]

āhārārthī purā vatsa garuḍo vinatāsutaḥ |
pataṃgopi bahiḥ sākṣādaṃḍānnissṛtya śāvakaḥ || 41 ||
[Analyze grammar]

kṣudhārthī mātaraṃ prāha bhakṣyaṃ me dīyatāmiti |
tataḥ parvatasaṃkāśaṃ garuḍaṃ ca mahābalam || 42 ||
[Analyze grammar]

dṛṣṭvā mātā mahābhāgā tanayaṃ hṛṣṭamānasā |
kṣudhāṃ te bādhituṃ putra na śaknomi samaṃtataḥ || 43 ||
[Analyze grammar]

tava tātastapastepe lauhityasyottare taṭe |
kaśyapo nāma dharmātmā sākṣāllokapitāmahaḥ || 44 ||
[Analyze grammar]

tatra gacchasva pitaraṃ pṛccha kāmaṃ yathā tava |
asyopadeśatastāta kṣudhā te śamameṣyati || 45 ||
[Analyze grammar]

tato māturvacaḥ śrutvā vainateyo mahābalaḥ |
agamatpiturabhyāśaṃ samuhūrtānmanojavaḥ || 46 ||
[Analyze grammar]

dṛṣṭvā tātaṃ muniśreṣṭhaṃ jvalaṃtamiva pāvakam |
praṇamya śirasā vākyamuvāca pitaraṃ khagaḥ || 47 ||
[Analyze grammar]

bhakṣārthī samanuprāptaḥ sutohaṃ te mahātmanaḥ |
kṣudhayā pīḍito nātha bhakṣyaṃ me dīyatāṃ prabho || 48 ||
[Analyze grammar]

tato dhyānaṃ samālabhya jñātvā taṃ vinatāsutaṃ |
putrasnehādvacaścedaṃ provāca munisattamaḥ || 49 ||
[Analyze grammar]

anekaśatasāhasrā niṣādāḥ saritāṃpateḥ |
tīre tiṣṭhaṃti pāpiṣṭhāstānsaṃbhakṣya sukhī bhava || 50 ||
[Analyze grammar]

tīrthamutsādayaṃti sma tīrthakākā durāsadāḥ |
vinā vipraṃ niṣādeṣu bhakṣaya tvamalakṣitaṃ || 51 ||
[Analyze grammar]

ityuktaḥ prayayau pakṣī bhakṣayāmāsa tāṃstataḥ |
alakṣyabhāvo vipropi gilitastena pakṣiṇā || 52 ||
[Analyze grammar]

sa tasya galake gāḍhaṃ lālagīti dvijastadā |
vamituṃ gilituṃ cāpi na śaśāka dvijottamaḥ || 53 ||
[Analyze grammar]

gatvātha pitaraṃ prāha kimetaditi me pitaḥ |
lagnaṃ me galake satvaṃ pratikartuṃ na śaknuyāṃ || 54 ||
[Analyze grammar]

tasya tadvacanaṃ śrutvā kaśyapastamuvāca ha |
mayoktaṃ te purā vatsa brāhmaṇoyaṃ na budhyase || 55 ||
[Analyze grammar]

ityuktvā ca munirdhīmāndvijaṃ prāha sa dhārmikaḥ |
āgaccha tvaṃ mamāsannaṃ hitaṃ te pravadāmyahaṃ || 56 ||
[Analyze grammar]

tamuvāca tadā vipraḥ kaśyapaṃ munipuṃgavam |
mamaite suhṛdo nityaṃ sarve saṃbaṃdhinaḥ priyāḥ || 57 ||
[Analyze grammar]

śvaśurāḥ syālakāścāptāssabālāśca tathāpare |
etaiḥ saha prayāsyāmi nirayaṃ cāpi vā śivam || 58 ||
[Analyze grammar]

tasya tadvacanaṃ śrutvā vismitaḥ kaśyapo'bravīt |
dvijānāṃ ca kule jātaścāṃḍālaiḥ patito bhavān || 59 ||
[Analyze grammar]

puruṣāste pratiṣṭhaṃte ghore ca niraye dhruvam |
cirāya niṣkṛtisteṣāṃ naivāstīha kathaṃcana || 60 ||
[Analyze grammar]

sarvāṃścaiva durācārāṃścāṃḍālānpāpakāriṇaḥ |
doṣāṃstyaktvā naraḥ paścātsukhī bhavati nānyathā || 61 ||
[Analyze grammar]

ajñānādyadi vā mohātkṛtvā pāpaṃ sudāruṇaṃ |
tato dharmaṃ caredyastu sa gacchetparamāṃ gatiṃ || 62 ||
[Analyze grammar]

pāpakṛnna careddharmaṃ pāpe kuryānmatiṃ punaḥ |
śilānāvaṃ yathārūḍhaḥ sāgare saṃnimajjati || 63 ||
[Analyze grammar]

kṛtvā sarvāṇi pāpāni tathā durgatisaṃcayaṃ |
upaśāṃto bhavetpaścāttaṃ doṣaṃ śamayiṣyati || 64 ||
[Analyze grammar]

tamuvāca mahāprājñaṃ dvijaṃ munivarottamam |
yadimāṃ na jahātīha khagaḥ sarvāṃśca bāṃdhavān || 65 ||
[Analyze grammar]

tataḥ prāṇaṃ ca tyakṣyāmi khage marmāvaghātini |
nocettyajatu me baṃdhūnpratijñā me dṛḍhātmanaḥ || 66 ||
[Analyze grammar]

tatastārkṣyamuvācedaṃ muni rbrahmavadhe bhayāt |
udvamaitānsaviprāṃśca mlechānetānsamaṃtataḥ || 67 ||
[Analyze grammar]

vaneṣu parvatānteṣu dikṣu tānpatageśvara |
udvavāma tataḥ śīghraṃ doṣajñaḥ piturājñayā || 68 ||
[Analyze grammar]

tataḥ sarve'bhavanvyaktā akeśāḥ śmaśruvarjitāḥ |
yavanā bhojanaprītāḥ kiṃcicchmaśruyutāśca ye || 69 ||
[Analyze grammar]

agnau ca nagnakāḥ pāpā dakṣiṇasyāmavācakāḥ |
ghorāḥ prāṇivadhe prītā durātmāno gavāśinaḥ || 70 ||
[Analyze grammar]

nairṛte kuvadāḥ pāpā gobrāhmaṇavadhodyatāḥ |
kharparāḥ paścime pūrve nivasaṃti ca dāruṇāḥ || 71 ||
[Analyze grammar]

vāyavyāṃ ca turuṣkāśca śmaśrupūrṇā gavāśinaḥ |
aśvapṛṣṭhasamārūḍhāḥ prayuddheṣvanivartinaḥ || 72 ||
[Analyze grammar]

uttarasyāṃ ca girayo mlecchāḥ parvatavāsinaḥ |
sarvabhakṣā durācārāḥ vadhabaṃdharatāḥ kila || 73 ||
[Analyze grammar]

aiśānyāṃ nirayāssaṃti kartṝṇāṃ vṛkṣavāsinaḥ |
ete mlecchā sthitā dikṣu ghorāste śastrapāṇayaḥ || 74 ||
[Analyze grammar]

yeṣāṃ ca sparśamātreṇa sacelo jalamāviśet |
eteṣāṃ ca kalau deśepyakāle dharmavarjite || 75 ||
[Analyze grammar]

saṃsparśaṃ ca prakurvaṃti vittalobhātsamaṃtataḥ |
mlecchāṃstānmocayitvā tu kṣudhayā paripīḍitaḥ || 76 ||
[Analyze grammar]

punarāha dvijastāta kṣudhā me bādhatetarām |
avadadgaruḍaṃ tatra kaśyapaḥ kṛpayā drutam || 77 ||
[Analyze grammar]

tiṣṭhaṃtau vipulau tatra jighāṃsū gajakacchapau |
aprameyau mahāsatvau sāgarasyaikadeśataḥ || 78 ||
[Analyze grammar]

tāvapsu ca drutaṃ vatsa kṣudhāṃ te vārayiṣyataḥ |
sa piturvacanaṃ śrutvā tatra gatvābhipadya tau || 79 ||
[Analyze grammar]

nakhairbhitvā kūrmagajau mahāsatvau mahājavaḥ |
khamutpapāta tau dhṛtvā vidyudvego mahābalaḥ || 80 ||
[Analyze grammar]

ādhāratāṃ na gacchaṃti nagāśca maṃdarādayaḥ |
tato yojanalakṣe dve gatvā mārutaraṃhasā || 81 ||
[Analyze grammar]

mahatyāṃ jaṃbuśākhāyāṃ nipapāta mahābalaḥ |
bhagnā sā sahasā śākhā tāṃ pataṃtīṃ khageśvaraḥ || 82 ||
[Analyze grammar]

gobrāhmaṇavadhādbhīto dadhāra tarasā balī |
dhṛtvā tāṃ ruciraṃ vegāddravaṃtaṃ khe mahābalam || 83 ||
[Analyze grammar]

gatvā viṣṇuruvācedaṃ nararūpadharo hariḥ |
kastvaṃ bhramasi cākāśe kimarthaṃ patageśvara || 84 ||
[Analyze grammar]

vidhṛtya mahatīṃ śākhāṃ mahāṃtau gajakacchapau |
tamuvāca dvijastasminnararūpadharaṃ harim || 85 ||
[Analyze grammar]

garuḍohaṃ mahābāho khagarūpaḥ svakarmaṇā |
kaśyapasya munessūnurvinatāgarbhasaṃbhavaḥ || 86 ||
[Analyze grammar]

paśyaitau ca mahāsatvau bhakṣaṇārthaṃ mayā dhṛtau |
na dharā ca mamādhāro na vṛkṣā na ca parvatāḥ || 87 ||
[Analyze grammar]

anekayojanānyūrdhvaṃ dṛṣṭvā jaṃbūmahīruham |
apataṃtasya śākhāyāṃ sahemau paribhakṣituṃ || 88 ||
[Analyze grammar]

bhagnā sā sahasā śākhā tāṃ ca dhṛtvā bhramāmyaham |
koṭikoṭisahasrāṇāṃ brāhmaṇānāṃ gavāṃ vadhāt || 89 ||
[Analyze grammar]

bhayaṃ tatra viṣādo me sahasā prāviśadbudha |
kiṃ karomi kathaṃ yāmi ko me vegaṃ sahiṣyati || 90 ||
[Analyze grammar]

ityukte patagaśreṣṭhaṃ provācedaṃ haristadā |
asmadbāhuṃ samāruhya bhakṣemau gajakacchapau || 91 ||
[Analyze grammar]

garuḍa uvāca |
mamādhāraṃ na gacchaṃti sāgarāśca nagottamāḥ |
atha caivaṃ mahāsatvaṃ kathaṃ tvaṃ dhārayiṣyasi || 92 ||
[Analyze grammar]

ṛte nārāyaṇādanyaḥ ko māṃ dhārayituṃ kṣamaḥ |
trailokye kaḥ pumāṃstiṣṭhedyo vegaṃ me sahiṣyati || 93 ||
[Analyze grammar]

hariruvāca |
svakāryamuddharetprājñaḥ svakāryaṃ kuru sāṃpratam |
kṛtvā kāryaṃ khagaśreṣṭha vijānīṣe ca māṃ dhruvam || 94 ||
[Analyze grammar]

mahāsatvaṃ ca taṃ dṛṣṭvā vimṛśya manasā khagaḥ |
evamastviti coktvā sa papāta ha mahābhuje || 95 ||
[Analyze grammar]

na cacāla bhujastasya sannipāte khageśituḥ |
tatra sthitvā sa tāṃ śākhāṃ mumoca parvatālaye || 96 ||
[Analyze grammar]

śākhāpatanamātreṇa sacarācarakānanā |
cacāla vasudhā caiva sāgarāḥ pracakaṃpire || 97 ||
[Analyze grammar]

tataśca khāditau sattvau sahasā gajakacchapau |
tṛptiṃ na prāptavānsopi kṣudhā tasya na śāmyati || 98 ||
[Analyze grammar]

etajjñātvā tu goviṃdastamuvāca khageśvaram |
bhujasya mama māṃsaṃ tu bhakṣayitvā sukhī bhava || 99 ||
[Analyze grammar]

ityukte pracuraṃ māṃsaṃ bhujasya tasya tena hi |
khāditaṃ kṣudhayā putra vraṇaṃ tasya na vidyate || 100 ||
[Analyze grammar]

tamuvāca mahāprājñaścarācaraguruṃ harim |
kastvaṃ kiṃ vā priyaṃ tedya kariṣyāmi ca sāṃpratam || 101 ||
[Analyze grammar]

nārāyaṇa uvāca |
viddhi nārāyaṇaṃ māṃ hi tvatpriyārthaṃ samāgatam |
rūpaṃ svaṃ darśayāmāsa pratyayārthaṃ ca tasya vai || 102 ||
[Analyze grammar]

pītavastraṃ ghanaśyāmaṃ caturbhujamanoharam |
śaṃkhacakragadāpadmadharaṃ sarvasureśvaram || 103 ||
[Analyze grammar]

taṃ ca dṛṣṭvā garutmāṃśca praṇamya śirasā harim |
priyaṃ kiṃ te kariṣyāmi vada naḥ puruṣottama || 104 ||
[Analyze grammar]

tamabravīnmahātejā devadeveśvaro hariḥ |
bhava me vāhanaṃ śūra sakhe tvaṃ sārvakālikam || 105 ||
[Analyze grammar]

tamuvāca khagaśreṣṭho dhanyohaṃ vibudheśvara |
saphalaṃ janma me nātha tvāṃ ca dṛṣṭvādya me prabho || 106 ||
[Analyze grammar]

prārthayitvā ca pitarāvāgamiṣyāmi te'ntikam |
prīto viṣṇuruvācedaṃ bhava tvamajarāmaraḥ || 107 ||
[Analyze grammar]

avadhyaḥ sarvabhūtebhyaḥ karma tejaśca matsamam |
sarvatra te gatiścāstu nikhilaṃ tu sukhaṃ dhruvam || 108 ||
[Analyze grammar]

saṃmilatu drutaṃ sarvaṃ yatte manasi vartate |
yatheṣṭaṃ prītimāhāramakaṣṭena pralapsyase || 109 ||
[Analyze grammar]

vyasanānmātaraṃ sadyo mocayiṣyasi nānyathā |
evamuktvā hariḥ sadyastatraivāṃtaradhīyata || 110 ||
[Analyze grammar]

tārkṣyopi pitaraṃ gatvā kathayaccākhilaṃ tataḥ |
sa tacchrutvā prahṛṣṭātmā tanayaṃ punarabravīt || 111 ||
[Analyze grammar]

dhanyohaṃ ca khagaśreṣṭha dhanyā te jananī śivā |
dhanyaṃ kṣetraṃ kulaṃ caiva yasya putrastvamīdṛśaḥ || 112 ||
[Analyze grammar]

yasya putraḥ kule jāto vaiṣṇavaḥ puruṣottamaḥ |
kulakoṭiṃ samuddhṛtya viṣṇusāyujyatāṃ vrajet || 113 ||
[Analyze grammar]

viṣṇuṃ yaḥ pūjayennityaṃ viṣṇuṃ dhyāyeta gāyati |
japenmaṃtraṃ sadā viṣṇoḥ stotraṃ tasya paṭhiṣyati || 114 ||
[Analyze grammar]

prasādaṃ ca bhajennityamupavāsaṃ harerdine |
kṣayācca sarvapāpānāṃ mucyate nātra saṃśayaḥ || 115 ||
[Analyze grammar]

yasya tiṣṭhati goviṃdo mānase ca sadaiva hi |
sa eva ca labheddāsyaṃ sapuṇyaiḥ puruṣottamaḥ || 116 ||
[Analyze grammar]

janmakoṭisahasrebhyaḥ kṛtvā satkarmasaṃcayam |
kṣayācca sarvapāpānāṃ viṣṇoḥ kiṃkaratāṃ vrajet || 117 ||
[Analyze grammar]

dhanyosau mānavo loke viṣṇossādṛśyamāvrajet |
nityaḥ suravaraiḥ pūjyo lokanātho'cyuto'vyayaḥ || 118 ||
[Analyze grammar]

suprasanno bhavedyasya sa eva puruṣottamaḥ |
tapobhirbahubhirdharmairmakhairnānāvidhairapi || 119 ||
[Analyze grammar]

viṣṇurna labhyate devaistvayāsau vipra labhyate |
sapatnīvyasanāddhorānmātaraṃ te pramocaya || 120 ||
[Analyze grammar]

tato yāsyasi deveśaṃ kṛtvā mātuḥ pratikriyām |
gṛhītvā janakasyājñāṃ labdhvā viṣṇorvaraṃ mahat || 121 ||
[Analyze grammar]

aṃbāpārśvaṃ gato hṛṣṭastāṃ praṇamyāgrataḥ sthitaḥ |
vinatovāca |
abhavadbhojanaṃ te'dya putra dṛṣṭaḥ pitāpi ca || 122 ||
[Analyze grammar]

kimarthaṃ vā vilaṃbaste ciṃtayā vyathitā hyaham |
sa māturvacanaṃ śrutvā garuḍaḥ prahasanniva || 123 ||
[Analyze grammar]

kathayāmāsa vṛttāṃtaṃ sā śrutvā vismitā'bhavat |
kathaṃ ca duḥṣkaraṃ karma śiśubhāvāttvayā kṛtam || 124 ||
[Analyze grammar]

dhanyāhaṃ me kulaṃ dhanyaṃ yastvaṃ viṣṇusakho'bhavaḥ |
labdhvā varaṃ mahātmānaṃ dṛṣṭvā me hṛṣyate manaḥ || 125 ||
[Analyze grammar]

pauruṣeṇa tvayā vatsa uddhṛtaṃ me kuladvayam |
suparṇa uvāca |
mātaḥ kiṃ te kariṣyāmi priyameva taducyatām || 126 ||
[Analyze grammar]

kāryaṃ kṛtvātha yāsyāmi pārśvaṃ nārāyaṇasya ca |
etacchrutvā tu sā prāha garuḍaṃ vinatā satī || 127 ||
[Analyze grammar]

mahadduḥkhaṃ ca me cāsti kuru tāta pratikriyām |
bhaginī me sapatnī sā paṇitahaṃ tayā purā || 128 ||
[Analyze grammar]

tasyā dāsyamahaṃ prāptā kastārayati māmitaḥ |
kṛṣṇaṃ kṛtvā viṣairaśvaṃ tasyāḥ putrairmahoragaiḥ || 129 ||
[Analyze grammar]

uṣaḥkāle'vadatsā ca aśvoyaṃ kṛṣṇatāṃ vrajet |
tatohamavadaṃ tatra sadā cāyaṃ rucāsitaḥ || 130 ||
[Analyze grammar]

mithyā te vacanaṃ mātaḥ pratijñāṃ sā'karottadā |
tatohamabruvaṃ kadrūṃ śapathaṃ nāgamātaram || 131 ||
[Analyze grammar]

yadīmaṃ kṛṣṇatābhyeti hareraśvamahaṃ tadā |
kṛtā bhavāmi te dāsītyahametattadā'vadam || 132 ||
[Analyze grammar]

tatastasminhareraśve kṛte kṛṣṇe ca kṛtrimaiḥ |
tasyāḥ putraiśca dhūrtaiśca dāsītvamagamaṃ tadā || 133 ||
[Analyze grammar]

yasminkāle hyabhīṣṭañca tasyā dravyaṃ dadāmyaham |
tasminkāle hyadāsītvaṃ yāsyāmi kulanaṃdana || 134 ||
[Analyze grammar]

garuḍa uvāca |
pṛccha śīghraṃ ca mātastāṃ kariṣyāmi pratikriyām |
bhakṣayiṣyāmi tānnāgānpratijñāme yathārthataḥ || 135 ||
[Analyze grammar]

tataḥ kadrūmuvācedaṃ vinatā duḥkhitā satī |
abhīṣṭaṃ vada kalyāṇi yena mucyeya kṛcchrataḥ || 136 ||
[Analyze grammar]

abravītsā durācārā pīyūṣaṃ dīyatāmiti |
etacchrutvā tu vacanamabhavatsā ca niṣprabhā || 137 ||
[Analyze grammar]

tataḥ śanairupāgamya tanayaṃ prāha duḥkhitā |
amṛtaṃ prārthayatpāpā tāta kiṃ vā kariṣyasi || 138 ||
[Analyze grammar]

śrutvā vākyaṃ garutmāṃśca mahākrodhasamanvitaḥ |
amṛtaṃ cānayiṣyāmi mātarmā vimukhī bhava || 139 ||
[Analyze grammar]

evamuktvā tu tarasā sa gataḥ pituraṃtikam |
amṛtaṃ cānayiṣyāmi māturarthe'dhunā'nagha || 140 ||
[Analyze grammar]

sa tasya vacanaṃ śrutvā muniḥ prāha khageśvaram |
satyalokasya vai cordhve viśvakarmavinirmitā || 141 ||
[Analyze grammar]

purī cāsti sabhā ramyā devānāṃ hita hetave |
vahniprākāradurlabhyā durdharṣā cāsuraiḥ suraiḥ || 142 ||
[Analyze grammar]

rakṣārthaṃ nirmito devaḥ suraistatra mahābalaḥ |
yaṃ yaṃ paśyati vīraḥ sa sa eva bhasmatāṃ vrajet || 143 ||
[Analyze grammar]

suparṇa uvāca |
nārāyaṇādvaro labdho mayā ca munisattama |
bhayaṃ nāstīha me tāta surāsuragaṇādapi || 44 ||
[Analyze grammar]

emamuktvā garutmānsa uddhṛtya sāgarājjalam |
jagāmākāśamāviśya khagaścordhvaṃ manojavaḥ || 145 ||
[Analyze grammar]

pakṣavātena tasyaiva rajaḥ samudgataṃ bahu |
tasyāṃtikaṃ na ca tyaktamagamattasya tacca yaḥ || 146 ||
[Analyze grammar]

gatvā caṃcūjalenāpi vahniṃ nirvāpayadbalī |
rajobhiḥ paripūrṇākṣo na surastaṃ ca paśyati || 147 ||
[Analyze grammar]

jaghāna rakṣivargāṃstānamṛtaṃ cāharadbalī |
ānayaṃtaṃ ca pīyūṣaṃ khagaṃ gatvā śatakratuḥ || 148 ||
[Analyze grammar]

airāvataṃ samārūḍho vākyametaduvāca ha |
khagarūpadharaḥ kastvaṃ pīyūṣaṃ harase balāt || 149 ||
[Analyze grammar]

apriyaṃ sarvadevānāṃ kṛtvā jīve ratiḥ katham |
viśikhairagnisaṃkāśairnayāmi yamamaṃdiram || 150 ||
[Analyze grammar]

śrutvā vākyaṃ hareḥ kopāduvāca sa mahābalaḥ |
nayāmi tava pīyūṣaṃ darśayasva parākramam || 151 ||
[Analyze grammar]

etacchrutvā mahābāhurjaghāna viśikhaiḥ śitaiḥ |
yathāmerugireḥ śṛṃgaṃ toyavarṣeṇa toyadaḥ || 152 ||
[Analyze grammar]

nakhairaśanisaṃkāśairbibheda garuḍo gajam |
mātali ca rathaṃ cakraṃ tathā devānpurassarān || 153 ||
[Analyze grammar]

vyathitosau mahābāhurmātalirgajapuṃgavaḥ |
vimukhāḥ pakṣavātena sarve devagaṇāstadā || 154 ||
[Analyze grammar]

tatastu kopito jiṣṇurjaghānakuliśena tam |
kuliśasyāvapātena na ca kṣubdho mahākhagaḥ || 155 ||
[Analyze grammar]

svaṃ moghaṃ bhiduraṃ dṛṣṭvā harirbhīto'bhavattadā |
saṃnivṛtya tato yuddhāttatraivāṃtaradhīyata || 156 ||
[Analyze grammar]

sutarāmapigacchaṃtaṃ vegādbhūtalamāgataḥ |
abravītsa suraśreṣṭhaḥ sarvadevagaṇāgrataḥ || 157 ||
[Analyze grammar]

śakra uvāca |
yadi dāsyasi pīyūṣamidānīṃ nāgamātari |
bhujagāścāmarāḥ sarve kriyaṃte hi dhruvaṃ tayā || 158 ||
[Analyze grammar]

pratijñā te bhavennaṣṭā na phalaṃ jīvitasya te |
tasmādidaṃ hariṣyāmi saṃmatena tavānagha || 159 ||
[Analyze grammar]

garutmānuvāca |
yasminkāle hyadāsī sā mātā me duḥkhitā satī |
viditā sarvalokeṣu hare'mṛtaṃ hariṣyasi || 160 ||
[Analyze grammar]

evamuktvā mahāvīryo gatvovāca prasūṃ tadā |
ānītamamṛtaṃ mātastasyā eva pradīyatām || 161 ||
[Analyze grammar]

protphullahṛdayā sā ca dṛṣṭvā putraṃ sahāmṛtam |
tāmāhūyāmṛtaṃ datvā cādāsītāṃ tadā gatā || 162 ||
[Analyze grammar]

tṛṇakāṣṭhāni bhūtāni paśavaśca sarīsṛpāḥ |
dṛṣṭvā savismayāssarve devā maharṣayastadā || 163 ||
[Analyze grammar]

mocayitvā tu tāmaṃbāṃ garuḍaḥ suṣṭhutāṃ gataḥ |
etasminnaṃtare śakro jahāra sahasā sudhām || 164 ||
[Analyze grammar]

nidhāya garalaṃ tatra tayā cānupalakṣitaḥ |
prahṛṣṭahṛdayā kadrūḥ putrānāhūya saṃbhramāt || 165 ||
[Analyze grammar]

teṣāṃ mukhe dadau hṛṣṭā kṣveḍaṃ cāmṛtalakṣaṇam |
tānuvāca prasūḥ putrānyuṣmākaṃ ca kule sadā || 166 ||
[Analyze grammar]

mukhe tiṣṭhantvamī daivā biṃdavaścastanirvṛtāḥ |
maharṣayastato devāḥ siddhagaṃdharvamānuṣāḥ || 167 ||
[Analyze grammar]

ūcuḥssantu kule mātarasmākaṃ ca prasādataḥ |
nāgairvisarjitā devāḥ sasiddhā munayastathā || 168 ||
[Analyze grammar]

jagmuḥ svamālayaṃ hṛṣṭā nāgāḥ pramuditāḥ sthitāḥ |
etasminnaṃtare nāgāṃścakhāda garuḍo balāt || 169 ||
[Analyze grammar]

dikṣu palāyitāḥ śeṣāḥ parvateṣu vaneṣu ca |
sāgareṣu ca pātāle bileṣu tarukoṭare || 170 ||
[Analyze grammar]

nibhṛteṣu nikuñjeṣu sthitāḥ sarpāśca nirvṛtāḥ |
bhujagāstasya bhakṣyāśca sadaiva vidhinirmitāḥ || 171 ||
[Analyze grammar]

sa khādayitvā nāgāṃśca saṃbhāṣya pitarāvatha |
vibudhānpūjayitvā tu jagāma harimavyayam || 172 ||
[Analyze grammar]

yaḥ paṭhecchṛṇuyādvāpi suparṇacaritaṃ śubham |
sarvapāpavinirmuktaḥ suraloke mahīyate || 173 ||
[Analyze grammar]